4 ամիս անց, ավելի դաժան, ավելի ընդգծված լկտիությամբ բռնություն է գործադրվում. Արմինե Ֆանյան
Փաստաբան Արմինե Ֆանյանը լիահույս է՝ հեռուստացույց նվեր ստանալուց հետո հանրապետության գլխավոր դատախազն ավելի ուշադիր կլինի երկրում տեղի ունեցողի և, մասնավորապես, փաստաբանների նկատմամբ իրականացվող բռնությունների հանդեպ:
«Չորս ամիս չի անցել երկու փաստաբանների նկատմամբ իրականացրած բռնությունից։ Բացի այն, որ քննությունն այնչափ է դանդաղում, որ որևէ արդյունք դեռ չենք տեսնում դեպքի վերաբերյալ, դեռ մի բան էլ 4 ամիս անց, ավելի դաժան, ավելի ընդգծված լկտիությամբ բռնություն է գործադրվում թե՛ փաստաբանի, թե՛ նրա վստահորդի նկատմամբ»,- դատախազության շենքի մոտ իրականացվող ակցիայի ժամանակ հիշեցրեց փաստաբան Արմինե Ֆանյանը:
