Կառլ III-ն իբրև գործող միապետ առաջին անգամ հրապարակել է իր անձնական հարկերի վերաբերյալ տվյալները
Մեծ Բրիտանիայի թագավոր Կառլ III-ը հրապարակել է իր անձնական եկամտահարկերի մանրամասները՝ դառնալով բրիտանական առաջին միապետը, որը դիմել է այդ քայլին՝ թագավորական ընտանիքի ֆինանսների առավել մեծ թափանցիկության պահանջների հետնապատկերին, գրում է The New York Times պարբերականը։
Գահ բարձրանալու պահից ի վեր Կառլ III-ը որպես հարկ վճարել է ավելի քան 30 միլիոն ֆունտ ստերլինգ (մոտ 39,5 միլիոն ԱՄՆ դոլար)։ Բուկինգհեմյան պալատը հայտնել է նաև, որ նստավայրի տասնամյա վերակառուցման ավարտից հետո թագավորն ու թագուհի Քամիլան չեն բնակվելու Բուկինգհեմյան պալատում։
Ավելի վաղ Կառլ III-ն արդեն հրապարակել էր Ուելսի արքայազնի կարգավիճակում իր վճարած հարկերի վերաբերյալ տվյալները, սակայն ընթացիկ հրապարակումը դարձավ գործող բրիտանական միապետի անունից հարկային տեղեկությունների բացահայտման առաջին դեպքը։
