Պետական կամերային երաժշտական թատրոնի աշխատակազմն օրեր առաջ նամակ էր գրել ՀՀ վարչապետ Նիկոլ Փաշինյանին՝ նշելով, որ հետպատերազմյան մեր երկրի համար թատերական միավորի ոչնչացումը որևէ դրական արդյունք չի կարող ունենալ:
Վիկտոր Համբարձումյան 8/1 հասցեի բնակիչները բողոքում են՝ կոյուղաջրերը լցվում են բակ: Ասում են՝ դիմել են պատկան կառույցների, որոնք գալիս են, նայում, մի քիչ գործ անում, սակայն 2 օր անց նույն խնդիրն առաջանում է:
Օնլայն տաքսի ծառայությունների գները, մոտ երկու ամիս է, բարձրացրել են. 1 կմ-ի համար մարդիկ նախկին 300-600 դրամի փոխարեն՝ ստիպված վճարում են 1000-1600 դրամ:
Խորեոգրաֆիայի թատրոնի նախկին տնօրեն Գայանե Կարապետյանը 168.am-ի հետ զրույցում անդրադառնալով դատարանի որոշմանը՝ ասաց, որ համոզված էր՝ իրենց հայցը կբավարարվի, որովհետև պահանջն արդար էր:
Օգոստոսի 3-ին լրացավ Ալ. Սպենդիարյանի անվան օպերայի և բալետի ազգային ակադեմիական թատրոնի գեղարվեստական ղեկավար և տնօրեն Կոնստանտին Օրբելյանի պաշտոնավարման ժամկետը:
Կորոնավիրուսի հերթական ալիքը կոչվում է «Չպատվաստվածների համաճարակ»: Կարծում եմ՝ չորրորդ փուլն ավելի շուտ կլինի, քան գրիպի սեզոնը՝ հաշվի առնելով «Դելտա» շտամի ակտիվ տարածումն ու մեր հասարակության ակտիվ շփումը:
ՀՀ առողջապահության նախարարությունն առաջարկում է` մի շարք հաստատություններում աշխատող կամ այնտեղ հաճախող 18 տարեկանից բարձր անձինք կա՛մ պետք է ներկայացնեն կորոնավիրուսի դեմ պատվաստված լինելը հավաստող սերտիֆիկատ, կա՛մ յուրաքանչյուր 14 օրը մեկ ներկայացնեն ՊՇՌ թեստի բացասական արդյունք:
ՀՀ կրթության, գիտության, մշակույթի և սպորտի նախարարությունը մշակում է նախագիծ, ըստ որի՝ նախատեսվում է Պետական կամերային երաժշտական թատրոնը միավորել Հակոբ Պարոնյանի անվան երաժշտական կոմեդիայի պետական թատրոնին:
ՀՀ կառավարությունը «Հայաստանի Հանրապետությունում սեղմված բնական կամ հեղուկացված նավթային գազով աշխատելու համար ավտոտրանսպորտային միջոցների վրա գազաբալոնային սարքավորումների տեղադրման և (կամ) գազաբալոնների պարբերական վկայագրման գործունեության իրականացման լիցենզավորման կարգը և լիցենզիայի ձևը հաստատելու մասին» որոշման նախագիծ է ներկայացրել:
Ինչպես արդեն տեղեկացրել էինք, Դանիայի Օրհուս քաղաքի համալսարանը նախապատրաստել էր «Քաղաքներ ծայրամասում. ուսումնասիրելով Հարավային Կովկասում ուշ անտիկ շրջանի քաղաքաշինությունը (մ.թ. 300-600 թթ.)» խորագրով միջազգային գիտաժողով: Հրավիրվել էին մասնագետներ Ադրբեջանից, Վրաստանից, Դաղստանից, սակայն չէին հրավիրվել գիտնականներ Հայաստանից, ինչպես նաև հայագետներ այլ երկրներից:
Մի շարք բուհեր իրենց պաշտոնական կայքերում հրապարակել են լրացուցիչ մրցույթով ընդունելության արդյունքները: Փոխել հայտը կամ դիմել՝ մինչև 6 մասնագիտություն նշելով, կարող էին միասնական քննություններին դրական միավորներ ստացած, բայց մրցույթի հիմնական փուլում իրենց նշած մեկ մասնագիտությամբ չընդունված դիմորդները:
ՀՀ կրթության, գիտության, մշակույթի և սպորտի նախարարի պաշտոնակատար Վահրամ Դումանյանը հուլիսի 29-ին ընդունել է ՀՀ ԳԱԱ Օրգանական և դեղագործական քիմիայի գիտատեխնոլոգիական կենտրոնի աշխատակիցներին: Հանդիպմանը ներկա է եղել նաև ԿԳՄՍ նախարարի տեղակալ Կարեն Թռչունյանը:
Ընդհանուր առմամբ, եթե նայենք Իրանի հռետորաբանությանը նաև արցախյան հակամարտության շրջանում, ապա մշտապես տարածքային ամբողջականության պահպանման, հարցերը խաղաղ լուծելու վերաբերյալ են: Իրանը որևէ կողմի չի դատապարտում, սակայն դատապարտում է հենց ռազմական գործողությունները, ինչը ներկա փուլում նաև հայկական կողմի տեսակետներից է:
«Հեռուստակոնտենտ արտադրող լրատվամիջոցների մեջ լավագույն եռյակում ենք: Օրեր կան, որ առաջինն ենք: Մեզ հիմնականում համացանցում նայում են 25-45 տարեկանները, 50-65-ը մի քիչ նվազ է: Շատերն են ասում, որ մեր գործառույթով մոտ ենք Հանրային հեռուստաընկերությանը: Ես չեմ ուզում որևէ հեռուստաընկերության հետ համեմատվել, ունենք մեր ուրույն ձեռագիրը, բայց մոտեցումներով, այո՛, միգուցե մոտ ենք Հանրային հեռուստաընկերությանը: Մրցակցությունը զուտ ստեղծագործական առումով է, ֆինանսականով հնարավոր չէ: Մեր հեռուստատեսությունում հիմա աներևակայելի գործ է արվում:
Հուլիսի 26-ին լրացավ բուհերի ընդունելության՝ թափուր տեղերի մրցույթի վերջնաժամկետը: Փոխել հայտը կամ դիմել՝ մինչև 6 մասնագիտություն նշելով, կարող էին միասնական քննություններին դրական միավորներ ստացած, բայց մրցույթի հիմնական փուլում իրենց նշած մեկ մասնագիտությամբ չընդունված դիմորդները:
Ռոբերտ Հակոբյանն էլ նկատեց. «Եթե ուզում ենք, որ Հայաստանում գիտությունը լինի և զարգանա, այս կենտրոնին ոչ մի դեպքում չի կարելի ձեռք տալ: Չի կարելի վնասել, այդտեղ որևէ ոչ գիտական կառույց պարզապես վնասելու է: Եթե այնտեղ շինարարական գործունեություն ծավալվեց՝ 1 մլն դոլարից ավելի արժեցող սարքերը պարզապես չեն աշխատելու: Շատ զգայուն, 2019թ. գնած վերջին սերնդի սարք կա, ու նման կենտրոնին վնասելը պարզապես վնաս է հասցնում ՀՀ ապագային»:
Վտանգված է Ազատության պողոտայի սկզբնամասում գտնվող ՀՀ ԳԱԱ Օրգանական և դեղագործական քիմիայի գիտատեխնոլոգիական կենտրոնի (ՕԴՔԳՏԿ) տարածքային ամբողջականությունը: Գիտաշխատողները պնդում են՝ անթույլատրելի է քիմիական գիտատեխնոլոգիական գործունեությամբ զբաղվող հաստատության տարածքում բնակելի շենքի կառուցումը:
«Վարորդները նկատել են, որ նաև քիչ են լցնում գազ՝ ի տարբերություն առաջվա ու չափման հետ կապված բողոքում են: Իրենք իրենց բաքի տարողությունը գիտեն, ու ասում են, որ նախկինի համեմատ քիչ է լցվում: Դժգհում են նաև որակից: Բազմիցս դիմել եմ Շուկայի վերահսկողության տեսչական մարմնին:
«Ե՛վ Ա. Խոջոյանին, և՛ գյուղատնտեսության գծով էկոնոմիկայի մյուս երիտասարդ փոխնախարար Տիգրան Գաբրիելյանին խորհուրդ կտամ՝ մեկ-մեկ էլ ոլորտի փորձառուների հետ խորհրդակցել, թե չէ՝ շրջագայելով ու դատարկ կրկնելով՝ «ապագա կա», մեր երկիրը ոչ մի առաջընթաց չի ունենա»,- նկատեց Սարգիս Սեդրակյանը:
«Շուրջ երկու տարի թատրոնի աշխատակազմը «պատժվել» էր ՀՀ ԿԳՄՍ նախարարության կողմից և չէր ստանում աշխատավարձ միայն նրա համար, որ նախարարության և թատրոնի նախկին տնօրենի միջև առկա էր եղել վեճ, որի համար պատժվել էր նաև նախկին տնօրենը՝ Գայանե Կարապետյանը՝ չստանալով իր վերջնահաշվարկը, ում պահանջը ևս բավարարեց դատարանը: Սա մեծ պատասխանատվություն է պետության համար իր ենթակայության տակ գտնվող կառույցի մի ամբողջ աշխատակազմի շուրջ երկու տարի զրկելու աշխատավարձ ստանալու իրավունքից, ինչը դատարանի կողմից գնահատման արժանացավ ոչ միայն երկու տարվա պարապուրդի բռնագանձմամբ, այլև սահմանված տուժանքի բավարարմամբ»,- 168.am-ի հետ զրույցում ասաց փաստաբան Աշխեն Դաշյանը:
Բուհերի ընդունելության միասնական քննությունների ընթացքում դիմորդներից 365-ը հայտագրվել է՝ առանց մասնագիտությունը նշելու: Այս մասին 168.am-ի հետ զրույցում հայտնեց Գնահատման և թեստավորման կենտրոնի (ԳԹԿ) մամուլի քարտուղար Խաչանուշ Գրիգորյանը:
Համացանցում շրջանառվող լուրերը, թե «Հայփոստի» աշխատակիցներին պարտադրում են հեռախոս վաճառել՝ իրականությանը չի համապատասխանում: Այս մասին 168.am-ի հետ զրույցում ասաց «Հայփոստ» ՓԲԸ մամուլի քարտուղար Գևորգ Աբրահամյանը:
Նոր ուսումնական տարում դասապրոցեսի կազմակերպման հնարավոր տարբերակները կախված են լինելու կորոնավիրուսային հիվանդությամբ պայմանավորված համաճարակային իրավիճակից։ Այս թեմայի շրջանակներում օրերս քննարկում է եղել ԿԳՄՍ և առողջապահության նախարարների միջև, ովքեր ընդգծել են, որ դասապրոցեսի կազմակերպման վերաբերյալ որոշումները պետք է փոխօգտավետ լինեն կրթական և առողջապահական ոլորտների համար: Առկա ձևաչափով կրթությունից, բայցև պետք է չկորցնել զգոնությունը: Ուսումնական գործընթացն առկա ձևաչափով կազմակերպելու համար առաջնահերթ անհրաժեշտ է պատվաստումների բավարար մակարդակ»,- ասել է Անահիտ Ավանեսյանը:
Տեղեկությունը, թե Հարկադիր կատարումն ապահովող ծառայության աշխատակիցներին, այդ թվում՝ հղիներին պարտադրում են պատվաստվել, հակառակ դեպքում կզրկվեն պարգևավճարից, իրականությանը չի համապատասխանում: Այս մասին 168.am-ի հետ զրույցում հայտնեց ՀՀ գլխավոր հարկադիր կատարողի օգնական, մամուլի քարտուղար Վարդուհի Պետրոսյանը:
«Այսօր, հուլիսի 26-ին, ժամը 18։00-ին լրանում է բուհերի ընդունելության՝ թափուր տեղերի մրցույթի վերջնաժամկետը: Փոխել հայտը կամ դիմել՝ մինչև 6 մասնագիտություն նշելով, կարող են միասնական քննություններին դրական միավորներ ստացած, բայց մրցույթի հիմնական փուլում իրենց նշած մեկ մասնագիտությամբ չընդունված դիմորդները: Այս պահին նրանք ունեն 6 ժամից պակաս ժամանակ»,- մեզ հետ զրույցում հայտնեց Գնահատման և թեստավորման կենտրոնի (ԳԹԿ) մամուլի քարտուղար Խաչանուշ Գրիգորյանը:
«2021 թ. ընդունելության քննությունները տարբերվեցին թե 2019, և թե 2020 թվականների քննություններից: 2019 թ. քննություններն անցել են իրենց բնականոն հունով, 2020թ․ դիմորդները հանձնել են ընդամենը մեկ քննություն, իսկ 2021թ. առավելագույնը երկու ընդունելության քննություն: Դա ասացի նրա համար, որպեսզի չհամեմատենք 2019, 2020 և 2021 թվականները»,- հուլիսի 19-ին ասուլիսի ժամանակ հայտնել էր Գնահատման և թեստավորման կենտրոնի փոխտնօրեն Կարո Նասիբյանը:
Հայաստանում անցած վեց ամսվա ընթացքում տեղի ունեցած 2169 պատահարից 516-ը վրաերթ է, որից 327-ը տեղի է ունեցել մայրաքաղաքում, 189-ը՝ մարզերում։ Վրաերթի ենթարկվածներից 53-ը մահացել են։ Այս մասին հուլիսի 16-ին հաղորդագրություն է տարածել ՀՀ ոստիկանությունը:
«Մեր ուժերով պետք է զսպենք նրանց, երբ չստացվի, դիմենք մեր բարեկամ երկրներին։ Բայց եթե ոչինչ չենք անում, ի՞նչ իրավունքով ենք դիմելու ՀԱՊԿ-ին, ՌԴ-ին, ասենք՝ միջամտիր, մեր տարածքից հանիր զորքերը: ՀԱՊԿ-ն ասում է՝ նստած կառուցողական բանակցում եք, էլ ի՞նչ իրավունքով կարող եք դիմել: Սև լիճը քո տարածքն է, դրա շուրջ որևէ բանակցություն չպետք է լինի, արտաքին քաղաքականության ոլորտում էլ մեր դաշնակիցների զայրույթը չպետք է հարուցենք. պետք է զգուշորեն նշանակել արտաքին քաղաքականության պատասխանատուի»,- մանրամասնեց ադրբեջանագետը:
Կրթության, գիտության, մշակույթի և սպորտի նախարարի պաշտոնակատար Վահրամ Դումանյանը հուլիսի 22-ին կառավարության նիստից հետո անդրադարձավ Պետական կամերային երաժշտական թատրոնի և Հ. Պարոնյանի անվան երաժշտական կոմեդիայի պետական թատրոնի միավորման գործընթացին՝ նշելով, որ դա օպտիմալացում չէ։
Հուլիսի 10-ին, ժամը 17։51-ին Տավուշի մարզային ճգնաժամային կառավարման կենտրոն ահազանգ է ստացվել, որ Թեղուտ գյուղի «Հաղարծին» վանական համալիրի մոտակայքում քաղաքացի է ընկել փոսի մեջ:
