Պետական բյուջենով նախատեսված ծախսերը չեն կարողանում կատարել, ուր մնաց, թե չնախատեսվածները կատարեն։ Առավել ևս, որ բյուջեն լուրջ խնդիրների առաջ է։ Տարին նոր սկսած, արդեն մտածում են այն վերանայելու, կրճատումներ անելու մասին։ Ու այս պայմաններում հանկարծ հիշել են, որ եկամուտների հայտարարագրման շրջանակներում առղջապահության ու կրթության վրա կատարված ծախսերի դիմաց 70 մլրդ դրամ են պատրաստ վերադարձնել քաղաքացիներին։
Տրանսպորտի ուղեվարձի հետ կապված քաղաքային իշխանության մտքի «փայլատակումներն» ավելի շատ նոր հարցեր են առաջացնում, քան լուծում են թանկացումների հետ կապված խնդիրները։ Դրանք մեկ անգամ ևս վկայում են, որ առաջարկվող փաթեթների տակ բացարձակ հիմնավորումներ չկան։ Օդից վերցված գներ են դրել ուղեվարձերի հիմքում ու իրավիճակից կախված՝ իրենց քիմքին հարմար փոփոխություններ են կատարում։
«Երբ պաշտոնյաներն անընդհատ խոսում են եկամուտների հայտարարագրման մասին, իրականում դա եկամտային հարկի հաշվարկ է: Նպատակն իրավական ակտով ի սկզբանե անձանց հարկումն է»,- այսօր լրագրողների հետ զրույցում ասաց «Հայաստանը ես եմ» նախաձեռնության ղեկավար, տնտեսագետ, իրավաբան Նաիրի Սարգսյանը՝ շեշտելով, որ ոչ թե գնալու են ֆիզիկական անձի բնակարանի դուռը թակեն և ստուգում իրականացնեն, այլ առաջին հերթին գալու են հենց լրատվականներ, հանրային գործիչների և բիզնեսմենների մոտ:
ԱԺ քառօրյա նիստում «Քաղաքացիական պայմանագիր» խմբակցության պատգամավոր Հովիկ Աղազարյանը, խոսելով քաղաքացիների համընդհանուր եկամուտների հայտարարագրման համակարգ ներդրնելու մասին, նշեց, որ այն շատ կարևոր գործընթաց է բոլորի կյանքում, նաև՝ իրենց թիմի ծրագրային դրույթներն իրականացնելու իմաստով։
Այսօր խորհրդարանում ֆիզիկական անձանց համընդհանուր եկամուտների հայտարարագրման նախագծի վերաբերյալ քննարկման ընթացքում տնտեսագետ Աշոտ Խուրշուդյանն ասաց, որ սովորաբար ռազմավարությունը, ռազմավարական նպատակները որոշում են և հետո, որպեսզի արդյունավետ իրականացնեն՝ պրոցեդուրաներ են մշակում, որոնք, տնտեսագետի խոսքով՝ կարևոր են։
Այսօր խորհրդարանում քաղաքացիների համընդհանուր եկամուտների հայտարարագրման վերաբերյալ նախագծի քննարկման ընթացքում «Հարկ վճարողների պաշտպանություն» ՀԿ ղեկավար Փայլակ Թադևոսյանն ասաց, որ բոլոր ժամանակների կառավարությունները, ցանկացած բան որ ուզում են անել, մեջբերում են միջազգային փորձը, բայց կիսատ են մեջբերում։
Այսօր խորհրդարանում ֆիզիկական անձանց համընդհանուր եկամուտների հայտարարագրման նախագծի վերաբերյալ քննարկման ընթացքում, Ֆինանսների փոխնախարար Արման Պողոսյանը հայտարարեց, որ համակարգը կներդրվի 2023 թվականից, փուլային տարբերակով քաղաքացիները կհայտարարագրեն իրենց եկամուտները։
Նոյեմբերի 16-ին խորհրդարանում ԱԺ տնտեսական հանձնաժողովի նախագահ, «Քաղաքացիական պայմանագիր» խմբակցության պատգամավոր Բաբկեն Թունյանն անդրադառնալով Կառավարության ընդունած՝ քաղաքացիների եկամուտները հայտարարագրելու որոշմանը, հայտնեց, որ եկամուտների համընդհանուր հայտարարագրման համակարգը ներդրվելու է եկող տարվանից՝ համապատասխան օրենսդրական կարգավորումները կընդունվեն այս տարվա վերջին, ենթադրում է՝ դեկտեմբերի 6-ին մեկնարկող քառօրյային նախագիծն առաջին ընթերցմամբ կընդունեն։
