Ռուսաստանի, Վրաստանի ու Ֆիլիպինների նավաստիներին Նիգերիայում պատանդ են վերցրել, հայտնում է The New York Times-ը:
Թուրքիայի նախագահ Ռեջեփ Թայիփ Էրդողանը հայտարարել է, որ Սիրիայի հարցով խաղաղ բանակցություններն իմաստ չունեն, քանի դեռ Ռուսաստանը շարունակում է ավիահարվածներ հասցնել երկրի ողջ տարածքում: Այս մասին հայտնում է BBC-ի ռուսական ծառայությունը:
Իտալիայի առաջնության 23-րդ տուրում «Ռոման» հաղթեց «Սասուոլոյին» (2:0), «Յուվենթուսը»` «Ջենովային» (1:0), իսկ «Նապոլին»` «Լացիոյին» (2:0):
Հայաստանի ու Ադրբեջանի միջև զինված բախումները շփման գծի երկայնքով ու սահմանի երկարությամբ անհանգստություն են հարուցում:
Հ.Բագրատյանի խոսքով՝ վարկ վերցնելիս պետք է ունենալ քանակական ցուցանիշ, թե վարկն ինչ է բերելու, ինչ ժողովրդատնտեսական էֆեկտ է ստացվում, իսկ այս վարկն այդ հաշվարկը չունի: Նա հայտարարեց, որ վերանորոգումները պարտավոր են ֆինանսավորել բյուջեից, չի կարելի 25 տարվա վարկը վերցնել վերանորոգման համար, որովհետև մինչև 25 տարին լրանա, այդ ճանապարհը 3 անգամ էլ կվերանորոգվի:
«Վերջին հաշվով, շատ անգամ ավելի փոխկապակցված է այս քրեական գործին այնքանով, որքանով Կարեն Բաղրամյանին մեղսագրվող արարքները վերաբերում են 2015թ. հունվարի 28-ին տեղի ունեցած դեպքերին, այն էլ երկու անգամ կոնֆլիկտ է առաջացել տուժողի հետ, և նաև մարմնական վնասվածքներ են պատճառվել»: Հովիկ Արսենյանն ասաց, որ ցավ է ապրում, որ միայն էլեկտրոնային կայքերից է լսում, որ այդ գործը վարույթ է ընդունվել, Կարեն Բաղրամյանն էլ միջնորդել է, որ արագացված դատաքննության կարգ կիրառվի:
Այսօր լրագրողների հետ հանդիպեցին տեղեկատվական տեխնոլոգիաների անվտանգության փորձագետ Սամվել Մարտիրոսյանը և սոցիոլոգ, «Սոցիոմետր» անկախ սոցիոլոգիական կենտրոնի տնօրեն Ահարոն Ադիբեկյանը: Հանդիպման թեման սոցիալական ցանցերի դրական և բացասական ազդեցության, Հայաստանում սոցցանցերի միջոցով տեղի ունեցող հանցագործությունների, երեխաների առցանց պաշտպանության հարցերն էին:
Փետրվարի 5-6-ին, 9-ին սպասվում է առանց տեղումների եղանակ: Փետրվարի 7-ին, 8-ի գիշերը շրջանների մեծ մասում, փետրվարի8-ի ցերեկը արևելյան շրջաններում սպասվում են տեղումներ:
2016 թվականի հունվարի 1-ից չաշխատող մայրերին նշանակվում և վճարվում է մայրության նպաստ: Մայրության նպաստ նշանակելու կամ մերժելու որոշումը կայացվում է դիմումը և անհրաժեշտ փաստաթղթերը ներկայացվելուց հետո՝ մեկամսյա ժամկետում:
Փետրվարի 4-ին Ադրբեջանի ՊՆ մամուլի ծառայությունը հայտարարել է, թե իբր հայ-ադրբեջանական պետական սահմանագոտում փետրվարի 3-ին հայկական կողմից ձեռնարկված դիվերսիոն գործողության հետևանքով սպանվել է ադրբեջանական ԶՈւ-ի մեկ զինծառայող:
Վրաստանի փոխվարչապետ, էներգետիկայի նախարար Կախա Կալաձեն այցով գտնվում է Ադրբեջանում, հայտնում է APA-ն՝ հղում կատարելով վրացական լրատվամիջոցներին:
ԵԱՀԿ Մինսկի խմբի համանախագահները մոտ ապագայում այց կկատարեն տարածաշրջան: Այս մասին Trend-ի հետ զրույցում հայտարարել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը:
Տիգրան Սարգսյանն էր, որ իրականում ամենալավ բանկային համակարգը ստեղծեց ԱՊՀ նախկին տարածքի բոլոր երկրներում, և այդ իրողությունն ապացուցվում է այն կայունությամբ, ինչն այսօր ունենք մեր բանկային համակարգում: Բնական է, որ խնդիրներ կլինեն, բայց սա այն իրողությունն է, որը ոչ միայն մենք ենք նշում, այլև միջազգային մեր գործընկերները: Ժամանակն ու իրողություններն առանց հաշվի առնելու՝ գնահատականներ տալը ճիշտ չէ։ Ես ցանկանում եմ հաջողություն մաղթել Տիգրան Սարգսյանին՝ իր բավականին բարձր ու պատասխանատու պաշտոնում, որովհետև իր հաջող աշխատանքի արդյունքներից օգտվելու ենք ոչ միայն մենք՝ ՀՀ քաղաքացիներս, այլ նաև ԵՏՄ-ին անդամակցող բոլոր երկրների քաղաքացիները»:
ՀՀ քննչական կոմիտեի Արագածոտնի մարզային քննչական վարչության վարույթում քննվող քրեական գործով ձեռնարկված քննչական գործողությունների արդյունքում պարզվել են Արագածավան գյուղի բնակիչներ Արտյոմ Խամոյանի և Վարդգես Գալստյանի սպանության մի շարք հանգամանքներ, շարժառիթը, մեկ կասկածյալ ձերբակալվել է։
Անդրադառնալով Ռուսաստանի կողմից Հայաստանի նկատմամբ կիրառվող սանկցիաներին, նա նշեց, որ տարբեր հիվանդությունների տեսակների հետ կապված՝ էլի են պատժամիջոցներ կիրառվել, և հիշեցրեց տարիներ առաջ սիբիրյան ախտի պատճառով առաջացած խնդիրները. «Մենք լրջագույնս վարակված ենք նման հիվանդություններով։ Դրանք միգուցե դիվերսիայի արդյունք են և գալիս են Թուրքիայից: Դաբաղի խնդիրը կա, և մեզ դնելու է պատի տակ ու գնդակահարի»:
Ժնևում ընթացող Սիրիայի հարցով բանակցությունների խափանման մեջ մեղավոր են Սիրիայի կառավարությունն ու նրա դաշնակիցները, հայտարարել է Ֆրանսիայի արտգործնախարար Լորան Ֆաբիուսը, հայտնում է Reuters-ը:
«Եթե հիմա հայկական դրամի փոխարժեքի ազդեցությունը հանենք, այսինքն՝ նայենք միայն դոլարային գները (վաճառքի գները դոլարային արտահայտությամբ նայենք), ապա այդ երկու տարիների ընթացքում, երբ սկսել է բենզինի գների նվազման միտումը, Հայաստանում բենզինի գները նվազել են շուրջ 28 տոկոսով»:
Անկարան բացատրել է երկնքի փակումը ռուս ռազմական տեսուչների առաջ «Բաց երկինք» նախագծի շրջանակում նրանով, որ չի կարողացել Մոսկվայի հետ պայմանավորվել թռիչքի երթուղու շուրջ: Այս մասին հայտնում է РБК-ն՝ հղում կատարելով Թուրքիայի ԱԳՆ-ի պաշտոնական հաղորդագրությանը:
Միգրացիոն ճգնաժամի կարգավորման շրջանակում ԵՄ-ն համաձայնության է եկել Թուրքիային հատկացվելիք բազմամիլիարդանոց օգնության փաթեթի տրամադրման շուրջ:
ՀՀ կառավարության այսօրվա նիստի ընթացքում հաստատվեց «ՀՐԱԶԴԱՆ-ՑԵՄԵՆՏ» ընկերությանը հարկային և պարտադիր սոցիալական ապահովագրության վճարների գծով արտոնություններ տալու մասին ՀՀ օրենքի որոշման նախագիծը:
Պատգամավոր Նիկոլ Փաշինյանը հիշեցրեց, որ մի քանի տարի առաջ Սերժ Սարգսյանը կառավարությունում խոսեց ատկատների մասին, այդ թվում՝ Տրանսպորտի և կապի նախարարությունում, հետո նախարարը հայտարարեց, թե ատկատներ չկան: Պատգամավորը հետաքրքրվեց, թե ի՞նչ մեխանիզմով է վերացվել ատկատները, պատասխանատվության ենթարկվածներ կա՞ն, թե՞ ոչ:
Փետրվարի 2-ին ժամը 16:02-ին ԼՂՀ ԿԱ արտակարգ իրավիճակների պետական ծառայության ճգնաժամային կառավարման կենտրոն ահազանգ է ստացվել այն մասին, որ Ասկերանի շրջանի Իվանյան համայնքի բնակիչ Մ. Իսրայելյանը համայնքի տարածքում հողագործական աշխատանքների ժամանակ հայտնաբերել է չպայթած զինամթերք, հայտնում են ծառայությունից:
Լաբորատոր կերպով հաստատվել է, որ 2 օր առաջ Աջարիայում մահացած երիտասարդ կինը դարձել է խոզի գրիպի (H1N1) զոհ:
«Անմարդկային սպանություն է տեղի ունեցել: Ես որևէ անմեղության կանխավարկած չեմ խախտում, ես հենց իրերը կոչում եմ իրենց անուններով: Անմարդկային սպանություն է տեղի ունեցել, և մեղավորները պետք է ստանան իրենց արժանի պատիժը: Ես պարբերաբար հանդիպում եմ Հայկազի հայրիկին՝ Արկադիին, տատիկին»:
Զիկա վիրուսը, որը լայն տարածում է ստացել Լատինական Ամերիկայում, հայտնաբերվել է 1947 թվականին Ուրուգվայում: Հիվանդության ներկայիս բռնկումը անվանում են խոշորագույնը պատմության մեջ:
ՀԱԿ խմբակցությունն իրենց կողմից օբուդսմենի թեկնածուի հարցը չի քննարկվել: Այսօր Ազգային ժողովում լրագրողների հետ զրույցում ՀԱԿ ղեկավար Լևոն Զուրաբյանը հայտնեց, որ դեռ թեկնածու չունեն, բայց առաջիկայում, ամենայն հավանականությամբ, խմբակցությունում կքննարկեն այդ հարցը:
«Մեր ուսումնասիրության արդյունքներով՝ բենզինի գները 2015թ. ընթացքում նվազել են՝ 470-ից հասնելով 390 դրամի: Եթե դոլարային արտահայտությամբ վերցնենք, ապա բենզինի գները շատ ավելի շատ են նվազել, քանի որ բենզինը հանդիսանում է այն ապրանքը, որ իրացվում է հայկական դրամով և ներմուծվում է ԱՄՆ դոլարով: Այդ պատճառով հայկական դրամի փոխարժեքի արժեզրկումը շատ կարևոր նշանակություն ունի: Եթե 2014թ. դիտարկենք թվերը, ապա գները շատ ավելի շատ են նվազել՝ 480 դրամից հասնելով 390 դրամի»,- ասաց Արտակ Շաբոյանը:
Արմեն Աշոտյանը 5 օր ժամանակ խնդրեց՝ շահագրգիռ մարմինների հետ տեքստը վերջնականացնելու համար: «Բայց ի՞նչ եք անելու 5 օր»,- արձագանքեց Հովիկ Աբրահամյանը: Արմեն Աշոտյանն էլ ասաց, որ խնդիրները հիմնականում կապված են շենք-շինությունների գույքագրման հետ, ճշգրտումների կարիք կա: Որոշման նախագիծը հաստատվեց, տրվեց 5 օր ժամանակ:
Հարցին՝ ՀՅԴ-ն կուժեղացնի՞ ՀՀԿ-ին, թուլացա՞ծ էր ՀՀԿ-ն, Ս. Սարոյանն այսպես արձագանքեց. «Տո, խի ա թուլացած, ինչքան իրար հետ նորմալ լինեն, հավաքված լինենք, այնքան ուժեղ կլինենք, անպայման պետք է քանդվե՞նք»:
Թուրքիայի հետ սահմանի մերձակայքում՝ Սիրիայի Թուրքմանդաղի շրջանում, սպանվել են սիրիացի ու ռուս 15 զինծառայողներ, որոնցից 8-ն ունեցել է գեներալի կոչում: Այս մասին հայտնում է թուրքական Anadolu գործակալությունը՝ հղում կատարելով սիրիական ընդդիմությունում իր աղբյուրին:
