ՀԿԾՀ 1 անդամի տեղ թափուր է, ընդդիմադիր անդամի տեղն է՝ չեն ընտրում․ Ղազինյան
«Ես ոչ մի հանձնաժողովականի հետ, գոնե իմ ազատման օրվանց հետո, չեմ շփվել, բայց իմ տեղեկությամբ՝ այսօր հանձնաժողովը պետք է ունենար 5 անդամ, ունի 4 անդամ․ 1 անդամի լիազորությունների ժամկետն ավարտվել է, չի ընտրվում։ Օպոզիցիոն անդամի տեղն է թափուր․ չեն ընտրում»,- լրագրողների հետ հանդիպման ժամանակ նշեց «Հայաստանի էլեկտրական ցանցեր» ՓԲԸ գլխավոր տնօրենի նախկին պաշտոնակատար Դավիթ Ղազինյանը։
ՀԷՑ տնօրենի նախկին պաշտոնակատարը նկատեց նաև, որ ՀԾԿՀ 4 անդամներին ու նախագահին շատ լավ է ճանաչում։
«Իմ անձնական կարծիքով՝ 4-ն էլ իրենք իրենց հետ ազնիվ լինելուց համաձայն չեն լինի սրա հետ։
Ի դեպ, մի հարցազրույցում ՀԾԿՀ նախագահն ասում է՝ դե, ես տարվա սկիզբ նշանակվեցի, ընտրվեցի և հետո պարզեցի, որ ՀԷՑ-ը՝ էսպես-էնպես․․․՝ մոռանալով, որ 2020-21 թթ․-ին նա եղել է հանձնաժողովի անդամ և կուրացիա է արել ՀԷՑ-ի մասը։ Ես իր հետ խոսել եմ շատ, թողել է լավ տպավորություն։ Վերջին հանդիպումը եղել է ապրիլին, խոսել է համագործակցության մասին։ Երկկողմ պատրաստակամություն ենք հայտնել»,- հիշեց ու հիշեցրեց Դավիթ Ղազինյանը։
Մանրամասները՝ տեսանյութում
