Փետրվարի 27-ին Նիկոլ Փաշինյանի ընտանիքին պատկանող armtimes.com կայքը ժամը 13:30-ի սահմանում տեղեկություն էր հրապարակել՝ այն վերնագրելով այսպես. «Փարիզը Երևանին կփոխանցի արբանյակային տվյալներ. ինչ տեղեկություններ կպարունակեն դրանք»:
Ադրբեջանի արտաքին գործերի նախարար Ջեյհուն Բայրամովը աշխատանքային այցով մեկնել է Գերմանիա: Այս մասին հայտնում են ադրբեջանական լրատվամիջոցները։
Ներկայիս Հայաստանի Հանրապետության ողջ տարածքը ներկայացնում են որպես, այսպես կոչված, Արևմտյան Ադրբեջան, որը հորինվել է տարածաշրջանում լարվածությունը պահպանելու հստակ մտադրությամբ։ Այնուամենայնիվ, Հայաստանը հավատարիմ է խաղաղության օրակարգին և չի շեղվելու դրանից։
Ավստրալացի միլիարդատեր Էնդրյու Ֆորեսթը և նրա նախկին կինը՝ Նիկոլան, 5 միլիոն դոլար են հատկացրել (ավստրալիական, փոխարկված ԱՄՆ դոլարին՝ 3,3 միլիոն՝ խմբագրի նշումը) Ուկրաինայում ականազերծման նախագծերի համար, հայտնում է 9News հեռուստաալիքը։
Էստոնիան չորս տարի շարունակ Ուկրաինային ռազմական աջակցություն կհատկացնի երկրի համախառն ներքին արդյունքի 0,25 %-ի չափով: Այդ մասին հայտարարել է Էստոնիայի վարչապետ Կայա Կալասը:
«Բլոգերը ինձ հետ կապ չի հաստատել, ուղղակի իմ օնլայն խանութի էջից միանգամից պատվեր է կատարել. չափսը նշել է, կարել ենք ու ուղարկել իր հասցեով՝ Լիբանան: Այս տարազը Սյունիք-Արցախյան տարազախմբից մի օրինակ է, վրայի ասեղնագործությունը արցախյան գորգանախշ է,- պատմեց տարազի հեղինակը և նշեց, որ մինչ այդ ֆուդբլոգերին չի ճանաչել,- Ընկերներս Ֆեյսբուքում տեղադրել էին «Ղափամա»-ի տեսանյութը, ու երեկոյան երբ անցնում էի Ֆեյսբուքով, տեսա, ասացի՝ ինչ ծանոթ հագուստ է: Ուշադիր նայելուց հետո՝ ասացի՝ սա իմ կարած հագուստն է, և արդեն երբ օնլայն-խանութի վաճառքները նայեցի, հասկացա՝ Լիբանան գնացած մեր վերջին պատվերն իրենն էր փաստորեն: Շատ հաճելի պահ էր»:
«Հեզբոլլահ»-ը հայտարարել է, որ Իսրայելը երեք հարված է հասցրել, սպանվել է խմբավորման երկու մարտիկ. հարվածներից մեկը բաժին է ընկել «Հեզբոլլահ»-ի պարենամթերքի պահեստին:
Ինչ վերաբերում է Զելենսկու հնարավոր այցին Հայաստան, Արմեն Ռուստամյանը նկատեց՝ Հայաստանի վիճակը շատ լավ էր, հիմա էլ դառնալու է Ռուսաստան-Ուկրաինա պատերազմի թատերաբեմ։
Գերմանիայի դաշնային կանցլեր Օլաֆ Շոլցի խոսքով՝ Եվրամիության երկրների շրջանում ընդհանուր ըմբռնում կա, որ արևմտյան պետությունները չպետք է զորքեր ուղարկեն Ուկրաինա։ Այս մասին Շոլցը հայտարարել է երեկ Փարիզում Ուկրաինայի խնդրին նվիրված գագաթնաժողովից հետո Բեռլին վերադարձի ճանապարհին՝ գերմանական Ֆրայբուրգ քաղաքում։
Վինքելմայեր-Բեքերը տեղեկացրեց, որ հայաստանյան այցի շրջանակում գերմանացի պատգամավորների պատվիրակությունը հանդիպել է քաղհասարակության ներկայացուցիչների հետ, բարձրաստիճան պաշտոնյաների, այդ թվում՝ վարչապետի, ՍԴ նախագահի և անդամների, ՆԳ և արդարադատության նախարարների, ԱԺ պետաիրավական հանձնաժողովի գործընկերների, Մարդու իրավունքների պաշտպանի հետ։ Տարածաշրջանային այցի շրջանակում Բունդեսթագի պատվիրակությունը Հայաստանից կմեկնի Վրաստան, այնուհետև՝ Ադրբեջան։
Ֆրանսիան չի բացառել Ուկրաինա զորքեր ուղարկելու հավանականությունը։ Ֆրանսիայի նախագահ Էմանուել Մակրոնը Փարիզում եվրոպացի առաջնորդների հանդիպումից հետո հայտարարել է Ուկրաինային աջակցելու նոր քայլերի մասին՝ ասելով, որ պատերազմում Ռուսաստանի նկատմամբ հաղթանակի հասնելու համար չի կարելի բացառել արևմտյան ցամաքային ուժերը երկիր ուղարկելը։
Միցոտակիսն իր հարգանքի հավաստիքը հայտնեց նաև Հունաստանի ստվար հայկական համայնքին, բոլոր նրանց, ովքեր տարիներ շարունակ նպաստել են փոխշահավետ հարաբերություններին և այժմ էլ հանդես են գալիս որպես ներդաշնակ գոյակցության օրինակ՝ իրենց դերակատարությունն ունենալով հունական հասարակության մեջ։
1988թ. փետրվարի 27-ին Խորհրդային Ադրբեջանի ղեկավարության նախաձեռնությամբ և բացարձակ թողտվության պայմաններում մեկնարկեցին Սումգայիթի հայ բնակչության ջարդերը, որոնք ուղեկցվեցին բռնությունների, դաժանությունների, բռնի անհետացումների, ունեզրկման, մարդու իրավունքների զանգվածային ոտնահարումների դեպքերով:
Մակրոնը փետրվարի 26-ին Ուկրաինայի աջակցությանը նվիրված Փարիզի խորհրդաժողովից հետո կայացած մամուլի ասուլիսում հայտարարել էր, որ արևմտյան երկրների ղեկավարները քննարկում են Ուկրաինա զորքեր ուղարկելու հնարավորությունը, սակայն փոխհամաձայնության չեն հասել։
Էմանուել Մակրոնը Փարիզում Կիևին օգնության հարցով պետությունների և կառավարությունների ղեկավարների հետ հանդիպումից հետո չէր բացառել Ուկրաինայում Արևմտյան երկրների զինվորականների տեղակայման հնարավորությունը։
Ելիսեյան պալատում կայացած խորհրդաժողովին մասնակցել են Գերմանիայի կանցլեր Օլաֆ Շոլցը, Լեհաստանի նախագահ Անջեյ Դուդան և ԵՄ-ի շուրջ 20 երկրների վարչապետներ։ Հանդիպմանը Միացյալ Նահանգները ներկայացնում էր Եվրոպայի և Եվրասիայի հարցերով ԱՄՆ պետքարտուղարի օգնական Ջեյմս Օ’Բրայենը, իսկ Մեծ Բրիտանիան՝ արտաքին գործերի նախարար Դևիդ Քեմերոնը:
Գազայի հատվածում հակամարտության սրումից հետո «Անսար Ալլահ» շարժումը հայտարարել է, որ հարվածներ է հասցնելու Իսրայելի տարածքին և նրա հետ կապված նավերին թույլ չի տալու անցնել Կարմիր ծովի և Բաբ էլ Մանդեբի նեղուցի ջրերով, մինչև պաղեստինյան անկլավում Իսրայելի ռազմական գործողությունները չդադարեն:
Ադրբեջանական ԶԼՄ-ները շարունակում են հրապարակել վերընտրված նախագահ Իլհամ Ալիեւին ուղղված շնորհավորանքները։
Հանդիպման ընթացքում զրուցակիցները քննարկել են Հայաստան-Հունաստան համագործակցության, Հարավային Կովկասում տեղի ունեցող գործընթացների, Հայաստան-Ադրբեջան հարաբերությունների կարգավորման, ինչպես նաև երկուստեք հետաքրքրություն ներկայացնող այլ հարցեր:
Ցաղասպանություն անվան տակ փաթեթավորված կեղծիքների այս խումբը տարիներ շարունակ ծառայել է մի շարք նպատակների՝ հակակշռել Հայոց ցեղասպանության գաղափարին ընդհանրապես, սեփական հանրության ներսում ձևավորել զոհի և ցեղասպանվածի կերպար, որի շուրջ պետք է իրականացվեր հանրության համախմբումը ընդդեմ թվացյալ հանցագործի՝ հայի և հայկականության:
Հատկանշական է, որ այդ իրադարձությունները թիրախավորել են ոչ միայն հայ բնակչությանը. դրանք ուղեկցվել են նաև հայկական ժառանգության և ընդհանուր առմամբ հայկական հետքի վերացման կանխամտածված գործողություններով։
Իրաքի նախագահը նաև հույս հայտնեց, որ ՀՀ նախագահի հետ ունեցած քննարկումների արդյունքում Հայաստանի կողմից կվերացվի վիզային ռեժիմը իրաքցիների համար, ինչը կնպաստի զբոսաշրջության ոլորտում համագործակցության զարգացմանը։
Եվրամիությունն աջակցում է կայուն և տևական խաղաղությանը, ուստի Հայաստանի և Ադրբեջանի միջև հարաբերությունների կարգավորման ուղղությամբ ջանքերը պետք է ավելի արագ տեմպերով շարունակվեն:
Վրաստանի նախագահ Սալոմե Զուրաբիշվիլին մեկնել է Մեծ Բրիտանիա. այդ այցի համար նա չի ստացել կառավարության թույլտվությունը։ Նախագահի աշխատակազմի մամուլի ծառայությունը հայտնել է, որ փետրվարի 28-ին Զուրաբիշվիլին մասնակցելու է Միջազգային հարաբերությունների թագավորական ինստիտուտի՝ Chatham House-ի կազմակերպած միջոցառմանը։
The Kyiv Independent պարբերականն իր հերթին հիշեցնում է, որ Ուկրաինան վաղուց դիմել է դաշնակիցներին՝ մեծ հեռահարության զենքերի մատակարարման համար, սակայն Մոսկվայի հետ հարաբերությունները չսրելու համար Արևմտյան երկրները դանդաղ են իրականացնում այս գործընթացը։ Ֆրանսիան արդեն Ուկրաինային մատակարարել է մեծ հեռահարության SCALP հրթիռներ, որոնք կարող են անցնել 250 կմ։
Հայաստանի նախագահ Վահագն Խաչատուրյանը պաշտոնական այցով Իրաքում է։ ՀՀ նախագահը հանդիպում կունենա նաև Իրաքի վարչապետ Մուհամեդ Շիա-Ալ Սուդանիի հետ։
armtimes.com-ը՝ հղում անելով ֆրանսիական լրատվամիջոցներին, գրում է՝ Նիկոլ Փաշինանի Փարիզ կատարած այցի ավարտին Ֆրանսիայի հետախուզական ծառայության և Հայաստանի ազգային անվտանգության ծառայության միջև պայմանավորվածություն է ձեռք բերվել չորս երկրներում՝ Ադրբեջանի, Իրանի, Ռուսաստանի և Թուրքիայի վերաբերյալ հետախուզական տեղեկատվության փոխանակման վերաբերյալ։
Երկու երկրների նախագահները գոհունակությամբ արձանագրել են վերջին տարիներին Հայաստանի և Իրաքի միջև առևտրաշրջանառության աճի տեմպերը՝ կարևորելով առևտրատնտեսական կապերի խորացումը և Հայաստանի ու Իրաքի միջև ներկրվող և արտահանվող ապրանքների դիվերսիֆիկացիան:
Վահագն Խաչատուրյանը հանդիպումներ կունենա նաև Իրաքի և Իրաքյան Քուրդիստանի հայկական համայնքների ներկայացուցիչների հետ։ ՀՀ նախագահի պատվիրակության կազմում Իրաք են ժամանել նաև գործարարներ, որոնք կմասնակցեն գործարար համաժողովի։
Գարդման-Շիրվան-Նախիջևան համահայկական միությունը խստորեն դատապարտում է ադրբեջանական քաղաքական երեսպաշտությունը՝ ի դեմս Ադրբեջանի արտգործնախարարության տարածած հայտարարությունների, որոնք ոչ այլ ինչ են, եթե ոչ սեփական հանցանքները թաքցնելու համար հորինված մեղադրանքներ։
