Միջազգային

Կալիֆոռնիա նահանգի ոստիկանությունը տեղեկություն է տարածել այն կնոջ ու տղամարդու մասին, ովքեր հրաձգություն էին բացել Սան-Բեռնարդինո քաղաքի սահմանափակ հնարավորություններով մարդկանց օգնության Inland շրջանային կենտրոնի սրահում, հայտնում են ամերիկյան լրատվամիջոցները:

Ռուսաստանի նախագահը պետք է սկսի իր ելույթը Մոսկվայի ժամանակով ժ. 12:00-ին: Այդ ուղերձը կդառնա 22-րդը Ռուսաստանի նորագույն պատմության մեջ ու 12-րդը՝ Պուտինի համար, գրում է TASS-ը:

Ամերիկացի լրագրողները պարզել են, թե ովքեր են Կալիֆոռնիայի Սան-Բեռնարդինո քաղաքի հաշմանդամների կենտրոնում տեղի ունեցած հրաձգության հեղինակները: Որոշ տեղեկությունների համաձայն՝ նրանք Մերձավոր արևելքից են:

«Ռուսաստան-Թուրքիա հարաբերություններում առճակատման պայմաններում Հայաստանի կողմից չեզոքություն պահպանելն օրվա հրամայականն է։ Առանց այն Էլ Հայաստանի շուրջ ընթացող իրադարձությունները այն աստիճան վտանգավոր են, որ առանց Հայաստանի ներգրավվածության քայլերի էլ երաշխիքներ չկան, որ իրավիճակը չի կարող լարվել, օրինակ՝ Թուրքիայի դրդմամբ հայ-ադրբեջանական սահմաններին եւ ղարաբաղյան շփման գծում»։

5,5 մագնիտուդ ուժգնությամբ երկրաշարժ է տեղի ունեցել Թուրքիայի արևելյան մասում, հայտնում է ԱՄՆ Երկրաբանական ծառայությունը:

14 մարդ է սպանվել Կալիֆոռնիայի Սան-Բեռնարդինո քաղաքում տեղի ունեցած հրաձգության հետևանքով: Նման հայտարարություն արել են քաղաքային իշխանությունները: Տասնյակ մարդիկ վիրավորվել են ու տեղափոխվել հիվանդանոց, հայտնում է NBC հեռուստաալիքը:

Մեծ Բրիտանիայի թագավորական ռազմաօդային ուժերի կործանիչներն առաջին հարվածներն են հասցրել ԴԱԻՇ-ի ահաբեկիչների դիրքերին, հայտնում է BBC-ն՝ հղում կատարելով երկրի պաշտպանության նախարարությանը:

ԴԱԻՇ ահաբեկչական խմբավորման անդամները համացանցում տեղադրել են մի մարդու սպանության տեսագրություն, ով իրեն անվանում է ՌԴ Անվտանգության դաշնային ծառայության գործակալ:

Թուրքիայի նախագահ Ռեջեփ Թայիփ Էրդողանը, ի պատասխան ռուսական կողմի նոր մեղադրանքների, թե ինքն ու Թուրքիայի իշխանությունները մասնակցում են ԴԱԻՇ-ի հետ գործարքներին, դարձյալ խոստացել է հրաժարական ներկայացնել, եթե այդ մեղադրանքներն ապացուցվեն: Այս մասին հայտնում է BBC-ի ռուսական ծառայությունը:

Եվրամիությունը նախազգուշացրել է Հունաստանին, որ նրան սպառնում է հեռացում Շենգենյան գոտուց, եթե մինչև դեկտեմբերի կեսը Աթենքը լրջորեն չվերանայի միգրացիոն ճգնաժամի հաղթահարման իր հայացքները, գրում է The Financial Times-ը:

Ֆրանսիայի իշխանությունները 1 շաբաթում երկրի տարբեր շրջաններում 3 մզկիթ են փակել, որտեղ ենթադրաբար, տարածվել են ահաբեկչական գաղափարախոսություններ: Այս մասին հայտնում է TASS-ը՝ հղում կատարելով Ֆրանսիայի ներքին գործերի նախարար Բեռնար Կազնևին:

ՌԴ պաշտպանության նախարարությունը YouTube-ում ու իր պաշտոնական էջում հրապարակել է տեսագրություն, որտեղ երևում են թուրք-սիրիական սահմանի մոտ՝ Ռեյհանլի շրջանում, գտնվող մեծ բեռնատարները:

Ռուսաստանի արտգործնախարար Սերգեյ Լավրովն ու Թուրքիայի արտգործնախարար Մևլյութ Չավուշօղլուն կհանդիպեն Բելգրադում՝ ԵԱՀԿ նախարարական հանդիպման շրջանակում, որը պետք է տեղի ունենա դեկտեմբերի 3-4-ը: Այս մասին Լավրովը հայտարարել է Կիպրոսում իր գործընկերոջ հետ ունեցած բանակցություններից հետո, տեղեկացնում է Lenta.ru-ի թղթակիցը:

Ադրբեջանի նախագահ Իլհամ Ալիևն այսօր ընդունել է Վրաստանի պաշտպանության նախարար Թինաթին Խիդաշելիին, հայտնում է haqqin.az-ը՝ հղում կատարելով Ադրբեջանի նախագահի կայքին:

Նավթի վաճառքից գոյացած եկամուտները Սիրիայում ահաբեկիչների ֆինանսավորման աղբյուրներից մեկն են: Նավթի ամենամյա շրջանառությունը զինյալներին բերում է շուրջ 2 միլիարդ դոլարի եկամուտ:

Հունգարիայի վարչապետ Վիկտոր Օրբանը հայտարարել է, որ Եվրամիությունն ու Թուրքիան կնքել են համաձայնագիր, որի համաձայն, շուրջ 500 հազար սիրիացի փախստական կվերաբնակեցվի ԵՄ-ում, հայտնում է Reuters-ը:

Դատաբժիշկներին հաջողվել է վերականգնել Սիրայում կործանված ռուսական «Սու-24»-ի ռուս օդաչու Օլեգ Պեշկովի կյանքի վերջին րոպեների պատկերը, հայտնում է LifeNews-ը:
Ինչպես հայտնել է իրավապահ մարմիններում աղբյուրը, Պեշկովի մարմնում փորձագետները հայտնաբերել են փամփուշտի 8 վիրավորում:

ՆԱՏՕ-ի ընդլայնումը, ի հաշիվ դաշինքին Չեռնոգորիայի անդամակցության, չի պարունակում սպառնալիք Ռուսաստանի կամ ինչ-որ այլ երկրի դեմ, հայտարարել է ԱՄՆ պետքարտուղար Ջոն Քերին:

Ընդամենը 1.5 տարի առաջ մենք հետևում էինք ռուս-թուրքական հարաբերությունների ջերմացմանը, բայց երբեք չի բացառվել, որ բախումներ ևս հնարավոր են: Այս մասին այսօրվա քննարկմանն ասաց ՀՀ ԱԺ Արտաքին հարաբերությունների մշտական հանձնաժողովի նախագահ, ՀՀԿ խմբակցության պատգամավոր Արտակ Զաքարյանը:

Թուրքիան չպետք է դառնա Եվրամիության անդամ, սխալ է թույլ տալ Անկարային հավատալ, որ երկիրը կարող է դառնալ Եվրամիության մաս: Այս մասին հայտարարել է Ֆրանսիայի նախկին նախագահ Նիկոլա Սարկոզին Europe 1 ռադիոկայանի եթերում:
«Սխալ է խաբել ու ստիպել թուրքերին հավատալ, որ նրանք կարող են միանալ Եվրոպային: Մենք պետք է սերտ հարաբերություններ ունենանք Թուրքիայի հետ, ընդհանուր հետաքրքրություններ ունենանք, սակայն երկիրը չպետք է դառնա ԵՄ անդամ»,- հայտարարել է Սարկոզին:

Այս տարվա առաջին 10 ամսում, համեմատած անցած տարվա նույն ժամանակահատվածի հետ, Վրաստանից Ադրբեջան արտահանման ծավալները նվազել են 53,5%-ով կամ 253,3 մլն դոլարով՝ հասնելով շուրջ 221 մլն դոլարի, այսինքն՝ վրացական արտահանման ընդհանուր ծավալի 12%-ին: Այս մասին հայտնում է «Sputnik-Գրուզիան»՝ հղում կատարելով Վրաստանի Ազգային վիճակագրական ծառայությանը:

«Մեր ԱԳՆ-ն ճիշտ է վարվում, որ որևէ հայտարարություն չի անում: Մենք ներքաշված չենք այս կոնֆլիկտում: Ինչ կարող է լինել՝ մենք գիտենք. մեր դարավոր փորձը ցույց է տալիս, որ ռուս-թուրքական պատերազմներից մենք միայն ահավոր մեծ կորուստներով ենք դուրս գալիս, նույնը լինում է ռուս-թուրքական եղբայրությունից»:

«Միացյալ Հայկական ֆոնդի» հոգաբարձությունից տեղեկանում ենք, որ 2015 թվականի նոյեմբեր 30-ից «Միացյալ Հայկական Ֆոնդ» շահույթ չհետապնդող կազմակերպությունը դադարեցնում է իր գործունեությունը:

«Սիրիայում թուրքական օդուժի կողմից ռուսական ինքնաթիռի ոչնչացումը համարվում է ոչ բարեկամական քայլ: Ռուսաստանի նախագահը դա գնահատեց՝ որպես հարված թիկունքից: Սրան հետևեց այն, ինչ որ մենք հիմա տեսնում ենք` Ռուսաստանի կողմից տնտեսական սանկցիաներ, Սիրիայում օդուժի բազայի ուժեղացում և ընդհանրապես բոլոր ուղղություններով ռուս-թուրքական հարաբերությունների սառեցում»,- այսօր «Ռուսաստան-Թուրքիա հարաբերությունների սրացման ազդեցությունը Հարավային Կովկասի տարածաշրջանի վրա» թեմայով քննարկման ժամանակ նման տեսակետ հայտնեց ՀՀ Պաշտպանութան նախկին նախարար Վաղարշակ Հարությունյանը:

Ռուս հայտնի հաղորդավար Պավել Լոբկովը խոստովանել է, որ իր մոտ ՄԻԱՎ է հայտնաբերվել

Թուրքիայի կրթության նախարարության որոշմամբ 4-րդ դասարանում պարտադիր ուսուցանվող «մարդու իրավունքներ, քաղաքացիություն և ժողովրդավարություն» առարկան կդասավանդվի նոր մեթոդով:

ՌԴ Քննչական կոմիտեն հարցաքննել է ռուս գործարար Գերման Ստերլիգովին, ում ադրբեջանական իշխանությունները մեղադրում են Լեռնային Ղարաբաղ այցելություն կատարելու մեջ, հայտնում է Interfax-ը:

Թուրքիան համաձայն է ամբողջությամբ փակել Սիրիայի հետ սահմանը նավթի անօրինական տեղափոխումն ու զինյալների տեղաշարժը կանխարգելելու համար: Այս մասին այսօր հայտարարել է ԱՄՆ պետքարտուղար Ջոն Քերին, հայտնում է RIA Novosti-ն:

Այսօր Կարաբաշի (Չելյաբինսկի) թիվ 2 դպրոցի զգեստապահարանում հայտնաբերվել է կասկածելի փաթեթ: Ստուգումները պարզել են, որ դրանում կա պայթուցիկ նյութ: Արտաքինից այն նման է տրոտիլե գլանիկի՝ ժամային մեխանիզմով, հայտնում է LifeNews-ը:

Պետական ավտոմեքենան, որում գտնվել է Վրաստանի փախստականների հարցերով նախարար Սոզար Սուբարին, բախվել է տաքսու, որի վարորդը մահացել է, հայտնում է «Ռուսթավի-2» հեռուստաալիքը: