ՀՀ երկրորդ նախագահ Ռոբերտ Քոչարյանի, «Հայ Հեղափոխական Դաշնակցություն» և «Վերածնվող Հայաստան» կուսակցությունների միջև այսօր ստորագրվեց հուշագիր՝ առաջիկա արտահերթ ընտրություններին «Հայաստան» դաշինքով մասնակցելու վերաբերյալ։
Մայիսի 7-ին Ազգային ժողովն ընդունեց «Տեղական ինքնակառավարման մարմինների» մասին օրենքում փոփոխություններ և լրացումներ կատարելու վերաբերյալ օրենքի նախագիծը, ըստ որի՝ լուծարվում է Երևանի գլխավոր ճարտարապետի հաստիքը, և նրա բոլոր գործառույթները վերապահվելու են Երևանի փոխքաղաքապետին։ Այդ պատճառով էլ Երևանի փոխքաղաքապետների քանակը ևս մեկով կավելանա՝ նախկին չորսի փոխարեն կդառնա հինգ։
Արցախի Հանրապետության Մարտունի քաղաքում տեղադրված Գարեգին Նժդեհի արձանի շուրջ խոսակցությունները չեն դադարում։ Ժամանակ առ ժամանակ լուրեր են տարածվում, թե արձանը հեռացնելու են, այնուհետև իրավիճակը հանդարտվում է, որից հետո կրկին այդ խոսակցություններն ակտիվանում են։
«Ստալինը Սեմինարիայում սովորած մարդ էր, աստվածապաշտ էր, ինչպես նրա մայրը, որը Ստալինին այդպես էր դաստիարակել, ինչպե՞ս դարձավ բռնակալ։ Ռաձինսկին այնպիսի վերլուծություններ է անում, այնպիսի թեմաներ է ընտրում, որ կարծում եմ՝ դրանք պետք է միշտ ուսումնասիրվեն ու դրանց մասին միշտ խոսեն, որովհետև որևէ մեկս ապահովագրված չենք նման զարգացումներից»,- եզրափակեց նա։
«Կարևոր է, որ մենք տեսնում ենք՝ կա շահագրգռվածություն, որպեսզի Մինսկի խումբն աշխատի, ինչն ինքնին լավ է»,- եզրափակեց Արցախի արտաքին գերատեսչության ղեկավարը։
Այսօր ԱԺ նիստի ժամանակ, երբ պատգամավորները պետք է հերթագրվեին հերթական նախագիծը ներկայացնող պատգամավորներին հարցեր ուղղելու համար, ԱԺ փոխնախագահ Ալեն Սիմոնյանը պատահաբար միացրեց Նիկոլ Փաշինյանի ձայնային հաղորդագրությունը։
«Այս պարագայում իրենք փորձում են Կարմիր Շուկայի խնդիրը միշտ պահել օրակարգում։ Նման մոտեցումը ոչ այլ ինչ է, քան ևս մեկ ահաբեկչություն։ Մեզ համար ցանկացած հայի կյանք խիստ կարևոր է, և մենք ամեն ինչ անելու ենք, որպեսզի կարողանանք բոլորին վերադարձնել, սակայն սա չի նշանակում, որ մենք պետք է կողմ լինենք Ադրբեջանի այդ շանտաժին։ Նման ձևով այսoր Կարմիր Շուկան է, վաղն էլ ասելու են՝ Երևանն է, մյուս օրն այլ տարածք են ուզելու, և այլն։ Կա գրված և չգրված օրենք, մարդասիրական օրենքները պարտավոր են պահել բոլորը»,- նշեց Դավիթ Բաբայանը։
«Բոլորին կոչ եմ անում՝ ժամանակ գտնեն և անցնեն այս փորձությունը, սա փոքրիկ փորձություն է, որը միտված է իրենց և բոլորիս առողջությունն ապահովելուն: Հետևաբար` որևէ սարսափելի բան չկա, որովհետև եթե հիշում եք՝ մեր նախկին նախարարը՝ Արսեն Թորոսյանը, դեռ այն ժամանակ, երբ նոր էր կորոնավիրուսը, այսպես ասած, մտնում մեր կյանք, ինքն օբյեկտիվ էր գնահատում ամեն ինչը, ասաց, որ ամենաշուտը մեկ տարի հետո է լինելու պատվաստանյութը, այդպես էլ եղավ»,- նշեց Հովիկ Աղազարյանը:
ԱԺ առողջապահության և սոցիալական հարցերի մշտական հանձնաժողովի նախագահ, «Իմ քայլը» խմբակցության պատգամավոր Նարեկ Զեյնալյանի խոսքով՝ պատվաստումն իրականացվում է՝ ըստ ընթացակարգի:
«Այս ընդունվող նախագծով որևէ կարգավորում չի տարածվելու արտահերթ ընտրությունների վրա: Սա խնդրահարույց է և, բնականաբար, խնդրահարույց է այն 24-ժամյա ռեժիմով ընդունելը: Հետևաբար՝ այն հիմնավորված կլիներ, եթե նախագիծը կամ դրա որոշ կարգավորումներ տարածվեին 45 օր հետո նախատեսված ընտրությունների վրա»,- այս մասին խորհրդարանում լրագրողների հետ զրույցում ասաց «Իրազեկ քաղաքացիների միավորում» ՀԿ ղեկավար Դանիել Իոաննիսյանը՝ անդրադառնալով Ընտրական օրենսգրքի որոշակի դրույթների փոփոխությանը, որը խորհրդարանը պետք է ընդունի 24-ժամյա ռեժիմով:
Գլխավոր դատախազ Արթուր Դավթյանն այսօր խորհրդարանում լրագրողների հետ զրույցում անդրադարձավ ԱԱԾ նախկին տնօրեն, «Հայրենիք» կուսակցության ղեկավար Արթուր Վանեցյանին, ում կողմից ժամանակին պարգևատրվել էր և ով նախկին իշխանության ներկայացուցիչների հետ մասնակցելու է արտահերթ խորհրդարանական ընտրություններին:
Զեկույցը ներկայացնելուց հետո ելույթներով հանդես եկան իշխանական մի խումբ պատգամավորներ և դրական արտահայտվեցին ՄԻՊ զեկույցի ու առհասարակ Արման Թաթոյանի և ՄԻՊ ինստիտուտի վերաբերյալ: Իսկ «Իմ քայլը» խմբակցության անունից ելույթով հանդես եկավ Մարիա Կարապետյանը, ով դժգոհեց ՄԻՊ-ից և Արման Թաթոյանին մեղադրեց «մեդիատեռորին միանալու» համար:
Ըստ ՀՀ գլխավոր դատախազ Արթուր Դավթյանի, պատերազմում դավաճանության և լրտեսության հոդվածով կա նախկին զինծառայող, որն անցնում է քրեական գործով:
ՀՀ գլխավոր դատախազ Արթուր Դավթյանի խոսքով՝ դատախազության ամենօրյա աշխատանքի գլխավոր մասն է կազմում հայ գերիների վերադարձի ուղղությամբ տարվող աշխատանքները:
Այսօր խորհրդրանում լրագրողները Գլխավոր դատախազ Արթուր Դավթյանից հետաքրքրվեցին, թե ինչո՞ւ է դատախազների միջև ծեծկռտուք տեղի ունեցել:
Մամուլն արդեն մի քանի անգամ գրել է, որ ԲՀԿ-ն լքած պատգամավոր Սերգեյ Բագրատյանը պատրաստվում է արտահերթ խորհրդարանական ընտրություններին մասնակցել «Քաղաքացիական պայմանագիր» կուսակցության ցուցակով:
ԱԺ «Իմ քայլը» խմբակցության պատգամավոր Հովիկ Աղազարյանն այսօր խորհրդարանում լրագրողների հետ զրույցում անդրադարձավ Առաջին նախագահ Լևոն Տեր-Պետրոսյանի հայտարարությանը՝ նշելով, որ վերջինս հիպնոսելու հատկություն ունի և կարողանում է մարդկանց հիպնոսել՝ ընդգծելով, որ Հայաստանում «բոլոր աղետների կնքահայրն ու գործողը» եղել է Առաջին նախագահը:
«Ժամանակին Գերագույն խորհրդում, երբ կարևոր հարց էր քննարկվում, անպայման վերջում ինքն էր ելույթ ունենում, այնուհետև հարցը դնում էին քվեարկության: Մոտավորապես մի 7-8 ամիս հետո հասկացա, որ նա հիպնոս է անում, հիպնոսի հատկություն ունի: Ես արդեն տակտիկա էի որդեգրել, հենց ինքը ելույթ էր ունենում, ընդմիջում էի խնդրում, որ ցվրվեի»,- նշեց Հովիկ Աղազարյանը:
ԱԺ «Իմ քայլը» խմբակցության պատգամավոր Հովիկ Աղազարյանի խոսքով՝ Առաջին նախագահ Լևոն Տեր-Պետրոսյանի հայտարարությունն իր համար այնքանով էր անակնկալ, որ վերջինս իրեն երբեք չի զարմացրել, քանի որ նրան վաղուց է ճանաչում:
ԱԺ «Իմ քայլը» խմբակցության ղեկավար Լիլիթ Մակունցն այսօր անդրադարձավ այն լուրերին, որ «Քաղաքացիական պայմանագիր» կուսակցության նախընտրական ցուցակում ընդգրկվելու են նաև գործարարներ, քանի որ Նիկոլ Փաշինյանն այդպես է որոշել:
ՀՀ առաջին նախագահ Լևոն Տեր-Պետրոսյանը երեկ կրկին հրապարակավ հայտարարեց այն, ինչ հայտարարել էր մարտի 25-ին՝ ՀՀ երկրորդ և երրորդ նախագահներին առաջարկելով ընտրություններին մասնակցել «Ազգային համաձայնության դաշինք» անվանումը կրող ցուցակով:
ԱԺ նախագահ Արարատ Միրզոյանի կարգադրությամբ խորհրդարանի աշխատակազմը կրկին պարգևավճար է ստացել:
«Ինչ վերաբերում է ցուցակների կազմելուն, կամ այնտեղ ինչ-որ մարդկանց ընդգրկելուն և այդ թեմաների հետ կապված շահարկումներին, ապա մենք, իհարկե, հիանալի գիտենք, թե ովքեր են այս թեզերը շրջանառության մեջ դնում, ովքեր են այնպես անում, որ այս թեման պարբերաբար մամուլի էջերից չիջնի: Կրկնում եմ՝ հիանալի գիտենք, թե ով է դա անում ու ինչու է անում: Այդուհանդերձ ուզում եմ հորդորել բոլոր մտահոգ ու շահագրգիռ, անհանգիստ մարդկանց, ովքեր ամեն օր տանջվում են ԲՀԿ նախընտրական ցուցակի կազմման համար, կարող են հանգիստ սպասել, թե երբ կհրապարակվի ԲՀԿ-ի նախընտրական ցուցակը»,- խորհրդարանում այս մասին լրագրողների հետ զրույցում ասաց Իվետա Տոնոյանը:
«Ինչպես 44-օրյա պատերազմի, այնպես էլ՝ ապրիլյան պատերազմի ժամանակ, շատերի նման, ես կողքից նայող մարդ չէի և շատ բաների ականատես անձամբ եմ եղել, այդ պատճառով էլ հանձնաժողովի զեկույցն ինձ համար այդքան կարևոր չէր: Բացի այդ, այնտեղ շատ հակասական ու խճճող բաներ կային»,- նշեց Սոֆյա Հովսեփյանը:
ԱԺ անկախ պատգամավոր Սոֆյա Հովսեփյանն այսօր խորհրդարանում լրագրողների հետ զրույցում կրկին անդրադարձավ Մարտունի քաղաքում Գարեգին Նժդեհի արձանի շուրջ ստեղծված իրավիճակին:
«Դե, կենդանի է, բնազդաբար անցել գնացել է, որևէ կերպ չենք կարողանում վերադարձնել, նույնիսկ սահմանապահներին էլ ենք ասել, հակառակ կողմի հետ պայմանավորվել են՝ կվերադարձնեն, սակայն որևէ նորություն չկա: Նմանատիպ դեպքեր դեռ շատ կլինեն, թշնամու հսկողության տակ եղած տարածքում խոտն արդեն բարձր է, անասունները մեր կողմից անցնելու են իրենց կողմ, ո՛չ փշալար է քաշած, ո՛չ խրամատ է փորված: Այս հարցերը մենք բարձրացրել ենք, բայց մինչև հիմա բան չկա»,- ընդգծեց նա:
Ադրբեջանը Շուշիի Սուրբ Ղազանչեցոց եկեղեցու գմբեթը հանել է և վերանորոգելու անվան տակ ոչնչացնում է հայկական հետքը։ Օրեր առաջ էլ թշնամին ոչնչացրել էր եկեղեցու մուտքի մոտ գտնվող հրեշտակներին։
Կրթության, գիտության, մշակույթի և սպորտի նախկին նախարար, Նիկոլ Փաշինյանի խորհրդական Արայիկ Հարությունյանն անդրադարձել է «Բարգավաճ Հայաստան» խմբակցության պատգամավոր Նաիրա Զոհրաբյանի գրառմանը, որտեղ անդրադարձել էր թաղապետերի մասնակցությամբ վիճաբանությանը:
ԱԺ «Լուսավոր Հայաստան» խմբակցության պատգամավոր Տարոն Սիմոնյանն այսօր խորհրդարանում լրագրողների հետ զրույցում անդրադարձավ նիստերի դահլիճում իմքայլական պատգամավոր Վլադիմիր Վարդանյանի ելույթին, նրա դիտարկումներին և Հրաչյա Հակոբյանի հակադարձումներին:
ԱԺ «Իմ քայլը» խմբակցության պատգամավոր Վլադիմիր Վարդանյանն այսօր խորհրդարանի ամբիոնից անդրադարձավ Շուշիի Սուրբ Ղազանչեցոց եկեղեցու գմբեթը քանդելուն և հայկական հետքը վերացնելուն ուղղված՝ թշնամու ձեռնարկած քայլերին:
