Այսօր՝ հուլիսի 17-ին, վրաերթ է տեղի ունեցել Երևանում: Ժամը 18:30-ի սահմաններում Արսեն Գևորգյանը վարելով Toyota մակնիշի 001 LN 01 համարանիշի ավտոմեքենան, Արշակունյաց պողոտայում՝ Կոմիտասի անվան պանթեոնի դիմաց վրաերթի է ենթարկել հետիոտոն 59-ամյա Էլմիրա Խաչատրյանին:
Շիրակի մարզպետ Ֆելիքս Ցոլակյանն անդրադարձել է վերջին օրերին Գյումրիում տեղի ունեցած դեպքերին և մեկնաբանել շրջանառվող «կրիմինալ քաղաք» արտահայտությանը:
Շիրակի մարզի ընդհանուր իրավասության դատարանում Գյումրիի նախկին քաղաքապետ Վարդան Ղուկասյանի դստեր նշանածի` Կարեն Եսայանի սպանության գործով դատական երեկվա նիստի ժամանակ հնչած վիրավորանքների առթիվ Գյումրիի ոստիկանության քննչական բաժնում քրեական գործ է հարուցվել:
ԼՂՀ N զորամասի հրամանատար, գնդապետ Արտակ Բուդաղյանի փաստաբան Հայկ Ալումյանն այսօր գրավոր դիմել է ՀՀ գլխավոր դատախազ Աղվան Հովսեփյանին խնդրանքով՝ պատասխանել, թե արդյոք Զինվորական դատախազ Գևորգ Կոստանյանի հրապարակային հայտարարությունները հանդիսանո՞ւմ են Գլխավոր դատախազության պաշտոնական տեսակետը:
Հատուկ քննչական ծառայությունում ՀՀ ՔՕ 178-րդ հոդվածի 2-րդ մասի 2-րդ կետով քննվող քրեական գործով տարբեր քաղաքացիներից խարդախությամբ առանձնապես խոշոր չափերի գումար հափշտակելու համար ձերբակալվել է ՀՀ ոստիկանության Արագածոտնի մարզային վարչության Աշտարակի բաժնի պետի օպերատիվ գծով նախկին տեղակալ Սարգիս Կասյանը: Նախաքննության մարմինը հիմնավոր կասկածներ ունի, որ Սարգիս Կասյանի հանցավոր գործունեությունից տուժածներն անհամեմատ շատ են:
Ընկերությունը հայցում է գազասպառողների ներողամտությունը և խնդրում պահպանել անվտանգության կանոնները:
Մեր նախորդ հանդիպումից հետո որոշակի աշխատանք է կատարվել ըստ գերատեսչությունների և այսօր ցանկանում ենք անդրադառնալ բոլոր այն հարցերին, որ նախորդ հանդիպման ժամանակ բարձրացրել էիք, և քննարկենք, թե ինչ միջոցառումներ իրականացնելու առաջարկություններ ունենք:
Մեծ նշանակություն է տրվել այդ փաստին, այստեղ բոլորը վրդովված են, որ Հ. Հարությունյանին դատարան են տարել ոչ պատշաճ հագուստով: Հասկանալի է, որ դա պատիվ չի բերում ոչ մեկին՝ ո´չ դատարանին, ո´չ Հրաչյա Հարությունյանին, ո´չ մեկին, մենք գտնում ենք, որ նման բան չէր կարելի անել, չէր կարելի դատարան նման կերպ տանել, կրկնում եմ` դա պատիվ չի բերում ոչ մեկին:
Ռուսաստանի հայերի միության իրավաբանական ծառայությունը առաջին իսկ օրվանից գտնվում է աշխատանքային շփումների մեջ ՌԴ քնչական և դատական մարմինների և գործող դատապաշտպանների խմբի հետ, այն հաշվով, որպեսզի դատական գործընթացը անցկացվի ՌԴ օրենքների տառին և ոգուն համապատասխան, պահպանելով ՌԴ օրենսդրության պահանջները, ինչպես նաև մարդու իրավունքների միջազգային նորմերն ու մարդկային արժանապատվության սկզբունքները:
Ցավակցելով օրեր առաջ Նոր Մոսկվայում տեղի ունեցած ավտովթարի արդյունքում զոհված մարդկանց հարազատներին, կարեկցելով վիրավորների ընտանիքներին, շնորհակալություն եմ հայտնում այն մարդկանց ովքեր այս ծանր օրերին զորավիգ եղան ինձ, իմ հորն ու իմ ընտանիքին:
Ափսոսում ենք, որ հուլիսի 13-ին մերձմոսկովյան Պոլոդսկ քաղաքի մոտ տեղի ունեցած պատահարը, որը 18 մարդու կյանք խլեց, առանձին անձանց կողմից օգտագործվում է որպես առիթ՝ հակառուսաստանյան կրքեր բորբոքելու նպատակով։
Գյումրիի ոստիկանության Մուշի բաժին «Գյումրի բժշկական կենտրոն»-ից հաղորդում է ստացվել այն մասին, որ նույն օրը շտապբուժօգնության մեքենայով կենտրոն են տեղափոխվել Անտառավան 4 թաղամասի 11 Ա շենքի 12 բնակարանի բնակիչներ Արփինե Էդգարի Չաքմիշյանը և Անիչկա Լեւուշի Չաքմիշյանը:
«Կոչ եմ անում կրթության և գիտության նախարարին՝ զբաղվեք նաև Լիլիթ Արզումանյանով, ով պարծենում է, թե 20 տարի է՝ զբաղեցնում է ԲՈՀ-ի փոխնախագահի պաշտոնը»,- այսօր լրագրողների հետ հանդիպման ժամանակ հայտարարեց Դեղարտադրողների և ներմուծողների (ԴԱՆ) միության նախագահ Սամվել Զաքարյանը
Ինչպես արդեն տեղեկացրել ենք՝ այսօր Հայաստանում Ռուսաստանի Դաշնության դեսպանատան դիմաց «Հայազն» կուսակցությունը հերթական բողոքի ակցիան էր կազմակերպել` ի նշան դժգոհության Մոսկվայի դատարանում ՀՀ քաղաքացի Հրաչյա Հարությունյանի արժանապատվության և իրավունքների ոտնահարման:
Ունեմ տեղեկություն, որ միայն երեկ է ինքը տեղեկացված եղել՝ ի՞նչ է պատահել, քանի՞ զոհ կա, ու դրանից ինքն է՛լ ավելի վատ է սկսել զգալ իրեն: Մանրամասն տեղեկություններ ունեմ, որ ինքն արդեն սկսում է ուրիշ բաների մասին… Ինքը հաստատ հոգեկան անհավասարակշիռ վիճակում է: Ինքը չի գիտակցում՝ իր հետ ինչ է կատարվում: Մինչ այս ինքը չի գիտակցել, չի հասկացել՝ ինչ է իր հետ կատարվում: Ինքը դեղերի ազդեցության տակ է եղել: Երեկ միայն փաստաբանի հետ զրույցում ինքը մոտավորապես պատկերացում է կազմել՝ ինչ է եղել, ինքն ինչի դեմ է կանգնած:
«Մեծն Տիգրան» գնդի հրամանատար, ազատամարտիկ Վլադիմիր Առաքելյանն էլ հանդես է եկել կոչով` ուղղված պաշտպանության նախարարությանն ու հայրենի օլիգարխներին:
Ըստ «Երևան Ջուր» ՓԲԸ-ի 1-85 հեռախոսային կենտրոնում ստացված տեղեկությունների՝ մայրաքաղաքի մի շարք թաղամասերում, այդ թվում Արաբկիրում, Նոր Նորքում և Մալաթիա-Սեբաստիայում, «7star»անվանմամբ սահմանափակ պատասխանատվությամբ ընկերությունը բնակիչներին առաջարկում է մատուցել ջրի զտիչի մաքրման և սպասարկման ծառայություն, որի դիմաց գանձում է 200-ական դրամ:
Շովինիստական և մարդկային արժանապատվությունն այլևայլ կերպերով ոտնահարող պիտակներ են կպցվում, ինչպես «վարորդ հայ մարդասպան», «բառաչում է» և այլն: Այս ամենը սովորեցնում է շովինիզմ, դաժանություն, մարդկային արժանապատվությունը նվաստացնող վերաբերմունք և հայ-ռուսական բարեկամական հարաբերություններին ուղղված սպառնալիք:
Ունեմ ստույգ ինֆորմացիա, որ ինքն ունի կրծքավանդակի սալջարդ, ունի ոտքի լուրջ վնասվածք, նույնիսկ տիրապետում եմ ինֆորմացիայի, որ թևն է կոտրված: Իրեն որ տանում են, տեղափոխություններն անում են, անում են հատուկ դեղերի, ցավազրկողների միջոցով: Իսկ դա արդեն ոչ մարդկային արարք է:
Տավուշի մարզի Դիլիջան քաղաքից մինչ Գեղարքունիքի մարզ` Դիլիջանի ոլորաններ, բնակչությունը գտել է հետաքրքիր ապրուստի միջոց. տեղացիները զբաղվում են եփած եգիպտացորենի, կամ, ինչպես ասում են` «խաշած կուկուռուզի» վաճառքով, որից ստացված գումարներով հոգում են օրվա կենցաղային փոքր խնդիրները:
Կենսաթոշակների նշանակման եւ վճարման գործընթացում արձանագրված չարաշահումների դեպքի առթիվ հարուցված քրեական գործի շրջանակներում ավարտվել է «Կենտրոն-1» տարածքային բաժնում հայտնաբերված չարաշահումների դրվագով նախաքննությունը: Քրեական գործով դատավարական ղեկավարում իրականացնող դատախազը հաստատել է մեղադրական եզրակացությունը, եւ գործն ուղարկվել է դատարան:
Եթե փորձառու չլիներ, պատկերացնում եմ՝ քանի զոհ կլիներ: Ցավում եմ բոլորի համար, կորուստը շատ մեծ է ու անդառնալի, այդ 18 մարդու կյանքի համար անմեղ մեղավոր է հայրս, ցավակցում ու աջակցում եմ զոհերի հարազատներին, ես խոնարհվում են նրանց առջև: Ինձ համար ծանր է, ես շատ լավ գիտեմ՝ վիշտն ինչ է:
ՀՀ նախագահ Սերժ Սարգսյանը, ղեկավարվելով Հայաստանի Հանրապետության Սահմանադրության 55-րդ հոդվածի 11-րդ կետով և հիմք ընդունելով Արդարադատության խորհրդի 2013 թվականի հուլիսի 12-ի առաջարկությունը, Արմեն ԴԱՆԻԵԼՅԱՆԻՆ նշանակել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի նախագահ:
25-ամյա Քրիստինե Գալստյանը մեղադրվում է 2012 թվականի հունիսի 13-ին ժամը 10:00-ի սահմաններում, Վարդենիսի անասնաբուժական, անասնաբուծական դեղորայքի առևտրի կետից «Գարանտեքս» (կլերատ) տեսակի մկնասպան պատրաստուկ ձեռք բերելու և նույն օրը ժամը 13:30-ի սահմաններում սեփական երեխաներին խմեցնելու մեջ:
Ավտոկայանատեղի տուրքերի դրույքաչափերը օրենքով նախատեսված դրույքաչափերի սահմաններում (յուրաքանչյուր մեկ ժամվա համար` մինչև 300 դրամ ներառյալ, յուրաքանչյուր մեկ օրվա համար` մինչև 2500 դրամ ներառյալ, մեկ շաբաթվա համար` մինչև 5000 դրամ ներառյալ, մեկ ամսվա համար` մինչև 25 000 դրամ ներառյալ, մեկ տարվա համար` մինչև 100 000 դրամ ներառյալ) սահմանում է համայնքի ավագանին` համայնքի ղեկավարի ներկայացմամբ` համայնքի տարեկան բյուջեն հաստատելուց առաջ:
Այսօր շղթայական ավտովթար է տեղի ունեցել Երևանում: Ժամը 09:40-ի սահմաններում Աճառյան փողոցում բախվել են BMW մակնիշի 81 TD 001 համարանիշի, Mitsubishi Pajero մակնիշի 90 ԼՕ 020 համարանիշի և ИЖ մակնիշի 24 ՍՏ 201 համարանիշի ավտոմեքենաները:
Սյունիքի նախկին մարզպետ Սուրիկ Խաչատրյանի տանից ոչ հեռու, հունիսի 1-ին սպանված Ավետիք Բուդաղյանի եղբոր՝ գնդապետ, զորամասի հրամանատար Արտակ Բուդաղյանի պաշտպան Հայկ Ալումյանն այսօր գրավոր դիմել է Հայաստանի գլխավոր դատախազ Աղվան Հովսեփյանին:
Հուլիսի 18-ին սպասվում է առանց տեղումների եղանակ, 19-22-ին հյուսիսային շրջաններում գիշերվա առաջին կեսին և օրվա երկրորդ կեսին սպասվում է կարճատև անձրև և ամպրոպ, առանձին հատվածներում հնարավոր է կարկուտ:
Վերջին օրերին կրկին կրակոցներ են հնչել ադրբեջանական կողմից Հայաստանի սահմանների, մասնավորապես՝ Բաղանիս գյուղի տարածքում: Բաղանիսի համայնքապետ Նարեկ Սահակյանի փոխանցմամբ՝ երկու օր շարունակ կրակոցներ են հնչել, և անվտանգության նկատառումներից ելնելով՝ Երևան-Թիֆլիս ավտոճանապարհի Բաղանիսի հատվածով երթևեկությունը դադարեցվել է, և այն կազմակերպվել է ռեզերվային ճանապարհով:
