Պետք է իրականացնել արագ բարեփոխումներ. Կարեն Ճշմարիտյան
ՀՀ կառավարությունն այսօր նիստում հաստատեց Հայաստանի գործարար միջավայրի բարելավման 2015 թվականի միջոցառումների ծրագիրը: ՀՀ էկոնոմիկայի նախարար Կարեն Ճշմարիտյանը զեկուցեց, որ ՀՀ կառավարության 2014 թ. գործունեության միջոցառումների ծրագրով ընդգծվել է գործարար միջավայրի բարելավման անհրաժեշտությունը, որի համար պետք է իրականացնել արագ բարեփոխումներ:
Ըստ նրա՝ իրականացվող բարեփոխումները պետք է զգալիորեն բարձրացնեն Հայաստանի գլոբալ մրցունակությունը և արդյունքում բարելավեն ՀՀ դիրքը Հայաստանը Համաշխարհային Բանկի «Գործարարությամբ զբաղվելը» դասակարգման մեջ:
Նշենք, որ Համաշխարհային բանկի և Միջազգային ֆինանսական կորպորացիայի կողմից 2014 թ. հոկտեմբերին հրապարակված` «Արդյունավետությունից դեպի արդյունք» վարկանիշային զեկույցի տվյալներով, Հայաստանը 189 երկրների շարքում զբաղեցնում է 45-րդ տեղը:
