ԵԱՀԿ Մինսկի խմբի համանախագահները մոտ ապագայում կայցելեն տարածաշրջան. Ուորլիք
ԵԱՀԿ Մինսկի խմբի համանախագահները մոտ ապագայում այց կկատարեն տարածաշրջան: Այս մասին Trend-ի հետ զրույցում հայտարարել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը:
Նրա խոսքով՝ այցի շրջանակում կքննարկվեն Շվեյցարիայում Հայաստանի ու Ադրբեջանի նախագահների հանդիպումից հետո հակամարտության կարգավորմանն ուղղված քայլերի հաջորդականությունը:
«Մենք շարունակում ենք հավատալ, որ նման երկխոսությունն անհրաժեշտ է շարունակական խաղաղության հասնելու համար»,- ասել է Ուորլիքը:
Հիշեցնենք, որ երկու երկրների նախագահները 2015թ. դեկտեմբերի 19-ին հանդիպել են Բեռնում: Հանդիպմանը մասնակցել են նաև Հայաստանի ու Ադրբեջանի արտգործնախարարներն ու ԵԱՀԿ Մինսկի խմբի համանախագահները:
