Սա, մեր, որպես հրեաների, և, իհարկե, որպես հրեա ժողովրդի պետության, բարոյական պարտքն է. Իսրայելի ԱԳՆ
Իսրայելի ԱԳ նախարար Գիդեոն Սաարը, այն բանից հետո, երբ երկրի նախարարների կաբինետը միաձայն հավանություն տվեց Հայոց ցեղասպանության ճանաչման մասին բանաձևին, հանդես եկավ կարճ ելույթով, որում խոսեց մարդկության դեմ այս հանցագործությունը ճանաչելու պատճառների մասին։
«Այսօր Իսրայելի կառավարությունը հավանություն տվեց իմ ներկայացրած բանաձևին, որը ճանաչում է հայ ժողովրդի ցեղասպանությունը։
Այս սարսափելի ցեղասպանությունը տեղի է ունեցել ավելի քան 100 տարի առաջ, և պատմական փաստերի վերաբերյալ իրական վեճեր չկան։
Այն ներառել է մեկուկես միլիոն մարդու սպանությունը և հնագույն մշակութային ու պատմական ժառանգության ոչնչացումը։ Սա, իմ կարծիքով, մեր, որպես հրեաների, և, իհարկե, որպես հրեա ժողովրդի պետության, բարոյական պարտքն է. ընդունվեց այն որոշումը, որը մենք այսօր հաստատեցինք։
Ես կցանկանայի շնորհակալություն հայտնել վարչապետ Բենիամին Նեթանյահուին և նախարարների կաբինետում իմ գործընկերներին՝ աջակցության համար»,- նշել է Իսրայելի ԱԳ նախարարը։
