SOCAR-ի գազատարը վթարվել է. Բաթումը զրկվել է գազից
Այս գիշեր Աջարիայում գազատարի վրա առաջացած վթարային իրավիճակի հետևանքով դադարեցվել է Բաթում քաղաքի գազամատակարարումը, հայտնում է Interfax-ը։
Առանց գազի է մնացել մոտ 50 հազար բաժանորդ, դպրոցներում ու մանկապարտեզներում, որոնք ջեռուցվում են գազով, ստիպված են եղել կասեցնել ուսումնական գործընթացը։
SOCAR Georgia Gas-ի աջարական մասնաճյուղի տեղեկություններով՝ ողջ գիշեր և առավոտյան ժամերին տեխնիկական բրիգադները աշխատել են գազատարի վթարված հատվածը վերականգնելու ուղղությամբ։
Ենթադրվում է, որ մոտ ժամանակներս կսկսվի բնակչությանը գազամատակարարման տրամադրումը։
