«Երկրի նախագահը շատ ազնիվ ձևով ներկայացրեց իր պատկերացումները՝ ասելով՝ չենք փոխում Սահմանադրությունը, որպեսզի երրորդ անգամ ընտրվեմ նախագահ, ինչպես լինում է մի շարք երկրներում, եթե անցնենք խորհրդարանական կառավարման համակարգի, չեմ լինի վարչապետ: Ու այս ամբողջը ներկայացնելուց հետո տեսանք, որ կային մարդիկ կամ քաղաքական ուժեր, որոնք ունեին մանկական երազանք և փորձում են դա իրականացնել: Դա իրենց գործն է, բայց ասում են՝ կլինի ԱԺ նախագահ: Իմ ամբողջ գիտակցական կյանքում չկա որևիցե երկրի մի պրակտիկա, որտեղ սևը սպիտակի վրա գրվի, որ այս երկրի նախագահն այլևս որևէ պաշտոն չի զբաղեցնելու: Այսինքն՝ եկեք գրենք, որ պատգամավոր էլ չի կարող ընտրվել, չգիտեմ, Երևանի քաղաքապետ էլ չի կարող, ընդհանրապես, ոչ մի գործունեությամբ չպետք է զբաղվի ոչ մի նախագահ, երբ այս ժամկետն ավարտվում է: Այստեղ խնդիր կա ընկալումների առումով»:
«Ես կարծում եմ՝ այսօր ոչ իշխանական քաղաքական 3 ուժերը հոգեբանական շատ վատ վիճակում են, որովհետև իրենք էլ հաճախ մոռանում են, թե ինչ են ասում, և, կարծես թե, մեկը մյուսի ասածը չի լսում»,- 168.am-ի հետ զրույցում այս տեսակետը հայտնեց ԱԺ ՀՀԿ խմբակցության պատգամավոր Մարգարիտ Եսայանը՝ խոսելով այսօր Գյումրիում տեղի ունեցած եռյակի հանրահավաքի ժամանակ ԲՀԿ-ական պատգամավորների հնչեցրած իշխանափոխության կոչերի մասին:
Ս. Գիմիշյանը չի բացառում, որ եռյակը գործում է իշխաության հետ համատեղ, և ըստ նրա՝ նրանց խնդիրն ընդդիմադիր և իշխանական դաշտը միասին գրավելն է. «Թեթև վերաբաշխումներով մի խումբ օլիգարխներ պայքարում են մեկ այլ խումբ նախկին իշխանավոր օլիգարխների հետ: Այս պորցեսի մեջ 3 նախագահների և՛ ականջները, և՛ ոտքերը լրիվ երևում են: Սա էլ նորմալ քաղաքական պրոցես է՝ կկարողանա՞ն խաբել մեր ժողովրդին՝ լավ, եթե ոչ՝ ոչ»:
Անդրադառնալով հոկտեմբերի 10-ին կայանալիք եռյակի հանրահավաքին, Ա. Արշակյանն ասաց. «Նրանք չգիտեն, որ ամսի 10-ի իրենց հանրահավաքի արդյունքներն իրենք չեն վայելելու: Իրենք մոբիլիզացիա են սկսում, ու չգիտեն, որ այդ մոբիլիզացված հասարակությունն իրենց տրորելով անցնելու է»:
«Մենք ակնկալում ենք, որ մենք հոկտեմբերի 10-ին կստորագրենք ԵՏՄ-ին միանալու պայմանագիրը և այն ուժի մեջ կմտնի 2015 թվականի հունվար ամսից»,- այսօր լրագրողների հետ հանդիպման ժամանակ ասաց ԱԺ ՀՀԿ խմբակցության քարտուղար Հովհաննես Սահակյանը: Նաև հավելեց, թե հսկայական աշխատանք է տարվել այդ ուղղությամբ. «800-ից ավել արտոնությունների մասին է խոսքը, մոտավորապես 4-7 տարի ժամանակահատված է սահմանված ատոնութունների առումով»:
Լրագրողներից մեկի նկատառմանը, թե Ռուսաստանն այսօր տնտեսապես վտագավոր շեմում է և «մեկն էլ պետք է, որ իրեն դոնոր երկիր լինի», այս փուլում որքանո՞վ է ճիշտ շարունակել գործընթացը, Ս. Գիմիշյանն այսպես պատասխանեց. «Եթե ճիշտ էր դեպի Ռուսաստան գնալը մինչև ուկրաինական իրադարձությունները, ուրեմն՝ չի կարելի «քցել» նրան: Եթե այն ժամանակ ձեռնտու էր այդ երկրի հետ համագործակցելը, հիմա, երբ քո գործընկերը կամ ապագա գործընկեր պետությունը ընկնում է մի քիչ դժվարությունների առջև՝ քցել, փախչել չի կարելի: Ես չեմ ասում հավատարիմ լինել, ես ասում եմ ընկերություն անել: Եթե իմ ընկերը ծանր վիճակում հայտնվի, ես նրան պետք է չլքեմ, հակառակը՝ պետք է կողքին կանգնեմ»:
Հարցին, թե հոկտեմբերի 10-ին հանրապետության ճանապարհները փա՞կ են լինելու, Հ.Սահակյանը պատասխանեց. «Կարծում եմ՝ բոլորս էլ հետևում ենք եղանակի տեսությանը, ձնաբուք չի կանխատեսվում այդ օրերին, և չեմ կարծում, որ ճանապարհը փակ կլինի, այնպես որ՝ եռյակը թող առանց մտահոգվելու իր հանրահավաքը կազմակերպի»:
««Բարգավաճ Հայաստանն» ինքը չի ասում, բայց իր իսկ գործընկերներն են ասում, այսինքն՝ ինքն իշխանության հանդեպ պահելով իր լոյալությունը` մյուսներին թույլ է տալիս նման արտահայտություններ անել: Այսինքն՝ ԲՀԿ-ն դա ոչ թե այսօրվա խնդիր է համարում, այլ վաղվա: Մյուս կողմից, իհարկե, իշխանափոխության կոչերը բավականին լուրջ գործոն են հանրահավաքին մասնակիցներ հավաքելու համար»,- նշեց քաղաքագետը:
«Եթե մարդիկ խեղդվում են, խորտակվում են, երկիրը բացարձակ դատարկվել է, ի՞նչ 12 կետերի մասին է խոսքը: Ժողովրդին պետք է անմիջական քայլ կատարվի, որ փրկվեն»:
«Մեր իշխանություններին այնպես են ստրկացրել, որ այդ սրիկայությունն արած անձն այսօր դեռ խոսում է քաղաքականություն վերադառնալու մասին: Այդ քո գեղեցիկ աչքերի համա՞ր քեզ «Սիստեմայի» տնօրենների խորհրդի անդամ դարձրին: Երկիրը ծախեցիր, քեզ չպատկանող երկիրը ձրի տվեցիր ու քո անձնական հարստությունները կուտակեցիր: Հիմա այդ մարդը մտածում է իր քաղաքական կյանք վերադառնալու մասին: Սա ինքնին վկայությունն է այն մասին, որ Հայստանում չկա առողջ մտածելակերպ, որովհետև ցանկացած 10-ից 9 հայ այսօր պետք է ասեր՝ «գույք պարտքի դիմաց» գործարք կատարող մարդը հայրենիքի դավաճան է, մեր ժողովրդի՝ թշնամին»:
«ԱԻՄ առաջնորդը ողջունում է, որ 3 քաղաքական ուժերը ծրագրում են հանրահավաք, նրանց գործնականությունը. «Բայց փաստը մնում է փաստ, որ իրենք կարևորագույն խնդրին չեն անդրադառնում: Այս 3 ուժերից երկուսն ընդհանրապես ոչ միայն դեմ չեն խոսել, այլ նույնիսկ կողմ են խոսել Մաքսային միությանը: Նրանց խնդիրն, ըստ էության, մանր իշխանատիրական նկրտումներն են: Այն, որ իրենք մարդկանց հավաքում են, ոտքի են հանում, ողջունելի է: Այն, որ շատ ուշացրին, դա էլ բոլորի համար ակնհայտ է, եթե վիճակն այդպես ծանր էր, ինչի՞ էիք դուք ամիսներ շարունակ հետաձգում»:
ԱՊՀ երկրների շրջանում 8 ամսվա կտրվածքով ամենազգալի գնանկումը արձանագրվել է Հայաստանում՝ 1.2%: Գնանկում է արձանագրվել միայն հարևան Վրաստանում, իսկ ԱՊՀ մնացած բոլոր երկրներում արձանագրվել է գնաճ»:
Լ. Շիրինյանը կոչ արեց ընդդիմությանը և իշխանությանը Հայաստանը տանել փոփոխությունների ճանապարհով. «Որովհետև բևեռացող աշխարհի մեջ մենք տանուլ կտանք վերջնականորեն»:
Քաղաքագետի կարծիքով՝ այս միությանը միանալը նաև Եվրոպայի հետ լավ հարաբերվելու հնարավորություն է տալիս. «Պուտինն այն օրը հայտարարեց, որ ոչ մի խնդիր էլ չկա, Ռուսաստանը Եվրամիության հետ լայնորեն համագործակցում է: Այսինքն՝ ինքը գնում է լայնորեն համագործակության, ձեզ արգելո՞ւմ է: Կամք ունեցեք, քաղաքականություն վարեք»:
«Այս անգամ եռյակը պետք է իմանա, որ խաղի տեղ ինքը չունի, որովհետև եթե ինքը քաղաքականապես հիասթափեցրեց, սոցիալական հարցին տեղ չեղավ, այլևս ոչ մի հավատ չի մնալու: Այն կուսակցություններն ու կառույցները, ովքեր սպասողական դիրք են վերցրել, սրանք դառնում են գործընթացի, նաև իշխանության հանդեպ մեղքի բաժին ունեցողներ, որովհետև իշխանությունը պետք է լինի նորմալ ճնշման տակ և նա պետք է գործի: Սոցիալական հարցը քաղաքական հարցից բաժանել հնարավոր չէ, դա միշտ վերածվում է քաղաքական հարցի: Կամ սոցիալական հարցը չի կարող լուծվել՝ առանց քաղաքական լուծումների»,- նկատեց քաղաքագետը:
Ն. Իվանյանը նշեց, որ 100 հատ դիմում ունի վարչապետի մոտ. «Հիմա էլ ասում եմ՝ թող ինձ ընդունի պարոն վարչապետը, որ բոլոր փաստերը ներկայացնեմ՝ իմանա՝ որը որից հետո ա: Ինքն ա, չէ՞, գործատուն, ինչի՞ չի պատժում նման տականքին»:
Ա. Նիկողոսյանի խոսքով, պաշտոնական տվյալներով՝ միայն այս տարի 9 կին է մահացել ընտանեկան բռնության հետևանքով, իսկ գրանցվել են 1500-ից ավելի ընտանեկան բռնության դեպքեր.
«Ինչպես մեր ունեցած բոլոր փաստերն են վկայում կատարվածը եղել է ոչ թե ինքնասպանություն, ինչպես խեղաթյուրել է նախաքննությունը, այլ եղել է սպանություն: Նախ, զենքը գրանցված չէ որդուս անունով, զենքի վրա չկան մատնահետքեր, կեղծված է զենքի ստացման մատյանը, և չկան վկաների ցուցմունքները»:
Վարչապետի հետ հանդիպման գնացած Սողոսմոն Գրիգորյանն ասաց, որ իրենք զգացին, որ վարչապետը շատ հետաքրքրված էր այդ հարցով և հավատում են, որ այս հարցը առևտրականների օգտին է լուծում ստանալու։
Երեք օր շարունակ Ցուցարարները իրենց բողոքի ակցիաները անցկացնում էին Ազգային ժողովի դիմաց։ Այս ընթացքում ցուցարարների հետ հանդիպելու էին գալիս տարբեր քաղաքական ուժերի ներկայացուցիչներ։ Հիշեցնենք, որ քաղաքական ուժերը երեկ խոստացան, որ նոր օրենքի մասին քննարկումները շարունակվելու են այսօր։
Քիչ առաջ Ազգային ժողովի դիմաց ցույց անող փոքր և միջին բիզնեսն ներկայացուցիչների հետ հանդիպման իջավ ՕԵԿ-ական պատգամավոր Հեղինե Բիշարյանը, ով տեղեկացրեց, որ իշխանությունները ընդհանրապես տրամադրված չեն դրական լուծում տալ «Շրջանառության հարկի մասին» նոր օրենքին։
Քիչ առաջ Ազգային ժողովի դիմաց ցույց անող փոքր և միջին բիզնեսի ներկայացուցիչների հետ հանդիպման եկավ պատգամավոր Նիկոլ Փաշինյանը և տեղակացրեց, որ «Շրջանառության հարկի մասին» նոր օրենքը այժմ քննարկվում է ԱԺ-ում և նշեց, որ գրեթե բոլոր քաղաքական ուժերը, այդ թվում նաև մեծամասնություն կազմող հանրապետականները, տեսնում են որոշակի խնդիրներ այդ օրենքի մեջ։
Քիչ առաջ Ազգային ժողովի դիմաց ցուցարարներից մեկը տեղեկացրեց, որ ստեղծվել է «Կասեցում» քաղաքացիական նախաձեռնություն, որը պայքարելու է «Շրջանառության հարկի մասին» նոր օրենքի դեմ։ Նա ասաց, որ ֆեյսբուքում բացել են «Կասեցում» անվանումով խումբ, որտեղ տեղադրելու են իրենց հետագա քայլերի մասին նյութեր և տեղեկություններ։ Նա նշեց, որ «Շրջանառության հարկի մասին» նոր օրենքը ոչ թե խոշոր բիզնեսի դեմ պայքարի միջոց է, այլ այն ոււղղակիորեն փոքր և միջին բիզնեսի դեմ է։
Քիչ առաջ Ազգային ժողովի մոտ բողոքի ցույց իրականացնող առևտրականների հետ հանդիպման իջավ ՕԵԿ պատգամավոր Հովհաննես Մարգարյանը։ Նա տեղկացրեց, որ քաղաքական ուժերը այսօր 15։30-ին կառավարությանը քննարկման են հրավիրել «Շրջանառության հարկի մասին» օրենքը քննարկելու համար։ Նա տեղկացրեց, որ քննարկման ընթցաքում բոլոր քաղաքական ուժերը ներկայացրել են իրենց դիրքորոշումները օրենքի վերաբերյալ և գրեթե բոլորի դիրքորոշումները հաընկնում են։
«Պատասխան չկա, հստակեցնենք, որ 26-ը այն ամսաթիվն է, որը դրվել է Եվրոպական դատարանի կողմից, այսօր մենք չունենք որևէ լուր, բոլորովին այլ է, որ մենք պետք է նորից դիմենք, զուտ վիճակն իմանալու համար»,- լրագրողների հետ հանդիպման ժամանակ՝ խոսելով Կ. Պետրոսյանի դիակի վերդարձման վերաբերյալ Ադրբեջանի դիրքորոշման մասին, ասաց «Ընդդեմ իրավական կամայականությունների» հ/կ-ի նախագահ Լարիսա Ալավերդյանը:
Հարցին, թե ԼՂ-ի շուրջ բանակցությունները սառեցվա՞ծ են, Լ.Ալավերդյանը պատասխանեց, որ իր կարծիքով՝ բանակցություններ գոյություն չունեն, դրանք հանդիպումներ են. «Այդպիսի հանդիպումները չեն կարող բանակցություններ կոչվել, որովհետև անմիջական կողմը՝ Լեռնային Ղարաբաղի Հանրապետությունը, ոչ միայն ընդգրկված չէ, այլ ավելի և ավելի դե յուրե հեռացվում է այդ բանակցային գործընթացից»:
Մարդու իրավունքների պաշտպանի խորհրդականը նշեց, որ օրենքում հաշվի չեն առել տարբեր շուկաների ոլորտների առանձնահատկությունները. «Մի շուկայի վրա օրենքը կարող է դրական անդրադառնալ, մեկ այլ շուկայի վրա ծայրահեղ բացասական: Այսինքն՝ պետք է այլընտրանքային, փոխզիջումային մոտեցում մշակել, որը կբխի բոլոր առևտրականների շահերից: Մենք այդ ամենը հաշվի ենք առել, և պաշտպանի հանձնարարականով հիմա ուսումնասիրում ենք խնդիրը ու շուտով մենք մեր դիրքորոշմամբ և հստակ առաջարկություններով հանդես կգանք»:
Մեզ հետ զրույցում մի մեծահասակ առևտրական կին էլ նշեց, որ ինքը 81 տարեկան է և եկել է այստեղ, որպեսզի խնդրի կառավարությանը՝ թույլ տան իրենց աշխատել այնպես, ինչպես նախկինում. «Այս տարիքիս ես աշխատում եմ 12 ժամ մի կտոր հացի համար, բայց ես նենց ազգից եմ, որ ինձ թույլ չեմ տա հաց մուրալ: Խնդրում եմ օրենքին՝ հաշվի առնել մեր այս տարիքը, մեր այս վատ ապրելաձևը, մեզ կյանք տան, որ մենք ապրենք: Եթե մարդիկ են, եթե ծնողներ ունեն, զավակներ ունեն, պետք է հաշվի առնեն: Այս րոպեին ես 5 զինվոր եմ պահում, որ ժամանակին եթե պետք լինի, հայրենիքս պաշտպանեն»:
Այս պահին ԱԺ շենքի դիմաց բողոքի ակցիա են անցկացնում Երևանի տոնավաճառների աշխատակիցները` փոքր և միջին բնզնեսի ներկայացուցիչները, որոնք պայքարելու են եկել հոկտեմբերի 1-ից գործող «Շրջանառության հարկի մասին» օրենքի դեմ։
«Ղազախստանի արտգործնախարարն ու Ամերիկայի արտգործնախարարը՝ Քերին, Ամերիկայում հանդիպել են, խոսել են Ղազախստանի՝ Առևտրի համաշխարհային կազմակերպություն մտնելու մասին: Իսկ այնտեղ բազմաթիվ պահանջներ կան, որ պետք է կատարվեն: Մանավանդ, Եվրոպայի և Ամերիկայի հետ բավական լավ հարաբերություններ ունի Ղազախստանը: Եթե նա մտնի Մաքսային միություն՝ շատ խնդիրներ կլինեն, հնարավոր է՝ չեղյալ համարի: Այդ առումով՝ իրենք էլ փորձում են ծլկել: Պուտինը դրա հոտն առել էր, ասել էր՝ ղազախական պետություն երբեք չի եղել: Եթե Ղազախստանը դուրս գա, համոզված եմ՝ Լուկաշենկոն էլ դուրս կգա»:
