Միջազգային

Այսօր Ադրբեջանի նախագահ Իլհամ Ալիևն ընդունել է Վրաստանի պաշտպանության նախարար Լևան Իզորիայի գլխավորած պատվիրակությանը, հայտնում է ադրբեջանական APA գործակալությունը։

Իրանի նախագահ Հասան Ռոուհանին Մոսկվա կմեկնի 2017թ. հունվարին։ Այս մասին հայտնում է TASS-ը հղում կատարելով այդ ուղևորության նախապատրաստման ընթացքի հետ ծանոթ աղբյուրին։

Ադրբեջանի առաջին փոխվարչապետ Յաղուբ Էյուբովն այսօր հայտարարել է, որ Ռուսաստանը տարածաշրջանում անվտանգության երաշխավոր է, հայտնում է RIA Novosti-ն։

ՌԴ փոխվարչապետ Դմիտրի Ռոգոզինն այսօր հայտարարել է, որ Մոսկվան և Բաքուն լուծել են մի շարք հարցեր, որոնք ավելի վաղ բարդ բանավեճերի տեղիք էին տվել, հայտնում է RIA Novosti-ն։

Ինչպես հայտնում է CNN-ը, ԱՄՆ նորընտիր նախագահ Դոնալդ Թրամփի Trump Organization ընկերությունը housecleaning-ի շրջանակներում (բառացի՝ տան մաքրման աշխատանքներ) խզել է Ադրբեջանի հետ կնքած պայմանագիրը։ Housecleaning-ի շրջանակում խզվել է օտարերկրյա 3 պայմանագիր։

Պալմիրայի անկումը միջազգային կոալիցիայի և սիրիական բանակի գործողությունների չհամաձայնեցման հետևանք էր, հայտարարել է ՌԴ նախագահ Վլադիմիր Պուտինը Ճապոնիայի վարչապետ Սինձո Աբեի հետ բանակցություններից հետո։

ԱՄՆ նորընտիր նախագահ Դոնալդ Թրամփը քննադատել է Սպիտակ տան ներկայիս մամուլի քարտուղար Ջոշ Էռնստի աշխատանքը։

Այս գիշեր Աջարիայում գազատարի վրա առաջացած վթարային իրավիճակի հետևանքով դադարեցվել է Բաթում քաղաքի գազամատակարարումը, հայտնում է Interfax-ը։

Այսօր Բաքվում տեղի է ունենալու ռուս-ադրբեջանական միջկառավարական հանձնաժողովի նիստը:

Ադրբեջանի խորհրդարանն այսօր կայացած լիագումար նիստում հաստատել է 2017թ. պետբյուջեի նախագիծը, հայտնում է ադրբեջանական Trend գործակալությունը։

Ադրբեջանի նախագահ Իլհամ Ալիևն այսօր ընդունել է Վրաստանի պաշտպանության նախարար Լևան Իզորիայի գլխավորած պատվիրակությանը, հայտնում է «Գրուզիա օնլայնը»։

Բրյուսելի ԵՄ գագաթաժողովում Իտալիան արգելափակել է ՌԴ-ի նկատմամբ 1 տարով պատժամիջոցների երկարաձգումը։ Հռոմը դեմ է եղել նաև Սիրիայում Ռուսաստանի կողմից հնարավոր հանցագործությունների համար պատժամիջոցների ընդլայնմանը։

Հալեպում շարունակվում է ապստամբների և խաղաղ բնակիչների տարհանումը քաղաքի արևելյան շրջաններից։ Անցած գիշեր հրադադարի ռեժիմը չի խախտվել, հայտնել են Կարմիր խաչի միջազգային կոմիտեի ներկայացուցիչները։

Թուրքիայի և Ռուսաստանի վարչապետներ Բինալի Յըլդըրըմն ու Դմիտրի Մեդվեդևը հեռախոսազրույց են ունեցել, որի ընթացքում քննարկել են Հալեպի արևելյան շրջաններից խաղաղ բնակիչների ու ընդդիմության զինյալների տարհանման հարցը, հայտնում է «Անադոլու» գործակալությունը։

Մոսկվայի Բասմաննի դատարանը կալանք է դրել ՌԴ տնտեսական զարգացման նախկին նախարար Ալեքսեյ Ուլյուկաևի գույքի վրա, հայտնում է BBC-ի ռուսական ծառայությունը՝ վկայակոչելով դատարանի մամուլի ծառայությանը։

ԵՄ գագաթաժողովի մասնակիցները դատապարտել են Ռուսաստանի և Իրանի նպատակաուղղված հարվածները՝ մատնանշելով քաղաքացիական օբյեկտներին հասցված վնասները, հայտնում է DW-ն։

Բժիշկները ԱՄՆ Դեմոկրատական կուսակցության նախագահի նախկին թեկնածու Բեռնի Սանդերսի դեմքից ոչ մեծ չարորակ ուռուցք են հեռացրել, հաղորդում է Associated Press գործակալությունը։

Հալեպից զինյալներին տեղափոխող ավտոշարասյունը հասել է ապստամբների վերահսկողության տակ գտնվող սիրիական շրջաններ, հայտնում է «Անադոլու» գործակալությունը։

ԱՄՆ նախագահ Բարաք Օբաման երեկ Թուրքիայի նախագահ Ռեջեփ Էրդողանի հետ հեռախոսազրույցում շնորհակալություն է հայտնել նրան Հալեպում զինադադար կնքելու հարցում ներդրած ջանքերի համար, երկու ղեկավարներն էլ համաձայնել են, որ Սիրիայում կողմերը պետք է պայմանավորվեն հրադադարի հաստատման և հակամարտության քաղաքական լուծման շուրջ, հայտնում է Սպիտակ տունը։

Թուրքիայի նախագահ Ռեջեփ Էրդողանը հայտարարել է, որ քննարկել է Սիրիայի Հալեպ քաղաքում ստեղծված իրավիճակը ՌԴ նախագահ Վլադիմիր Պուտինի, ԱՄՆ նախագահ Բարաք Օբամայի, Գերմանիայի կանցլեր Անգելա Մերկելի և ՄԱԿ-ի նորընտիր գլխավոր քարտուղար Անտոնիո Գուտյերեշի հետ։

ԱՄՆ Ջորջիա նահանգի նախկին կոնգրեսական, Դոնալդ Թրամփի շտաբի խորհրդական Ջեք Քինգսթոնը Մոսկվա կատարած այցի ժամանակ հասկացրել է, որ հնարավոր է համարում Ռուսաստանի նկատմամբ պատժամիջոցների չեղարկման հարցը, հայտնում է National Public Radio-ն։

ԱՄՆ նախագահ Բարաք Օբաման հարցազրույցի ժամանակ հայտարարել է, որ Վաշինգտոնը միջոցներ կձեռնարկի Ռուսաստանի դեմ՝ կապված ընտրություններին Ռուսաստանի միջամտության հետ, հայտնում է National Public Radio-ն։

Շանհայը տեղի երկու օդանավակայաններում տարեկան 100 միլիոնից ավելի ընդհանուր ուղեւորահոսքով տեղ է գտել աշխարհի խոշորագույն օդային փոխադրական հանգույցների թվում: Ինչպես գրում է Shanghai Daily-ն, 100 միլիոներորդ ուղեւորը «Պուդուն» միջազգային օդանավակայանում նախօրյակին վայրԷջք Է կատարել Մոսկվայից «Արեւելաչինական ավիաուղիների» չվերթով:

Ֆրանսիան պահանջել է Հալեպում առկա իրավիճակի հետ կապված անհապաղ հրավիրել ՄԱԿ­-ի անվտանգության խորհրդի նիստ:

Նորընտիր նախագահ Դոնալդ Թրամփի կարողությունը ընդգրկում է տարբեր հասցեներում գտնվող շենքեր, գոլֆի համար նախատեսված համալիրներ, երկնաքերեր: Դրանցից շատերը գնված են հիփոթեքային վարկերով, որոնցից երեքը մտահոգության տեղիք են տալիս փորձագետների շրջանակում՝ կապված այն բանկի հետ, որը տնօրինում է վարկերը: Դա գերմանական Deutsche Bank-ն է:

Standard & Poor’s միջազգային վարկանիշային գործակալությունը Ադրբեջանի նավթային պետական ընկերության (SOCAR) կողմից չապահովված կորպորատիվ վարկերի վերաբերյալ վարկանիշը գնահատել է BB, այսինքն` բացասական:

Ադրբեջանի նախագահ Իլհամ Ալիեւը հետ է կանչել մի շարք երկրներում առաքելություն իրականացնող Ադրբեջանի դեսպաններին:

«Չնայած հայտարարություններին, որ կողմերը նույն նպատակն են հետապնդում, ակնհայտ է, որ Թուրքիայի իշխանությունները Սիրիայում նույն նպատակը չեն հետապնդում, ինչ ՌԴ իշխանությունները, ինչը ցույց տվեցին օրերս տեղի ունեցած իրադարձությունները Հալեպ քաղաքում»։

«Պարզաբանել այս հարցը` նշանակում է` ռուսների խաղի մեջ մտնել, այնինչ ՀՀ իշխանությունները սովորաբար անիմաստ հարցերի առնչությամբ պարզաբանումներ չեն տալիս։ Սա ճիշտ քաղաքականություն է»,- նշեց Ֆրանսիայի Ռազմավարական հետազոտությունների կենտրոնի փորձագետը։

Հավաքական անվտանգության պայմանագրի կազմակերպության գլխավոր քարտուղար Նիկոլայ Բորդյուժան հայտարարել է, որ 2017 թվականին ՀԱՊԿ-ի անդամ երկրների անվտանգության վրա կազդեն թեժ կետերը, թմրանյութերի անօրինական շրջանառությունը, ահաբեկչությունը եւ Ռուսաստանի եւ դաշնակիցների հետ Արեւմուտքի փաստական դիմակայութունը, տեղեկացնում է ՌԻԱ Նովոստին: