Ձեռնարկությունների ինկուբատոր հիմնադրամը հրապարակել է Հայաստանում տեղեկատվական և հեռահաղորդակցության տեխնոլոգիաների ոլորտի 2014 թ. հետազոտությունը:
ՀԿ-ական պատգամավոր Գագիկ Մելիքյանը կարծում է, որ այսօր ամբողջ աշխարհում թևածող ճգնաժամը չի կարող ազդեցություն չունենալ ՀՀ տնտեսության վրա` թե՛ արտահանումների, թե՛ ներմուծումների առումով:
«Հանրությունը պետք է պահանջի, որ Պերմյակովին փոխանցեն մեզ: Միանշանակ պետք է պայքարենք, չպետք է լռենք: Լռությունը նշանակում է նորից եղեռնագործություն: Հանրությունը պետք է ինքնակազմակերպվի, սա մի հոգու, մեկ քաղաքական գործչի խնդիր չէ: Պետք է ինքնակզմակերպվենք: Հերիք չէ ապօրինությունը փորձում են անտեսել, լռեցնել, ավելին` այն բոլոր մարդկանց նկատմամբ, որոնք փորձում են ձայն բարձրացնել, բողոքել, նրանց նկատմամբ հետապնդում են իրականացնում: Տասնյակ մարդկանց մեղադրանք է առաջադրվել, այսինքն՝ իրավատեր քաղաքացիներին փորձում են լռեցնել»,- 168.am-ին ասաց «Ժառանգություն» խմբակցության պատգամավոր Զարուհի Փոստանջյանը:
Այսօր Հյուսիսային պողոտայում գտնվող «Մոսկվիչկա» խանութի ցուցափեղկերից հավաքում են ապրանքների վերջին «մնացորդները»: Նշենք, որ այն վերջինն էր մնացել «Մոսկվիչկա» սուպերմարկետների ցանցից:
«Հարկային տեսուչներն ինչ ուզում՝ անում են: Ես դեպք գիտեմ, որ անգամ 11% տարբերության վրա են կիրառել 22-րդ հոդվածը»,- այսօր ԱԺ տնտեսական հարցերի մշտական հանձնաժողովի նիստում հարկայինի աշխատանքից բողոքեց հանձնաժողովի անդամ պատգամավոր Հակոբ Հակոբյանը «Հարկերի մասին» օրենքի փոփոխությունների քննարկման ժամանակ:
«Պատվիրատուներն ունեն ադրբեջանաթուրքական հետքեր: Նույն ներկայացուցիչները Երևանում էլ կարող են մտնել ու նման եղեռնագործություն գործել: Դա հենց այնպես չի եղել, հենց այնպես չեն մտնում գիշերը մի ընտանիք ու նման եղեռնագործություն իրականացնում»:
«Ֆիզիկական անձանց բանկային ավանդների հատուցումը երաշխավորելու մասին» օրենքում ԲՀԿ-ական պատգամավորներ Միքայել Մելքումյանի, Նաիրա Զոհրաբյանի և Էլինար Վարդանյանի առաջարկած փոփոխությունն այսօր կառավարության նիստում հավանության է արժանացել որոշ վերապահումներով:
Այսօր ԱԺ «Բարգավաճ Հայաստան» խմբակցության նիստում ԲՀԿ նախագահ Նաիրա Զոհրաբյանն ընտրվել է խմբակցության ղեկավար, Վահե Էնֆիաջյանը՝ քարտուղար: Այս մասին 168.am-ի հետ զրույցում ասաց ԲՀԿ մամուլի քարտուղար Վահան Բաբայանը:
Ըստ էկոնոմիկայի նախարարի՝ կանխատեսումները տարվա կտրվածքով այնքան էլ հոռետեսական չեն, և տնտեսական աճի ցուցանիշը դեռևս չի վերանայվել:
Հարցին, թե նաև արտագա՞ղթն են հաշվի առել, որ խոշորացնում են համայնքները, նախարարը ասաց. «Եթե խոշորացնում ենք համայնքները, պետք է հաշվի առնենք ամենը՝ արտագաղթը, մյուսը, մյուսը»:
ՀՀ էկոնոմիկայի նախարար Կարեն Ճշմարիտյանը տեղյակ չէ արդյոք «Հայաստանի էլեկտրական ցանցերի» վաճառքի մասին: Այսօր կառավարության նիստից հետո լրագրողների հետ ճեպազրույցում նախարարը նշեց, թե կարող է և գործարք տեղի չի ունեցել:
Կոռուպցիայի դեմ պայքարի հանձնաժողովը ձևավորման փուլում է: Այսօր կառավարության նիստից հետո լրագրողների հետ ճեպազրույցում հայտարարեց ՀՀ արդարադատության նախարար Հովհաննես Մանուկյանը՝ տեղեկացնելով, որ ԱԺ ընդդիմադիր խմբակցություններին հարցումներ են ուղարկվել, որպեսզի ներկայացնեն թեկնածուներ: Միևնույն ժամանակ նա նշեց, որ հանձնաժողովում կընդգրկվեն նաև քաղհասարակության կառույցները: ՀԿ-ների խմբի՝ թվակազմման ավելացնելու վերաբերյալ պահանջի մասին նախարարը նշեց, որ այս պահին կառավարության որոշումով 2 տեղ է հատկացված, ընթացքում կկողմնորոշվեն:
Ի վերջո, ի՞նչ կերպ կարող է այլևս Եվրասիական տնտեսական միության անդամ Հայաստանը համագործակցել Եվրամիության հետ: Կստորագրվի՞ արդյոք քաղաքական փաստաթուղթ: Եվ արդյոք Ռուսաստանը կրկին չի՞ նպաստի, որ Հայաստանը «մեկ գիշերում» հրաժարվի ԵՄ-ի հետ բանակցությունների արդյունքներից, ինչպես եղավ 2013թ. սեպտեմբերի 3-ին: «Եվրանեսթ» ԽՎ-ի համանախագահ Հեյդի Հաուտալայի խոսքով` այժմ նոր քննարկումներ են ընթանում ՀՀ-ի և ԵՄ-ի միջև նոր համաձայնագրի շուրջ, հատկապես` Ասոցացման համաձայնագրի քաղաքական մասի վերաբերյալ:
«Ակնկալում ենք խնդրի արդար լուծում», «ՀՀ կառավարությունը Նաիրիտին պարտք է 5 մլրդ դրամ», «Պահպանեք ՀՀ քաղաքացու ապրելու և աշխատելու սահմանադրական իրավունքները»…
ՀՀ կառավարությունն այսօր նիստում հաստատեց Հայաստանի գործարար միջավայրի բարելավման 2015 թվականի միջոցառումների ծրագիրը:
ՀՀ ԱԺ արտաքին հարաբերությունների մշտական հանձնաժողովի նախագահ Արտակ Զաքարյանը Ռիգայի գագաթաժողովից ակնկալում է, որ Եվրահանձնաժողովը 28 անդամ երկրներից կստանա համապատասխան մանդատ, որպեսզի Ռիգայից հետո սկսվեն բանակցությունները Եվրամիության և Հայաստանի միջև: 168.am-ի հետ զրույցում Ա.Զաքարյանը նշեց, որ դեռևս շուտ է խոսել այն մասին, թե ինչպիսի՞ փաստաթուղթ կունենանք, ի՞նչ ձևակերպումներով և ի՞նչ բովանդակությամբ, դա ընթացքը ցույց կտա:
«Այնուամենայնիվ, ես կարծում եմ, որ Ռիգայում մենք կարող ենք փաստել, որ պետք է շարունակենք քաղաքական երկխոսությունը, որի համար կա քաղաքական կամք: Մենք էլ, իրենք էլ պետք է գիտակցեն, որ ՌԴ-ն մեր դաշնակիցն է: Մենք չափից դուրս ազնիվ հանդիպումներ ենք ունեցել եվրոպացի գործընկերների հետ և համակարծիք ենք եղել, որ ՀՀ-ն ու ԵՄ-ն ոչ թե պետք է իրարից հեռանան, այլ պետք է շարունակեն երկխոսությունը»:
ՀՀ ԱԺ-ում «Եվրանեսթի» Խորհրդարանական վեհաժողովից հետո կայացած ասուլիսում լրագորղները համանախագահներից հետաքրքրվեցին, թե ի՞նչ կարծիք ունեն Գագիկ Ծառուկյանի՝ քաղաքականությունից հեռանալու, Սերժ Սարգսյանի ճնշումների մասին, և որքանո՞վ է Ծառուկյանի հետ կատարվածը տեղավորվում ժողովրդավարության շրջանակներում: Սակայն Հեյդի Հաուտալան հայտարարեց, որ իրենք այստեղ չեն, որ միջամտեն ներկուսակցական, ներքաղաքական խնդիրներին: Ըստ նրա՝ ՀՀ քաղաքական գործիչները պետք է հաշվետու լինեն իրենց քաղաքացիներին:
«Քանի որ ՀՀ նախագահի կողմից հայ-թուրքական արձանագրությունների հետկանչից հետո սա առաջին այցն էր Եվրոպական երկրներ, ներկայացրեցինք, որ ՀՀ-ն մնում է առանց նախապայմանների հարաբերությունների կարգավորման կողմնակից: Բայց Թուրքիան ոչ միայն չվերացրեց նախապայմանները, այլև մինչև հիմա բլոկադայի մեջ է պահում ՀՀ-ն: Թուրքիան նաև կոնֆլիկտ ունի Կիպրոսի հետ, որի 80% գրավել է: Թուրքիան չի առաջնորդվում ժողովրդավարության սկզբունքներով»,- այսօր ԱԺ-ում լրագրողների հետ հանդիպման ժամանակ հայտարարեց ՀՀ ԱԺ փոխխոսնակ Էդուարդ Շարմազանովը՝ խոսելով Բալթյան երկրներ իր այցելության մասին:
«ՀՀ-ն ընտրել է ԵՏՄ անդամակցության ճանապարհը: Կիսով հղի չի կարելի լինել: Մենք Բրյուսելից շատ հստակ ազդակ ստացանք, որ չի կարելի է ԵՏՄ-ում լինել և առևտրի համաձայնագիր կնքել ԵՄ-ի հետ»,- ասաց նա:
ՀՀ Ազգային ժողովում «Եվրանեսթի» Խորհրդարանական վեհաժողովի նիստից հետո կայացած ասուլիսի ժամանակ լրագրողները համանախագահներից հետաքրքրվեցին, թե ինչպե՞ս կարող է ԵՄ-ն աջակցել Արցախից քաղաքացիական ուղևորափոխադրումների իրականացմանը, ինչին սպառնում է Ադրբեջանը և Ստեփանակերտի օդանավակայանը մինչ օրս չի կարողանում աշխատել:
«Ոչ ոք չի կարող վստհությամբ ասել՝ ով է դեմ քվեարկել, քանի որ երևում էր միայն վերջնական արդյունքը և պատվիրակությունները նշված չէին: Ընդհանուր 9 դեմ ձայն կար: Մինչդեռ ՄԱԿ-ում 100 պատվիրակություն աջակցեց Ուկրաինային, իսկ հայկական պատվիրակությունը դեմ եղավ»,- այսօր ԱԺ-ում ասուլիսի ժամանակ հայտարարեց «Եվրանեսթ» ԽՎ-ի համանախագահ Բորիս Տարասյուկը՝ խոսելով «Ուկրաինայի դեմ ՌԴ զինված ագրեսիայի և խաղաղ կարգավորման մասին» բանաձևի քվեարկության մասին, որին դեմ էին արտահայտվել հայկական պատվիրակները:
«Հիմա նոր քննարկումներ են ընթանում ՀՀ-ԵՄ-ի միջև նոր համաձայնագրի շուրջ, հատկապես՝ Ասոցացման համաձայնագրի քաղաքական մասի վերաբերյալ: ԵՄ կողմից փոխադարձ աջակցություն կա և՛ սոցիալական, և՛ քաղաքական բարեփոխումներին, որ ՀՀ-ն ուզում է իրականացնել»,- այսօր ԱԺ-ում հայտարարեց «Եվրանեսթ» ԽՎ-ի համանախագահ Հեյդի Հաուտալան:
ՀՀ Ազգային ժողովում «Եվրանեսթի» Խորհրդարանական վեհաժողովի համանախագահները դրական և արդյունավետ գնահատեցին 4-րդ լիագումար նիստի արդյունքները: «Եվրանեսթ» ԽՎ-ի համանախագահ Հեյդի Հաուտալան լրագրողների հետ հանդիպման ժամանակ նշեց, որ գրեթե միաձայն ընդունվեցին մի քանի բանաձևեր, որոնք վերաբերում էին Արևելյան գործընկերությանը, մինչ նստաշրջանի սկիզբը այցելեցին Ցեղասպանության զոհերի հուշարձան և ձայների մեծամասնությամբ ընդունվեց Հայոց ցեղասպանության վերաբերալ բանաձև:
ՀՀ ԱԺ փոխնախագահ Էդուարդ Շարմազանովն այսօր ԱԺ-ում ասուլիսի ժամանակ ներկայացրեց Բալթյան երկրներ իր այցելության արդյունքները:
Այսօր ԱԺ-ում ընթացող Եվրանեսթ ԽՎ-ի 4-րդ լիագումար նիստն ամփոփվեց քվարկությամբ: Միաձայն ընդունվեցին քաղաքական, էներգետիկ, սոցիալական և կրթական կոմիտեների զեկույցները:
Գերմանացի պատվիրակ Կնուտ Ֆլեկեշտայնի կարծիքով՝ չի կարելի լավ ապագա կառուցել, եթե չեն հաշտվում անցյալի հետ: Նա նշեց, որ Հայոց ցեղասպանությունը Թուրքիայի անցյալի մասն է կազմում. «Ամբողջությամբ դրժելով պատմությունը՝ նպաստում ես, որ ցեղասպանությունները կրկնվեն: Լավ կլիներ, որ մեր թուրք բարեկամները մեր կողքին լինեին, և մենք աջակցեինք նրանց»:
«Այս հարցում առավելագույն զգուշավորություն և նպատակային մոտեցում է անհրաժեշտ, որովհետև, ցավոք, կոնֆլիկտներն ունեն իրենց լուծման տրամաբանությունը»,- այսօր ԱԺ-ում «Եվրանեսթ» ԽՎ-ի 4-րդ լիագումար նիստի ժամանակ «Ուկրաինայի դեմ ՌԴ զինված ագրեսիայի և խաղաղ կարգավորման մասին» բանաձևի շուրջ քննարկման ժամանակ հայտարարեց ՀՀ պատվիրակության ղեկավար Արտակ Զաքարյանը:
«Եվրանեսթ» ԽՎ-ի համանախագահ Բորիս Տարասյուկն այսօր ՀՀ ԱԺ-ում «Եվրանեսթ» ԽՎ-ի 4-րդ լիագումար նիստի ժամանակ հայտարարեց, որ ընդունվելու է «Ուկրաինայի դեմ ՌԴ զինված ագրեսիայի և խաղաղ կարգավորման մասին» բանաձև, որը նվիրված է Ուկրաինայի ժողովրդի դեմ ՌԴ-ի վարած պատերազմին, որ մեկ տարուց ավելի է տևում, և որի հետևանքով Դոնբասում մարդիկ զոհվում են, տառապում, ավելի քան 1.5 մլն բնակչություն տեղահանվել է, ենթակառուցվածքները ոչնչացվել են, և դա Ուկրաինայի 20%-ից ավելի է: Բ. Տարասյուկը նշեց, որ Ղրիմն ապօրինի կերպով միացվել է ՌԴ-ին, և Ուկրաինայի իշխանության կողմից պահանջվում են ահռելի ջանքեր, որ հակազդեն:
Այսօր ԱԺ-ում «Եվրանեսթ» ԽՎ-ի 4-րդ լիագումար նիստի ժամանակ եվրոպական խորհրդարանի անդամ Էդուարդ Կուկանը կարևորեց էներգետիկ աղբյուրների այլընտրանքների առկայությունը: Ըստ նրա՝ էներգետիկ խնդիրները սրվում են թե՛ ԵՄ-ում, թե՛ ԱլԳ երկրներում, մինչդեռ էներգետիկ մատչելիությունը կարևոր է տնտեսության զարգացման համար:
