Արդեն տեղեկացրել ենք, որ Սահմանադրական դատարանի նախագահ Հրայր Թովմասյանն արձակուրդում է, և նրան փոխարինում է ՍԴ անդամ Ալվինա Գյուլումյանը։
«Հրայր Թովմասյանը դեռ Սահմանադրական դատարան չի եկել, չի էլ գալու, քանի որ գտնում է արձակուրդում։ Պարոն Թոխյանին և տիկին Գյուլումյանին դեռ չեմ տեսել, չգիտեմ՝ գալո՞ւ են, թե՞ ոչ։ Դատավորներն իրենք են իրենց աշխատաժամանակը պլանավորում, այսօր էլ դատական կամ աշխատանքային նիստ ՍԴ-ում չունենք»,- այս մասին 168.am-ի հետ զրույցում ասաց Սահմանադրական դատարանի աշխատակազմի ղեկավար Էդգար Ղազարյանը՝ անդրադառնալով հարցին, թե ՍԴ նախագահ Հրայր Թովմասյանը և մյուս երեք դատավորները եկե՞լ են աշխատանքի։
Անդրադառնալով ՀՀ նախագահին նախագիծը ստորագրելու լիազորությունից զրկելուն և այն ԱԺ նախագահին վերապահելուն, Արա Ղազարյանն ընդգծեց՝ երբ չորս տարի առաջ Սահմանադրության փոփոխությունների հետ կապված քննարկումներ էին իրականացվում, բազմիցս ասել են, որ ՀՀ նախագահը պետք է արբիտր հանդիսանա համապետական նշանակության կարևոր խնդիրների վերաբերյալ։
Այսօր խորհրդարանում Կենտրոնական ընտրական հանձնաժողովի նախագահ Տիգրան Մուկուչյանն անդրադարձավ ԲՀԿ առաջնորդ Գագիկ Ծառուկյանի այն հայտարարությանը, թե ինչու են իշխանությունները հներից խոսում այն դեպքում, երբ ԿԸՀ-ի նախագահը շարունակում է մնալ նույն անձը, որ պաշտոնավարել է նաև նախկին իշխանությունների ժամանակ:
Մեր հաջորդ հարցը վերաբերում էր նրա՝ ռուսալեզու վրացական լրատվամիջոցին տված հարցազրույցին: Այդ հարցազրույցում Ալեն Սիմոնյանն ասել էր, որ ՀՀ կառավարությունը կոմպենսացրել է ՀՀ բոլոր քաղաքացիների կոմունալ բոլոր վճարների 50 տոկոսը։ Հետաքրքրվեցինք, թե կառավարության ո՞ր ծրագրով է նման բան եղել, սա ապատեղեկատվություն չէ՞, հատկապես, որ փնտրել ու նման որոշում չենք գտնել:
«Կարծում եմ՝ պարոն Ծառուկյանին շատ բաներ սխալ են զեկուցում, ինքն իր ամառանոցում իրականությունից բավականին հեռու է։ Միգուցե իրենց երդումներով նամակ գրող մարդկանց մոտ, կամ այն մարդկանց մոտ, ում ինքը կամ իր աշխատակիցները վախեցնում են աշխատանքից ազատելու վտանգով՝ չեմ բացառում, կարող է սով սկսվել, բայց ՀՀ-ում սով չի եղել և չի կարող լինել»,- Խորհրդարանում լրագրողների հետ ճեպազրույցում ասաց ԱԺ փոխնախագահ Ալեն Սիմոնյանը՝ անդրադառնալով Գագիկ Ծառուկյանի այն հայտարարությանը, որ երեք ամիս հետո Հայաստանում սով է սկսվելու:
ԱԺ «Իմ քայլը» խմբակցության պատգամավոր, Առողջապահության և սոցիալական հարցերի հանձնաժողովի նախագահ Նարեկ Զեյնալյանի խոսքով՝ վերլուծելով կորոնավիրուսային իրավիճակը, տեսնում են, որ վարակվածների թվերն աճում են, հետևաբար՝ այս պահին պիկի մասին խոսելը վաղ է:
Առողջապահության նախարարությունը օրենսդրական փաթեթ է մշակում արտակարգ դրության պայմաններում առողջապահական համակարգի կենտրոնացված կառավարում ունենալու համար։ Ինչպես հայտնում են ՀՀ առողջապահության նախարարությունից, համաձայն սպասվող օրենսդրական փոփոխությունների՝ արտակարգ դրության ժամանակահատվածում կառավարությանը կտրվի լիազորություն Հայաստանի Հանրապետության բոլոր բժշկական կենտրոնների կառավարումը փոխանցելու Առողջապահության նախարարությանը՝ անկախ բուժհաստատությունների ենթակայության և սեփականության ձևից: ԱԺ «Իմ քայլը» խմբակցության պատգամավոր, Առողջապահության և սոցիալական հարցերի […]
«Դուք գիտեք, որ ես նրա հայտարարության հետ կապված՝ համապատասխան հայտարարություն էի արել, և իրավապահ մարմինները որոշակի նյութերի նախապատրաստում էին իրականացրել և Սմբատ Գոգյանին ևս հրավիրել էին: Գիտեք նաև, որ դրանից առաջ նա մեծ աղմուկ էր բարձրացրել մամուլում և տարբեր հայտարարություններով խառնել էր ամբողջ մամուլը: Սակայն Սմբատ Գոգյանը գնացել է և հրաժարվել է հանցագործության մասին հայտարարություն տալ»,- ԱԺ-ում լրագրողների հետ ճեպազրույցում ասաց նախարարը:
Օրերս ջավախքցի մի շարք դիմորդներ, որոնք պատրաստվում են բարձրագույն կրթություն ստանալ երևանյան բուհերում, նամակով դիմել էին Կրթության, գիտության, մշակույթի և սպորտի նախարար Արայիկ Հարությունյանին, որպեսզի իրենց հնարավորություն տրվի մասնակցելու ընդունելության միասնական քննություններին:
«Սահմանադրական փոփոխությունները կրում են ինստիտուցիոնալ բնույթ, դրանք պայմանավորված չեն ո՛չ անձերով, ո՛չ Սահմանադրական դատարանում քննվող գործերով: Ռոբերտ Քոչարյանի գործով ՍԴ անդամ Ֆելիքս Թոխյանը կազմել էր հատուկ կարծիք և դա դիտարկում էր՝ որպես դիրքորոշման արտահայտում: Այս փոփոխություններով, ըստ էության, դադարեցվում է Ֆելիքս Թոխյանի, Հրանտ Նազարյանի և Ալվինա Գյուլումյանի լիազորությունները»,- այսօր լրագրողների հետ ճեպազրույցում ասաց «Իմ քայլը» խմբակցության պատգամավոր Վլադիմիր Վարդանյանը՝ անդրադառնալով հարցին, թե ի՞նչ մտավախություններ ունեն հուլիսի 7-ին ՍԴ-ում քննվող Ռոբերտ Քոչարյանի գործի հետ կապված, և սահմանադրական փոփոխությունները որքանո՞վ են առնչվում այդ գործի հետ:
ԱԺ «Իմ քայլը» խմբակցության պատգամավոր Վիկտոր Ենգիբարյանն այսօր ֆեյսբուքյան իր էջում գրել էր, որ կորոնավիրուսի թեստ է հանձնել, և արդյունքը դրական է: Պատգամավորը նաև տեղեկացրել էր, որ որևէ գանգատ չունի և այս պահին մեկուսացվել է տանը:
«Ես չգիտեմ՝ բռնի ուժ կգործադրե՞ն, թե՞ ոչ, բայց տիկին Գյուլումյանի պահով կարող եմ միանշանակ պնդել, որ մեր կարծիքով՝ այս նախագծով այս փոփոխությունները նրա վրա չեն տարածվելու: Տիկին Գյուլումյանը 2014 թվականին է ստանձնել իր պաշտոնը: Իհարկե, իշխանությունները հաշվարկում են նրա նշանակումը՝ որպես դատավոր, բայց պետք է հաշվի առնել, որ այդ նշանակումից հետո ինքն ազատվել է պաշտոնից, գնացել է Եվրոպական դատարան՝ դատավոր է աշխատել, որից հետո վերադարձել է և նորից նշանակվել դատավոր: Եթե այս ամենը լիներ կասեցման գործընթաց և շարունակվեր ժամանակի ընթացքում, սա այլ հարց կլիներ»,- ասաց Տարոն Սիմոնյանը:
ԱԺ արտահերթ նիստի ժամանակ կտրուկ վատացավ «Իմ քայլը» խմբակցության պատգամավոր Գայանե Աբրահամյանի ինքնազգացողությունը։ ԱԺ նախագահ Արարատ Միրզոյանն անմիջապես ընդմիջում հայտարարեց՝ հորդորելով, որ անհապաղ շտապօգնություն կանչել։ Այս պահին նիստերի դահլիճում բուժաշխողը օգնություն է ցուցաբերում պատգամավորին։
«Եղել է պայմանավորվածություն նախագահի և քաղաքական մեծամասնության միջև. դա ենք վիճարկելու». Էդմոն Մարուքյան
«Հիշեք սահմանադրական հանրաքվեն, երբ ասվում էր, որ 9-ը դատավորից երկուսը պետք է մնա, մյուս 7-ը հեռանա, որովհետև նրանք ամենավատն էին, նախկիներ էին և այլն: Հիմա այդ 7-ից եթե 2-ին, անգամ 3-ին ենք հանում, բալանսը չի փոխվում կամ լավագույն դեպքում` բալանսավորվում է: Հիմա դուք ուզում եք պնդել, որ դատարանը նախկին իշխանություններինն էր, նորերը գրավո՞ւմ են»,-այս մասին հրավիրած մամուլի ասուլիսին ասաց ԼՀԿ ղեկավարը:
ԱԺ «Լուսավոր Հայաստան» խմբակցության պատգամավոր Տարոն Սիմոնյանի խոսքով՝ միջին իրավաբանական գիտելիքներ ունեցող ՀՀ յուրաքանչյուր քաղաքացու համար պարզ էր, որ այն բոլոր գործողությունները, ինչ կատարվեց խորհրդարանում, կատարվեց Սահամանդրության խախտմամբ:
«Արդեն գիտեք, որ երկուշաբթի ԱԺ-ն 1,5 ժամվա ընթացքում փոփոխություն արեց Սահմանադրության մեջ, այնուհետև Սահմանադրությունը խախտելով՝ այն չուղարկեց Սահմանադրական դատարան կարծիքի համար, հետո կրկին շատ արագ ընդունեց նաև երկրորդ ընթերցմամբ և սահմանադրական փոփոխություն արեց: Նաև նախագահին զրկեց սահմանադրական փոփոխությունների օրինագիծը ստորագրելու իրավունքից»,- այս մասին այսօր հրավիրած մամուլի ասուլիսի ժամանակ ասաց ղեկավար Էդմոն Մարուքյանը։
Հարցին՝ ո՞ր մարմինը պետք է որոշի՝ նախագծի ընդունումն օրինակա՞ն է, թե՞ ոչ, Վարդան Այվազյանը պատասխանեց, որ ըստ Սահմանադրության՝ նախագիծն առաջին ընթերցումից հետո պետք է ուղարկվեր ՍԴ, բայց քանի որ այն չի ուղարկվել, արդեն Սահմանադրության խախտում է: «Մնացած հարցի հետ կապված չեմ կարող ասել՝ ով պետք է որոշի՝ այն օրինակա՞ն է, թե՞ ոչ, քանի որ նախագիծը ՍԴ չի ուղարկվել»,- նշեց Վ. Այվազյանը։
Երկրորդ նախագահ Ռոբերտ Քոչարյանի փաստաբանական խմբի անդամ Հայկ Ալումյանի խոսքով՝ Սահմանադրական դատարանի որոշումը միանշանակ կարող է ազդեցություն ունենալ Ռոբերտ Քոչարյանի դատական գործի վրա։
Անդրադառնալով Վենետիկի հանձնաժողովի կարծիքին, Ալվինա Գյուլումյանն ասաց. «ՎՀ-ի խորհրդատվական կարծիքներում էլ կան այնպիսի կետեր, որոնց իշխող քաղաքական ուժը չի հետևել։ Բայց դրանք, իհարկե, խորհրդատվական եզրակացություն են և ամեն կոնկրետ դեպքում դրանք պետք է գնահատվեն։ Ինչպես նաև՝ հնարավոր գործի քննության դեպքում կարող է գնահատվել Սահմանադրական դատարանի կողմից։ Ես այդ նախագծին որևէ գնահատական չեմ տա, ինքս՝ որպես շահագրգռված անձ, կարդացել եմ այդ օրինագիծը և արդեն ընդունված օրենքը, կարծում եմ՝ այն ինձ վրա չի տարածվում։ Նախկինում ինչ պաշտոներ եմ զբաղեցրել, դա որևէ նշանակություն չունի, պաշտոնավարում՝ նշանակում է՝ այդ նշանակումով պաշտոնավարել»։
«Ռոբերտ Քոչարյանի խափանման միջոցը այս գործի մեջ չորրորդական է: Հիմնական գործը, այն, որ արդեն պատրաստ է մեղադրանքը, ինձ համար դա է կարևոր: Ես մտածում եմ՝ ինչո՞ւ մեկուկես տարի տևած գործը, արդեն մեղադրանքը պատրաստ, առաջին ատյանի դատարանը չի կարողանում սկսել պրոցեսը: Ես նաև ականատես եմ եղել, նաև հետապնդվող այն ժամանակ: Ես փորձում եմ օբյեկտիվ լինել ու չպատմել իմ ընտանիքի հանդեպ, նաև իմ անձնական ու բոլոր հետապնդումները: Ես ուզում եմ, որ գործը մտնի առաջին ատյանի դատարան, ու հասարակությունը այն, ինչ մենք տեսել ենք, իմանա»,- ասաց Հովհաննես Իգիթյանը:
ԱԺ «Իմ քայլը» խմբակցության պատգամավոր Հովհաննես Իգիթյանը վստահեցնում է, որ Վենետիկի հանձնաժողովի հետ կոմունիկացիան արդեն տեղի է ունենում մի քանի ամիս: Այդ ամենի հետևանքով էլ իշխող թիմը եկել է այն եզրակացության, որ այն նախաձեռնությունը, որը ներկայացրել են, առավել մոտ է այն տեսակետներին, որը խորհրդատվական ձևով ներկայացրել է Վենետիկի հանձնաժողովը:
«Մեզ մոտ այդ հարցը չի քննարկվել, իսկ «Բարգավաճ Հայաստան» խմբակցությունը պաշտոնապես մեզ չի դիմել: Երբ նման դիմում լինի, մենք էլ կքննարկենք ու կհասկանանք»,- ասաց Տարոն Սիմոնյանը:
«Ցանկացած առիթով, երբ մենք փորձում ենք Սահմանադրական դատարանից դուրս տեսնված խնդիրների թնջուկը բացել և այն հաղթահարել, չգիտես ինչու, ընդդիմությունն այն որակում է՝ որպես հակապետական քայլ: Ընդ որում, երբ դա փորձում էինք անել հանրաքվեի միջոցով, նույն որակավորումներն էին հնչում: Այն ժամանակ էլ կարծիքներ կային, որ լավագույն տարբերակն ԱԺ-ում որոշում կայացնելը կլինի»,- այս մասին ԱԺ-ում լրագրողների հետ ճեպազրույցում ասաց «Իմ քայլը» խմբակցության ղեկավար Լիլիթ Մակունցը՝ անդրադառնալով ԼՀԿ-ի և ԲՀԿ-ի հայտարարություններին, թե ՍԴ-ի վերաբերյալ նախագիծը հակասահմանադրական է, ուստի արտահերթ նիստին չեն մասնակցելու:
Խորհրդարանի արտահերթ նիստում քննարկվում է Սահմանադրական դատարանի վերաբերյալ նախագիծը, որին մասնակցում է միայն «Իմ քայլը» խմբակցությունը: Իսկ մինչ այդ ԱԺ-ում լրագրողները «Բարգավաճ Հայատան» խմբակցության պատգամավոր Նաիրա Զոհրաբյանից հետաքրքրվեցին, թե ինչո՞ւ իշխանությունը որոշեց նման հրատապությամբ նախագիծ բերել խորհրդարան:
Այսօր խորհրդարանում արտահերթ նիստում քննարկվում է Սահմանադրական դատարանի վերաբերյալ նախագիծը, որին մասնակցում է միայն իշխող «Իմ քայլը» խմբակցությունը:
«Դատական համակարգում եղած խնդիրների մասին մենք բազմիցս խոսել ենք: Հետևաբար՝ կարիք չկա յուրաքանչյուր դատական նիստից հետո գնահատականներ տալ արդեն բոլորին հայտնի փաստի հետ կապված»,- ԱԺ-ում լրագրողների հետ ճեպազրույցում նշեց ԱԺ փոխնախագահ Ալեն Սիմոնյանը՝ անդրադառնալով երեկ Երևանի ընդհանուր իրավասության Շենգավիթ վարչական շրջանի դատարանի կայացրած որոշմանը, որով մերժվեց Դատախազության միջնորդությունը՝ ԲՀԿ առաջնորդ Գագիկ Ծառուկյանին կալանավորելու վերաբերյալ:
«ԲՀԿ-ն չի մասնակցելու մի նիստի, որի բոլոր իրավական և քաղաքական հետևանքների համար այս նիստի բոլոր մասնակիցները, բոլոր դերակատարները կրելու են իրավական և քաղաքական պատասխանատվություն: Քանի որ փորձ է արվում մանիպուլյացնել Վենետիկի հանձնաժողովի խորհրդատվական կարծիքը, պարոն Մելքումյանը կասի, թե ինչ է իրականում ասել Վենետիկի հանձնաժողովը: Ասեմ, որ այս կարևորագույն հարցի քննարկման համար սահմանվել է ընդամենը երկու ժամ: Այսինքն՝ երկու ժամում ուղղակի հնարավոր չի լինելու համապարփակ ներկայացնել, թե ինչպիսի սահմանադրական հեղաշրջում են պատրաստում Հայաստանում»,- նշեց Նաիրա Զոհրաբյանը:
«Մենք խոսել ենք և բարձրաձայնել ենք երկրում տիրող օրհասական վիճակի մասին, խոսել ենք մեր մտահոգությունների և երկրում արմատական փոփոխություններ իրականացնելու անհրաժեշտության մասին: Այս իմաստով մեր տեսակետներում որևէ փոփոխություն չի եղել: Ինչ վերաբերում է պարոն Ծառուկյանին, ապա նա բազմիցս ասել է, որ անգամ իրեն կալանավորելու պարագայում մեր քաղաքական օրակարգում որևէ բան չի փոխվելու: Այսօր Գագիկ Ծառուկյանը ղեկավարում է մեր քաղաքական թիմը, և, բնականաբար, մենք շարունակում ենք առաջնորդվել մեր նախանշած օրակարգով»,- խորհրդարանական ճեպազրույցների ժամանակ նշեց պատգամավորը:
