Վնասազերծվեց ևս մեկ մահաբեր օջախ
Փետրվարի 2-ին ժամը 16:02-ին ԼՂՀ ԿԱ արտակարգ իրավիճակների պետական ծառայության ճգնաժամային կառավարման կենտրոն ահազանգ է ստացվել այն մասին, որ Ասկերանի շրջանի Իվանյան համայնքի բնակիչ Մ. Իսրայելյանը համայնքի տարածքում հողագործական աշխատանքների ժամանակ հայտնաբերել է չպայթած զինամթերք, հայտնում են ծառայությունից:
Ահազանգով դեպքի վայր մեկնած ԱԻՊԾ փրկարարական ուժերի վարչության սակրավորական խումբը տեղում պարզել է, որ հայտնաբերվածը գնդիկաբեկորային ավիառումբ է: Շրջափակելով տեղանքը եւ ձեռնարկելով անվտանգության այլ միջոցառումներ՝ վտանգավոր գտածոն ոչնչացվեց:
