«Ռենշին»-ը համագործակցության պայմանագիր կստորագրի հեղինակավոր «Կեմպինսկի» բրենդի հետ՝ սահմանելով բարձր նշաձող անշարժ գույքի շուկայում
Հուլիսի 7-ին առաջատար «Ռենշին» ընկերությունը համագործակցության պայմանագիր կստորագրի հյուրընկալության և բնակելի համալիրների կառավարման ավելի քան 125 տարվա փորձառություն ունեցող հեղինակավոր «Կեմպինսկի» ընկերության հետ։ Ըստ «Ռենշին» ընկերության օպերացիոն տնօրեն Լևոն Կասպարովի՝ «Renshin Urban Investments»-ում բավական երկար ճանապարհ են անցել այս համագործակցությունը հաստատելու և այն այսօր նաև համագործակցության պայմանագրով ամրագրելու համար։
«ArtLife Kempinski Residences-ը հերթական թաղամասը չէ, այն Հայաստանի միջազգային հայտն է՝անշաժ գույքի նախագծերի իրականացման ոլորտում»,- ընդգծում է Կասպարովը։
100 հազար քառակուսի մետր տարածքով ArtLife համալիրը վեր է խոյանում Երևանի սրտում՝ Տերյան 107 հասցեում։
2025 թվականին շահագործման հանձնելուց հետո այն հավակնում է դառնալ մայրաքաղաքի նոր ձգողականության կենտրոններից մեկը՝ հագեցած ժամանցի վայրերով և արվեստի կենտրոններով։
Հեղինակավոր «Կեմպինսկի» ընկերության տնօրեն և կառավարման խորհրդի անդամ Քրիստով Պիֆերատին ևս կարևորում է այս համագործակցությունը և ոգևորությամբ շեշտում.
««Կեմպինսկին» հպարտությամբ է հարաբերություններ ստեղծում կառույցների սեփականատերերի և կառուցապատողների հետ։ «Ռենշին» ընկերությունը մեր համախոհ գործընկերն է և կիսում է մեր արժեքները՝ ձգտելով ստեղծել բոլոր սպասելիքները գերազանցող բնակարաններ՝ Երևանում»։
Մանրամասները՝ տեսանյութում։
