Facebook-ում արդեն հնարավոր է գրառումները թարգմանել մեխանիկորեն
Facebook սոցիալական ցանցը մշակել է մի համակարգ, ըստ որի՝ հնարավոր է թարգմանել գրառումները մի շարք լեզուներով: Այժմ հնարավոր է մեխանիկական թարգմանություններ կատարել 44 լեզուներով: Սա ընդլայնման միայն փորձարարական տարբերակն է և գործում է միայն այն օգտատերերի համար, ովքեր ցանց են մուտք գործել համակարգչից:
Այս ընդլայնմամբ Facebook-ն առաջին անգամ օգտագործում է արհեստական ինտելեկտի վրա հիմնված գործառույթ: Facebook-ի այս ընդլայնումն ամիսներ առաջ հասանելի էր միայն էջերի համար:
Ըստ տեղեկությունների՝ առաջիկա օրերին Instagram-ը և Twitter-ը ևս կգործարկեն այս ընդլայնումը:
Գործառույթը նախատեսված է բոլոր այն օգտատերերի համար, ովքեր չգիտեն անգլերեն: Այս միջոցով կայքի ներկայացուցիչները ցանկանում են ցանցում ներառել օգտատերերի ամբողջ աշխարհից՝ առանց լեզվական սահմանափակումների:
Սիրարփի Աղաբաբյան
