Թրամփը կրկնում է Բայդենի սխալը. փորձագետ
Ռուսաստանին խիստ պատժամիջոցներով սպառնալով և ռուսական նավթ գնող Հնդկաստանին ճնշելով՝ ԱՄՆ նախագահ Դոնալդ Թրամփը կրկնում է իր նախորդի՝ Ջո Բայդենի սխալը։ Այս կարծիքը Tsargrad.tv-ի հետ զրույցում հայտնել է Ազգային էներգետիկ անվտանգության հիմնադրամի առաջատար վերլուծաբան և Ֆինանսական համալսարանի փորձագետ Իգոր Յուշկովը։
«Թրամփն ինքը ակտիվորեն շահագործեց բենզինի գների բարձրացման հարցը հենց այն ժամանակ, երբ Ռուսաստանի դեմ պատժամիջոցների առաջին ալիքը մեզ ստիպեց թեքվել դեպի Հնդկաստան։ Այդ ժամանակ՝ 2022 թվականի մայիս-հունիս ամիսներին, մենք օրական մեկ միլիոն բարելով կրճատեցինք արտադրությունը։ Նավթի գինը հասավ մեկ բարելի համար 120 դոլարի։ Թրամփը ինքը մեղադրեց Բայդենին՝ ասելով. «Նայեք, թե ինչի է նա հասցրել երկիրը»,- նշել է փորձագետը։
Նա հավելել է, որ Միացյալ Նահանգների համար հիմնական ռիսկերից մեկն այն է, որ նրա դաշնակիցները հրաժարվում են աջակցել Վաշինգտոնի պատժամիջոցների նախաձեռնություններին։
