FT․ Իրանը Ռուսաստանից խնդրել է «Գերան-4» և «Գերան-5» ԱԹՍ-ներ

Իրանը, ըստ «Financial Times»-ի, Ռուսաստանին խնդրել է տրամադրել նոր՝ ռեակտիվ շարժիչով «Գերան-4» և «Գերան-5» անօդաչու թռչող սարքեր՝ Իսրայելի և ԱՄՆ-ի դեմ պատերազմում օգտագործելու համար։

Պարբերականի տեղեկություններով՝ այս մասին հայտնել են աղբյուրը և արևմտյան անվտանգության ոլորտի մասնագետները։ Նրանց խոսքով՝ Ռուսաստանի անօդաչու համակարգերի հնարավորություններն այնքան են զարգացել, որ այս տարի Թեհրանը դիմել է Մոսկվային՝ առաջադեմ «Գերան» ԱԹՍ-ներ տրամադրելու խնդրանքով։

«Financial Times»-ը նաև գրել է, որ «Գերան-4» և «Գերան-5» նոր ռուսական ԱԹՍ-ները փոխել են Ուկրաինայի հակամարտության ընթացքում օդային մարտերի ընթացքը։

Ավելի վաղ «New York Times»-ը հայտնել էր, որ ռեակտիվ շարժիչներով նոր ռուսական ԱԹՍ-ները լուրջ սպառնալիք են Կիևի համար։

Սեպտեմբերի 2-ին «Financial Times»-ը նաև գրել էր, որ Ռուսաստանը, իբր, գաղտնի օգնում է Իրանին գերձայնային թևավոր հրթիռների մշակման հարցում։

Միաժամանակ, ԱՄՆ նախագահ Դոնալդ Թրամփը հուլիսին հայտարարել էր, որ չի տեսնում Ռուսաստանի և Չինաստանի՝ Իրանի հակամարտությանն անմիջական ներգրավվածության նշաններ։ Ավելի վաղ ԱՄՆ-ը Ռուսաստանին կասկածել էր Իրանին ռազմական օգնություն տրամադրելու մեջ։