Հասկանում եմ, որ որոշող ընդունողները և կառավարողներն ամենայն հավանականությամբ ներդրումների հետ կապված որևէ բան չունեն ասելու և ժամանակ շահելու համար պատճառաբանություններ են բերում, որոնց մեջ մտնում է ամեն ինչ, մասնավորապես՝ Սահմանադրական դատարանի խնդիրը։ Ակնհայտ է, որ այս ամենն իրավական չէ, և այս ամենի մասին խոսելը պարզապես անիմաստ է, որևէ տրամաբանական վերլուծության չի ենթարկվում։ Նման տրամաբանության պարագայում ներդրողը որևէ պարագայում ռիսկի չի դիմի տվյալ երկրում գործունեություն ծավալելու համար։
Փետրվարի 27-ին Բարձրագույն դատական խորհուրդը վերականգնել է Երևանի ընդհանուր իրավասության դատարանի դատավոր Արայիկ Մելքումյանի լիազորությունները:
ՀՀ վարչապետ Նիկոլ Փաշինյանի դուստրը՝ Շուշան Փաշինյանը, դատի է տվել «Քաղաքացիական գիտակցություն» հ/կ ղեկավար Նարեկ Սամսոնյանին: Այս մասին տեղեկանում ենք Դատական-տեղեկատվական համակարգից։
Թբիլիսիի օդանավակայանի կայքում տեղեկատվություն էր հայտնվել այն մասին, որ Թբիլիսին չեղարկել է դեպի Երևան երկու չվերթը, որը պետք է կայանար այսօր երեկոյան։ Չվերթը պետք է կատարեին «Georgian Airways» և «Armenia Aircompany»-ի ինքնաթիռները։
Փետրվարի 28-ին հակառակորդը կեսօրին կրակ է բացել Տավուշի մարզի Կոթի գյուղի ուղղությամբ։ 168.am-ի հետ զրույցում Կոթի համայնքի ղեկավար Ֆելիքս Մելիքյանը նշեց, որ այս պահին գյուղում իրավիճակը հանդարտ է։
Նիկոլ Փաշինյանը կառավարության այսօրվա նիստում հայտարարել է, որ «պետական համակարգում դեռ կան մարդիկ, որոնք շատ չարացած են մեծ մասի վրա, հեղափոխության վրա… նաև նախարարների պարտականությունն է՝ լիցքաթափվելու հնարավորություն տալ այդ մարդկանց, թող գնան մաքուր օդ շնչելու, ուրիշ զբաղմունք գտնելու, թող էդ մարդիկ պետք է պետական կառավարման համակարգից թողնեն-գնան, զբաղվեն ուրիշ գործով, կարող են նույնիսկ ընդդիմադիր գործունեություն ծավալել, հիմա ընդդիմություն լինելը կարող է ավելի եկամտաբեր լինել»:
Հունվարի 15-ին ԱԺ նախկին պատգամավոր, ԵԿՄ նախկին նախագահ Մանվել Գրիգորյանի խափանման միջոց կալանքը փոխվեց չհեռանալու մասին ստորագրությամբ։ Նա մի քանի ամիս գտնվում էր «Նաիրի» բժշկական կենտրոնում՝ բժիշկների հսկողության տակ։
Արաբագետ Արմեն Պետրոսյանի խոսքով՝ փետրվարի սկզբից Իդլիբում իրավիճակն անհամեմատ լարվել է, ինչը պայմանավորված է սիրիական կառավարական ուժերի կողմից շրջանի ազատագրման գործողությունների ակտիվացմամբ։
ԱԺ «Իմ քայլը» խմբակցության պատգամավոր, ադրբեջանագետ Տաթևիկ Հայրապետյանի խոսքով՝ փետրվարի 25-ին Բաքվում տեղի ունեցած Էրդողան-Ալիև հանդիպման ընթացքում Թուրքիայի նախագահի հնչեցրած հայտարարություններն առ այն, որ Արցախի հիմնահարցը ոչ միայն Ադրբեջանի, այլև իրենց հարցն է, նոր դիրքորոշում չէ, Թուրքիան դա որդեգրել է դեռևս 90-ականներին, և այն ժամանակ էլ թուրք քաղաքական գործիչների հայտարարությունները այդ տրամաբանության մեջ էին։
Փետրվարի 18-ին ԱԺ-ում աշխատանքային փակ քննարկումից հետո Զինված ուժերի Գլխավոր շտաբի պետ Արտակ Դավթյանը լրագրողների հետ զրույցում անդրադառնալով բանակում տեղի ունեցած վերջին դեպքերին՝ նշեց, որ 2019 թվականի հունիսից մինչև օրս բանակում 8 ինքնասպանության դեպք է կանխվել։
Պաշտպանության փոխնախարար Գաբրիել Բալայանի խոսքով՝ վերջին շրջանում բանակում տիրող իրավիճակի պատճառով տեղի ունեցած պաշտոնանկություններն իրավիճակի վերաբերյալ եղած հետևություններից ընդամենը մեկն է: Նա վստահեցնում է՝ իրականում շատ ավելի լուրջ աշխատանքներ են տարվում։
Անվտանգության խորհրդի քարտուղար Արմեն Գրիգորյանի խոսքով՝ կորոնավիրուսի հետ կապված մի շարք պրոֆիլակտիկ աշխատանքներ են կատարավել, փոխվարչապետ Տիգրան Ավինյանի գլխավորությամբ աշխատանքային խումբ է ստեղծվել, նա կապի մեջ է Իրանի Իսլամական Հանրապետության առողջապահության համակարգի պատասխանատուների հետ, ինչպես նաև Հայաստանի ներսում քայլեր են ձեռնարկում։
Այսօր Կառավարության նիստի ժամանակ վարչապետ Նիկոլ Փաշինյանը կրկին անդրադարձավ պետական համակարգում հեղափոխությանը դիմադրողներին՝ նշելով, որ նրանք կարող են գնալ և համալրել ընդդիմադիրների շարքերը, քանի որ այսօր ընդդիմադիր լինելը բավականին «եկամտաբեր է»:
Պետական եկամուտների կոմիտեի ոչ առևտրային կազմակերպությունների հսկողության բաժնի գլխավոր մասնագետ Արման Ղազարյանը չի կիսում հասարակական կազմակերպության ներկայացուցիչների այն մտահոգությունները, թե «Հասարակական կազմակերպությունների մասին» օրենքում կատարվող փոփոխությունները կատարվում են հասարակական միավորումների ազատությունը սահմանափակելու համար:
Դեռևս 2019թ. դեկտեմբերին Կառավարությունը հավանության արժանացրեց «Հասարակական կազմակերպությունների մասին» օրենքի փոփոխությունների նախագիծը, ըստ որի՝ բոլոր հասարակական կազմակերպությունները պետք է տարեկան հաշվետվություններ ներկայացնեն: Նախագիծը ներկայացրել էր Պետական եկամուտների կոմիտեն:
Խորհրդարանում ընթանում է ԵԱՀԿ-ի աջակցությամբ ԱԺ Պաշտպանության և անվտանգության հանձնաժողովի հետ համատեղ ստեղծված անվտանգության ոլորտի ժողովրդավարական վերահսկողության ազգային հարթակի աշխատանքների քննարկումը:
Այսօր խորհրդարանում տեղի ունեցավ ԵԱՀԿ-ի աջակցությամբ ԱԺ Պաշտպանության և անվտանգության հանձնաժողովի հետ համատեղ ստեղծված անվտանգության ոլորտի ժողովրդավարական վերահսկողության ազգային հարթակի աշխատանքների մեկնարկը, որի շուրջ ինտենսիվ աշխատանքները սկսվել էին 2019 թվականից:
«Իրազեկ և պաշտպանված սպառող» հ/կ հիմնադիր Բաբկեն Պիպոյանի խոսքով՝ Կորոնավիրուսի հետ կապված իրավիճակը հակասական է. մի կողմից՝ պետք է այնպես անեն, որ խուճապ չլինի, իսկ մյուս կողմից՝ շատ կարևոր է, որպեսզի հսկողությունը չթուլանա։
ԱԺ «Իմ քայլը» խմբակցության պատգամավոր Արման Եղոյանը մասնակցել է երեկ «Դվին մյուզիք հոլ»-ում կայացած ՔՊ-ի կազմակերպած դրամահավաքին։ 168.am-ի հետ զրույցում պատգամավորը չորոշակիացրեց, թե որքան գումար է փոխանցել դրամահավաքին: «Տվել եմ այնքան գումար, որքան իմ աշխատավարձը թույլ է տալիս»,- ասաց Ա. Եղոյանը։
ԱԺ «Իմ քայլը» խմբակցության պատգամավոր Տաթև Հայրապետյանի խոսքով՝ Սումգայիթի, Բաքվի ջարդերի հետ կապված՝ տարվում է հստակ գիծ, որպեսզի այդ ամենը ներկայացվի՝ որպես անհանդուրժողականության, ռասիզմի և քսենոֆոբիայի շղթայի օղակներից մեկը։
Այսօր ԱԺ Եվրոպական ինտեգրման հարցերի մշտական հանձնաժողովը կազմակերպել էր ՀՀ-ԵՄ Համապարփակ և ընդլայնված գործընկերության համաձայնագրի կիրարկման գործընթացին նվիրված խորհրդարանական լսումներ, որին մասնակցում էին ՀՀ-ում ԵՄ պատվիրակության ղեկավար, դեսպան Անդրեա Վիկտորինը, հասարակակական կազմակերպության ներկայացուցիչներ, փորձագետներ և այլք։
Երեկ «Դվին մյուզիք հոլ»-ում տեղի ունեցավ ՔՊ-ի դրամահավաքը՝ Սահմանադրական փոփոխությունների քարոզարշավի համար անհրաժեշտ գումար հավաքելու նպատակով: Դրամահավաքի ընթացքում հավաքվել է 205 մլն դրամ: 168.am-ը «Իմ քայլը» խմբակցության պատգամավոր Արման Բոշյանից հետաքրքրվեց՝ հավաքված գումարի չափը գոհացուցի՞չ է:
Մարդու իրավունքների պաշտպան Արման Թաթոյանը և նրա գլխավորած հանձնաժողովը փետրվարի 21-22-ն այցելել էր Արցախի Պաշտպանության բանակի զորամասեր. այցը կատարվել էր նախապես մշակված ծրագրի համաձայն:
Այսօր ԱԺ եվրոպական ինտեգրման հարցերի մշտական հանձնաժողովը կազմակերպել էր ՀՀ-ԵՄ Համապարփակ եւ ընդլայնված գործընկերության համաձայնագրի կիրարկման գործընթացին նվիրված խորհրդարանական լսումներ, որը սկսվելուց հինգ րոպե անց ընդատվեց։ «Իմ քայլը» խմբակցության պատգամավոր, հանձնաժողովի նախագահ Արման Եղոյանը 168.am-ին փոխանցեց, որ լսումներն ընդհատվել են տեխնիկական խնդրի պատճառով:
ԱԺ «Իմ քայլը» խմբակցության պատգամավոր Լուսինե Բադալյանի կարծիքով՝ Սահմանադրական փոփոխությունների ակտիվ քարոզարշավը իրենք կսկսեն մարտի 1-ից հետո։
1988 թվականի Սումգայիթում հայերի զանգվածային ջարդերից ու բռնի տեղահանությունից անցել է 32 տարի: 1988 թվականի փետրվարի 27-29-ն ընկած ժամանակահատվածում պետական մակարդակով կազմակերպված ջարդերին, ԽՍՀՄ պաշտոնական տվյալների համաձայն՝ զոհ են գնացել մի քանի տասնյակ, իսկ ոչ պաշտոնական տվյալներով՝ հազարից ավելի հայեր: Եղել են հազարավոր փախստականներ, վիրավորներ, ողջակիզվածներ, նրանց մեջ եղել են նաև մեծ թվով անչափահասներ:
Երևանի ավագանու նախկին անդամ Սոնա Աղեկյանն այսօր ԱԺ-ում Դատական օրենսգրքի բարեփոխումներին նվիրված խորհրդարանական լսումների ընթացքում իր ելույթի ժամանակ ամբիոնից խունկ վառեց։ Պետաիրավական հարցերի մշտական հանձնաժողովի նախագահ Վլադիմիր Վարդանյանը Աղեկյանին կոչ արեց կամ հանգցնել խունկը, կամ լքել Նիստերի դահլիճը, սակայն նա ո՛չ մեկն արեց, ո՛չ էլ մյուսը։
ԱԺ «Իմ քայլը» խմբակցության պատգամավոր Լուսինե Բադալյանի խոսքով՝ որևէ միջոցառում չի կարող հարյուր տոկոսանոց ապահովել կորոնավիրուսից, սակայն լավ հսկողություն իրականացնելը կարող է որոշ չափով ռիսկերը նվազեցնել:
«Իմ քայլը» խմբակցության պատգամավոր, ԵԱՀԿ Խորհրդարանական վեհաժողովում ԱԺ պատվիրակության ղեկավար Հայկ Կոնջորյանն այսօր հրավիրած մամուլի ասուլիսի ժամանակ ամփոփելով պատվիրակության աշխատանքները և անդրադառնալով վեհաժողովի ժամանակ Ադրբեջանի կողմից իրականացրած գործողություններին՝ նշեց, որ Ադրբեջանը խորհրդարանական վեհաժողովներում, մասնավորապես՝ ԵԽԽՎ-ում, ԵԱՀԿ-ում, մշտապես փորձել է իր լոբբինգով, ստվերային հնարքներով սեփական շահերին հաճո ձևակերպումներ մտցնել բանաձևերում:
«Ցանկացած նախկին պաշտոնատար անձի հետ կապված քրեական գործ՝ կոռուպցիոն բնույթի, երբ հարուցվում և քննվում է, բոլոր փաստարկները միշտ նույնական են լինում, նույնիսկ տեքստերում անուն-ազգանունը փոխում ենք, բայց մնացած բառերը նույնն են»,- այս մասին ԱԺ-ում լրագրողների հետ զրույցում ասաց Արդարադատության նախարար Ռուստամ Բադասյանը՝ անդրադառնալով ՀՀ երրորդ նախագահ Սերժ Սարգսյանի դեմ հարուցված քրեական գործին և ՀՀԿ գործադիր մարմնի տարածած հայտարարությանը:
