Նախագահ Սերժ Սարգսյանը ցավակցական հեռագիր է հղել ԱՄՆ նախագահ Դոնալդ Թրամփին Նյու Յորքում տեղի ունեցած ահաբեկչական հարձակման կապակցությամբ, որը տասնյակ անմեղ զոհերի և վիրավորների պատճառ է դարձել:
ՀՀ քննչական կոմիտեի Արմավիրի մարզային քննչական վարչությունում քննվող քրեական գործով Արմավիրի բնակչին մեղադրանք է առաջադրվել՝ դանակի գործադրման սպառնալիքով ակնհայտ անչափահասին պատանդ վերցնելու, երկու անձանց նկատմամբ սպանության փորձ կատարելու համար:
Լուռու մարզում նախօրեին գրանցվել է հերթական ընտանեկան բռնության դեպքը: Ամուսինների միջև վիճաբանությունն այնքան է թեժացել, որ միջամտել են նաև երեխաները՝ ծեծելով հորը:
Վարչապետ Կարեն Կարապետյանի գլխավորությամբ կառավարությունում տեղի է ունեցել Հյուսիս-հարավ ճանապարհային միջանցքի և Քաղաքային կայուն զարգացման ներդրումային ծրագրերի կառավարման խորհրդի հերթական նիստը:
Արցախի Հանրապետության Նախագահ Բակո Սահակյանը նոյեմբերի 1-ին աշխատանքային խորհրդակցություն է հրավիրել շրջվարչակազմերի ղեկավարների մասնակցությամբ:
Քաղաքական և միջազգային հետազոտությունների հայկական կենտրոնի փորձագետ, քաղաքագետ Ռուբեն Մեհրաբյանն այսօր լրագրողների հետ հանդիպման ընթացքում խոսելով խորհրդարանի կողմից վերջերս ընդունված և հասարակական մեծ աղմուկ առաջացրած «Զինվորական ծառայության և զինծառայողի կարգավիճակի մասին» օրենքի նախագծի մասին՝ ասաց, որ վիճահարույց ոչինչ չի տեսնում դրանում. «Նման իրավիճակում, երբ կա մշտական արտաքին վտանգ, և տեսանելի հեռանկարում այդ վտանգը չի վերանալու, հայկական զինուժը չի կարող լինել միայն պրոֆեսիոնալ կամ պայմանագրային հիմունքներով։ Այսինքն՝ այս համընդհանուր զորակոչը պետք է պահպանվի»։
Վարչապետ Կարեն Կարապետյանն այսօր այցելել է «Հայաստան» համահայկական հիմնադրամի գրասենյակ՝ ծանոթացել կառույցի 25-ամյա գործունեությանը և ծրագրերին: Ամենամյա հեռուստամարաթոնին ընդառաջ կառավարության ղեկավարը հիմնադրամին է փոխանցել իր մեկ տարվա աշխատավարձը:
Նախագահ Սերժ Սարգսյանն Եվրոպական կրթական տարածաշրջանային ակադեմիայի հիմնադրման 15-ամյակի կապակցությամբ այցելել է կրթական այդ հաստատություն:
«Շատ կարևորում եմ այս այցը, քանի որ կարևոր է, որ մեր վարչապետն ավելի շատ տեղեկություն ստանա հիմնադրամի աշխատանքի մասին։ Կարևոր է, որ նա իր աչքերով տեսնի, թե որտեղ են հավաքվում այդ ամբողջ միջոցները և ինչ ծրագրերի վրա են ուղղվում»,- լրագրողների հետ զրույցում անդրադառնալով ՀՀ վարչապետ Կարեն Կարապետյանի՝ «Հայաստան» համահայկական հիմնադրամ կատարած այցին, այս մասին ասաց հիմնադրամի գործադիր տնօրեն Արա Վարդանյանը։
Կատալոնիայի ղեկավարի պարտականությունների կատարումից հեռացված Կառլես Պուչդեմոնը նոյեմբերի 2-ին չի ներկայանա Իսպանիայի ազգային դատական կոլեգիա՝ ցուցմունքներ տալու:
Վրաստանի ենթակառուցվածքների և տարածքային զարգացման նախարարության ճանապարհային դեպարտամենտից ՀՀ տրանսպորտի, կապի և տեղեկատվական տեխնոլոգիաների նախարարությանը տեղեկացնում են, որ նոյեմբերի 1-ին՝ ժամը 15.00-ի դրությամբ, Ստեփանծմինդա-Լարս ավտոճանապարհը բաց է բոլոր տեսակի տրասնպորտային միջոցների համար։ ն տեխնոլոգիաների նախարարության լրատվական ծառայությունից:
Իրանը դատապարտել է Նյու Յորքում իրականացված ահաբեկչական գործողությունը՝ ցավակցություն հայտնելով հարձակման զոհերի ընտանիքներին:
Մամուլում օրերս լուրեր տարածվեցին այն մասին, որ ՀՀ կառավարությանն առընթեր Պետական գույքի կառավարման վարչության «Աճուրդի կենտրոն» պետական ոչ առևտրային կազմակերպությունն աճուրդի է հանել ՀՀ մշակույթի նախարարության «Հայաստանի պատմության թանգարան» պետական ոչ առևտրային կազմակերպությանը սեփականության իրավունքով պատկանող՝ դասական աճուրդով օտարման ենթակա գույքը:
Նախագահ Սերժ Սարգսյանը Միավորված ազգերի կազմակերպությանը Հայաստանի Հանրապետության անդամակցության և Հայաստանում ՄԱԿ-ի գործունեության 25-ամյա հոբելյանների կապակցությամբ այսօր այցելել է ՄԱԿ-ի հայաստանյան գրասենյակ:
Սոցիալական աշխատողի ինստիտուտի կայացում, սոցիալական աշխատողի առաքելություն, ինտեգրված սոցիալական ծառայությունների համակարգում սոցիալական աշխատողի դերի կարևորում. հանրային ռադիոյի «Կենսաձև» հաղորդման շրջանակներում այս հարցերի շուրջ է խոսել ՀՀ աշխատանքի և սոցիալական հարցերի նախարարության սոցիալական աջակցության վարչության պետ Աստղիկ Մինասյանը:
Հակավիրուսային «Կասպերսկի լաբորատորիա»-ն հայտնել է բանկերի դեմ նոր թիրախային կիբեռգրոհի մասին: «Արմենպրես»-ի հետ զրույցում Տեղեկատվական անվտանգության փորձագետ Սամվել Մարտիրոսյանն ասաց, որ կիբեռգրոհի արդյունքում տուժել են նաեւ հայկական բանկերը: «Բանկային համակարգի վրա բավականին մեծ հարձակում է տեղի ունեցել, որի թիրախում հիմնականում ռուսական բանկերն են հայտնվել, բայց գրոհից անմասն չեն մնացել նաեւ հայկական եւ մալազիական բանկերը»,-ասաց նա:
ՀՀ վարչապետ Կարեն Կարապետյանն այսօր՝ նոյեմբերի 1-ին, այցելեց «Հայաստան» համահայկական հիմնադրամ: Ամենամյա հեռուստամարաթոնին ընդառաջ, որն այս տարի տեղի կունենա նոյեմբերի 23-ին, վարչապետը ծանոթացավ հիմնադրամի 25-ամյա գործունեությանը, իրականացրած ծրագրերին:
Ռուբեն Մեհրաբյանի կարծիքով՝ Արցախի հարցի շուրջ ընթացող բանակցությունները ոչ թե կարգավորման, այլ կոնֆլիկտի մենեջմենթի մասին են։
Նոյեմբերի 5-ին Հայաստանի 69 համայնքներում տեղի են ունենալու տեղական ինքնակառավարման մարմինների ընտրություններ, դրանցից 3-ում` համայնքի ղեկավարի արտահերթ ընտրություններ, իսկ թվով 34 համայնքներ խոշորացված են, այսինքն` ընտրություններին ընդհանուր կմասնակցեն 359 համայնքներ: Այս մասին այսօր Աժ-ում լրագրողների հետ զրույցում հայտարարեց ԿԸՀ նախագահ Տիգրան Մուկուչյանը` նշելով, որ տեղամասեր լինելու են բոլոր բնակավայրերում:
ՀՀ Նախագահ Սերժ Սարգսյանը նոյեմբերի 1-ին ցավակցական հեռագիր է հղել Գրիգորյանների ընտանիքին Հայաստանի Հանրապետության ժողովրդական արտիստ, Երևանի Կ. Ստանիսլավսկու անվան ռուսական պետական դրամատիկական թատրոնի գեղարվեստական ղեկավար և գլխավոր ռեժիսոր Ալեքսանդր Գրիգորյանի մահվան կապակցությամբ:
2018 թվականի պետական բյուջեի նախագծով ՀՀ կենտրոնական ընտրական հանձնաժողովի համար նախատեսվել է 298 միլիոն 385 հազար դրամ: Այսօր Ազգային ժողովում բյուջեի նախագծի քննարկման ժամանակ ԿԸՀ նախագահ Տիգրան Մուկուչյանն ասաց, որ ծախսերի հիմնական մասը՝ 78 տոկոսը, աշխատավարձն է:
Ռուսաստանի նախագահ Վլադիմիր Պուտինը ժամանել է Թեհրան՝ հանդիպելու Իրանի եւ Ադրբեջանի ղեկավարների հետ, տեղեկացնում է «Ինտերֆաքս»-ը:
Նոյեմբերի 2-ի գիշերը Վայոց Ձորում, Սյունիքում և Արցախում, 6-ին շրջանների զգալի մասում սպասվում է անձրև:
ՀՀ ԱԺ արտաքին հարաբերությունների մշտական հանձնաժողովի նախագահ, Եվրանեսթ ԽՎ-ում ՀՀ ԱԺ պատվիրակության ղեկավար Արմեն Աշոտյանը հոկտեմբերի 31-ին ելույթ է ունեցել Եվրանեսթ ԽՎ-ի լիագումար նիստի բացմանը՝ Արեւելյան գործընկերության ապագայի եւ Հայաստան-ԵՄ հարաբերությունների շուրջ:
Կատալոնիայի նախկին ղեկավար Կառլես Պուչդեմոնը, որը գտնվում է Բրյուսելում, քաղաքական փախստական չէ:
Մարդու իրավունքների պաշտպանի գրասենյակն ուշադիր հետևել է Արմավիրի մանկապարտեզում 3 տարեկան երեխային պատանդառության գործընթացին, պարբերաբար պարզաբանումներ է ստացել ոստիկանութունից: Այս մասին այսօր ԱԺ-ում լրագրողների հետ զրույցում հայտնեց ՄԻՊ Արման Թաթոյանը:
Ուզբեկստանի նախագահ Շավկաթ Միրզիյոեւը ԱՄՆ-ի նախագահ Դոնալդ Թրամփին ցավակցություն է հայտնել Նյու Յորքում իրականացված ահաբեկչական գործողության կապակցությամբ եւ խոստացել է աջակցել այդ հանցագործության հետաքննությանը, որի կատարման մեջ կասկածվում է Ուզբեկստանից սերված անձը:
Դերասան եւ դիրիժոր Արմեն Ջիգարխանյանն ակտիվորեն ղեկավար աշխատանքի է լծվել թատրոնում, փորձերն անցնում են սովորական ռեժիմով:
«Ոչ միայն Եվրամիության, այլև Եվրոպայի խորհրդի գրեթե բոլոր անդամները, բացառությամբ 3-ի` Հայաստան, Ռուսաստան և Ադրբեջան, ստորագրել են առնվազն Ստամբուլյան կոնվենցիան, որը խոսում է դարձյալ նույն հարցերի մասին: Իհարկե, ոչ բոլորն են դեռևս վավերացրել, բայց հիմնավորումներ կան, թե ինչու ոչ բոլորը: Այո, մասամբ դա քաղաքական հիմնավորումներ են, սակայն որոշ դեպքերում էլ դա անցումային շրջանի հետ է կապված, որովհետև մինչև երկիրը վավերացնի, իր օրենսդրությունը պետք է համապատասխանեցնի այդ կոնվենցիային, իսկ դա բավականին մեծածվալ աշխատանք է ենթադրում` և՛ օրենսդրությունը, և՛ հաստատությունները»:
Կալիֆոռնիայի հյուսիսում այս աշնանը մոլեգնած ավերիչ անտառային հրդեհներից ունեցվածքի վնասվելու պատճառով ապահովագրական ընկերություններ դիմումների գումարը գերազանցել է ռեկորդային 3,3 մլրդ դոլարի նշագիծը։
