«Հիմա չեմ կարծում, որ Հայաստանում և առհասարակ Հարավային Կովկասում բավարար պիցցա կա՝ այսքան մարդկանց կերակրելու համար։ Սիրելի ժողովուրդ, այսօր քարոզարշավի վերջին օրն է, իմ գործընկերներն արդեն ասացին, որ արդեն եղել ենք ՀՀ բոլոր մարզերում, քաղաքներում, բազմաթիվ գյուղերում, հիմա շատ ավելի լավ գիտենք, թե ինչպես եք դուք ապրում, ինչ խնդիրներ ունեք, ինչ խնդիրներ կան մեր երկրի առջև։ Շնորհակալ եմ բոլորին, ովքեր հանդիպել են մեզ հետ, օգնել են մեզ ավելի լավ հասկանալ, թե ինչ է կատարվում, ոգևորել են մեզ այս պայքարի ընթացքում»,- ժողովրդին դիմելով՝ ասաց Ռոբերտ Քոչարյանը։
«Պատիվ ունեմ» դաշինքի ներկայացուցիչ, ՀՀԿ փոխնախագահ Արմեն Աշոտյանի խոսքով՝ երբ 6 ամիս առաջ ասում էին՝ արտահերթ ընտրություններ պետք չեն, ունեին պատճառ, որովհետև այսօր տեղի են ունենում գործընթացներ, որոնց Հայաստանը՝ որպես պետություն, համարժեք չի արձագանքում, քանի որ Հայաստանն այսօր իշխանություն չունի։
«Պատիվ ունեմ» դաշինքի ներկայացուցիչ, ՀՀԿ փոխնախագահ Արմեն Աշոտյանի փոխանցմամբ՝ երեկ Հանրային հեռուտատեսության եթերում քաղաքական որոշ ուժերի բանավեճից տպավորություն է ստացել, որ այն անբարոյականության մերկապար էր՝ «ստրիպտիզ» և շողոքորթության շքահանդես։
168.am-ի հետ զրույցում Մանվել Գրիգորյանի փաստաբանական թիմի անդամ Լևոն Բաղդասարյանն ասաց, որ նրա մահից հետո օրենքի ուժով գործը ենթակա էր կարճման, սակայն վերջինիս մերձավորները, այդ թվում՝ պաշտպանական թիմը, պնդել են, որ այդ գործը չպետք է կարճվի, և դատարանն այն պետք է քննի, մինչև հասնեն արդարացման։
«Պատիվ ունեմ» դաշինքի անդամ, ՀՀԿ ԳՄ ներկայացուցիչ Էդուարդ Շարմազանովն այսօր հրավիրած ասուլիսի ժամանակ անդրադարձավ ՀՀ նախկին վարչապետ Կարեն Կարապետյանի՝ «Հայաստան» դաշինքին սատարելուն, և հակադարձեց իշխանական պատգամավորների այն բնորոշումներին, թե «տարած-բերած ժիլետի թև Կարեն Կարապետյանը վերջապես գտավ իր հանգրվանը»։
«Երեք տարի է՝ ասում եմ, որ այս կապիտուլյանտի համար կա երկու հեղինակություն՝ Ադրբեջանի և Թուրքիայի ղեկավարները, թուրք-ադրբեջանական տանդեմը։ Բա, եթե հայ ժողովուրդը չի որոշում, ո՞վ է որոշում, Էրդողանն ու Ալիևը»,- այսօր մամուլի ասուլիսի ժամանակ ասաց «Պատիվ ունեմ» դաշինքի անդամ, ՀՀԿ ԳՄ անդամ Էդուարդ Շարմազանովը՝ անդրադառնալով Վայոց Ձորում բնակիչներից մեկին ուղղված Նիկոլ Փաշինյանի հակադարձմանը, թե բնակիչը չի որոշում թուրքն ուր կանգնի։
Նիկոլ Փաշինյանն այսօր Կառավարությունում հանդիպում է անցկացրել «Քաղաքացիական պայմանագիր» կուսակցության վարչության անդամների հետ, որին հաջորդել է հանդիպումը անհետ կորած զինծառայողների ծնողների հետ։
«Ի՞նչ անուն դնենք մեկին, որին պոլի շորի, գնդակի նման տշում են Ադրբեջանի ղեկավարները հրապարակային, և նրանց թթու խոսք չի ասում։ Ի՞նչ անուն դնենք նրան, որ նոյեմբերի 9-ին ղազի նման ստորագրում է կապիտուլյացիան, բայց գերիների վերադարձի ժամկետ չի նշում։ Նա ադրբեջանցի ահաբեկիչներին միանգամից վերադարձնում է Ադրբեջանին, բայց մեր տղաների հարցը չի կարողանում լուծել։ Կամ, որ կապիտուլյացիան ստորագրելուց հետո բունկերից վրեժի կոչեր էր անում, դիրքերը պահող տղերքին կոչ էր անում՝ գային ու քաղաքացիական վրեժ լուծեին։ Այս ամենի անունը պետք է լինի մեկ բան՝ կապիտուլյանտ, որը պետք է լինի պատմության աղբանոցում»,- հավելեց ՀՀԿ ԳՄ անդամը։
«Պատիվ ունեմ» դաշինքի անդամ, ՀՀԿ ԳՄ անդամ Էդուարդ Շարմազանովն այսօր հրավիրած մամուլի ասուլիսի ժամանակ ասաց, որ այս քարոզարշավը սովորական ու հերթական քարոզարշավ չէ, քանի որ Հայաստանի նորագույն պատմության մեջ հայ ժողովուրդը մի կողմից՝ պետք է ընտրություն կատարի անկախության, ինքնիշխանության, ազգային արժեքների, իսկ մյուս կողմից՝ անպատվության, Հայաստանը թուրքական վիլայեթ դառնալու միջև։
Երեկ Մարդու իրավունքների պաշտպանը հայտարարություն տարածեց, ըստ որի հունիսի 16-ին հայ-ադրբեջանական սահմանի Գեղարքունիքի մարզի Վերին Շորժայի սահմանային հատվածից ադրբեջանական 9 զինծառայող գողացել է Վերին Շորժայի արոտավայրից հովվի կովը և նոր ծնված հորթը:
«Ես չէ, որ ասում եմ, ժողովրդի մեծամասնությունն է ասում, որ Փաշինյանը ցայտոտնի մեջ է։ Նա նոր չէ, որ ասում է, թե համայնքապետերը կենթարկվեն պատասխանատվության, ինչո՞ւ պետք է ենթարկվեն պատասխանատվության, իրենց քաղաքական դիրքորոշումների՞, թե՞ այլ բան են արել՝ թող ասի։ Սյունիքի համայնքապետերի նման ճիշտ, գաղափարով մարդիկ, լավ կլինի, որ շատ լինեն, դա մեր երկրի շահերից է բխում»,- 168.am-ի հետ զրույցում ասաց Մուրադ Սիմոնյանը՝ անդրադառնալով Նիկոլ Փաշինյանի հայտարարությանը, թե Սյունիքի որոշ ակտիվ համայնքապետերի սպասում է Քրեական օրենսգիրքը և Քրեակատարողական հիմնարկները։
«Նրանք չունեն այնպիսի մարդիկ, որոնք ոչինչ չեն հասկանում քաղաքականությունից իրենց չեն դիտարկում որպես լավագույն դիվանագետներ, կարծիքներ չեն հայտնում։ Այսինքն՝ մեզ մոտ հիմա ամեն մեկն իրեն դրել է ամենաուժեղ դիվանագետի, մարշալի, զորավարի տեղը, դրա համար այս վիճակում ենք։ Այն, ինչ անում է Էրդողանը՝ ուղղված է հավասարապես թե՛ Ռուսաստանի, թե՛ Արևմուտքի դեմ»։
Նիկոլ Փաշինյանը Վայոց ձոր կատարած նախընտրական քարոզարշավի ժամանակ հայտարարել է, որ որոշ ընկերություններից տեղեկություններ են ստանում, որ նրանք իրենց աշխատակիցների վրա ճնշում են գործադրում կոնկրետ ուժի ընտրելու համար՝ այս համատեքստում նշելով «Գազպրոմ Արմենիա» ՓԲԸ անունը։
«Սկսած Արթուր Վանեցյանի այցից Մոսկվա, որը տեղի ունեցավ պաշտոնական հանդիպման կազմակերպմամբ ԱՊՀ հարցերով Պետդումայի կոմիտեի նախագահ Լեոնիդ Կալաշնիկովի հետ։ Սա ցույց է տալիս «Պատիվ ունեմ» դաշինքի ուժը միջազգային ասպարեզում և հունիսի 20-ից հետո այն ծառայեցնելու է իր հնարավորությունները Հայաստանի ազգային շահերին։ Արթուր Վանեցյանը վարչապետի, թերևս, միակ թեկնածուն էր, որը նախընտրական քարոզարշավի շրջանում այցելեց Արցախ, այսինքն՝ քարոզարշավի մեկնարկից մեկ օր առաջ նա եղավ Արցախում։ Այո, մենք ուզում ենք շեշտել, որ մեզ համար շատ կարևոր են այս երեք մայրաքաղաքների հետ մեր ունեցած հարաբերությունները՝ Ստեփանակերտի, Մոսկվայի ու մեր հոգևոր մայրաքաղաք Էջմիածնի։ Պատահական չէ, որ Արցախում Արթուր Վանեցյանը հանդիպեց մեր Վեհափառի հետ»,- հավելեց Սոս Հակոբյանը։
Սյունիքի մարզ հունիսի 15-ին կատարած նախընտրական քարոզարշավի ժամանակ Նիկոլ Փաշինյանը հայտարարեց, թե Սյունիքի մարզի որոշ համայնքապետերի սպասում է քրեական օրենսգիրքն ու քրեակատարողական հիմնարկները։ Չնայած, այցի ժամանակ նա իր մուրճով չէր, սակայն ելույթները ինչպես միշտ սպառնալիքներով լի են, այս անգամ ուղղված, նրա իսկ բնորոշմամբ՝ Սյունիքի ակտիվ համայնքապետերին։
«Փաստորեն, հիմա Հարավային Կովկասում Թուրքիան դե ֆակտո և դե յուրե արդեն ներկայացված է նաև ռազմական առումով՝ այնտեղ գոյություն ունեցող փոքրաթիվ զորամիավորմամբ։ Այստեղ կան նաև որոշակի տնտեսական խնդիրներ, Ադրբեջանում տնտեսական մենաշնորհի, տնտեսության տարատեսակ զիջումների և այլնի հետ կապված, որոնք նույնպես, կարծում եմ, թուրք-ադրբեջանական օրակարգում են։
Նիկոլ Փաշինյանը հունիսի 15-ին նախընտրական քարոզարշավի շրջանակներում Սյունիքի մարզում էր։ Նա ելույթ ունեցավ Գորիսում, Որոտանում և մի քանի այլ համայնքներում, ի տարբերություն այլ բնակավայրերի, Որոտանում նրա ելույթը չէր ուղեկցվում մուրճով։ Այս անգամ ևս Նիկոլ Փաշինյանի ելույթները հնչում էին սպառնալիքներով, այս դեպքում՝ ուղղված Սյունիքի որոշ համայնքապետերի։ Ինչպես Նիկոլ Փաշինյանն իր խոսքում ասաց՝ որոշ համայնքապետերի սպասում են քրեակատարողական հիմնարկները։
«Պատիվ ունեմ» դաշինքի անդամ Արտակ Զաքարյանն այսօր հրավիրած մամուլի ասուլիսի ժամանակ անդրադարձավ Մեղրու զորամասի և Մեհրաբի զորամասի հրամանատարների պաշտոնանկությանը։
«Պատիվ ունեմ» դաշինքի անդամ Արտակ Զաքարյանն այսօր հրավիրած մամուլի ասուլիսի ժամանակ ասաց, որ այսօր, երբ կապիտուլյանտը կապիկություններ անելով՝ քարոզչական շքախմբերով, ծափ տվողներով գնացել է Սյունիք, նույն պահին Արևելքից դեպի հայոց պատմական Շուշի իրենց «հաղթարշավն» են իրականացնում կապիտուլյանտի բարեկամները՝ Էրդողանի և Ալիևի տեսքով։
«Բա որ պատերազմը սկսվեց, ինչո՞ւ այդ ժամանակ չկանգնեց ու չասաց՝ ժողովուրդ Շուշին օկուպացված է, որ մարդիկ ժամանակին տարհանվեին, որ իրենց տներից մի հիշողություն, մի սրբություն վերցնեին։ Բա որ օկուպացված էր, ինչո՞ւ որևէ մեկս տեղյակ չենք եղել, ուրեմն՝ ինքը տեղյակ է եղել, ու այդ մասին դիտավորյալ որևէ բան չի ասել»,- 168.am-ի հետ զրույցում ասաց Արծվիկ Սարգսյանը՝ անդրադառնալով Նիկոլ Փաշինյանի այն հայտարարությանը, թե Արցախի հարցը ստացել են մի վիճակում, որտեղ Շուշին օկուպացված վիճակում էր։
Նախընտրական քարոզարշավի շրջանակներում Նիկոլ Փաշինյանը հունիսի 15-ին այցելելու է Սյունիքի մարզ։ Լուրեր են շրջանառվում, որ Սյունիքի մարզպետը բոլորին հրահանգել է ներկա գտնվել քարոզարշավին։
«Կարծում եմ՝ այստեղ կարևոր է նաև Միացյալ Նահանգների միջնորդությունը, քանի որ միայն Վրաստանը չունի այն լծակները կամ այն հնարավորությունները, որպեսզի կարողանար միայնակ այդ հարցում դերակատարություն ունենար։ Ըստ Վրաստանի արտաքին գործերի նախարար Դավիթ Զալկալիանիի, Վրաստանը 2-3 ամիս մասնակցում էր այս հարցի շուրջ քննարկումների, կարծում եմ՝ պետք է հստակ ֆիքսենք, որ կարևոր գործընթաց էր, որը տվեց իր արդյունքը»,- նշեց Ջոնի Մելիքյանը։
«Ի՞նչ է նշանակում՝ գիտնականներին, որոնք ծառայել են նախկիններին, կուղարկեմ տուն, թող թոռնիկներին ու երեխաներին սովորեցնեն, իսկ իրե՞ն ով պետք է սովորեցնի հարգել մարդու վաստակը, իրավունքները, ով պետք է սովորեցնի, երևի չեն սովորեցրել, դրա համար էլ այդպես խոսում է տակից ու վրայից։ Ամբողջովին մերժելի է նման հայտարարությունը, սա ուղղակի մեզ համար ամոթ է, որ մեր ղեկավարը նման հայտարարություն է անում»,- նշեց Արամ Սիմոնյանը։
«Շուշին կետ է Անդրկովկասում, այս տարածաշրջանում, որտեղ Թուրքիան փորձում է այդ կետի միջոցով ինքնահաստատվել։ Էրդողանի Շուշի կատարելիք այցի գլխավոր նպատակը մարտահրավերն է՝ ուղղված գլխավորապես Հայաստանին, Իրանին ու Ռուսաստանին։ Սա սիմվոլիկա է, կարող էր լինել Շուշի կամ այլ քաղաք, սակայն նպատակը հստակ է»,- հավելեց Անդրանիկ Իսպիրյանը։
«Սա հանցագործության հատկանիշ պարունակող հայտարարություն է, իսկ որտե՞ղ է դատախազությունը՝ Նիկոլ Փաշինյանի գրպանում է, բնականաբար, գրպանից դուրս չի գալու։ Սրանք անդադար տևող հայտարարություններ են և կատարվող հանցագործություններ։ Մուրճն իր հերթական հոգեվիճակի արտահայտումն էր։ Այս մարդը հրաշալի գիտի, որ չի ունենալու ոչ մի դեպքում հաղթելու հնարավորություն, որևէ կերպ չի վերարտադրվելու, և հիմա մարդկանց լարում է միմյանց դեմ»,- նշեց Արսեն Բաբայանը։
«Պատիվ ունեմ» դաշինքի անդամ Արսեն Բաբայանի խոսքով՝ Արմավիրի նախկին քաղաքապետ, դաշինքի անդամ Ռուբեն Խլղաթյանի նկատմամբ քրեական գործ է հարուցվել մի մարմնի կողմից, որն իրավասու չէր այդ գործը հարուցելու, խոսքը Քննչական կոմիտեի մասին է։
«Բոլոր տեղերում հանդիպելով քաղաքացիների հետ, մեկ անգամ ևս համոզվում ենք, որ այս իշխանություններին հեռացնելն առաջնահերթություն է։ Եվ բոլոր տեղերում համոզվում ենք, որ այս իշխանությունը վերարտադրվելու հնարավորություն որևէ կերպ չունի։ Մեր քարոզարշավի ընթացքում մեր վարկանիշի աճն ամենևին դուր չի գալիս այս իշխանությանը, ինչը երևի թե նորմալ է ու սպասելի էր։ Սա է պատճառը, որ վերջին օրերին հատկապես մեր դաշինքի ներկայացուցիչների նկատմամբ իրականացվում են քաղաքական ուժեղ ճնշումներ, և դրա վառ օրինակն է պարոն Խլղաթյանի նկատմամբ իրականացված քաղաքական հետապնդումը, թե իբր նա ընտրակաշառք տալու ինչ-որ անհեթեթ դեպքի հետ առնչություն ունի»,- ասաց Արսեն Բաբայանը։
«Ես չգիտեմ՝ որևէ մեկը գիտի՞, թե ինչ ականապատ տարածքների մասին է խոսքը։ Բայց այստեղ վրացիներն ու ամերիկացիները զուտ միջնորդություն են արել, միջնորդություն ցանկացած այլ պետություն կարող էր անել։ Եթե նույնիսկ առանց միջնորդների լիներ, կարծում եմ՝ հայկական կողմը կհամաձայներ 15 գերու դիմաց այդ քարտեզները հանձնել Ադրբեջանին։ Ըստ իս, այստեղ իրավիճակը չպետք է ուռճացնել կամ օգտագործել փիառ նպատակներով։ Ունենք այն, ինչ ունենք, բայց փաստը մնում է փաստ, որ ոչ թե գերիները վերադարձել են, այլ փոխանակվել են ականապատ քարտեզներով»,- նշեց Սուրեն Սարգսյանը։
«Միշտ էլ այդ կարգի միջադեպեր լինելու են, փորձելու ենք այնպես անել, որ լուրջ հետևանքներ չլինեն։ Բայց առհասարակ, որ այդ սահմաններին փշալարի գաղափարը լինի, շատ ավելի լավ կլինի, տեսնենք՝ ինչպես կստացվի, սա է մեզ բաժին հասել»,-եզրափակեց Ներսես Շադունցը։
«Պատիվ ունեմ» դաշինքի անդամ Հայկ Մամիջանյանն այսօր հրավիրած մամուլի ասուլիսի ժամանակ հայտնեց, որ Կառավարության վերջին նիստի չզեկուցվող հարցերից մեկը վերաբերում է նրան, որ պետական բյուջեից 750 միլիոն դրամ տրամադրվել է կորոնավիրուսի տնտեսական հետևանքների չեղարկմանը։
