Երևան քաղաքի ընդհանուր իրավասության դատարանը՝ նախագահությամբ դատավոր Աննա Դանիբեկյանի, մերժեց «Հայաստան» խմբակցության պատգամավոր Արմեն Գևորգյանի պաշտպանի միջնորդությունը։ Քրեական հետապնդումը Գևորգյանի նկատմամբ չի դադարեցվի։
«Մենք պարզեցինք, որ անհայտ աղբյուրներից ֆինանսավորվող մի կազմակերպություն շուրջ 25 տարի Հայաստանում գումարներ է ծախսում տարբեր ամպագոռգոռ գաղափարների համար, սակայն նրանց իրական ծրագրերը, իհարկե, դրանց հետ ոչ մի կապ չունեն: Իմ համոզմամբ՝ Հայաստանում գործում է օտարերկրյա գործակալական ցանց, որի նպատակն է քանդել մեր պետությունը, հասցնել ազգային աղետի ու մեզ համար սարսափելի ավարտի»,- ասաց Տիգրան Աթանեսյանը:
«ՄՏՍ Հայաստան» ընկերության նախկին գլխավոր տնօրեն Ռալֆ Յիրիկյանը, ով ընկերությունը գլխավորել է 2004 թվականին այն հիմնադրելու պահից ի վեր և որի ղեկավարությամբ Վիվա-ՄՏՍ-ը դարձել է Հայաստանում հեռահաղորդակցության ոլորտի անվիճելի առաջատար, լքում է ընկերությունը՝ գործարար այլ նախագծերով զբաղվելու համար, ասվում է ընկերության հաղորդագրության մեջ:
Հունիսի 10-ի երեկոյան ՀՀ արդարադատության նախարար Կարեն Անդրեասյանը ֆեյսբուքյան իր էջում «ավետեց»՝ «վարչապետի գլխավորությամբ կայացած միջգերատեսչական քննարկումների արդյունքներով նպատակահարմար չի համարվել ծանր վիրավորանքի ամրագրումը նոր Քրեական օրենսգրքում. այդ անընդունելի երևույթի համար կպահպանվի միայն քաղաքացիական պատասխանատվությունը` մինչև 3.000.000 դրամի չափով»:
«Մեր պետությունից ահռելի մաս խլվեց, մեր հայրենակիցները մնացին անպաշտպան, ու դա արվեց ժողովրդավարության անվան տակ, իսկ ժողովրդավարության անվան տակ իրենք քանդեցին ժողովրդավարության հիմնասյուները՝ դատարանները, Ազգային ժողովը շրջափակել տվեցին, հակաժողովրդավարական քայլեր կատարեցին»,- 168TV-ի «Ռեվյու» հաղորդման ընթացքում ասաց նա:
«Այս հարցի պատասխանը ստանալու համար բավական է նայել Կառավարության հունիսի նիստը, որի ընթացքում ընդունվեց մթերող ընկերություններին միլիարդավոր դրամներ հատկացնելու վերաբերյալ նախագիծ։ Այս նախագծի վերաբերյալ ոլորտի պատասխանատու նախարարը (Էկոնոմիկայի նախարար Վահան Քերոբյան.- Ա.Ս.) և Կառավարության ղեկավարը շուրջ 18 րոպե այնպես էին խնդրահարույց նախագիծը քննարկում, ոնց որ քոռ դանակով մարդուն մորթեն»։
«Այսօր այստեղ ենք մի շարք հարցերի պատասխանելու, միասին որոշում ընդունելու ու առաջ գնալու»,- Ֆրանսիայի հրապարակում ընթացող հանրահավաքի ժամանակ հայտարարեց ԱԺ փոխնախագահ, «Դիմադրություն» շարժման համակարգող Իշխան Սաղաթելյանը։
Մամուլում տեղ գտած հրապարակումների հիման վրա պարզվել է, որ այս տարի Հայաստանի Հանրապետությունում ծառայողական մեքենաների թիվը 933 է: Այն 31-ով ավելի է 2018թ. առկա ծառայողական մեքենաների թվից և 149-ով պակաս է 2019-ի թվից: Ստացվում է, որ պադավատապետության դեմ սուր պայքար մղող Փաշինյանն իշխանության գալուց հետո 149-ով ավելացրել է «պադավատների» քանակը:
Աշխարհում չկա նման նախադեպ, որ ազգային փոխադրողը լինի ուրիշ երկրում գրանցված ավիաընկերություն: Ազգային փոխադրողը ներկայացնում է ազգը: Որքան էլ արաբները լավ մարդիկ են, բայց հայ չեն: Այդ 10 միլիոնի կեսը կարող էին տալ հայկական ավիաընկերությանը և ստեղծեին զուտ հայկական ազգային ավիափոխադրող: 2018-ից այս կողմ Հայաստանի քաղավիացիան 2018-ից հետո որևէ հաջողություն կամ ձեռքբերում չի գրանցել:
Վերջերս վաղեմի ընկերներով հավաքվել, սրճում, զրուցում էինք։ Բնականաբար, զրույցի հիմնական թեման Հայաստանի այսօրվա իրավիճակն էր, դրա առաջացման պատճառները, հնարավոր ելքերն իրավիճակից դուրս գալու և այլն։ Միանգամից նշեմ, որ հավաքվածների մեջ, բարեբախտաբար այս դավադիր իշխանության կողմնակիցներ չկային։
«Քննարկվել է ԳՇ պետի նախկին տեղակալ Ստեփան Գալստյանի պաշտպանի միջնորդությունը՝ խափանման միջոց կալանքը վերացնելու վերաբերյալ: Դատարանը գնաց խորհրդակցական սենյակ՝ քննարկելու և՛ այս, և՛ ՀՀ ԶՈՒ ավիացիայի վարչության նախկին պետ Ավետիք Մուրադյանի պաշտպանի՝ խափանման միջոցը փոխելու միջնորդությունը: Ավելի ուշ առանձին որոշումներով մերժվեցին և՛ Ստեփան Գալստյանի, և՛ Ավետիք Մուրադյանի պաշտպանների միջնորդությունները»,- նշեց փաստաբանը:
168.am-ի հետ զրույցում ռուս քաղաքական վերլուծաբան Ֆյոդոր Լուկիանովն ասաց, որ հայկական կողմը, ավելի կոնկրետ՝ իշխանությունները, իրենց դրսևորում են այնպես, ինչպես սովորաբար անում են պատերազմում պարտված կողմերը: Այսինքն, ըստ նրա, չեն անում քայլեր, հայտարարություններ, որոնք կսրեն իրավիճակը և կտապալեն սպասվող բանակցություններն Ադրբեջանի հետ Խաղաղության համաձայնագրի շուրջ:
Պաշտոնական այցով Կատարում գտնվող Նիկոլ Փաշինյանը հարցազրույց է տվել «Ալ Ջազիրա» հեռուստաընկերությանը, որում, ի թիվս այլ հարցերի, անդրադառնալով Հարավային Կովկասում տեղի ունեցող գործընթացներին, Հայաստան-Ադրբեջան սահմանազատման հանձնաժողովի աշխատանքներին և ԼՂ հիմնախնդրին, վստահեցրել է՝ սահմանազատման հանձնաժողովը որևէ կապ չունի ԼՂ խնդրի հետ:
Նիկոլ Փաշինյանի քաղաքական դիահերձման աշխատանքները շարունակում եմ՝ կենտրոնում պահելով իր կողմից տարվող դավաճանական արտաքին քաղաքականությունը, մասնավորապես ՝ արցախյան հակամարտության կարգավորման հետ կապված:
Հարցին՝ ինչպիսի՞ն է Հայաստանի մոտեցումն ու դիրքորոշումն այն միջանցքի նկատմամբ, որը ենթադրաբար պետք է կապի Ադրբեջանը և Անկարան՝ անցնելով ՀՀ երկրի տարածքի միջով, Փաշինյանն ասել է, որ իրենց համար անընդունելի են, այսպես կոչված, միջանցքի մասին ձևակերպումները, և դա իրենց համար կարմիր գիծ է, քանի որ տարածաշրջանում, համաձայն եռակողմ հայտարարության, կա մեկ միջանցք, և դա Լաչինի միջանցքն է, որը կապում է Լեռնային Ղարաբաղը Հայաստանին։
Չեմ ժխտի, որ մեր երկրի և կառավարության վիճակը բավականին զգայուն է, բայց մենք փորձում ենք լինել ուղիղ, ազնիվ և վստահելի գործընկեր Ռուսաստանի, մեր եվրոպական և արևմտյան գործընկերների, մեր հարևանների համար։ Դա այնքան էլ հեշտ չէ, բայց կարծում եմ ղեկավարները նախատեսված են հենց այնպիսի իրավիճակների համար, ինչպիսին մենք այժմ ունենք, և մեր պարտականությունն է` կառավարել այս իրավիճակն ու պահպանել պատշաճ հարաբերություններ մեր գործընկերների հետ և ոչ մեկին չդավաճանել։
Մեքենան անարգել, ոստիկանների աչքի առջև, քշել է վրանի վրա, որտեղ քաղաքացիներ կային․ Աննա Մկրտչյան
Հուլիսի 1-ից սկսած անհատ ձեռնարկատերերը և կազմակերպությունները 300 հազարը գերազանցող բոլոր գործարքները պետք է իրականացնեն անկանխիկ։ Ֆիզիկական անձանց համար նման գործարքների շեմը հուլիսի 1-ից 500 հազար է, որը հաջորդ տարվա սկզբից կդառնա 300 հազար դրամ։
ՌԴ ԱԳ նախարար Լավրովը Հայաստանում Փառուխի վերաբերյալ ասել էր, որ թե ռուս զինվորականները և իրենց հայ ընկերներն այդ մասին լավ տեղեկացված են, որ ռուսական կողմը թեման պահում է իր առաջնահերթությունների շարքում: «Կան արդեն իսկ արդյունքներ իրավիճակի ապաէսկալացիայի տեսքով, և մենք ընկալում ունենք, որ սկսվող դելիմիտացիայի առարկայական գործընթացի շրջանակում այդ հարցերը դիտարկվելու են և անպայմանորեն լուծվելու»: Ադրբեջանի արտգործնախարարության արձագանքից հետո, սակայն, ռուսական կողմը խմբագրեց այս հայտարարությունը:
Հայաստանի ապագա իշխանությունը պետք է արժանի լինի Արցախ ունենալու պատվին, այդ ապագա իշխանությունը մենք ենք, իսկ իշխանությունը ձևավորելու է միայն ու միայն ժողովուրդը, հետևաբար, եթե ժողովուրդը տեսնի արտահերթ ընտրությունների կարիք, ապա «Ապրելու երկիր» կուսակցությունը դրանց կմասնակցի։
Գնաճը համաշխարհային երևույթ է, հայտարարում է հայրենի իշխանությունը ու քաշվում մի կողմ՝ հասարակության անապահով խավերին թողնելով համատարած թանկացումների օրեցօր ավելացող բեռի ծանրության տակ: Կառավարությունը ոչ միայն չի կանխարգելում արհեստական գնագոյացումը, այլև արդարացնում է այն: Էկոնոմիկայի նախարարը հայտարարում է, թե տնտեսվարողները ժողովրդի պանիկան զսպելու համար են ապրանքների գինը բարձրացնում, որպեսզի անհարկի գնումներ չանեն, Հայաստանում գրանցված 8.5% գնաճը ֆանտաստիկ լավ արդյունք է համարում և իրավիճակը համեմատում է Միացյալ Նահանգների հետ:
«Եթե Բագրատ Եսայանը մտել է «Ազատություն» ռ/կ շենք, նրան զանգվածային անկարգության համար մեղադրանք եք առաջադրում, բա Նիկոլ Փաշինյանը որ մտել է Ռադիոտուն, ի՞նչ հանցակազմ է առաջադրվել… Ես ուզում եմ ՀՀ գլխավոր դատախազ Արթուր Դավթյանին՝ ամենանախկին պաշտոնյային հարց տալ՝ պարոն Արթուր Դավթյան, Ձեր՝ գլխավոր դատախազ լինելու ժամանակ Նիկոլ Փաշինյանը մուտք է գործել Ռադիոտուն: Առերևույթ հանցագործություն այստեղ տեսնո՞ւմ եք, թե՞ ոչ»,- ասում է փաստաբանը:
168.am-ը բաց աղբյուրների հիման վրա ուսումնասիրությունների շարք էր սկսել՝ ցույց տալու, որ կարևոր ուղղություններում Պաշտպանության բանակը (ՊԲ) պատշաճ կերպով պատրաստ չի եղել պատերազմին: Ավելի կոնկրետ՝ պատերազմի սկսվելու պահին զինվորները զորամասերում են եղել, հրամանատարները՝ տանը, արձակուրդում, և միայն պատերազմի սկսվելուց հետո են կանչվել։
Օրերս Միրզոյան-Լավրով ասուլիսի ընթացքում անդրադարձ եղավ նաև ամիսներ առաջ սկսված հայ-թուրքական, այսպես կոչված, կարգավորման գործընթացին: ՀՀ ԱԳ նախարար Արարատ Միրզոյանը կարծիք հայտնեց, որ Թուրքիայի կողմից կառուցողական մոտեցում չէ հայ-թուրքական հարաբերությունները կապելը հայ-ադրբեջանական հարաբերությունների հետ։
168.am-ն օրերս տեղեկացրել էր՝ Նիկոլ Փաշինյանը պաշտոնական այցով Արարատի մարզում էր. Արարատ քաղաքում նա ծանոթացել էր սուբվենցիոն ծրագրով վերակառուցված զբոսայգու պայմաններին: Մինչ Փաշինյանը կհասներ Արարատ քաղաք, քաղաքապետարանի մոտից բերման էին ենթարկվել մի քանի քաղաքացիներ, այդ թվում՝ Գայանե Գյանջիրով Հովհանյանը:
Ռուսաստանը կրկին բարձրացնում է հետխորհրդային տարածքում կենսաբանական լաբորատորիաների վտանգավորության թեման Ռուսաստանի համար:
Մեկ տարի առաջ՝ 2021 թվականի հունիսի 5-ին, Գեղարքունիքի մարզի Կութ գյուղից ադրբեջանական զինված ծառայողները 80 անասուն էին գողացել, ու թեև Գեղարքունիքի նախկին մարզպետ, այժմ ՏԿԵ նախարար Գնել Սանոսյանը միջադեպից 1 ամիս անց՝ 2021 թվականի հուլիսի 7-ին հրավիրած մամուլի ասուլիսի ժամանակ ասել էր, թե անասուններին վերադարձնելու ուղղությամբ աշխատանքներ են տանում, եթե չվերադարձնեն, ապա պետությունն ինչ-որ բան կնախաձեռնի, մինչ օրս որևէ փոխհատուցում չեն տրամադրել տուժած 5 ընտանիքներին։
168.am-ի հետ զրույցում ԵՊՀ միջազգային հարաբերությունների ֆակուլտետի միջազգային հարաբերությունների և դիվանագիտության ամբիոնի վարիչ, քրդագետ Վահրամ Պետրոսյանը խոսելով Թուրքիայի կողմից Սիրիայի հյուսիսում մեկնարկող ռազմական գործողություններից և դրա հետևանքներից, նշեց, որ խնդիրը մշտապես եղել է ռուս-թուրքական հարաբերությունների կոնտեքստում՝ մշտապես շահարկվող իրողությունների մեջ, սակայն երբևէ չի եղել գլխավորը։
Այսօր ԱԺ ֆինանսավարկային և բյուջետային հարցերի մշտական հանձնաժողովի արտահերթ նիստում Կենտրոնական բանկի նախագահ Մարտին Գալստյանն այսօր առկա գնաճի տեմպերի վերաբերյալ պարզաբանումները սկսեց 2020 թվականից, ըստ նրա՝ երբ 2020 թվականին աշխարհում բարձրացավ կորոնավիրուսի ալիքը կենտրոնական բանկերի մոտ հիմնական հարցն այն էր՝ կանխատեսման առումով, արդյո՞ք գնաճային երևույթները կարող են երկարաժամկետ բնույթ կրել, թե դրանք կարճաժամկետ են։
«Սա կարևոր է այնքանով, որ, եթե մենք կարողանանք հիմնավորել, որ հակառակի վերաբերյալ չկա որևէ փաստաթուղթ, և այդ պարագայում, եթե մեր իշխանությունը փորձի ՀՀ սուվերեն տարածքի որոշ հատվածներ հանձնել թշնամուն, ապա մենք այստեղ արդեն հայրենիքի պետական դավաճանության մասին պետք է խոսենք»։
