Կարտոֆիլի գինը Հայաստանում տատանվում է 550-750 դրամի սահմաններում: Ընտանեկան բյուջեի վրա զգալիորեն ազդող այս իրավիճակը քաղաքացիները փորձում են հաղթահարել հումորով. Կեսկատակ-կեսլուրջ ասում են՝ այս տարի ամենահարուստը կարտոֆիլ վաճառողներն են:
Գերագույն խորհրդի նախկին պատգամավոր Հրանտ Խաչատրյանի գնահատմամբ՝ Նիկոլ Փաշինյանի հրաժարականի պահանջով ապրիլից Հայաստանում ընթացող փողոցային պայքարն ընդհանուր օրակարգի մի հատվածն է, և վերջին տասնամյակում, գուցե դրանից էլ առաջ, փողոցային պայքարի արդյունավետությունը մի քիչ ուռճացված է։
168.am-ի տեղեկություններով՝ Նիկոլ Փաշինյանը Հատուկ հանձնարարություններով դեսպան Էդմոն Մարուքյանին գործուղել է Արցախ՝ Արցախի ԱԺ բոլոր խմբակցությունների հետ հանդիպելու և իր վարած քաղաքական կուրսի վերաբերյալ խմբակցությունների անդամների և ղեկավարների հետ բացատրական աշխատանքներ տանելու նպատակով։
Մայիսի 13-ին Դուբլինում կայացած նիստի ժամանակ Ադրբեջանի փաստաբանների կոլեգիան ձայների ճնշող մեծամասնությամբ ընտրվել է Եվրոպայի իրավաբանական համայնքների ու փաստաբանների խորհրդի (CCBE) անդամ:
Երեկ 168.am-ը տեղեկացրել էր, որ «Ժողովրդավարության հայկական ֆորում»-ից հետո, որին հրավիրված չէր ոչ մի ընդդիմադիր գործիչ ու պատգամավոր, իսկ միջոցառումը լուսաբանում էին ընտրյալ լրատվամիջոցներ, ՀՀ իշխանությունները պատրաստվում են հերթական փակ միջոցառմանը, այս անգամ՝ դատական իշխանության վերաբերյալ:
ՀԱՊԿ արտաքին գործերի նախարարների խորհրդի նիստին մասնակցելու նպատակով այսօր Հայաստան է ժամանել Ռուսաստանի Դաշնության արտաքին գործերի նախարար Սերգեյ Լավրովը: Հայ ժողովուրդն արդեն ձևակերպել է սեփական օրակարգը, որն այսօր քննարկվում և պաշտպանվում է Հայաստանի փողոցներում ու հրապարակներում եւ ներկայացվում է միջազգային հանրությանը, այդ թվում՝ Հայաստան ժամանող միջազգային գործընկերներին։
Հունիսի 6-ին հրապարակվեց Հետազոտական ռեսուրսների կովկասյան կենտրոն (ՀՌԿԿ)-Հայաստան հիմնադրամի ներկայացրած «Կովկասյան բարոմետր» 2021թ. հետազոտությունը:
ՀՀ սփյուռքի գործերի գլխավոր հանձնակատար Զարեհ Սինանյանն աշխատանքային այցով գտնվում է Ամերիկայի Միացյալ Նահանգներում: Գլխավոր հանձնակատարի ֆեյսբուքյան էջից տեղեկանում ենք, որ Սինանյանն այցելել է Միչիգան նահանգ, հանդիպել Դեթրոյթ քաղաքի հայ համայնքի հետ:
Մահացել է ԵՊՀ նախկին ռեկտոր Արամ Սիմոնյանը։ Արամ Սիմոնյանը պատմագետ էր, հրապարակախոս, Հայաստանի Հանրապետության գիտության վաստակավոր գործիչ։
Արմավիրի մարզում ինչպես նախորդ տարի, այս տարի ևս ոռոգման ջուրը լուրջ խնդիր է հողագործությամբ զբաղվող գյուղացիների համար։ Մասնավորապես, Էջմիածին համայնքի հողօգտագործողները 168.am-ի հետ զրույցում այս տարի էլ դժգոհում էին, որ տանջվել, բերք են մշակել, բայց ոռոգման ջուրը ժամանակին չտալու պատճառով մշակաբույսերը չորանում են։
Քաղտեխնոլոգ Կարեն Քոչարյանի կարծիքով՝ խաղաղության դարաշրջանն այն կոնցեպտն է, որով Նիկոլ Փաշինյանը փորձում է մնալ իշխանության:
«Պրեսսինգ» հաղորդաշարում Սաթիկ Սեյրանյանի հյուրը 44-օրյա պատերազմում նահատակված Հայկազ Մկրտչյանի հայրը՝ Զավեն Մկրտչյանն է:
Ընդդիմությունն արդեն 37 օրից ավելի փողոցային պայքարի է դուրս եկել գործող իշխանության դեմ և պահանջում է Նիկոլ Փաշինյանի հրաժարականը:
Մեր տեղեկություններով` Մաքսայինում բունտ է հասունանում։ Մեքենաները կանգնած են, չեն մաքսազերծվում։ Քաոսային իրավիճակ է, որովհետև առհասարակ Մաքսայինի թիմը առճակատման մեջ է Բադասյանի թիմի հետ։
Նիկոլ Փաշինյանի հրաժարականի պահանջով փողոցում ծավալված շարժման վերաբերյալ գնահատականներ հնչեցնելուց առաջ նախ պետք է հիշել, որ ամեն ընդվզում չէ, որ կարող է ավարտվել իշխանափոխությամբ, օրինակ, 40 օրում. պետք է հիշել, որ ես, օրինակ, այս իշխանության դեմ ընդվզում եմ արդեն 4 տարի, ուստի ժամկետները պետք չէ շեշտադրել, իսկ այս պայքարին մենք աջակցել և աջակցում ենք, որովհետև որևէ բանական մարդ չի կարող անմասն մնալ դրանից։
Մայիսի 22-ին Բրյուսելում ԵԽ նախագահ Շառլ Միշելի միջնորդությամբ կայացած եռակողմ Փաշինյան-Միշել-Ալիև բանակցություններից հետո Բրյուսելին ուղղված քննադատությունների տարափն անհանգստացրել է Բրյուսելին: Մայիսի 23-ին Միշելի տարածած հաղորդագրությունից, հունիսի 1-ին ԵԽ նախագահի խոսնակի անունից տարածված պարզաբանող հայտարարությունից հետո օրերս տարածաշրջան ժամանեց Հարավային Կովկասում Եվրամիության հատուկ ներկայացուցիչ Տոյվո Կլաարը, ով հանդիպումներ ունեցավ Նիկոլ Փաշինյանի, Արմեն Գրիգորյանի, Ռուբեն Ռուբինյանի և Արարատ Միրզոյանի հետ:
«Որակի բարձրացում հնարավոր է լինի այն իմաստով, որ որակով մարդիկ, որոնք ունեն առարկայական լավ գիտելիքներ, կցանկանան դպրոցում աշխատել՝ կլինեն դասախոսներ, շրջանավարտներ»,- 168.am-ի հետ զրույցում նշեց փորձագետը՝ շեշտելով, որ մանկավարժների այս ներհոսքը կլինի միայն այն առարկաների գծով, որոնց դեպքում չկա առավել բարձր վարձատրվող աշխատանքային այլընտրանք՝ օրինակ, «Արվեստ», «Հայոց լեզու», «Հայոց պատմություն»:
Վիճակագրական կոմիտեից փոխանցում են, որ հանրապետության դիտարկվող 10 քաղաքներում 2022թ. մայիսին ապրիլի համեմատ սպառողական գներն աճել են 0.1-0.3%-ով, իսկ մեկում պահպանվել է գների նախորդ ամսվա մակարդակը: Մայրաքաղաքում սպառողական գներն աճել են 0.1%-ով:
Դեռևս ամիսներ առաջ Գեղարքունիքի մարզի Գեղամասար խոշորացված համայնքի ղեկավար Հակոբ Ավետյանն ասել էր, որ Գեղամասարում 8 համայնքներից 6-ումջրի խնդիր կա: Որոշ համայնքներ առհասարակ ջուր չունեն, որոշներն էլ՝ մասնակի չունեն։ Նա նաև ասել էր, որ խնդիրն առաջացել էր այն ժամանակ, երբ 2021 թվականի մայիսի 12-ին թշնամին ներխուժել էր ՀՀ տարածք, դիրքավորվել և այդ ժամանակից ի վեր ջրի շատ ակունքներ մնացել են թշնամու վերահսկողության տակ։
Այսօր ընդդիմությունը բազմաթիվ քաղաքացիների ուղեկցությամբ Ֆրանսիայի հրապարակից բողոքի երթ իրականացրեց դեպի Հայաստանում Եվրոպական միության պատվիրակության գրասենյակ՝ իրենց բողոքն արտահայտելու ԵՄ դեսպանին առ այն, որ հունիսի 3-ին Դեմիրճյան-Պռոշյան փողոցում՝ հենց գրասենյակի շենքի առջև, ոստիկանությունը լուսաձայնային նռնակներ էր օգտագործում խաղաղ ցուցարարների նկատմամբ, իսկ ԵՄ դեսպանը մինչ օրս լռում է և այդ գործողությունների վերաբերյալ որևէ դատապարտող հայտարարություն չի արել։
Հունիսի 6-ին Հանրային հեռուստաընկերությանը տված հարցազրույցում ՀՀ պաշտպանության նախարար Սուրեն Պապիկյանը խոսելով ԶՈւ Գլխավոր շտաբի պետի պաշտոնի մասին, ասել է, որ Պաշտպանության նախարարությունում կառուցվածքային փոփոխություններ անելուց հետո կստեղծվի նոր մոդել, ըստ որի՝ ԶՈւ գլխավոր շտաբի պետը կլինի պաշտպանության նախարարի առաջին տեղակալը։
Ստացվեց, որ կառավարությունն իրենց գովազդն արեց, ասեց՝ 9000 դրամ է լինելու, բայց դարձել է 12․000 դրամ, ոչ մեկը խնդրին չանդրադարձավ, չասաց, որ գյուղացու համար պարարտանյութը թանկացել է։ Կառավարությունը, ՔՊ-ն միշտ էլ շոուներով է զբաղված, մանիպուլյացիաներով, խաբելով, նորություն չի դա։ Ամպագոռգոռ հայտարարություններ արեցին, գեղեցիկ բառեր ասացին, բայց այդ բառերի հետևում դատարկություն է, աշխատանք, արդյունք չկա, սա է ամբողջը»։
«Ժողովրդավարության հայկական ֆորում»-ից հետո ՀՀ իշխանությունները պատրաստվում են հերթական փակ միջոցառմանը, այս անգամ՝ դատական իշխանության վերաբերյալ: Վաղը կրկին «Արմենիա Մարիոթ» հյուրանոցում մեկնարկելու է երկօրյա խորհրդաժողով «Դատական իշխանությունը՝ որպես ժողովրդավարության երաշխավոր» խորագրով, որը կազմակերպում է Եվրոպայի խորհուրդը, հովանավորում՝ Եվրոպական միությունն ու Եվրոպայի խորհուրդը:
Այսօր առավոտյան բազմաթիվ քաղաքացիների մասնակցությամբ ընդդիմությունը Ֆրանսիայի հրապարակից քայլելով բողոքի երթ իրականացրեց դեպի ՀՀ-ում Եվրամիության գրասենյակ։
«Վատնումը միայն այն չէ, որ աննպատակ ծախսում են։ Վատնում է նաև այն, որ ճիշտ ժամանակին չի ծախսվում, որովհետև այդ գումարն այսօր ծախսվեց, իքս պահ հետո պետք է արդյունք տա։ Այսօր չծախսվեց, այդ իքս պահի արդյունքը կորսվեց։ Ինքը կարող է նույնիսկ մնալ պետական գանձարանում, բայց մնալով՝ արդեն դա վատնում է, որովհետև չես ծախսել, որպեսզի ստանաս այն արդյունքը, որը քաղաքական կամ ընդհանրապես կառավարության ծրագրում արձանագրվել է»,- այս խոստովանությունն օրերս կառավարության նիստում արեց Նիկոլ Փաշինյանը։ Մարդ, ում վարչապետության 4 տարիների ընթացքում պետական բյուջեի ծախսերը մշտապես թերակատարվել են։
Հունիսի 3-ին ոստիկանությունը բիրտ ուժ և հատուկ միջոցներ կիրառեց Պռոշյան փողոցում: Իշխանության ներկայացուցիչները նշում են, որ ցուցարարները քարերով հարվածել են ոստիկաններին, որի արդյունքում ոստիկանները ստացել են վնասվածքներ և ստիպված են եղել ուժ կիրառել: Ընդդիմությունն էլ պնդում է, որ եթե անգամ նման բան եղել է, ապա դրանք եղել են իշխանության ուղարկած սադրիչները, քանի որ շարժումն այս ընթացքում ապացուցել է, որ հավաքներն ու երթերը բացառապես խաղաղ են:
Հայաստանում գյուղատնտեսությունը զարգացնելու համար պետք է անցում կատարել հողակտորների խոշորացմանը, որպեսզի Հայաստանում մեծ ներդրումներ անելու ցանկություն ունեցող ներդրողները չբախվեն հողերի կտրատվածությանը, ինչը մեծ և լուրջ խնդիր է։
Կառավարության հունիսի 2-ի նիստում Նիկոլ Փաշինյանը հայտարարեց, որ 2022 թվականի հուլիսի 1-ից այլևս բնակարանների և ավտոմեքենաների առք ու վաճառք կանխիկ գումարով հնարավոր չի լինելու իրականացնել։ Բոլոր գործարքները պետք է լինեն անկանխիկ։
«Դժվար է պատկերացնել կառուցողական գործընթաց, երբ մեկ հանդիպում պետք է լինի Մոսկվայում, մյուսը՝ Բրյուսելում, և մի պարագայում, երբ Մոսկվան ու Բրյուսելը պայքարում են գործընթացում միջնորդության առաջին տեղի համար»,- այս մասին 168.am-ի հետ զրույցում ասաց վրացի քաղաքական վերլուծաբան Իրակլի Մենագարիշվիլին՝ անդրադառնալով աշխարհաքաղաքական իրավիճակին ու տարածաշրջանային զարգացումներին:
«Բոլորս վրդովվում ենք միջազգային կառույցների, արևմտյան դեսպանատների լռությունից. ես հիմնավոր կասկած ունեմ, որ այդ լռությունը գին ունի, ու այդ գինը վճարվել է արցախյան հակամարտության կարգավորման բանակցություններով»,- Ֆրանսիայի հրապարակում համաժողովրդական հանրահավաքի ժամանակ ասաց ԱԺ «Պատիվ ունեմ» խմբակցության պատգամավոր Հայկ Մամիջանյանը:
