Ախուրյանի թիվ 2 դպրոցը փակ է. կորոնավիրուսով վարակված ուսուցիչներին տեղափոխել են Երևան
«Ախուրյանի թիվ 2 դպրոցը փակ է։ Կորոնավիրուս է հաստատվել 10 մանկավարժի մոտ, երկուսն այսօր տեղափոխվել են Երևան՝ հետագա բուժումը շարունակելու համար: Նրանք տարբեր տարիքի են»,- այս մասին 168.am-ի հետ զրույցում հայտնեց Ախուրյանի համայնքապետ Արծրունի Իգիթյանը։
Հարցին՝ արդյո՞ք կորոնավիրուսով վարակվածության դեպք կա նաև աշակերտների շրջանում, համայնքապետը պատասխանեց, որ նման դեպք դեռևս չի գրանցվել:
Ինչ վերաբերում է նրանց թեստավորելուն՝ նշեց, որ չի կարող ասել, առայժմ հայտնի չէ՝ աշակերտներին կթեստավորե՞ն, թե՞ ոչ:
Ինչ վերաբերում է դասերին, ապա դրանք դադարեցված չեն. Անցել են հեռավար ուսուցման։
