«Ելք» խմբակցության պատգամավոր Գևորգ Գորգիսյանը, դիմելով Բաղդասարյանին, հետևյալն ասաց. «Ուզում եմ ձեզ հիշեցնել, որ ի տարբերություն ձեր կուսակցության՝ մեր կուսակցության պատգամավորներն ամեն օր մասնակցել են քարոզարշավին, «պադեզդներով» են ման եկել ու ունեն այն հեղինակությունը, որ իրենց հավաքած ձայներով են հայտնվել այստեղ, հասկանո՞ւմ եք։ Եվ այդ խոսքը վերաբերում էր ձեր կուսակցության ճանապարհներին, որ ուս-խորհուրդներով, սրան-նրան քսմսվելով գալիս՝ հայտնվում են այդտեղ։ Ու չհամեմատեք մեզ՝ ձերոնց հետ, ձեզ ուղղված խոսքերը չուղղեք դեպի մեզ»։
«Փորձեմ այսօր հավեսով խոսել, չնայած՝ իմ կարծիքով՝ երեկ էլ եմ հավեսով խոսել, բայց մեկ-մեկ լինում է, որ հավեսով խոսելու առիթներ առանձնապես չկան»,- այսօր ԱԺ-ում իր եզրափակիչ ելույթն այպես սկսեց վարչապետ Կարեն Կարապետյանը։
«Ես ուզում եմ նորողություն խնդրել իմ ժողովրդից, որ՝ լինելով ԱԺ նախագահ, ունեմ մարդիկ, որոնք ժողովրդի ծրագիրը, բարեկեցությունն ու անվտանգությունը թողնելով մի կողմ՝ երազում են, թե ովքեր ինչ պաշտոն կգրավեն»,- այսօր ԱԺ-ում հայտարարեց խորհրդարանի նախագահ Արա Բաբլոյանը։
ԱԺ ՀՀԿ խմբակցության ղեկավար Վահրամ Բաղդասարյանն այսօր խորհրդարանում հայտարարեց, որ կառավարության ծրագիրը բխում է ՀՀԿ-ՀՅԴ ծրագրային դրույթներից, կոալիցիոն հուշագրից և ՀՀ նախագահի մայիսի 18-ի ԱԺ ելույթի թիրախավորված դրույթներից.
Այսօր ԱԺ-ում ընդունվեց ՀՀ կառավարության 2017-2022 թվականների գործունեության ծրագիրը։ Պատգամավորների 64 կողմ, 31 դեմ և 0 ձեռնպահ ձայների հարաբերակցությամբ խորհրդարանը հավանության արժանացրեց Կարեն Կարապետյանի կառավարության ծրագիրը։
Փաշինյանը նկատեց՝ իշխող ուժն անընդհատ խոսում է անվտանգության մասին. «Ի՞նչ անվտանգության մասին եք խոսում, ամեն շաբաթ զոհերի՞, հեկտար-հեկտար տարածքները կորցնելո՞ւ։ Հանկարծ չփորձեք նախկին պաշտոնյաների վրա գցել։ Էդ որ տանում էիք՝ խրամատներում «կոնսերվի կոկոշները» շարում էիք, ո՞վ էր այդ ժամանակ «կոնսերվի կոկոշների» գերագույն գլխավոր հրամանատարը, ե՞ս էի։ Էդ, որ հիմա ասում եք՝ առաջնագիծը կահավորվել է, ինչո՞վ է կահավորվել. մարդկանց նվիրատվություններով։ Այդ նվիրատվությունների 70-90%-ը արվել է ՀՀ պետական համակարգի աշխատողների աշխատավարձերը պահելով»։
Վարդանյանն ընդգծեց՝ շոուները, խարդավանքները, մամուլով ներիշխանական շանտաժները վիճակ չեն փոխելու. «Մարդը պետք է տեսնի իր հանդեպ պաշտոնյաների, պետական մարմինների վերաբերմունքի էական տարբերություն։ Հանրային ծառայողների նոր վարքականոն է պետք պարտադրել՝ նոր մոտեցումներից բխող կադրային քաղաքականությամբ։ Ապրիլյան օրերից հետո ասել եմ՝ այսպիսի ժողովուրդն այլ վերաբերմունքի է արժանի»։
ՀՀ ԱԺ պաշտպանության ու անվտանգության հարցերի մշտական հանձնաժողովի նախագահ Կորյուն Նահապետյանն այսօր ԱԺ-ում հայտարարեց՝ ուզում է «ջիգյարով» պաշտպանել կառավարության ծրագիրը։
«Անկախ քաղաքական օրակարգից, այս դահլիճում բոլորը միակարծիք են՝ այս ծրագիրն իրականություն դառնալու դեպքում հաջողելու ենք բոլորս։ Եվ այդ ժամանակ որևէ մեկը ոչ հեղինակային իրավունքի խնդիր է բարձրացնելու, ոչ էլ այս կամ այն ամբիցիայի խնդիր»։
ԱԺ «Ելք» դաշինքի պատգամավոր Արամ Սարգսյանն այսօր խորհրդարանում խոսելով կառավարության ծրագրի մասին՝ ասաց, որ գուցե ինքը ճիշտ չէ, բայց համարում է, որ սա ՀՀ վարչապետ Կարեն Կարապետյանի ծրագիրն է. «Ինքն է այս ծրագիրը պատրաստել, ինքն է պատասխանում հարցերին, ինքն է ելույթ ունենում։ Վստահեցնում եմ ձեզ, որ ՀՀ բնակչության 99%-ից ավելին ինձ նման սխալվում է՝ մտածելով, որ սա վարչապետի ծրագիրն է»։
«Դուք որ նոր էիք եկել, այդպիսին չէիք, փոխվել եք։ Հիմա իրողություններն եք արձանագրում, ես ինձ մոտ նշել եմ, ասում եք՝ սահմանը փակ է, 7 միլիոն հայ դրսում է ապրում, ծանր վիճակ է, մենք պատասխանատվություն ունենք միմյանց նկատմամբ, մշակույթը հզոր զենք է, և պետք է պոպուլիզմից հրաժարվել։ Ասեմ, որ երկրում ամենաշատը պոպուլիզմի համար ձեզ են քննադատում, պարոն վարչապետ։ Պետական պարտքին չանդրադարձաք, կառավարության առաջին ծրագիրն է, որտեղ համաչափ տարածքային զարգացման մասին խոսք չկա։ Դուք, այսօրվա դրությամբ՝ այնպես չեք արել, որ որևէ գյուղ չդատարկվի, բայց Երևանում «Երևան գյուղ» եք ուզում կառուցել։ Դա ի՞նչ է փոխելու Հայաստանում»։
ՀՀ արդարադատության նախարար Դավիթ Հարությունյանն այսօր ԱԺ-ում հայտարարեց, որ ավելացել են դեպքերը, երբ քաղաքացիները վեճի լուծման համար դիմում են դատարան, ինչը, ըստ նրա՝ վկայում է այն մասին, որ դատական համակարգը կայացման փուլում է:
«Ըստ էության, ՀՀԿ ներկայացուցիչների խոսքի ենթատեքստում շատ հստակ արձանագրվում է հետևյալը՝ Մավրն արել է իր գործը, Մավրը պետք է հեռանա։ Այս իմաստով՝ կարծում եմ, իսկապես շատ կարևոր է, որ Կարեն Կարապետյանը պատասխանի կարևոր հարցերի»։
Մելքումյանին մի հարց էր հետաքրքրում, և նա խնդրեց վարչապետին՝ իր եզրափակիչ ելույթում ասել՝ ո՞րն է այս ծրագրի իրականացման քաղաքական երաշխիքը. «Ես հիմք եմ ընդունում նաև նախորդ ծրագրերի ձախողված լինելը։ Մեր կառավարություններն իրենց գործունեությամբ մեզ համոզել են, որ ընդդիմության հետ չեն կարողանում աշխատել, որ մի օրենսդրական նախաձեռնություն անցկացնելը բավականին լուրջ ջանքեր է պահանջում»։
ԱԺ «Ելք» խմբակցության պատգամավոր Լենա Նազարյանն այսօր խորհրդարանում հայտարարեց, որ եղած հակակարկտային կայանները չեն պաշտպանում բերքը կարկուտից։ «Նույնիսկ ԱԻՆ-ը դրանց արդյունավետությունը գնահատել է ընդամենը 10%: Այսօր, պարոն վարչապետ, Դուք ասացիք, որ 12 մլն դոլար ներդրում է արվելու այդ կայանները վերազինելու համար։ Ես կարծում եմ, որ դա օգուտ չի տա, որովհետև բերքը փչանում է ոչ միայն կարկուտից, այլ նաև ցրտից»։
«Մենք ունենք մի հանրապետություն, որը 17%-անոց թոքերով է շնչում. մեր սահմանների 83%-ը փակ է։ Մենք շրջափակման մեջ ենք, ունենք անվտանգության խնդիրներ, և դրան էլ գումարվում է ահաբեկչության մարտահրավերը»։
Նա նկատեց, որ մեր երկրում ներդրումներ չանելուն խանգարում է ոչ թե այն, որ ներդրողին չեն տալիս քաղաքացիություն, այլ այն, որ նրանից ուզում են ատկատ, ուզում են «փայ մտնել»: Կոռուպցիան այդ ոլորտում ամենասարսափելին է.
«Ձևակերպենք՝ ինչպես ենք մենք մեր դաշնակից, գործընկեր և բարեկամ երկրների հետ կառուցում մեր հարաբերությունները, ինչպես ենք կառուցում մեր հարաբերությունները ոչ բարեկամների հետ և ինչպես ենք մեր դիվանագիտությունն ավելի ճկուն ուղղում դեպի այն երկրները, որոնք չեն կողմնորոշվել, և որոնց շնորհիվ մենք կարող ենք մեր բարեկամ երկրների քանակը մեծացնել։ Ասիայի վերաբերյալ ծրագրում գրել ենք, որովհետև այնտեղի նկատմամբ հետաքրքրություններ ունենք, ասիական բանկերի հետ զարգացում ունենք»։
«ԱԺ «Ելք» խմբակցությունն ու վարչապետը ցանկություն են ունեցել հանդիպելու, սակայն, ով պետք է դա կազմակերպեր, չի կարողացել, նկատի ունեմ պարոն Բաբլոյանին։ Պարոն Բաբլոյան, դուք հիշատակեցիք ձեր օգնականին, գուցե նման լուրջ հարցերը նրան հանձնարարեք, կարող է՝ նա ավելի լուրջ հմտություններ ունենա՝ նման բարդ հարցեր կարգավորելու համար»:
«Մեկը մեկի տեղ պետք ա երաշխավորի, որ բանկերը փող տան։ Թուրքից բեթար ա էդ կարկուտը: Հիմա թուրքի դեմ կարում ենք պայքարենք, կարկուտի դեմ չենք կարում։ Պետք ա օգնենք ժողովրդին, կամ էլ մտածենք ուժեղ թնդանոթներ դնենք: Ոնց որ կռիվ գնաս, ավտոմատի փոխարեն՝ «պիստալետ» վերցնենք ձեռներս: Հիմա, որ իրանց բերքը չի հասել իրանց, կարան ամեն ինչ մտածեն։ Գյուղնախարարը թող մեկ-մեկ գա գյուղեր, տեսնի՝ ինչ ա կատարվում: Ինչքան ինֆարկտ եղավ, գյուղնախարարն ա պատասխան տալու էդ ժողովրդի համար, որովհետև գյուղացու վիճակն էն չի, այ ցավդ տանեմ»,- ասաց Սարոյանը»:
«Որոշակի առումով Հայաստանը կարող է նաև կապող օղակի դեր ստանձնել Կատարի և ՌԴ-ի միջև՝ հաշվի առնելով այն հանգամանքը, որ ռուս-կատարական հարաբերություններն անցել են որոշակի վայրիվերումների շրջաններ, բայց այս պահի դրությամբ՝ գտնվում են նորմալ վիճակում»։
«Ուզում եմ առիթն օգտագործել և շնորհավորել վրացիներին և ուկրաինացիներին, որոնք խիզախ են և ճիշտ որոշում են կայացրել 2013թ.։ Նրանք կարող են հիմա օգտվել դրանից։ Հայաստանի դեպքում շատ է գործածվում «համբերություն» բառը»։
«Մենք շատ լավ աշխատանքային հարաբերություններ ունենք, լավ հաղորդակցման միջոցներ և ալիքներ ունենք, և ես գնահատում եմ դա։ Ես մասնագիտական տեսանկյունից բավարարված դիվանագետ եմ, որովհետև կարող եմ շատ ուղղակի անկեղծ և ազնիվ երկխոսության մեջ մտնել իշխանությունների և այլ շահագրգիռ կողմերի հետ։ Ինձ համար հանրային հայտարարությունների կարիք չկա, որպեսզի ուղերձներ տեղ հասցնեմ։ Հանրային հայտարարությունները հասարակությանը տեղեկացնելու համար է, թե ինչ ենք մենք անում ու մտածում՝ որպես ԵՄ»։
«Ռեժիմի խախտման այս մշտական դեպքերը մտահոգիչ են, որովհետև այսպիսի խաղաղությունը կարող է շատ փխրուն լինեն, և մենք հիշում ենք նախորդ տարվա իրադարձությունները»։
«Քաղաքական առումով ցանկացած մահմեդական երկրի հետ Հայաստանի հարաբերությունների որակական նոր մակարդակի բարձրացումը, անշուշտ, նպաստավոր է մեզ համար՝ հաշվի առնելով արցախյան հիմնախնդրի առկայությունը։ Հիմնախնդիր, որն ադրբեջանական կողմը հաճախ փորձում է ներկայացնել՝ որպես կրոնական բնույթ ունեցող հակամարտություն, նաև մեզ վրա փորձելով ճնշում բանեցնել տարբեր իսլամական կառույցների միջոցով»,- ասել է նա։
«Եթե նույնիսկ մենք հիմա ի վիճակի ենք Բաքու մտնել, դա կանենք մեծ զոհերով։ Մեզ չի կարելի շատ զոհեր տալ, որովհետև, եթե նույնիսկ փոքրաթիվ ազգ չենք, ապա գոնե ՀՀ-ում քիչ մարդ է բնակվում, և մեծաքանակ զոհերով ինչ-որ նվաճումներ ունենալը կլինի պյուռոսյան հաղթանակ։ Կարճ ասած՝ զինվորականությունն ու հասարակությունը պետք է պատրաստվի. Բաքուն առանց պատրաստվելու վերցնելը կլինի մեծ քանակի զոհերով»։
«Ես չեմ կարծում, որ այս տարի Ադրբեջանը կգնա մեծածավալ պատերազմի՝ մի շարք պատճառներով. առաջին հերթին՝ նա դեռ չի կարողացել հասնել զենքի բավարար յուրացման և համադրման, հատկապես՝ թուրքական սպայակազմի, որը, ըստ որոշ տվյալների՝ արդեն մեծաքանակ խմբերով սկսել է ներառվել ադրբեջանական բանակի մեջ։ Մյուս կողմից էլ՝ այս ամբողջը չի կարող առանց հետևանքների անցնել, այսինքն՝ հնարավոր չէ, որ երկիրը շարունակի զենք գնել, և երբևէ դա չտա իր արդյունքը»,- այսօր լրագրողների հետ հանդիպման ընթացքում ասաց նա։
«Միջազգային ընդունված ձև է՝ մի քանի անգամ դիմել տվյալ պետությանը։ Ես չեմ կարծում, որ այսօր պատժամիջոցների կիրառումն ուժեղ օրակարգային է, բայց ես սպասում եմ, որ, եթե Ադրբեջանն այսպիսի լկտի պահվածքը շարունակի, մյուս քայլը կլինի դատապարտումը»։
«Այդ 35 հազարի մեջ 50%-ը երկարաժամկետ աշխատանքային միգրանտներն էին, ովքեր մեկ տարի և ավելի ժամկետով էին մեկնում Հայաստանից, 50 %-ը կազմում էին մշտական մեկնողները։ 2016թ. տվյալներով, որոնք այդքան էլ հուսադրող չեն, այդ թիվը մեծացել է, դարձել 37 հազար, և հարաբերակցությունն էլ է փոխվել՝ 47%-ը կազմում են երկարաժամկետ աշխատանքային միգրանտները, իսկ 53%-ը՝ անվերադարձ մեկնողները։
«Անկախությունից ի վեր ժողովրդագրական անկման առաջին ալիքը տեղի ունեցավ 1990-ականների սկզբին, երբ մենք 400 հազարից ավելի քաղաքացիների կորցրինք. մարդիկ անվերադարձ գնացին Հայաստանից»։
