168.am-ի հարցին՝ որպես «Քաղաքացիական պայմանագիր» կուսակցության համահիմնադիրներից մեկը, երբևէ հետաքրքրվե՞լ է Նիկոլ Փաշինյանից, թե նա պատերազմից հետո ինչո՞ւ չի գնում Արցախ, Էմմա Պալյանը պատասխանեց. «Դա տարօրինակ չէ, չեմ կարող մեկնաբանել, թե ինչու վարչապետը չի այցելել Արցախ, բայց կան շփման այլ միջոցներ՝ հեռախոսներ և այլն, ես չեմ կարծում, որ չայցելելը մի մեծ խնդիր է: Այս պահին եթե վարչապետը չի այցելել Արցախ, ուրեմն՝ դրա համար պատճառներ կան, դրանում ես խնդիր չեմ տեսնում»:
«Իրազեկ քաղաքացիների միավորում» ՀԿ ղեկավար Դանիել Իոաննիսյանի համոզմամբ՝ իշխանությունը պետք է քաղաքական կամք գտնի Ընտրական օրենսգրքում փոփոխություններ անելու համար, որոնց մասին իշխող քաղաքական թիմը սկսել է խոսել հեղափոխությունից հետո:
ԱԺ «Լուսավոր Հայաստան» խմբակցության քարտուղար Գևորգ Գորգիսյանի խոսքով՝ իշխանության ներկայացուցիչներն ասում են, թե օր առաջ պետք է փոխվի Ընտրական օրենսգիրքը, քանի որ ռեյտինգային համակարգը շատ վատն է, դրանով հեղինակություններն են անցնում խորհրդարան, հանցագործներ և այլք:
Անդրադառնալով Ընտրական օրենսգրքին, Գևորգ Գորգիսյանն ասաց, որ իրենց համար անընդունելի է հիմա փոխել Ընտրական օրենսգիրքը, քանի որ արդեն ձեռք է բերվել պայմանավորվածություն, որ հունիսի 20-ին տեղի են ունենալու արտահերթ ընտրություններ:
ԱԺ «Իմ քայլը» խմբակցության ղեկավար Լիլիթ Մակունցի խոսքով՝ իշխող խմբակցությունը հակված է Ընտրական օրենսգրքում փոփոխություններ կատարելուն՝ ամբողջությամբ համամասնական ընտրակարգին անցնելուն և այդ կարգով արտահերթ ընտրություններին գնալուն:
Կրթության, Գիտության, մշակույթի և սպորտի նախարար Վահրամ Դումանյանն այսօր խորհրդարանում լրագրողների հետ զրույցում ասաց, որ շուտով Բարձրագույն որակավորման կոմիտեն նոր նախագահ կունենա։ Թե վեց ամիս թափուր մնացած ԲՈԿ նախագահի պաշտոնն ով կզբաղեցնի, նախարարը չակերտները չբացեց, պարզապես խորհրդավոր ժպիտով նշեց՝ «կլինի՝ կիմանաք»։
«Ուրեմն՝ եղել է գործընթաց, եթե չեմ սխալվում, ուրբաթ օրը մենք ստացել ենք փաստաթղթեր՝ խորհրդի նախագահի կողմից ուղարկված, որոնք հիմա կուսումնասիրվեն և սահմանված կարգով որոշում կկայացվի։ Այնտեղ որոշակի հարցեր կան, որոնք պետք է պարզաբանվեն։ Չէի ցանկանա հիմա հարցերի մասին կոնկրետ խոսել, որովհետև կան տարբեր կարծիքներ, ըստ մեր ներակայցուցիչների, որոնք ներկա են եղել խորհրդի նիստին, եղել են որոշակի հարցեր, որոնց պատասխաններն իրենք չեն ստացել, աշխատանքային կարգով այդ բոլոր հարցերը կուսումնասիրվեն»,- խորհրդարանում լրագրողների հետ ճեպազրույցում նշեց Վահրամ Դումանյանը։
ՀՀ Էկոնոմիկայի փոխնախարար Ավագ Ավանեսյանի խոսքով՝ այսօր Հայաստանում ներդրումային մի շարք ծրագրեր քննարկման փուլում են` ինչպես գաղափարները, այնպես էլ քայլերը։
ՀՀԿ խոսնակ, ԱԺ նախկին փոխնախագահ Էդուարդ Շարմազանովի խոսքով՝ Նիկոլ Փաշինյանն այն քաղաքական գործիչն է, որն իր ամբողջ կյանքում առաջնորդվել է հակասական հայտարարություններով, հետևաբար՝ չի պատկերացնում, թե նրա գլխավորությամբ ինչպես են գնալու արտահերթ ընտրությունների։
ՀՀԿ խոսնակ, ԱԺ նախկին փոխնախագահ Էդուարդ Շարմազանովի խոսքով՝ երեք տարի շարունակ Ադրբեջանի նախագահը Նիկոլ Փաշինյանի հասցեին հնչեցնում է ամենաստոր վիրավորանքները, սակայն վերջինս չի պատասխանում դրանց, որից կարելի է մի քանի բան մտածել՝ կա՛մ Նիկոլ Փաշինյանի նկատմամբ Ալիևը կոմպրոմատներ ունի, կա՛մ Փաշինյանը նրա պատվերն է կատարում, կա՛մ էլ գիտակցաբար պաշտպանում է Թուրքիայի ու Ադրբեջանի շահերը։
«Իբր թե հայերը մի օր արթնացել են ու որոշել են պայքարել թուրքերի ու ադրբեջանցիների դեմ։ Մեկ պատմական էքսկուրս անցկացնենք՝ ի պատասխան այդ տգիտությանը։ Որքան էլ ՀՀ որևէ իշխանություն խաղաղասեր ու թրքասեր լինի, Թուրքիան և Ադրբեջանն ունեն պանթուրքիզմի ծրագիր, որին հայը խոչընդոտում է։ Նիկոլն այսօր իրականացնում է Հայաստանը թուրքական վիլայեթի վերածելու քաղաքականությունը»,- լրագրողների հետ հանդիպմանը նշեց Էդուարդ Շարմազանովը։
Արդադատության նախարար Ռուստամ Բադասյանն այսօր խորհրդարանում լրագրողների հետ զրույցում անդրադարձավ Նիկոլ Փաշինյանի հրաժարական ներկայացնելու ժամկետներին, որին պետք է հետևի արտահերթ խորհրդարանական ընտրությունները։
«Օնիկ Գասպարյանն ազատված է զբաղեցրած պաշտոնից, Արտակ Դավթյանը նշանակված է համապատասխան պաշտոնում։ Ես խորհուրդ կտամ, ուղղակի սսահմանադրական անվտանգության շրջանակներում վերլուծել, թե ինչ է նշանակում՝ իրավունքի ուժով ուժի մեջ մտած որոշում, կամ «իրավունքի ուժով» հետևող որևէ իրադարձություն։ Օրինակ, երբ իրավունքի ուժով ԱԺ արտահերթ նիստեր են գումարվում ռազմական կամ արտահերթ դրության ժամանակ, կամ իրավունքի ուժով ԱԺ-ն ցրվում է, այստեղ մեկնաբանություն, որ հայցի ապահովման միջոցով հնարավոր է կասեցնել որևէ գործընթաց կամ արդեն ավարտված գործընթացը «վերանայել», կարծում եմ՝ տեղին չեն և դրանք շահարկումների դաշտում են»,- խորհրդարանում լրագրողների հետ զրույցում ասաց Ռուստամ Բադասյանը։
«Քանի դեռ Նիկոլ Փաշինյանն իշխանության է, մենք քայլ առ քայլ կորցնելու ենք տարածք, ինքնության խորհրդանիշներ։ Այսօր ոչ միայն մեր տարածքային ամբողջականությունը, այլև մեր ինքնությունն է վտանգի տակ դրված։ Հիմա Արցախի գրավված տարածքների եկեղեցիներում ուդիներն են պատարագ մատուցում՝ հայտարարելով, որ դրանք իրենց եկեղեցիներն են։
Սյունիքի մարզի Մեղրի համայնքի ղեկավար Մխիթար Զաքարյանի մեկնաբանությամբ, եթե Մեղրու տարածքով կոմունիկացիաները բացվեն, և Նախիջևանն ու Ադրբեջանը կարողանան կապվել իրար հետ, այն նույն տրամաբանությամբ, ինչպես Հայաստանն է Վրաստանով տրանզիտ անցնում ու մտնում Լարս, ապա դա չի նշանակում, որ Վրաստանը Հայաստանին միջանցք է տվել։
Սյունիքի մարզի Սիսիան համայնքի ղեկավար Արթուր Սարգսյանը վստահ է, որ Նիկոլ Փաշինյանն արտահերթ խորհրդարանական ընտրություններում օգտագործելու է վարչական ռեսուրս։
Սյունիքի մարզի Քաջարան համայնքի ղեկավար Մանվել Փարամազյանն այսօր «Վերածնվող Հայաստան» կուսակցության մամուլի ասուլիսի ժամանակ անդրադառնալով Սյունիքի անվտանգությանը՝ նկատեց, որ թուրքն այսօր Կապանում է, Որոտանում, Շուռնուխում, հետևաբար՝ ինչպե՞ս կարող է Սյունիքը լինել անվտանգ, ինչպես պնդում է իմքայլական պատգամավոր Արմեն Խաչատրյանը։
«Այս իրավիճակում, եթե պատգամավորի ասածը մասամբ մեկնաբանեմ, ապա ես ու Քաջարանի համայնքապետ պարոն Փարամազյանը հոկտեմբերի 1-ից եղել ենք առաջնագծում և մասնակցել ենք պատերազմական բոլոր գործողություններին։ Մեր մյուս ընկերը՝ Մխիթար Զաքարյանը, հոկտեմբերի 4-ին է եկել առաջնագիծ և վիրավորում է ստացել։ Մասնակցություն ենք ունեցել այնքան, որքան նամուս, թասիբով հայ յուրաքանչյուր մարդ պետք է մասնակցի։ Ես գիտեմ, որ պատերազմի օրերին այդ պատգամավորի խրամատը եղել է Գորիսի համայնքապետարանը։ Եթե նա նկատի ուներ, որ այդ հատվածում մեզ չի տեսել, ապա այդ դրվագով ճիշտ է, քանի որ մենք Գորիսի համայնքապետարանում առհասարակ չենք եղել պատերազմի ողջ ընթացքում»,- հեգնեց Առուշ Առուշանյանը։
Սյունիքի նախկին մարզպետ, «Վերածնվող Հայաստան» կուսակցության նախագահ Վահե Հակոբյանն այսօր լրագրողների հետ հանդիպման ժամանակ անդրադարձավ հարցին՝ թե ինչ կապ կա իր և ռուսաստանաբնակ մեդիամագնատ Արամ Գաբրիելյանովի, ինչպես նաև Վատիկանում նախկին դեսպան Միքայել Մինասյանի միջև։
«Պատահական չէ, որ Նիկոլ Փաշինյանի հրաժարականի հարցն առաջինը բարձրացվեց Սյունիքից, քանի որ այսօր սյունեցին ամեն օր իր կաշվի վրա զգում է, թե ինչ է նշանակում ապրել թշնամու անմիջապես կողքին»,- ասաց Վահե Հակոբյանը։
«Մենք մեր տարածքային կառույցների հետ մշտապես կապ ենք պահում, և աշխատում ենք, մենք մեր թիմերով անձամբ լինում ենք մարզերում, այնպես որ՝ որևէ խնդիր չենք տեսնում: Այսօր պետք է արձանագրենք, որ հանգուցալուծումը մոտ է, հանգուցալուծում տեղի ունեցավ, հիմա պետք է արժանապատիվ գնանք այդ ընտրություններին: Մեր ժողովուրդը լուրջ հնարավորություն ունի ձևավորելու նոր իշխանություն և կառուցելու մեր երազանքների հայրենիքը, որը մենք միշտ երազել ենք»,- խորհրդարանում լրագրողների հետ զրույցում ասաց Միքայել Մելքումյանը:
ԱԺ փոխնախագահ Ալեն Սիմոնյանն այսօր խորհրդարանում լրագրողների հետ զրույցում անդրադառնալով հարցին, թե արտահերթ ընտրություններից առաջ ո՞վ է լինելու վարչապետի ժամանակավոր պաշտոնակատարը, պատասխանեց.
«Ես չեմ բացառում, որ մենք հընթացս կունենանք ԱԺ նիստ, որի ընթացքում կքննարկենք Ընտրական նոր օրենսգիրքը: Չեմ կարող ասել՝ մեր խմբակցությունը հի՞ն, թե՞ նոր օրենսգրքով է ցանկանում գնալ ընտրությունների, խմբակցությունը միասնական է որոշում կայացնում, քննարկում բոլոր հարցերը: Կարծում եմ՝ մինչ ընտրությունները մենք ռազմական դրությունը կհանենք»,- խորհրդարանում լրագրողների հետ ճեպազրույցում ասաց Ալեն Սիմոնյանը:
ArmNews լրատվականի լրագրող Անի Գևորգյանը դիմել է ԱԺ նախագահ Արարատ Միրզոյանին՝ «Իմ քայլը» խմբակցության պատգամավոր, Պաշտպանության և անվտանգության հանձնաժողովի նախագահ Անդրանիկ Քոչարյանի օրերս դրսևորած վարքագիծը քննարկման առարկա դարձնելու համար:
«Այդ պատերազմում ես չհասցրեցի իմ կռիվն ամբողջությամբ տալ, քանի որ Արցախ՝ Ջաբրայիլ հասնելուց հետո ես ծանր վիրավորում ստացա ու հիվանդանոցում ենթարկվեցի վիրահատության։ Ես այդ նույն տարածքում 1992-1994 թվականին, երբ կանոնավոր բանակի զինվոր էի, իմ կռիվը տվել եմ, այս մեկին չհասցրեցի»
ԱԺ Պետաիրավական հարցերի մշտական հանձնաժողովի այսօրվա նիստում երկրորդ ընթերցմամբ քննարկվեց և դրական եզրակացության արժանացավ «Հակակոռուպցիոն կոմիտեի մասին», ինչպես նաև կից մի շարք օրենքներում փոփոխություններ և լրացումներ կատարելու վերաբերյալ օրենքի նախագիծը։
Արդադատության նախարար Ռուստամ Բադասյանն այսօր խորհրդարանում լրագրողների հետ զրույցում անդրադարձավ Գլխավոր շտաբի պետ Օնիկ Գասպարյանի վերաբերյալ կայացրած դատարանի որոշմանը։
Հանդիպումը նախատեսված էր ժամը 15։00-ին, ուղիղ ժամը 15։05-ին Նիկոլ Փաշինյանը ֆեսյբուքյան իր էջում գրառում արեց, նշելով, որ արտահերթ ընտրությունների վերաբերյալ երկուստեք եկել են համաձայնության, և հունիսի 20-ին Հայաստանում անցկացվելու է արտահերթ խորհրդարանական ընտրություններ։
«Ինձ մոտ տպավորություն կա, որ ինքը գնում է հերթական բլեֆին, որովհետև հայտնվել է ցուգցվանգի մեջ։ Մի մարդ, որը մի քանի ամիս առաջ ասել է, որ խորհրդարանական համակարգը լավագույնն է, և սահմանադրական բարեփոխումների գնալու կարիք չկա, հետո փակուղային վիճակից դուրս գալու համար ասում է, թե կարելի է կիսանախագահական հանրաքվե անցկացնել։ Այնուհետև ասում է՝ գնում ենք արտահերթի, բայց հետո ասում, որ դրա պահանջը չկա։ Նիկոլն էլ չի հասկանում՝ ինչ է անում, որովհետև մնացել է իր և իր փոքր կապիտուլյանտական խունտայի հույսին»,- այս մասին լրագրողների հետ զրույցում ասաց ԱԺ նախկին փոխնախագահ, ՀՀԿ խոսնակ Էդուարդ Շարմազանովը։
ԱԺ նախկին նախագահ Գալուստ Սահակյանն այսօր լրագրողների հետ զրույցում անդրադառնալով Նիկոլ Փաշինյանի հրաժարականի պահանջով փողոցում պայքարող մարդկանց՝ նկատեց՝ այսօր ժողովուրդը 80-90 տոկոսով կանգնած է այն դիրքերում, որում այսօր կանգնած է Հանրապետական կուսակցությունը։
