Ադրբեջանցին հորեղբորս կացնահարել է, երբ հրավիրել է գառ ուտելու. Թագուհի Թովմասյան
ԱԺ «Պատիվ ունեմ» խմբակցության պատգամավոր, Մարդու իրավունքների պաշտպանության և հանրային հարցերի մշտական հանձնաժողովի նախագահ Թագուհի Թովմասյանն այսօր խորհրդարանում լրագրողների հետ զրույցում անդրադարձավ 44-օրյա պատերազմի հանգամանքներն ուսումնասիրող քննիչ հանձնաժողովի ստեղծմանը։
Նրա կարծիքով՝ ենթադրյալ հանցագործը չի կարող իր հանցագործության մասին վարկած քննել։
«Մենք չենք կարող այդ հանձնաժողովից օբյեկտիվություն ակնկալել։ Ես նկատի ունեմ գործող իշխանությանը, նա չի կարող քննել իր հանցագործության վարկածը, ես շատ պարզ ու հասցեական ասացի, որովհետև նաև ներգրավվում են մարդիկ, որոնք պատերազմի ժամանակ ունեցել են պաշտոններ։ Այսինքն՝ հասկանալի է, որ այդ քննության ընթացքում գա հասնի ինչ-որ փուլ և այդ փուլում հասկանալի լինի, որ մեղադրանքն անխուսափելի է, բնականաբար, ամեն ինչ արվելու է, որպեսզի այդ մեղադրանքը կյանքի չկոչվի։ Ես ի սկզբանե այդ հանձնաժողովի օբյեկտիվությունը կասկածի տակ եմ դնում, նաև հուսամ՝ իմ գործընկերներն այդպես կվարվեն։ Եթե իշխանությունը փոխված լիներ, մի տեղ հասկանալի կլիներ, բայց գործող իշխանությունը քննի իր գործողությունները՝ աբսուրդ է»,- նշեց Թագուհի Թովմասյանը։
Ըստ պատգամավորի, եթե ընդդիմությունը մասնակցի այդ քննիչ հանձնաժողովի նիստերին, ապա ի սկզբանե պետք է հայտարարի, որ մենք չենք ընդունում այդ հանձնաժողովի արդյունքները, որովհետև կասկածի տակ ենք դնում հանձնաժողովի օբյեկտիվությունը։
Ինչ վերաբերում է իշխանության հռչակած «խաղաղության դարաշրջանին» և այդ համատեքստում հայ և ադրբեջանցի ժողովրդի միասին ապրելուն, Թագուհի Թովմասյանը հիշեցրեց 90-ականներին կատարված մեկ դեպք։
«Վարդենիսում Խորհրդային Միության տարիներին եղել է խաղաղ համագոյակցություն ադրբեջանցիների հետ։ Իմ հորեղբայրը շփվել է, նաև ընկերություն է արել ադրբեջանցիների հետ, և մի օր ադրբեջանցի իր ընկերը, որը նաև իրեն պարտք է եղել, հորեղբորս հրավիրել է գառ ուտելու սարերում։ Գնացել են գառ ուտելու, և վերջում հորեղբորս կացնահարել է։ Այսինքն՝ նրանք այդ տեսակն են, ես չեմ պատկերացնում համագոյակցություն։ Ադրբեջանցիները ռամիլսաֆարովներ ծնող ազգ են»,- շեշտեց նա։
Մանրամասները՝ 168.am-ի տեսանյութում
