Ամեն տարի արտագնա աշխատանքի մեկնող հայ շինարարները, ովքեր կորոնավիրուսի պատճառով չեն կարողացել կրկին մեկնել երկրից, խնդրի առջև են կանգնել։ Նրանք վստահեցնում են, որ Հայաստանում չեն կարողանում աշխատանք գտնել, իսկ պատճառները տարբեր են:
Ճարտարապետների պալատի նախագահ Մկրտիչ Մինասյանը, ով ավելի վաղ անդրադարձել էր Երևանի գլխավոր ճարտարապետի պաշտոնում Արթուր Մեսչյանի նշանակմանը՝ ընդգծելով, որ կուզեր Մեսչյանի խոսքը կտրուկ լինի, իրեն հարգեն, իր ասած խոսքը, և լսեն՝ որպես մասնագետի, 168.am-ի հետ զրույցում ասաց, որ Արթուր Մեսչյանը բավականաչափ կոշտություն ցուցաբերել է, սակայն դա բավարար չէ, նրա թիկունում պետք է կանգնած լինի քաղաքապետը, որովհետև դժվար խնդիրներ են լուծում:
Փակվել է Հանրային հեռուստաընկերության «Երգ երգոց» երաժշտական նախագիծը, որը 10 տարվա հեռուստատեսային կյանք ուներ։ Հաղորդաշարի թեման հայ երգն էր՝ սկսած միջնադարյան տաղերից՝ մինչև ժամանակակից հեղինակային երգեր:
ՀՀ ԳԱԱ ՕԴՔԳՏԿ նախաձեռնող խմբի անդամներ Ռոբերտ Հակոբյանը, Աստղիկ Շահխությանը, Արփինե Հարությունյանը հուլիսի 22-ին ՀՀ Գիտությունների ազգային ակադեմիայի Օրգանական և դեղագործական քիմիայի գիտատեխնոլոգիական կենտրոնի օտարված հողամասում նախատեսվող շինարարական աշխատանքների կասեցման վերաբերյալ նամակ էին ուղղել ՀՀ նախագահ Արմեն Սարգսյանին, խիստ հիասթափվել են ստացած՝ «Այս հարցը նախագահի իրավասություններից դուրս է» պատասխանից:
Հայաստանի պետական տնտեսագիտական համալսարանում հուլիսի 17-ին ավելի քան 3 ժամ տևած նիստի արդյունքում կառավարման խորհրդի 26 անդամից 22-ը փակ գաղտնի քվեարկությամբ իր ձայնը տվեց հօգուտ համալսարանի նախկին ռեկտոր Դիանա Գալոյանի:
«Մոնթե Մելքոնյան» տնատիրության զարգացման ՀԿ նախագահ Սերգեյ Գրիգորյանը Էրեբունի վարչական շրջանի 3-4-րդ զանգվածի բնակիչների անունից հայտնել էր, որ երկար ժամանակ խնդրի առջև են կանգնած. չկա կոնկրետ հասցե, վերանորոգված և լուսավորված ճանապարհ, խմելու և ոռոգման ջուր:
«Մոնթե Մելքոնյան» տնատիրության զարգացման ՀԿ նախագահ Սերգեյ Գրիգորյանն ահազանգում է՝ Էրեբունի վարչական շրջանի 3-4-րդ զանգվածի բնակիչները երկար ժամանակ խնդրի առջև են կանգնած. չկա կոնկրետ հասցե, վերանորոգված և լուսավորված ճանապարհ, խմելու և ոռոգման ջուր:
Հուլիսի 31-ին ՀՀ վարչապետ Նիկոլ Փաշինյանն ընդունել է ռեստորանային բիզնեսի ներկայացուցիչներին: Հանդիպման ընթացքում քննարկվել են ոլորտի խնդիրներն ու դրանց լուծման հնարավորությունները:
ՀՀ կրթության, գիտության, մշակույթի և սպորտի նախարարությունը հանրային քննարկման է ներկայացրել հանրակրթության պետական առարկայական չափորոշիչների և օրինակելի ծրագրերի նախագիծը:
Նա նշեց, որ ծրագրի իրականացման արդյունքում ակնկալում են բավականին լուրջ արդյունքներ, և դրանք կլինեն շոշափելի թե՛ պետության իրավական մեխանիզմների հարստացման, թե՛ հանրային իրազեկման բարձրացվածության տեսանկյունից:
«Մեդիա կենտրոն»-ը տեսակապի միջոցով մամուլի ասուլիս էր կազմակերպել, որի ժամանակ ներկայացվեց «Կին իրավապաշտպանները քայլեր են ձեռնարկում Հայաստանում գենդերային բռնության դեմ» ծրագիրը։
«7-8-9-րդ դասարանների ամբողջ գործնական նյութը խարսխված է գեղարվեստական գրականության վրա։ Միջառարկայական կապերի մատուցումը ավելի շատ ձևական բնույթ է կրում: Ծրագիր կազմելու համար փորձ ունեցող, ոլորտի առավել գիտակ մարդկանց պետք է ընդգրկել: Իմ մասին չէ խոսքը, առաջարկ լինի էլ՝ չեմ գնա, դա իմ գործը չեմ համարում, բայց պետք չէ արհամարհել գիտնականի կարծիքը: Հո դպրոցը միայն ուսուցչինը չէ: Ի՞նչ է նշանակում՝ հեռու պահեք գիտնականներին»,- եզրափակեց մեր զրուցակիցը:
34-ամյա Տաթևիկ Մաթևոսյանը կրծքագեղձում զարգացող չարորակ ուռուցքային հիվանդություն ունի: Հարազատների փոխանցմամբ՝ բուժման համար բավականին մեծ, մոտ 8 միլիոն դրամ գումար է անհրաժեշտ:
ՀՀ կրթության, գիտության, մշակույթի և սպորտի նախարարության հանրային քննարկման ներկայացված հանրակրթության պետական առարկայական չափորոշիչների և օրինակելի ծրագրերի նախագիծը շարունակում է քննարկվել մասնագետների և հասարակության շրջանում: Թիրախում նաև հայ ժամանակակից գրողների ստեղծագործություններն են:
«ՀՀ կառավարությունը հրատապ պետք է ռուսների հետ բանակցի, որպեսզի հասկանա հակահայկական արշավի դրդապատճառները և կանգնեցնի Ռուսաստանում հայկական մեքենաներն առգրավելու գործընթացը»,- 168.am-ի հետ զրույցում ավելի վաղ ասել էր ավտոներկրող Զոհրաբ Իգիթյանը:
Արտակարգ իրավիճակի պայմաններում հետաքրքիր գնանկում տեղի ունեցավ, ահագին դեղեր էժանացան, բացի դա՝ շուտով, եթե «Զուգահեռ ներմուծման մասին» օրենքը հաստատվի, ապա դեղերի շուկայում գնալով էժանացում կլինի: Վրաստանում ԱԱՀ չկա, դրա համար մեզանից 15-20 տոկոս էժան է: Մեզ մոտ էլ օրենքով պետք է հանվի ԱԱՀ-ն»,- մանրամասնեց դեղատներից մեկի սեփականատերը, ում անունն իր խնդրանքով չենք նշում:
«Որպեսզի հիվանդացողների, մահացողների քանակը քիչ լինի՝ հին գիտելիքներից, նոր ինֆորմացիայից հայտնի դարձավ, որ այս վիրուսը պղնձի շերտի վրա շատ կարճ է ապրում: Այս մասին ես տեղեկացա Մեծ Բրիտանիայի Սաութհեմփթոնի համալսարանի տվյալներից: Որոշ ժամանակ աշխատելուց հետո բամբակի շերտի վրա ստեղծեցինք պղնձի և արծաթի նանոմասնիկներով շերտ, որը տրվեց ՀՀ ԳԱԱ Մոլեկուլային կենսաբանության ինստիտուտին, այնտեղ փորձ կատարեցին, և արդյունքները ցույց տվեցին, որ մեկ րոպեում 10.000 վիրուս վերացել է: Եվ, հաշվի առնելով, որ բամբակը բնական նյութ է, ալերգիա չի առաջացնում, վիրուսասպան է, ստեղծեցինք դիմակ»,- 168.am-ի հետ զրույցում ասաց Աշոտ Մարգարյանը:
«Շատ անբարոյական գործեր կարող է գրված լինեն շատ ավելի մեծ գեղարվեստականությամբ, քան հայրենասիրական որոշակի գործեր: Հիմա դպրոցի պարագայում մեր սկզբունքը միայն պետք է լինի ինքնին գեղարվեստականությո՞ւնը, թե՞ նաև դաստիարակչականությունը, որ ՀՀ քաղաքացի, հայրենիքի պաշտպան, համամարդկային բարձր իդեալներով, գաղափարներով տոգորված մարդ դաստիարակի: Այսինքն, առաջնայինը դաստիարակչակա՞նն է լինելու, թե՞ գեղարվեստականությունը»:
«Նախորդ դասագրքերը երբեք աչքի չեն ընկել աշակերտների համար իրենց ընկալողությամբ: Դրանք նույնպես եղել են բավականին ծանրաբեռնված: Եվ հետո, մենք պետք է հասկանանք, որ շատ կարևոր է աշակերտին տալ ոչ թե թվեր ու փաստեր, այլև ստեղծենք այնպիսի միջավայր, որ աշակերտը սկսի մտածել պատմական այս կամ այն իրադարձության մասին: Մեզ պետք են վերլուծող աշակերտներ, առաջին հերթին՝ մտածող քաղաքացիներ, ոչ թե շատ փաստեր իմացող, անգիր արած ու դատողություն չանող աշակերտներ»,- 168.am-ի հետ զրույցում, խոսելով ՀՀ հանրակրթական դպրոցի Հայոց պատմություն առարկայի ուսումնառության նոր հայեցակարգի և չափորոշիչների մասին՝ ասաց պատմաբան, «Արևելք» հետազոտական, վերլուծական կենտրոնի տնօրեն Գևորգ Մելքոնյանը:
«Պաղպաղակների պատրաստման ժամանակ ընկերությունների երևի 99 տոկոսը կարագ չի օգտագործում: Ստանդարտով նախատեսված է սերուցքային կարագ, սակայն բուսական յուղ են օգտագործում: Օրենքը չի արգելում, բայց եթե էժան է այն, ինչ օգտագործվում է, բնական է՝ պաղպաղակի գինը պետք է էժան լինի, սակայն այդպես չէ»,- 168.am-ի հետ զրույցում ասաց «Սպառողների ազգային ասոցիացիայի» փոխնախագահ, մոնիտորինգի և մարքետինգային հետազոտությունների բաժնի պետ Ռուբեն Հայթյանը:
«Թուղթը բանկից վերցնում ես, կուզես՝ գնա ստուգման, կուզես՝ ոչ: Կամ, որ գնում ես, ի՞նչ են ստուգում: Ես հատուկ տարել եմ իմ մեքենան՝ տեսնեմ, թե ի՞նչ են անում: Մենակ արգելակներն են ստուգել: Հա, ես իրենց գրելուն, խորհրդին չեմ նայում, իմ մեքենաները սարքում եմ, բայց մի բանը, որ ձևական է՝ դրա համար այսօր կառավարության որոշում ընդունելու իմաստը ո՞րն է: Դեռ չեն սահմանել, թե որն է տաքսին: Ես տաքսի համարում եմ այն մեքենան, որը տաքսի վարելու լիցենզիա ունի: Ո՞նց են նման օրենք ընդունում: Կամ տեխզննման մեջ ներառված է էկոլոգիայի վճար, չգիտեմ ինչեր, իսկ ո՞վ ասաց, որ 6 ամիսը մեկ մարդն ավելորդ գումարներ պետք է վճարի: Շատ-շատ 6 ամսվա համար 5000 դրամ պետք է վճարի, ինչը նախատեսված է տեխզննություն անցկացնող կենտրոնի համար»:
Հայաստանում գտնվող Ռուսաստանի քաղաքացիները Ռուսաստանի Դաշնության դեսպանատան դիմաց բողոքի ակցիա անցկացրեցին՝ պահանջելով, որպեսզի իրենց հնարավորություն տրվի մեկնել Ռուսաստան:
ՀՀ կրթության, գիտության, մշակույթի և սպորտի նախարարությունը հանրային քննարկման է ներկայացնում հանրակրթության պետական առարկայական չափորոշիչների և օրինակելի ծրագրերի նախագիծը, որը հրապարակվել է նախարարության պաշտոնական կայքում:
«Որ օրն անձրև է գալիս՝ վախենում ենք, որ կարող է պատերը փուլ գան: Մարզպետարան, քաղաքապետարան դիմել եմ, հաճախ օգնել են գումարով, սնունդով, բայց ինձ հիմնականում տուն է պետք, հանրակացարան, գոնե մեկ սենյակ, որ երեխաներիս հետ գնամ, ապրեմ: Տղաս նախազորակոչային տարիքի է, ոտքը կոտրվել է, գիպսի մեջ է, ու այս խոնավությունից հիմա ոտքը ցավում է: 4 փոքր սենյակ է, ոչ բաղնիքն է երևում, ոչ խոհանոցը, ոչ էլ սենյակները: Երբեք վերանորոգման աշխատանքներ չեն կատարվել, անգամ դուռ-պատուհան չի եղել, կիսատ-պռատ դրել, թողել-գնացել են, ասել են՝ յոլլա գնա, մինչև մի բան կլինի: Հիմա տունը լրիվ հիմքից քանդվում է»,- 168.am-ի հետ զրույցում ասաց տան բնակիչ Համեստ Հախումյանը:
«Մոտ մեկ ամիս առաջ առաջացավ գաղափարը: Դա սկսվեց այն պահից, երբ ՌԴ-ում լուրեր էին շրջանառվում, որ նման սարք են օգտագործում, և հիմնականում՝ Կրեմլում: Դե մենք այստեղ լավ թիմ ունենք, միասին քննարկեցինք, հասկացանք, թե ինչ բաղադրության նյութ է օգտագործվում, ու որոշեցինք սարքել»,- 168.am-ի հետ զրույցում ասաց Վեդիի «Արմաթ» ինժեներական լաբորատորիաների ղեկավար Օրբել Խաչատրյանը:
Ավտոներկրողներն ահազանգում են՝ Ռուսաստանում բռնում-տանում, կալանքի տակ են գցում և ստիպում են մաքսազերծել հայկական համարանիշով մեքենաները, ինչը հակասում է ԵԱՏՄ ընդհանուր տարածքի հիմնարար գաղափարին:
«ՀՊՏՀ-ում կատարված ապօրինությունները փաստաթղթավորված, հիմնավորված և ապացուցված՝ վաղը կամ հաջորդ օրը ներկայացնելու եմ Քննչական կոմիտե, Դատախազություն: Կարծում եմ ՝ իշխանությունը պատասխանատվության կենթարկի բոլոր մեղավորներին»,- մամլո ասուլիսի ժամանակ ասաց Հայաստանի պետական տնտեսագիտական համալսարանի ռեկտորի նախկին պաշտոնակատար Ռուբեն Հայրապետյանը:
«Հաշվի առնելով մեր բացառիկ անբարենպաստ աշխարհաքաղաքական իրավիճակը, կրթությունը, մարդկային կապիտալի զարգացումն իրականում մեր միակ փրկությունն է, հույսը: Սա հստակ պետք է ձևակերպվի՝ որպես ազգային անվտանգության խնդիր, պետք է կատարվեն վճռական իրական ռեֆորմներ: Կրթության պատասխանատուները ոչ միայն քայլեր չեն կատարել այս ուղղությամբ, այլև ԿԳՄՍ կողմից ստեղծվել է ապօրինությունների մի շղթա՝ հին համակարգը վերարտադրելու նպատակով»,- ասուլիսի ժամանակ ասաց Հայաստանի Պետական տնտեսագիտական համալսարանի ռեկտորի նախկին պաշտոնակատար Ռուբեն Հայրապետյանը:
