«Բլոգերը ինձ հետ կապ չի հաստատել, ուղղակի իմ օնլայն խանութի էջից միանգամից պատվեր է կատարել. չափսը նշել է, կարել ենք ու ուղարկել իր հասցեով՝ Լիբանան: Այս տարազը Սյունիք-Արցախյան տարազախմբից մի օրինակ է, վրայի ասեղնագործությունը արցախյան գորգանախշ է,- պատմեց տարազի հեղինակը և նշեց, որ մինչ այդ ֆուդբլոգերին չի ճանաչել,- Ընկերներս Ֆեյսբուքում տեղադրել էին «Ղափամա»-ի տեսանյութը, ու երեկոյան երբ անցնում էի Ֆեյսբուքով, տեսա, ասացի՝ ինչ ծանոթ հագուստ է: Ուշադիր նայելուց հետո՝ ասացի՝ սա իմ կարած հագուստն է, և արդեն երբ օնլայն-խանութի վաճառքները նայեցի, հասկացա՝ Լիբանան գնացած մեր վերջին պատվերն իրենն էր փաստորեն: Շատ հաճելի պահ էր»:
168.am-ի տեղեկություններով՝ Երևանի Արաբկիր վարչական շրջանի Նաիրի Զարյանի անվան թիվ 130 հիմնական դպրոցում իրավիճակը, մեղմ ասած, լարված է: Տնօրենի հետ ունեցած անհամաձայնությունների պատճառով երեք փոխտնօրենները որոշել են դադարեցնել իրենց լիազորությունները:
168.am-ն այսօր կապ հաստատեց Տիգրան Խաչիկյանի հետ՝ նրան տեղեկացնելով, որ Հակակառուպցիոն դատարանում նախագահող դատավոր Վահե Դոլմազյանն ու դատավարության ներկա կողմերը երեկ փորձում էին հասկանալ փաստաբանի բացակայության պատճառները: Արդյո՞ք պատշաճ ծանուցված եք. կա՞ պատճառ, թե ինչու չեք մասնակցում այդ նիստերին՝ հետաքրքրվեցինք փաստաբան Խաչիկյանից:
168.am-ը տարբեր հրապարակումներով պարբերաբար անդրադառնում է պետական գերատեսչություններում Հաշվեքննիչ պալատի 9 ամիսների ընթացիկ եզրակացություններին։ Շարքի հերթական անդրադարձը Տարածքային կառավարման և ենթակառուցվածքների նախարարությունում ՀՊ արձանագրած փաստերի մասին է:
475 միլիոն դրամ. ահա այսքան է արժեցել Պաշտպանության նախարարության՝ հերթական մեկ անձ ոչ մրցակցային ընթացակարգով գնումը «Զինառ» ՓԲԸ-ից: Պետգնումների armeps համակարգում գնման առարկա է մատնանշվել «հատուկ նշանակության այլ ծառայություններ»-ը, իսկ պայմանագրի տեխնիկական բնութագրից տեղեկանում ենք, որ այդ ծառայությունները ներառում են ՀՀ ՊՆ շենքերի սանիտարական մաքրումը, կոմունալ սպասարկումը, ինժեներատեխնիկական ենթակառուցվածքների տեխնիկական սպասարկումը և տարածքի բարեկարգումը: Ծառայությունները պետք է իրականացվեն 2024 թվականի առաջինից չորրորդ եռամսյակների ընթացքում:
«Սա մեր կառավարությունը չէ. այս մարդիկ ներկայացնում են ուրիշ պետություն: Ներկայացնում են այն պետությունը, որին չեն հետաքրքրում մեր ժողովրդի շահերը. նրանց ընդամենը պետք է, որ այստեղ ինչ-որ հակառուսական օպերացիա սկսվի»։
Ռազմավարական հետազոտությունների և նախաձեռնությունների վերլուծական կենտրոնն այսօր կազմակերպել էր «Հայաստանը՝ խաչմերուկում. ՀԱՊԿ, ՆԱՏՕ, թե արտադաշինքային կարգավիճակ» թեմայով միջազգային կլոր սեղան-քննարկումը:
«Հայաստանը՝ խաչմերուկում. ՀԱՊԿ, ՆԱՏՕ, թե՝ արտադաշինքային կարգավիճակ» թեմայով միջազգային քննարկումից հետո 168.am-ը հարցեր ուղղեց փորձագետ Հայկ Խալաթյանին:
Միասնական սոցիալական ծառայությունը հրատապ մեկ անձ ընթացակարգով ծրագրային ապահովման սպասարկման ծառայությունների մատուցման պայմանագիր է կնքել «Կրտսեր Ալեքսանյան և որդիներ» ՍՊԸ-ի հետ: Ըստ armeps պետգնումների համակարգի՝ պայմանագրի գինը 24 միլիոն 759 400 դրամ է:
Թվային վճարումների ոլորտում առաջատար «Վիզան» և «Յունիբանկը» հայտարարում են Օլիմպիական խաղերին նվիրված արշավի մեկնարկը: Այս համագործակցության շրջանակում Հայաստանում Յունիբանկի Վիզա քարտապաններին Օլիմպիական խաղերին ընդառաջ՝ կընձեռվեն եզակի հնարավորություններ. քարտապանները կարող են նաև շահել ամենամսյա մրցանակներ, ինչպես նաև՝ գլխավոր մրցանակը՝ ուղևորություն Փարիզ՝ Օլիմպիական խաղերը տեսնելու:
168.am-ի խմբագրություն է ահազանգել Կոտայքի մարզի Պռոշյան համայնքի բնակիչ Սեյրան Մ.-ն: Նա ունի 3 երեխա, որոնցից երկուսը մանկությունից հաշմանդամության կարգ են ունեցել, քանի որ տառապում են էպիլեպսիա հիվանդությամբ:
«Սիրահարվեցի մեր մշակույթին, այս շքեղությանը և այդպես սկսվեց ճանապարհը»,- 168.am-ի հետ զրույցում դեպի արվեստ իր ճանապարհի մասին է պատմում Արմենուհի Սաղդասարյանը: Արվեստի բնագավառում նա հայտնի է «Սաղարթ» անունով:
Գեղարքունիքի մարզի բնակիչներն այսօր փակել են Երևան-Մարտունի ճանապարհը. նրանք բողոքում են ՊԵԿ-ի հարկային վարչարարության դեմ, ըստ որի՝ արտագնա աշխատանքի մեկնողներն այլ պետություններում ստացված եկամուտից պետք է եկամտային հարկ վճարեն Հայաստանում:
Արցախի Հանրապետության նախագահ Սամվել Շահրամանյանի թիկնազորի՝ ձերբակալված աշխատակից Աշոտ Դանիելյանին աջակցող բողոքի ցույցին ներկա էր նաև Արցախի ԱԺ պատգամավոր Նելա Գրիգորյանը:
168.am-ն օրերս տեղեկություն էր ստացել, որ Իրանի Իսլամական Հանրապետությունից ու Թուրքիայից Հայաստան է ներմուծվել անհայտ ծագման ծաղիկների խմբաքանակ, որը չի անցել համապատասխան բուսասանիտարական փորձաքննություն: Ավելին, անխոչընդոտ տեղաշարժը տնտեսվարողների համար հիմք է հանդիսացել շատ ավելի մեծ խմբաքանակի ներմուծման՝ մինչդեռ ծաղկավաճառներն անգամ անզեն աչքով նկատում են ներմուծված ծաղկի վրա առկա վնասատուները: Տնտեսվարողները լուրջ մտավախություն ունեն, որ վերջիններս էական վնաս կարող են հասցնել հայաստանյան ջերմոցներին, որոնք ներմուծված վնասատուների պատճառով հայտնվել են ծանր իրավիճակում:
Հայկական կարմիր խաչի ընկերությունում ստեղծված իրադրության առնչությամբ հրավիրված ասուլիսում ընկերության նախագահության, գլխավոր քարտուղարի կողմի փաստաբան Լևոն Բաղդասարյանը մանրամասներ ներկայացրեց վերջին իրողությունների առնչությամբ՝ շեշտելով, որ Աննա Եղիազարյանին նախագահությունը հեռացրել է աշխատանքից. «Եթե Աննա Եղիազարյանը կարծում էր, որ իրեն հանիրավի են հեռացրել, նա ունի պոզիտիվ պարտավորություն՝ դիմելու դատական պաշտպանության»:
Ուշագրավ է, որ ԿԳՄՍ նախարարությունը հաշվեքննողներին չի տրամադրել ՊՈԱԿ-ների կողմից պետական բյուջեի արդյունքային ցուցանիշների վերաբերյալ նախարարություն ներկայացվող հաշվետվությունները, ինչը սահմանափակել է «Հանրակրթության» ծրագրի առանձին միջոցառումների կատարված վճարումների վերաբերյալ եզրահանգումների հնարավորությունը։
«Պրոֆ արտ դանս» պարարվեստի ստուդիայի սաները շուրջ մեկ ամիս ԱՄՆ-ում ներկայացնելու են հայկական մշակույթը. հայ պարողները RCF-ի և «Հայկական ազգային Դելփյան կոմիտե»-ի հրավերով եղել ու լինելու են ԱՄՆ տարբեր նահանգներում:
168.am-ի հետ զրույցում չեմպիոնը պատմեց՝ 8 տարեկանից մարզվում է Երևանի մարտարվեստների ակումբում, որը Հայաստանի կարատեի ազգային ֆեդերացիայի անդամ է։
«Ցանկացած դեպքում, եթե միջազգային բանկը դուրս է գալիս ՀՀ-ից, դա նաև հաղորդագրություն է օտարերկրյա ներդրողների համար,- HSBC-ի վաճառքի մասին իր դիտարկումներում շեշտեց Թադևոս Ավետիսյանը և հավելեց,- Հենց իրենց հաղորդագրության մեջ, երբ նշում են՝ բանկի մասնաճյուղերը տեղափոխում են ավելի հեռանկարային կենտրոններ, դա նշանակում է, որ Հայաստանն իրենց գնահատմամբ՝ հեռանկարային չէ»:
Հաշվեքննիչ պալատը հանրայնացրել է Էկոնոմիկայի նախարարությունում 2023 թվականի պետական բյուջեի 9 ամիսների կատարման հաշվեքննության արդյունքները:
Վահրամ Թոքմաջյանը պատմաբան է, պատմության ուսուցիչ, աշխատում էր «Մխիթար Սեբաստացի» կրթահամալիրում, եղել է Նիկոլ Փաշինյանի դուստր Մարիամի և ուստր Աշոտի ուսուցիչը:
«Մեր դատախազությունը, այս գլխավոր դատախազի օրոք, ինչ-որ պատանեկան մաքսիմալիզմով է. այսինքն՝ բողոքարկում է բոլոր ակտերը, եթե մինչդատական հսկողության ակտերը, դատավճիռները, եթե ինչ-որ բանով իրենց դիրքորոշման հետ չի համընկնում դատական ակտը»,- Դատախազության կողմից ոստիկանության պետի նախկին խորհրդական, հանրային գործիչ Նարեկ Մալյանի՝ «Չաուշեսկուի գործով» առաջին ատյանի դատարանի վճռի բողոքարկման դատական նիստից առաջ 168.am-ի հարցադրմանն ի պատասխան՝ նշեց Նարեկ Մալյանի պաշտպան Տիգրան Աթանեսյանը։
Հանրային ու քաղաքական գործիչ Նաիրա Զոհրաբյանը ՀՀ Վերաքննիչ քրեական դատարանի բակում լրագրողների հետ զրույցում անդրադառնալով Դատախազության կողմից Նարեկ Մալյանի՝ «Չաուշեսկուների գործով» վճռի բողոքարկմանը՝ նշեց. «Այստեղ գալուց առաջ զանգահարել եմ թատերական ինստիտուտ և խնդրել այն դասախոսներին, որոնք զբաղվում են դերասանի վարպետությամբ, անպայմանորեն մասնակցել Նարեկ Մալյանին առնչվող դատական նիստերին, որովհետև այստեղ ֆանտաստիկ դերասանի վարպետության դասընթացներ են ընթանում»:
«Ես անձամբ այս թեմայի մասին խոսել եմ բոլոր հանդիպումների ժամանակ և նշել եմ՝ ցավոք սրտի, իրավական ճանապարհը Բաքվում պահվող մեր ռազմագերիների և պատանդառված անձանց իրավունքների պաշտպանության հարցում անկարող է, և մենք դրա ապացույցներին ամեն օր ենք առնչվում»,- ամերիկյան այցերն ամփոփող ասուլիսի ժամանակ պատասխանելով 168.am-ի հարցադրումներին՝ նշեց Արցախի Հանրապետության ՄԻՊ Գեղամ Ստեփանյանը:
Կառավարության այսօրվա նիստը Նիկոլ Փաշինյանը մեկնարկեց Ներքին Հանդում փետրվարի 13-ին տեղի ունեցած ադրբեջանական ագրեսիային անդրադարձով:
Արցախի ՄԻՊ Գեղամ Ստեփանյանը և նախկին պետնախարար Արտակ Բեգլարյանը «120 000 պատճառ կոալիցիայի» և ԱՄՆ Հայ իրավաբանների միության հրավերով և աջակցությամբ ԱՄՆ-ում մասնակցել են Միջազգային կրոնական ազատության համաժողովին, հանդիպումներ ունեցել ԱՄՆ Կոնգրեսում, ներկայացրել Արցախում ցեղասպանության հանգամանքները, ներկա քաղաքական ու մարդասիրական իրավիճակը, քննարկել Արցախի ժողովրդին պատշաճ միջազգային աջակցության անհրաժեշտությունը:
«Իշխանությունը, այո՛, գնում է դեպի խաղաղություն»՝ Ներքին Հանդի ուղղությամբ ադրբեջանական ագրեսիայից հետո էլ վստահորեն հայտարարում են իշխանության տարբեր ներկայացուցիչներ, խաղաղության օրակարգերից խոսում են նաև տարբեր միջազգային դերակատարներ:
«Հենակետ» վերլուծական կենտրոնի փորձագետ Շիրազ Խաչատրյանը Ներքին Հանդի ուղղությամբ ադրբեջանական ագրեսիան համարում է թշնամու կողմից փորձարկում-ուսումնասիրություն, թե հայկական կողմն ինչպես կարձագանքի հերթական սահմանային սադրանքին ու դրանից կախված՝ գծում է իր քայլերի հաջորդականությունը:
«Առաքելություն Հայաստան» բարեգործական ՀԿ-ն փետրվարի 7-ին ՀՀ աշխատանքի և սոցիալական հարցերի նախարարությունից ստացել է իր հերթական՝ այս տարում արդեն թվով 33-րդ դրամաշնորհը:
