Որքան շատ են մարդիկ անցկացնում Facebook-ի և Twitter-ի նման սոցիալական ցանցերում, այնքան մեծ է հավանականությունը, որ նրանք կունենան դեպրեսիա: Նման եզրակացության են եկել Պիտսբուրգի համալսարանի (University of Pittsburgh) հոգեբանները, որոնք հարցում են անցկացրել 18-32 տարեկան 1800 օգտատերերի շրջանում:
Կարմիր ժենշենից պատրաստուկը (հոնսամ) կարող է կանխարգելել մարդու մոտ ձեռքբերովի իմունային անբավարարության համախտանիշի (ՁԻԱՀ) զարգացումը: Այս եզրակացությանն են հանգել հարավկորեացի հետազոտողներն Ուլսանի «Ասան» բժշկական կենտրոնից՝ պրոֆեսոր Չո Յոն Գիլի գլխավորությամբ, գրում է Korea Times թերթը:
iPhone օգտագործողների համար արդյունքում հետաքրքիր փաստեր են ի հայտ եկել: Հրապարակումներից մեկի համաձայն՝ «Facebook» սոցիալական ցանցի բջջային հավելվածի փոխարեն՝ Safari-ով ցանց մտնելն օգնում է 15 տոկոսով խնայել սմարթֆոնի լիցքավորման ժամանակը: Բացի լիցաքավորման պահպանման ժամանակի երկարելուց՝ հավելվածը ջնջելու արդյունքում հնարավորություն է ստեղծվել նաև 500 ՄԲ հիշողություն ազատել:
Google ընկերությունը ցուցադրել է Օրեգոն նահանգի Դալլաս քաղաքում գտնվող տվյալների պահպանման ու մշակման կենտրոնը նոր՝ պանորամային տեսանյութում, որը տեղակայված է YouTube-ի Google Cloud Platform ալիքում:
Հայտնի է, որ շատ մարդիկ ծխելը թողնելու համար կիրառում են տարբեր մեթոդներ: British Heart Foundation կազմակերպության մասնագետները բացատրել են, թե ինչու է «cold turkey», անվամբ հայտնի, ծխելը միանգամից թողնելու մեթոդն ամենաարդյունավետը:
Տոկիոյում հեռախոսների վաճառքի խանութներից մեկում աշխատում են Ճապոնիայում ստեղծված մարդանման ռոբոտներ: Աշխարհում առաջին Pepper անհատական ռոբոտները, որոնք կարողանում են մարդկային հույզեր արտահայտել եւ հասկանալ դրանք, աշխատում են վերջերս Տոկիոյում բացված շարժական հեռախոսների խանութում:
Google ընկերությունն սկսել է տեսահաղորդումների YouTube Connect սեփական ծառայության մշակումը: Սպասվում է, որ այն կաշխատի իր մրցակիցների՝ Periscope-ի եւ Facebook Live-ի համանմանությամբ:
ARMACAD ընկերությունը տեղեկացնում է 2016թ. ապրիլի 9-ին՝ ժամը 15:00-ից մինչև 19:30 Բեսթ Ուեսթերն Կոնգրես հյուրանոցի Պիկասսո սրահում կայանալիք կրթական ցուցահանդեսի մասին, որի կազմակերպիչն է «Գլոբալ Բրիջ» ուսումնական կենտրոնը։
Հայկական արտադրության E-Voca PROJECT ստարտափը նախատեսված է բոլոր նրանց համար, ովքեր ցանկանում են սովորել օտար լեզուներ, բայց խնդիր ունեն բառերը մտապահելու հարցում:
Twitter միկրոբլոգների ցանցի աշխատակիցները մշակում են նոր գործառույթ, որը դրա օգտատերերին թույլ կտա խմբագրել լուսանկարները՝ դրանցում հավելելով զանազան պատկերներ, ինչպես նաեւ կատարել դրանց փոխանակություններ: Այս մասին հայտնել է Re/code տեղեկատվական պորտալը, որը մասնագիտացած է տեխ նիկայի նորությունների բնագավառում:
Նրա խոսքով՝ Հայաստանը կիբեռհանցագործության առումով արդեն իսկ թիրախ է ոչ միայն հարևան երկրների՝ Թուրքիայի և Ադրբեջանի համար: «Երկար տարիներ Հայաստանը լուրջ շուկա չի եղել միջազգային կիբեռհանցավոր խմբերի համար, քանի որ այստեղ օգտատերերի թիվն է փոքր: Երկար տարիներ մենք փաստացի այս առումով որպես վտանգ ընկալել ենք Ադրբեջանին ու ինչ-որ առումով Թուրքիային: Բայց այս ուղղություններում վտանգները շատ յուրահատուկ են և լուրջ: Ինձ թվում է, որ այս պատկերացումները ճիշտ չեն փոխանցվում մեր հանրությանը, և այսօր երբ միջազգային տեղեկատվական կրիմինալն արդեն ներթափանցել է Հայաստան, մենք չենք հասցնում գիտակցել այդ փոփոխությունները»,- ասաց Ս. Մարտիրոսյանը:
Մեդիափորձագետ Սամվել Մարտիրոսյանի պնդմամբ՝ Հայաստանում պետական մարմինների պաշտոնական կայքերը պաշտպանված են տարբեր տեսակի հաքերային հարձակումներից և կիբեռհանցագործություններից: Նրա խոսքով՝ 2009 թ. դեկտեմբերին ստեղծվեց կառույց, որը սկսեց պաշտպանել պետական կայքերը: Այդ ընթացքում գրեթե միջադեպեր չեն եղել՝ չնայած հասկանալի է, որ պետական կայքերն ամենաթիրախավորվածն են: Այնպես որ, ըստ նրա՝ կարելի է այս դեպքում դրական միտումի մասին խոսել»:
Apple ընկերությունն իր հերթական միջոցառում-ցուցադրության ժամանակ ապրանքանիշի երկրպագուներին է ներկայացրել միանգամից մի քանի նորույթ:
Facebook սոցիալական ցանցի հիմնադիր Մարկ Ցուկերբերգը ելույթ է ունեցել China Development Forum 2016 ֆորումի ժամանակ և կանխատեսել է, որ առաջիկա 10-15 տարիների ընթացքում աշխարհում համակարգիչների նոր տեսակներ կհայտնվեն:
Մարտի 23-ին, տեղի կունենա Լուսնի կիսաստվերային խավարում, որն այս տարվա առաջին Լուսնի խավարումն է: Լուսնի խավարումը տեղի է ունենում, երբ Լուսինը` իրուղեծրով շարժվելով Երկրի շուրջ, հայտնվում է Արեգակի նկատմամբ Երկրի հակադիր կողմում, և Երկրի ստվերը ծածկում է Լուսինը:
Անհայտ անձինք՝ կոտրելով էլեկտրոնային փոստը, գողացել են բրիտանացի երգչուհի Ադելի անձնական լուսանկարները եւ տեղադրել համացանցում: Այս մասին հաղորդում է The Guardian-ը: Նրանց ձեռքում է հայտնվել, մասնավորապես, երգչուհու հղիության ժամանակ արված լուսանկարները, ինչպես նաեւ նրա երեք տարեկան որդու՝ Անջելոյի լուսանկարները:
Bios Incube-ը աշխարհում միակ համակարգն է, որը թույլ է տալիս մահացած մարդու աճյունը վերածել տնային բույսի: Աշխատում է այս համակարգն առանց ավելորդ դժվարությունների՝ ընտրում եք բույսը, Incube պարկուճի մեջ ավելացնում եք հողը, սերմը: Մեջտեղում հատուկ տարայի մեջ պետք է լցնել մահացածի աճյունի մնացորդները: Հատուկ սենսորային վերադիրը կհսկի բույսի աճը:
Նախկինում գարնանային գիշերահավասարը մարտի 22-ին էր, այնուհետև` 21-ին և այժմ` 20-ին: Այդ փոփոխության պատճառը Երկրի պրեցեսիան է. նրա պտտման առանցքը ժամանակի ընթացքում տեղաշարժվում է և մոտ 26000 տարում մեկ լրիվ պտույտ է կատարում:
Աստղաֆիզիկոսները SDSS (Sloan Digital Sky Survey) տեսածիրի արխիվներում, որոնք տեղեկատվություն են բովանդակում ավելի քան 800 հազար աստղակույտերի մասին, հայտնաբերել են 53 հսկա պարուրաձեւ գերգալակտիկաներ, որոնց պարամետրերը գերազանցում են նման օբյեկտների վերաբերյալ գիտությանը հայտնի բոլոր տվյալները:
Ծրագրի նպատակը, որն ստացել է «Առանձին բլոկներով շինարարություն՝ շարժական սարքի օգտագործմամբ» անվանումը, այն է, որ ուսումնասիրվի Լուսնի եւ Մարսի վրա ենթակառուցվածքի ստեղծման հնարավորություններն այն նյութերի օգտագործմամբ, որոնք այնտեղ կան մակերեւույթին:
Samsung ընկերությունը թողարկում է սեփական վիզուալ Waffle սոցիալական ցանցը: Այս մասին ասված է ընկերության տարածած հայտարարության մեջ: Սոցցանցում օգտատերերը կկարողանան մշակել սեփական նկարները, պատրաստել կոլաժներ՝ ավելացնելով նոր ու գունեղ հնարավորություններ:
Տեղեկատվական տեխնոլոգիաների ոլորտում 2015 թվականի արտահանման ծավալները զգալիորեն աճել են՝ հասնելով 214.4 միլիոն ԱՄՆ դոլարի, ինչը կազմում է ծրագրային ապահովման և ծառայություններ ոլորտի (առանց ինտերնետային ծառայություններ մատուցող ընկերությունների) ընդհանուր եկամտի 50 տոկոսը: Արտահանման շուկայում շարունակում են գերիշխել օտարերկրյա ընկերությունները, որոնց՝ արտահանման գծով մասնաբաժինը կազմում է 76 տոկոս:
Հայաստանի տեղեկատվական և հեռահաղորդակցության տեխնոլոգիաների ոլորտի հետազոտությունն իրականացվում է 2002 թվականից: Հետազոտության նպատակն է հետևել ՏՀՏ ոլորտում արձանագրվող զարգացմանը և անհրաժեշտ միջոցառումներ իրականացնել՝ ուղղված վերհանված խնդիրների կարգավորմանը:
Ճապոնիայի Յոկոհամայի համալսարանի հետազոտողները հաջողությամբ ստեղծել են մի քանի միլիմետր չափով մինի-լյարդ, որը լիովին կրկնորդում է մարդու լյարդի գործառույթները: Մասնագետներն այն աճեցրել են մակածված ցողունային բջիջներից, որոնք զարգացման գործընթացում կարող են փոխակերպվել տարբեր ներքին օրգանների:
«Երբ մեր կողմից հայտնաբերված՝ ուղեղի բջիջները գրգռվում են եւ ուղարկում ազդանշաններ, մեր լաբորատորային մկները դադարում են ուտելուց,- պատմել է հետազոտության հեղինակներից մեկը՝ Ռիչարդ Յուգանիրը:- Այդ ազդանշանները կարծես ասում են, թե կենդանին կուշտ է»:
ԱՄՆ 42-րդ նախագահ Բիլ Քլինթոնի դուստրը՝ Չելսի Քլինթոնը ողջունել է Սայիդա Ղուլամ Ֆաթիմայի առաջադրումը որպես «Ավրորա» մրցանակի հավակնորդ:
Հայաստանի ՏՀՏ ոլորտում ներգրավված մասնագետների գերակշիռ մեծամասնությունը արական սեռի ներկայացուցիչներն են՝ 63 տոկոս, կանայք՝ համապատասխանաբար 37 տոկոս: Ծրագրային ապահովման և ծառայությունների ոլորտի կին աշխատողների թիվը 2014թ.-ի համեմատ ավելացել է 2 տոկոսով:
Twitter, DigitasLBi եւ Plume Labs of Paris ընկերությունները համաձայնություն են ձեռք բերել Լոնդոնում օդի աղտոտման մակարդակի մոնիթորինգի համար աղավնիներ օգտագործելու համատեղ նախագծի շուրջը: Թռչուններին կհագցնեն Համացանցին միացված հատուկ ուսապարկեր, որոնք տվյալներ կհաղորդեն մթնոլորտի վիճակի վերաբերյալ:
2017 թվականի դեկտեմբերին առաջին անգամ կանցկացվի սպորտային առաջնություն, որտեղ մարդկանց փոխարեն՝ կխաղան ռոբոտները: Միջոցառումը կոչվում է World Future Sports Games: Այն տեղի կունենա Դուբայում:
Հռոմի պապ Ֆրանցիսկոսն իր սեփական օգտահաշիվը կբացի Instagram սոցցանցում, հայտնում է իտալական Ansa գործակալությունը՝ հղում կատարելով Վատիկանի հեռահաղորդակցության պրեֆեկտ Դարիո Վիգանոյին:
