ՌԴ-ն բոլոր միջոցներով պետք է պահեր Լաչինի միջանցքը ու կանխեր Արցախի բլոկադան, կամ պետք է դուրս գար Նոյեմբերի 9-ի փաստաթղթից. Տիգրան Աբրահամյան
«Պրեսսինգ» հաղորդաշարում Հայաստանի հանրապետական կուսակցության (ՀՀԿ) Գործադիր մարմնի (ԳՄ) անդամ, ԱԺ նախկին պատգամավոր Տիգրան Աբրահամյանը խոսեց նաև Արցախի շրջափակման պատճառների ու դրա հետևանքների մասին:
«Այն, որ ռուսական կողմը 2020-23թթ. առիթ է տվել օբյեկտիվ քննադատությունների, միանշանակ է: Բայց այստեղ մեկնակետը Ղարաբաղի թեման է տրվում, մինչդեռ թեման շատ ավելի գլոբալ է, որովհետև Փաշինյանին իշխանության բերած ուժերի ուշադրության կենտրոնում ռուսական ազդեցության թուլացումն էր: Եվ նայում էին այն բոլոր ուղղություններին, որոնցում Ռուսաստանն ուներ դերակատարություն:
Դրա կենտրոնում Արցախյան հարցն է, որի կարգավորմամբ ակտիվորեն զբաղված էր Ռուսաստանը: Պետք էր Ռուսաստանին թեմայից հանել, և դրա միակ ճանապարհն այդ հարցի որևէ ձևով «լուծումն էր»: Այդ «լուծումը» դարձավ Արցախի հանձնումը կամ ադրբեջանացումը: 3-րդ երկրների համար նշանակություն չուներ՝ Արցախն Ադրբեջա՞ն կլինի, Հայաստա՞ն, թե՞ չեզոք ինչ-որ բան: Նրանց պետք էր, որ Ռուսաստանի պեչատը քիչ լինի»,- ասաց Հրանտ Բագրատյանը:
Վերջինս նշեց՝ 2023թ. ռուսական կողմն ունեցել է խնդիրներ, որովհետև Նոյեմբերի 9-ի կապիտուլյացիոն փաստաթղթով անգամ Արցախը հայկական էր:
«Եվ Արցախի հանձնման մեջ ռուսներին հարցերը շատ են: Ես պնդում եմ, որ 2018թ.-ից հետո Հայաստանի այս իշխանությունների ներքին սցենարներում Արցախի թեմայի «հանգուցալուծումը» նախատեսված է եղել Արցախն Ադրբեջանին հանձնելու միջոցով: Եվ նրանց ու նրանց արտաքին կուրատորների խնդիրն է եղել հնարավորինս արագ աշխատել «ռուսական քեյսի» հետ, որ պատասխանատվությունն ամբողջությամբ գցեն Ռուսաստանի վրա»,- ասաց Տիգրան Աբրահամյանը:
Մանրամասները՝ տեսանյութում:
