Ապրիլի 29-ին թավշյա իշխանությունների կողմից տոն հռչակված Քաղաքացու օրն է: Կառավարությունը որոշել է տոնը նշել Երևան քաղաքի տարբեր վարչական շրջաններում և մարզերում: Միջոցառման կազմակերպչական հարցերը կհոգա «ՋԵՄՄԱ ԹԱԴԵՎՈՍՅԱՆ ԱՐՄԵՆԻ Ա/Ձ »-ն. վարչապետի աշխատակազմի հետ համապատասխան պայմանագիրը կնքվել է ապրիլի 25-ին, պայմանագրի գինը կազմում է 27 միլիոն 600 հազար դրամ:
Վերին Լարսում հայկական բեռնատարների ոդիսականը շարունակվում է. վարորդներն ու ֆերմերներն ահազանգում են՝ դեպի ՌԴ բեռնատարների մուտքի արգելքը քաղաքական ենթատեքստ ունի, պաշտոնական շրջանակներից պնդում են՝ հարցը տեխնիկական է:
Օրերս «Հայաստանի Հանրապետության կառավարության հնգամյա ծրագրի 2022 թվականի կատարման ընթացքի և արդյունքների մասին» զեկույցին անդրադառնալիս՝ Փաշինյանը նշել էր, թե ընդդիմության գործընկերները միտում ունեն ցույց տալ, որ Կառավարության ներկայացրած զեկույցը մի փաստաթուղթ է, որի մեջ ընդգծված ձեռքբերումները Հայաստանի քաղաքացիները չեն զգում, մինչդեռ իրականությունը, ըստ նրա, այլ է:
168.am-ը ևս փորձեց պաշտոնական պարզաբանում ստանալ Էկոնոմիկայի նախարարությունից, սակայն պարզվեց՝ նախարարության լրատվության և հասարակայնության հետ կապերի վարչությունն աշխատանքային օրվա ավարտին մոտ դեռևս չուներ հստակեցումներ համապատասխան ստորաբաժանումներից:
Հայաստանում 2023-ի առաջին եռամսյակում տնտեսական ակտիվությունն աճել է 12,2%-ով. Վիճակագրական կոմիտեն է հրապարակել սոցիալ-տնտեսական վիճակը բնութագրող ընթացիկ-օպերատիվ ամփոփմամբ ստացված նախնական հիմնական մակրոտնտեսական ցուցանիշները:
Իրավաբան, արվեստի գործիչ Վազգեն Զախարյանին դիմում են կրեատիվ ոլորտների ներկայացուցիչները՝ տեղեկատվական տեխնոլոգիաներին, արվեստին առնչվող հարցերով, ինչպես նաև՝ մշակութային ժառանգության խնդիրներով: Մասնագետն այսօր ուսումնասիրում է նաև արհեստական բանականությանն առնչվող թեմաները:
«Նիկոլ, դավաճան» բղաված քաղաքացին՝ Սամվել Վարդանյանը, ով երեկ ձերբակալվել, ապա ազատ է արձակվել, շարունակում է պնդել, որ Նիկոլ Փաշինյանը դավաճան է. քաղաքացին իր անփոփոխ դիրքորոշումը հայտնեց 168.am-ի հետ զրույցում՝ մանրամասնելով. «Այսօր էլ տեսնեմ՝ գոռալու եմ։ Դա իմ քաղաքացիական դիրքորոշման արտահայտչաձևն է, իմ քաղաքական գնահատականը նրանց գործունեությանը»:
Արցախը Հայաստանին կապող միակ ճանապարհի` Լաչինի միջանցքի վրա Ադրբեջանի կողմից անցակետի տեղադրման փաստով Հայաստանն առաջիկա օրերին դիմելու է Արդարադատության միջազգային դատարան. տեղեկացրել են Միջազգային իրավական հարցերով Հայաստանի ներկայացուցչի գրասենյակից:
«Մենք ՀՀ կոլաբորացիոնիստ կառավարության շնորհիվ հասանք այս վիճակին,- արձանագրեց թուրքագետը՝ հիշեցմամբ, որ վաղուց է կանխատեսել այս հեռանկարը, քանի որ դա պարզ էր ի սկզբանե,- Այս գործընթացը կանգնեցնելու ժողովրդավարական ձևերն իրատեսական չեն. իմ գլխավոր սպասելիքը բանակից էր, թե թույլ չի տա, որ մեր երկիրը կործանվի, հողերը հանձնենք թշնամուն, սակայն տեսնում ենք՝ մեր փառապանծ բանակը մեզ համար չի աշխատում, ինչպեսև՝ մեր կառավարությունը»:
168.am-ն իրավապաշտպան Լարիսա Ալավերդյանից հետաքրքրվել է, թե ինչո՞ւ է միջազգային հանրությունը բացառապես բավարարվում հորդորներով. արդյոք չկա՞ միջազգային որևէ իրավական մեխանիզմ, որն այս պահին կարող է կանգնեցնել Ադրբեջանին:
Որոշակի փուլային կետերում կարելի է մեղադրել ռուս խաղապահներին, որոնք իրավիճակը վերահսկելու պատասխանատվություն են վերցրել, բայց պետք է հիշել, թե ռուս խաղաղապահների՝ այդտեղ գտնվելու համաձայնագիրն ով է ստորագրել. Նիկոլ Փաշինյանը:
2022 թվականին Սորոսի հայաստանյան հիմնադրամը կամ՝ «Բաց հասարակության հիմնադրամներ-Հայաստանը» տասնյակ-հազարավոր դոլարների դրամաշնորհներ է բաշխել հայաստանյան մի շարք կազմակերպությունների: Դրամաշնորհներ ստացած կազմակերպությունների ցանկում կան «մշտական» անուններ:
Աշխարհահռչակ ավտոարտադրող Toyota ընկերությունը ներկայացրել է իր ամենատարածված սեդանը՝ Corolla-ն, ոճային նոր փոփոխություններով. շնորհանդեսը մարտ ամսին էր՝ Վրաստանում, որտեղ գտնվում է Toyota-ի տարածաշրջանային կենտրոնը: Նոր ռադիատորի քողարկիչ, ոճային լուսարձակներ, սպորտային ու դասական տարբերակների համար յուրահատուկ անվահեծեր. արտաքինից մեքենան սպառողին է ներկայանում մի քանի թարմացումներով:
«Միասին» շարժման հրավիրած հանրահավաքի ժամանակ հանրային, քաղաքական գործիչ Էդգար Ղազարյանը 168.am-ի հարցադրումներին ի պատասխան՝ անդրադարձավ ԱԺ-ում Նիկոլ Փաշինյանի վերջին օրերի հայտարարություններին, որոնք հնչել էին Բաքվի բռնապետ Ալիևի հայտարարություններին զուգահեռ:
Ազատության հրապարակում այսօր «Միասին» շարժումը նորից իշխանության հեռացման պահանջով հանրահավաք էր հրավիրել:
«Մտնում է պառլամենտ, ասում է՝ ձեր տանը Արագած սարի նկարը կա՞. թվում է, թե դա ի՞նչ թեմա է, որ այսօր բարձրացնում ես. իսկ գիտե՞ք՝ ինչ թեմա է,- Ազատության հրապարակում Նիկոլ Փաշինյանի ԱԺ ելույթի մի քանի դրվագներին անդրադառնալով՝ նշեց ՀՀ նախկին վարչապետ Հրանտ Բագրատյանը՝ պարզաբանելով,- Թուրքիան պահանջում է գերբից հանել Արարատը, և ինքն ուզում է մեզ սովորեցնել Արագած սարին, և նոր Սահմանադրությամբ, վաղ թե ուշ, այս պահը գալու է»:
«Պատրիոտ» միության ղեկավար Աշոտ Համբարձումյանն այսօր Ազատության հրապարակում «Միասին» շարժման հրավիրած հանրահավաքում կոչով դիմեց իր մարտական ընկերներին. «Տղե՛րք, մենք հայրենիք ենք կորցնում. այս բարձր ամբիոնից, որտեղից մենք սկսել ենք մեր ազատագրական պայքարը, կոչով դիմում եմ ձեզ՝ դուրս եկեք այդ սոցիալական ցանցերից, մի կողմ դրեք անձնական ամբիցիաները»:
«Դուք հիշում եք այն տրագիկոմեդիան, որ տեղի ունեցավ ԱԺ-ում վերջերս. տեսաք՝ ԱԺ ղեկավարը, որը դե յուրե համարվում է հայ ժողովրդի բարձրագույն պաշտոնյան, կրկնեց անհեթեթ արարքի արդարացումը, թե՝ եթե պետք լինի, հիմա էլ կթքեմ. կթքի իր ժողովրդի վրա»,- Ազատության հրապարակում «Միասին» շարժման հրավիրած հանրահավաքի ժամանակ նշեց գրականագետ Սերժ Սրապիոնյանը։
Ազատության հրապարակում իշխանության հեռացման պահանջով հանրահավաքին բանաստեղծ Խաչիկ Մանուկյանը ցավով արձանագրեց՝ իշխանությունները շարունակում են տարածքների հանձնումն ու պետությունը վերացնելու գործընթացը:
ԱԺ պատգամավոր, տնտեսագետ Թադևոս Ավետիսյանը 168.am-ի հետ զրույցում նկատեց, որ մեր հանդեպ արևմտյան կողմն այդ հարցում դեռևս լոյալություն է ցուցաբերում, իսկ հիմնական պատճառն առավելապես աշխարհաքաղաքական է. «Դրանով փորձում են Հայաստանը հեռացնել Ռուսաստանից՝ հասկանալով, որ այս անվտանգային խորացող ռիսկերի իրավիճակում այդ տնտեսական բարձր աճն ինչ-որ չափով կհավասարակշռի ներքաղաքական վիճակը»:
Ակադեմիական քաղաք ստեղծելու գաղափարն իրականացնելու համար ՀՀ կառավարության որոշմամբ այսօր ստեղծվեց «Ակադեմիական քաղաք» հիմնադրամ։
Նիկոլ Փաշինյանի խոսքով՝ իգական սեռի կամավոր-պարտադիր ծառայության համակարգի ներդրումը կառավարության` պրոֆեսիոնալ բանակ ունենալու հայեցակարգից է բխում:
ՀՀ պաշտպանության նախարարությունը փոփոխություններ և լրացումներ է առաջարկել «Պաշտպանության մասին» և «Զինվորական ծառայության և զինծառայողի կարգավիճակի մասին» օրենքներում: Փոփոխություններով նախատեսվում է ներդնել իգական սեռի քաղաքացիների կամավոր հիմունքներով պարտադիր զինվորական ծառայության համակարգ:
2018 թվականի վերջին շինարարական աշխատանքներ իրականացնելու նպատակով Մայր Աթոռ Սուրբ Էջմիածնի Մայր տաճարը փակվեց հավատացյալների ու այցելուների համար: Մինչ օրս տաճարի ներսում ու դրսում շարունակվում է ակտիվ շինարարությունը, բայց անգամ փակ տաճարը հյուրերի պակաս չունի:
«Չի կարող մի առու հոսել Սև ծով, մեկը՝ Կասպից ծով, մյուսը՝ Սևանա լիճ». Վեհափառ Հայրապետը՝ Փաշինյանին
«Մայր Աթոռ Սուրբ Էջմիածինը յուրաքանչյուր հայորդու տունն է, և ամեն անձ այցելում է Մայր Աթոռ, ու եթե խնդիրներ կան, հարցեր կան՝ նաև հանդիպումներ է ունենում Ամենայն Հայոց Հայրապետի հետ (եթե նրա տնօրինության տակ են այդ հարցերի լուծումները)»,- այսօր Մայր Աթոռի բակում լրագրողների հետ զրույցում նշեց Գարեգին Բ Ամենայն Հայոց կաթողիկոսը՝ անդրադառնալով հարցադրմանը, որ թեև շատ եկեղեցականներ կոշտ քննադատության են ենթարկում իշխանությանը, սակայն Մայր Աթոռը բարձր ընդունելության է արժանացնում ԿԳՄՍ նախարարին, փոխնախարարին, Տիգրան Ավինյանին:
«Արցախի խնդիրը մեր ժողովրդին հուզող ամենակարևոր հարցն է,- Մայր Աթոռում լրագրողների հետ զրույցում նշեց Ամենայն Հայոց կաթողիկոս Գարեգին Բ-ն՝ նկատելով,- Այս առումով, անշուշտ, հստակ է հայաստանաբնակ և աշխարհասփյուռ մեր ժողովրդի վերաբերմունքը, որ ամեն գնով պետք է պաշտպանել Արցախի ժողովրդի ազատ, անկախ ապրելու իրավունքը»:
Գարեգին Բ Ամենայն Հայոց կաթողիկոսը կարծում է, որ ժողովուրդը որևէ կերպ չի հաշտվի Արցախն Ադրբեջանի կազմում տեսնելու գաղափարի հետ: Այս համոզումը նա հայտնեց Մայր Աթոռում լրագրողների հետ զրույցում՝ պատասխանելով 168.am-ի հարցադրումներին:
Մինչ Հայաստանի բարձր ամբիոններից Նիկոլ Փաշինյանը վերահաստատում էր 29.800 քառակուսի կիլոմետր տարածքի մասին իր սկզբունքը և հանրությանը համոզում, թե խաղաղությունն ու զարգացումը հնարավոր է միայն դա արձանագրելուց հետո, Իլհամ Ալիևը Բաքվում Հայաստանի ղեկավարին հորդորում էր խմբագրել նախկին հայտարարությունը՝ նոր ձևակերպմամբ. «Ղարաբաղը Ադրբեջան է»։
Շուրջ 29.000 եկամտահարկի վերադարձի շահառուների ցուցանիշին անդրադառնալով՝ Հրանտ Բագրատյանը նկատեց. «29.000 մարդ դարձել է շահառու, բայց 500.000 թոշակառու ավելի վատ է ապրում, և 500.000 թոշակառու, եթե առաջ միջինում ապրում էր 76 տարի, այսօր ապրում է 72 տարի:
