«Փաշինյանի երբեմնի դաշնակիցներն աստիճանաբար երես են թեքում նրանից։ Եթե կարճ ժամանակ առաջ նրանից հեռացավ պարոն Վանեցյանը, որը հենց նույն Փաշինանի կողմից նշանակվեց Ազգային անվտանգության ծառայության տնօրեն և ստացավ գեներալ-մայորի կոչում, հետո Փաշինյանից հեռացավ Էդմոն Մարուքյանը, հիմա էլ, փաստորեն, հեռանում է պարոն Ծառուկյանը։ Մենք տեսնում ենք, որ արդեն դաշնակիցներն են երես թեքում Փաշինյանի հակապետական քաղաքականությունից և հրապարակային համախմբման կոչ անում, ու հենց այստեղ է, որ պետք է պարզապես կրկնեմ՝ տարոսն «Իմ քայլը» խմբակցությանը։ Կարծում եմ՝ այդ խմբակցությունում կան մարդիկ, որոնց համար Հայաստանի ապագան ու փրկությունը պոպուլիզմի ճիրաններից երկրորդական չեն»,- ասաց Էդուարդ Շարմազանովը։
Կառավարության հունիսի 5-ի նիստում գործադիրն ընդունել է որոշում Արդարադատության նախարարության քրեակատարողական ծառայությանը նվիրաբերությամբ հանձնված 12 գծային շտապօգնության մեքենաները և 1 ռեանիմոբիլը, դրանց օժանդակ սարքավորումներով, ՔԿՀ-ներից հետ վերցնելու և Առողջապահության նախարարությանն ամրակցելու մասին։
«Պարո՛ն նախարար, 3 ամսից ավելի է՝ այս վիրուսով տառապում է հայ ժողովուրդը, դուք պրոտոկոլ ստեղծե՞լ եք, թե այդ հիվանդին ի՞նչ բուժում պետք է նշանակեք, ե՞րբ պետք է նշանակեք, և ե՞րբ եք հասկանում՝ հիվանդը լավացե՞լ է, թե՞ ոչ։ Ես կարծում եմ, որ չկա, որովհետև եթե լիներ, հիմա առողջապահության նախարարը դա դրոշակ էր դարձրել։ Պետք է արագ դա ստեղծել, և եթե քաղաքացին մարզից է, Երևան չբերել, այդ պրոտոկոլը տալ մարզային բժիշկներին և ասել, թե ինչպես պետք է վարվել հիվանդի հետ։ Ասում են՝ անտիբիոտիկ են տալիս, բայց անտիբիոտիկը վիրուսի դեմ անզոր է։ Այդ պրոտոկոլը ստեղծելու համար պետք էր նաև միջազգային գործընկերների հետ խորհրդակցել»։
«Երկրում հասարակության ճնշող մեծամասնությունն է տեղավորվում վարչապետի մոդելավորած հիասթափվածների շարքում, բայց պետք է նկատել, որ հիասթափության անատոմիան ունի մեկ հասցեատեր, որի անունը Նիկոլ Փաշինյան է, ուստի չեմ կարծում՝ ժողովրդավար լիդերի փառքը վայելած անձը կարող է այդ աստիճան կառչած լինել աթոռից»,- նշեց Գալստյանը։
Անընդունելի է Հայաստանում գույքահարկի բարձրացումը այս փուլում և այն դեպքում, երբ երկրում ունենք 26 հազար դրամ թոշակ ստացող թոշակառու, չունենք օրենսդրություն, որով 68 հազար դրամ ստացող մարդը չի հարկվի, պաշտպանված կլինի, ուստի այս և այլ հարցերը չլուծած՝ գույքահարկի մի քանի անգամ ավելացումը բերելու է ընդհուպ մինչև քաղաքական լարվածության։ Այսօր 168 TV-ի «Ռեվյու» հաղորդաշարի եթերում ասաց «Ակցեռն» հոլդինգի նախագահ Հակոբ Բաղդասարյանը:
Վերջին մեկ շաբաթում Հայաստանում կորոնավիրուսի վարակակիրների թիվն ավելանում է հարյուրներով, դրան զուգահեռ՝ ավելանում են նաև մահվան դեպքերը։ Առողջապահության նախարար Արսեն Թորոսյանն ահազանգում է, որ հայաստանյան հիվանդանոցների մահճակալային ֆոնդն այս տեմպերով շարունակելու պարագայում կարճ ժամանակ անց կսպառվի, իսկ վարչապետ Նիկոլ Փաշինյանն էլ այսօր հայտարարեց, որ արդեն հասել ենք մի իրավիճակի, որ կան մարդիկ, որոնք հոսպիտալացման են ենթակա, սակայն չենք կարողանում նրանց հոսպիտալացնել։
Հունիսի 2-ին Երևանի քաղաքապետարանի աշխատակազմի անշարժ գույքի կառավարման վարչության հողօգտագործման պայմանագրերի կնքման, հաշվառման և վերահսկողության բաժնի առաջին կարգի մասնագետ Նարեկ Թադևոսյանը հայտարարեց, որ իր դիմումի համաձայն՝ հեռացել է աշխատանքից։
«Առողջապահական համակարգի կոլապսն ու տասնյակ-հազարավոր գերվտանգավոր դեպքերը մեր քթի տակ են, հիվանդանոցներում տեղ չկա, մարդիկ ջերմությունով գնում են, նրանց չեն ընդունում հիվանդանոցներում։ Սոցիալ-տնտեսական աղետալի իրավիճակում Կառավարությունը փոխարենը փող գտնելու՝ թիթեռ է նկարում։ Ամենակարևորը, որի միասին չի խոսվում, դա այն է, որ մենք կիսապատերազմական իրավիճակում գտնվող երկիր ենք, և մեր արտաքին սպառնալիքները որևէ մեկը չի չեղարկել»,- ասաց Սամվել Ֆարմանյանը։
«Մեր օրակարգում է նաև ևս մեկ նախարարի անվստահություն հայտնելու մասին հարցը։ Այս պահին անուն չեմ տա, սակայն նշեմ, որ հարցապնդում ենք մշակում։ Այն բավականին ծավալուն է, իսկ դա նշանակում է, որ այդ նախարարն այնքան չի աշխատել, որ հարցապնդումն այդքան ծավալուն է։ Մենք պետք է շատ արագ այդ նախարարի հարցը լուծենք, քանի որ նրան վստահված է շատ կարևոր և ռազմավարական ոլորտ»,- ասաց Սամսոնյանը։
Վատիկանում Հայաստանի նախկին դեսպան Միքայել Մինասյանի հրապարակած հերթական տեսանյութը նոր բացահայտման խնդրի առաջ դրեց իշխանությանն ու իրավապահներին։ Միքայել Մինասյանը խոսեց այնպիսի լուրջ խնդրի՝ զենքի ապօրինի վաճառքի մասին, որը արտաքին քաղաքականության մեջ Հայաստանի համար կարող է ստեղծել լուրջ գլխացավանք, ու տարօրինակ է, որ ՀՀ վարչապետը որևէ գործողություն չի ձեռնարկում՝ պարզաբանելու համար այն ամբողջ սխեման, որը նկարագրվում է։ Այսօր 168 TV-ի «Ռեվյու» հաղորդաշարի եթերում ասաց Պաշտպանության նախկին փոխնախարար Արտակ Զաքարյանը՝ նշելով, որ որպես փոխնախարար իր պաշտոնավարման ժամանակաշրջանում երբևէ չի լսել նմանատիպ սխեմայի մասին։
Հանրային կառավարման տեսանկյունից գնահատելիս ակնհայտ է դառնում, որ պետական կառավարման համակարգը, մեղմ ասած, վատ վիճակում է, իսկ դրա պատճառն այն է, որ մենք չունենք լավ կառավարիչներ, բացի այդ՝ չունենք նաև կարճաժամկետ և երկարաժամկետ ռազմավարություններ բոլոր ոլորտների համար։ Այս մասին 168 TV-ի «Ռեվյու» հաղորդաշարի եթերում ասաց հանրային կառավարման մասնագետ, մեդիափորձագետ Հայկ Դերզյանը։
Մարդու իրավունքների եվրոպական դատարանն այսօր ՀՀ երկրորդ նախագահ Ռոբերտ Քոչարյանի գործով ՀՀ Սահմանադրական դատարանի դիմումի հիման վրա ներկայացրել է խորհրդատվական կարծիք, ըստ որի՝ «Անհատի համար պետք է կանխատեսելի լինի, թե ինչ պահվածքի դեպքում կենթարկվի քրեական պատասխանատվության»։ «Այլընտրանքային նախագծեր խումբ» նախաձեռնության անդամ Էլինար Վարդանյանի խոսքով՝ ՄԻԵԴ-ի կարծիքը արձանագրում է այն, ինչի մասին խոսում էին 2-րդ նախագահի փաստաբանները և բազմաթիվ այլ իրավաբաններ։
«Չի դատում, որ նախևառաջ կարողանա բոլորին մեղադրել. քանի դեռ որևէ մեկը նստած չէ, դա Փաշինյանին հնարավորություն է տալիս բոլորին անհասցե մեղադրել, բայց նա արդեն չի կարող իր բոլոր սխալների մեջ մեղադրել նախկիններին, ժամանակը գնում է, և 2 տարվա մեջ Փաշինյանն ինքն է դառնում նախկին»,- ասաց Խաչատրյանը։
Սահմանադրական դատարանի հետ կապված խնդիրն իշխանությունն այն ձևով բերեց օրակարգ, որ դա իր համար դարձավ մեծ ծուղակ։ Սահմանադրական դատարանի շուրջ ձևավորվող օրակարգն այնպիսի որակական խոտաններ ուներ իր մեջ, որից ձերբազատվելը դարձել է շատ դժվար, իսկ իշխանությունը փաստացի ձեռնարկում է գործողություններ, որ կարողանա ծուղակից դուրս գալ։ Այսօր 168 TV-ի «Ռեվյու» հաղորդաշարի եթերում ասաց «Մեկ Հայաստան» կուսակցության փոխնախագահ Վլադիմիր Մարտիրոսյանը։
«Լուսավոր Հայաստան» խմբակցությունն իշխանությանը ժամանակ էր տվել մայիսի 8-ին Ազգային ժողովում կատարված դեպքերին իրավական ու քաղաքական գնահատական տալու համար, սակայն վարչապետի կողմից հնչեց նման վարքագիծը խրախուսող ելույթ, իսկ Հատուկ քննչական ծառայությունն էլ հայտնեց, որ կատարվածում հանցակազմ չի տեսնում, ուստի մենք որոշեցինք վերադառնալ և այսուհետև մասնակցել նիստերին։
«Բանանի շուկայում մենաշնորհի մասին խոսք 100 տոկոսով չկա». Գեղամ Գևորգյան
Քաջարանի համայնքապետ Մանվել Փարամազյանը րոպեներ առաջ դուրս եկավ Ոստիկանության Կապանի բաժանմունքից և ցուցարարներին հավաստիացրեց՝ ոստիկանությունից, Հատուկ քննչական ծառայության քննիչներից ստացել է երաշխիք առ այն, որ հարուցված քրեական գործի քննությունը տարվելու է արդար:
Կապանի ոստիկանության դիմաց հավաքված քաջարանցիները շարունակում են պահանջել ազատ արձակել ձերբակալված երիտասարդներին՝ հայտարարելով, որ միայն այդ դեպքում հեռանան ոստիկանության բակից:
Չնայած անձրևոտ եղանակին՝ Կապանում ցուցարարները շարունակում են հավաքված մնալ ոստիկանության բաժանմունքի մոտ:
Ոստիկանության Կապանի բաժնից րոպեներ առաջ դուրս եկավ Քաջարանի համայնքապետ Մանվել Փարամազյանը և ոստիկանության շենքի դիմաց հավաքվածներին տեղեկացրեց, որ բաժին տարված երիտասարդները ենթարկվել են բռնության:
Սյունիքի մարզպետ Հունան Պողոսյանը ժամանել է Կապանի ոստիկանության բակ և փորձում է ցուցարարներին համոզել դադարեցնել բողոքի ակցիան՝ հավաստիացնելով, որ քաջարանցի երիտասարդների խնդիրը գտնվում է իրավական հարթության մեջ:
«Կապա’ն, միացիր» վանկարկումներով արդեն մի քանի ժամ է՝ Կապանում շարունակվում է բողոքի ակցիան: Ցուցարարների պահանջով Ոստիկանության Կապանի բաժանմունքի բակ ժամանեց Սյունիքի մարզպետ Հունան Պողոսյանը:
«Տիգրան Աթանեսյանի ընտանիքի անդամների վրա հարձակումը ցուցիչ է մի շատ վատ բանի, և սա նշանակում է, որ մենք այլևս ժողովրդավարության մասին խոսել չենք կարող։ Սա նշանակում է, որ իշխանական թիմում չկան մարդիկ, որոնք պետք է արագ արձագանքեին նման դեպքերին։ Սա նշանակում է նաև, որ այսպիսի դեպքերը՝ կրակոցները, մարդկանց իրար դեմ տրամադրելը, գնալով ավելի է խորանալու, և սա տեղի է ունենում Նիկոլ Փաշինյանի գիտությամբ»,- ասաց Աճեմյանը՝ նշելով, որ երկրում ծավալվող ատելության և անհանդուրժողականության մթնոլորտը բումերանգի էֆեկտ ունի, և այն ուղղվելու է նաև դեպի այն տարածողները։
Երբ ուշադրությամբ հետևում եմ կորոնավիրուսի դեմ պայքարին միտված Կառավարության գործողություններին, ինձ մոտ տպավորություն է, որ ամեն ինչն արվում է պահի դրությամբ պայմանավորված՝ ընդամենը տեսարաններ ապահովելու համար։ Այսօր 168 TV-ի «Ռեվյու» հաղորդաշարի եթերում ասաց քաղտեխնոլոգ Կարեն Քոչարյանը՝ նշելով, որ համավարակի դեմ պայքարում միակ ճիշտ որոշումն արտակարգ դրության սահմանումն էր, սակայն այստեղ էլ խնդիրներ ունենք, որովհետև միջոցառումները կատարում են ուղղակի նկարելու և հեռուստացույցով ցույց տալու համար, մի հատ էլ՝ հետն արդարանում, թե ամբողջ աշխարհում է վիճակն էսպիսին։
Նիկոլ Փաշինյանի իշխանության առաջին օրվանից էլ պարզ էր, որ այս իշխանությունը, որը եկավ ժողովրդավարական բարեփոխումների դրոշի ներքո, գնալով եվրոպական տարածքում դառնում է, երևի թե, ամենաավտորիտար, անհանդուրժող և ամենակոռումպացված իշխանություններից մեկը և օգտագործում է ցանկացած միջոց ընդդիմախոսներին ճնշելու համար՝ հատկապես արտակարգ դրության պայմաններում։
Հայաստանի գործող Կառավարությունն ի սկզբանե անգամ խաղաղ պայմաններում չուներ գործողությունների պլան, էլ ուր մնաց՝ ճգնաժամային կամ արտակարգ իրավիճակների պարագայում։ Այն մարդիկ, որոնք այսօր կոչված են երկրի համար կարևորագույն որոշումներ կայացնելու, երբեք նման բան չեն արել, նրանց հիմնական մասը չգիտի՝ ինչ է պետական համակարգը, որևէ նշանակալից հասարակական պետական ձեռքբերում չի ունեցել, բանակում չի ծառայել, ուստի այդ մարդկանցից ակնկալել, որ իրենք ճգնաժամային պայմաններում կկարողանան հավասարակշռված և ադեկվատ որոշումներ կայացնել, պետք չէ։
Կորոնավիրուսի համավարակի այս ամբողջ աղմուկն իշխանության համար շատ անպատեհ ժամի եկավ, և ակնհայտ է, որ Կառավարությունն իր գործողություններով հայտնվել է ցայտնոտային իրավիճակում, իսկ հենց նման դեպքերից խուսափելու համար էր պարտադիր, որ տարբեր պաշտոններում լինեն մարդիկ, որոնք անցել են պետական կառավարման համակարգի տարբեր օղակներով, մինչդեռ մեր իշխանությունն այսօր գտնվում է աննախանձելի իրավիճակում։ Այսօր 168 TV-ի «Ռեվյու» հաղողորդաշարի եթերում ասաց նախկին պատգամավոր Մարգարիտ Եսայանը։
«Իշխանությունը, արդեն երկու տարի է՝ Արցախի հարցում մանևրում է, բայց արդեն չի ստացվում, որովհետև Լավրովն ասում է այլ բան, ամերիկյան կողմը՝ այլ, դրա համար հիմա չկամությամբ գնում են բացահայտման։ Ինչ վերաբերում է արտգործնախարարի հայրենասիրությանը, ապա ես ուզում եմ հասկանալ՝ իր հայրենասիրության տեսլականում ինչպե՞ս է տեսնում Արցախի կարգավիճակը և տարածքների հարցն ինչպե՞ս է պատկերացնում։ Երբ իմանամ, դա կհամադրեմ իմ հայրենասիրական տեսլականի հետ ու նախարարի հայրենասիրության վերաբերյալ կարծիքս կհայտնեմ»,- ասաց նա։
Երևանի ավագանու «Լույս» խմբակցության ղեկավար Դավիթ Խաժակյանն այսօր ֆեյսբուքյան ուղիղ եթերում հայտարարեց, իր բնորոշմամբ, հարյուր-միլիոնավոր դոլարների հասնող մեքենայությունների մասին։
Ազգային ժողովը մայիսի 5-ին մեկնարկած հերթական քառօրյայի ընթացքում քննարկեց Կառավարության ծրագրի՝ 2019 թվականի կատարողականը, որի՝ կրթության բաժնին նվիրված հաշվետվությունը Մանկավարժական գիտությունների թեկնածու, դոցենտ Լևոն Նազարյանը համարում է խայտառակություն։
