ԿԳՄՍ նախարարությունը Եվրոպական հանձնաժողովից կստանա 2 միլիոն 662 հազար 985 եվրո դրամաշնորհ (2,662,985.40 եվրո)՝ «ԵՄ-ն հանուն նորարարության ծրագրի»/«EU4Innovation Project» ծրագրի իրականացման համար։
Կառավարությունը 2020 թվականի պետական բյուջեից 176 միլիոն 386 հազար դրամ կհատկացնի վարչապետի աշխատակազմին, որն էլ կուղղվի սփյուռքահայ երիտասարդներին ՀՀ պետական կառավարման համակարգում աշխատանքի ներգրավելու համար։
Պաշտպանության նախարարությունն անհետաձգելի է համարել «Պաշտպանության մասին» օրենքում լրացում կատարելու մասին նախագծի ընդունումը, որը վերաբերում է հանրապետության տնտեսության զորահավաքային պլանի հաստատմանը։
e-draft տեղեկատվական հարթակում հանրային քննարկման է ներկայացվել Տարածքային կառավարման և ենթակառուցվածքների նախարարության ներկայացրած «Ավտոմոբիլային ճանապարհների մասին» Հայաստանի Հանրապետության 2006 թվականի օրենքում լրացում կատարելու մասին նախագիծը։
Գործադիրն օգոստոսի 27-ի նիստում չզեկուցվող հարցերից մեկով ընդունել է որոշում և հաստատել «Հանրային խորհրդի մասին» օրենքում առաջարկվող փոփոխությունների նախագիծը։ Ըստ այդմ, Հանրային խորհուրդը, որը գործող օրենքով Կառավարությանը կից խորհրդակցական մարմին էր և իր գործունեությունն ապահովում էր գրասենյակի կարգավիճակ չունեցող քարտուղարության միջոցով, փոփոխություններով այդ մարմինը պետք է դառնա վարչապետի աշխատակազմի կառուցվածքային ստորաբաժանում։
Վերջին օրերին ակտիվացել են շփումները Ռուսաստանի և Ադրբեջանի միջև. Ադրբեջանի ԱԳ նորանշանակ նախարար Բայրամովը կատարեց իր երկրորդ պաշտոնական այցը Մոսկվա, կայացավ հանդիպում ՌԴ ԱԳ նախարար Սերգեյ Լավրովի հետ, Բայրամովի մոսկովյան այցին զուգահեռ՝ տեղի ունեցավ ՌԴ ԱԳ նախարար Սերգեյ Լավրովի հեռախոսազրույցը ՀՀ ԱԳ նախարար Զոհրաբ Մնացականյանի հետ, այնուհետև Մոսկվայում ՀՀ ՊՆ Դավիթ Տոնոյանը հանդիպեց ՌԴ ՊՆ Սերգեյ Շոյգուի հետ, որից հետո Շոյգուն մեկնեց Բաքու։
Առողջապահության համաշխարհային կազմակերպության տվյալներով՝ երեխաների մոտ կորանավիրուսով վարակվելու հավանականությունը կազմում է 0.03 տոկոս, նույնիսկ, եթե 0.3 տոկոս լինի, դա շատ փոքր թիվ է, երբ համեմատում ենք սովորական սեզոնային գրիպի հետ, երբ վարակվածության աստիճանը շատ ավելի բարձր է նույն երեխաների մոտ։ Սրանից բացի՝ մինչև հիմա չկա որևէ վիճակագրություն, որը ցույց կտա, թե երեխաների քանի տոկոսն է վարակվում կորոնավիրուսով կամ դրանով վարակում այլ մարդկանց, իսկ նման անհրաժեշտ ցուցանիշներ չունենալու պատասխանատվությունն ամբողջությամբ կրում է Առողջապահության նախարար Արսեն Թորոսյանը։
«Այս իշխանությունը ցանկանում է ամեն ինչ ջնջել, այս իշխանության ղեկավարն ուզում է ինքն ամենալավը լինել, բայց այդպես չի կարող լինել, այդ ղեկավարը չի կարող ամենալավը լինել, որովհետև, օրինակ, բանակում չի ծառայել, ռազմական գործին չի տիրապետում, ախր մենք տեսանք, չէ՞, թե ինչպես Տավուշի դեպքերի ժամանակ չհասկացավ, թե ի՞նչ կատարվեց, բայց հիմա ստեղծել են հանձնաժողով, որը պղծում է այն երիտասարդների հիշատակը, որոնք զոհվեցին իրենց հայրենիքը պաշտպանելով»,- ասաց Կարինե Աճեմյանը՝ նշելով, որ հայաստանյան իշխանությունների այս քաղաքականությունը առաջ է տանում նաև Արցախի Անվտանգության խորհրդի քարտուղար Սամվել Բաբայանը։
«Խոսքը ոչ թե քաղաքական պառակտումների մասին է այլ նրա, որ կառույցը չունի ղեկավար, ներսում ձևավորվել են խմբեր, որոնք ունեն իրենց ռեկտորիթեկնածուն, և դա չի կարգավորվում, որովհետև նախարարն էլ իր հերթին է պառակտում. Նախ՝ պառակտում մտցրեց ուսանողների մեջ, հետո այդտեղ հաջողության չհասավ ու հիմա պառկտումներ է մտցնում պրոֆեսորադասախոսական կազմում, թեև, կարծում եմ՝ դա իրենց չի հաջողվի։ Ես երբեք չեմ ների Արայիկ Հարությունյանին նրա համար, որ համալսարանին այսքան վնաս հասցրեց։ Իմ շրջապատի անգամ իշխանամետ մարդիկ խոստովանում են, որ Հարությունյանն իր տեղում չէ, և եթե փոփոխություններ չլինեն, նրա հրաժարականի պահանջը պայթելու է, որովհետև արդեն հասունացել է»,- ասաց նա։
Հայ Հեղափոխական Դաշնակցության Գերագույն մարմինը «Երկիր» հիմնադրամի հետ համատեղ կազմակերպել էր «Օգնիր եղբորդ-Լիբանան» կարգախոսով դրամահավաք՝ Լիբանանում տեղի ունեցած պայթյունի հետևանքով ծանր իրավիճակում հայտնված տեղի հայ համայնքին օգնելու նպատակով։
ՀՀ 3երրորդ նախագահ Սերժ Սարգսյանի՝ 2016 թվականի ապրիլյան պատերազմի վերաբերյալ ծավալուն ասուլիս տալու որոշումը պայմանավորված էր նրանով, որ, երբ նախագահն այցելել էր Ազգային ժողովում ձևավորված քննիչ հանձնաժողով, դրանից հետո բազմաթիվ հարցեր էին ստացվել, և հանրության լայն շրջանակներին հուզող այդ հարցերի պատասխանները Սերժ Սարգսյանը տվեց հենց այդ ասուլիսի ընթացքում՝ դրանով փակելով մինչ այդ տարածված սուտ տեղեկությունները նույն ապրիլյան պատերազմի մասին։ Այդ ասուլիսից հետո ապրիլյան պատերազմի քննիչ հանձնաժողովի անդամների և «Իմ քայլը» խմբակցության պատգամավորների որդեգրած պահվածքն էլ ցույց է տալիս, որ Սերժ Սարգսյանի ասուլիսը նեղացրել է այն ստերի սահմաններն ու իրականության հետ կապ չունեցող երևույթները, որոնք տարածում էին իշխանությունները։
«Սեփական վարկանիշը պահելու համար գուցե չգնա Կառավարությունը ցրելու ճանապարհով, սակայն վստահ եմ, որ գոլորշի բաց կթողնի՝ այդ թվում՝ Թորոսյանին հեռացնելու ճանապարհով։ Փաշինյանը հիմա կգնա հեռացումների՝ արդեն սեփական թիմակիցների հետ կապված, և, կարծում եմ, որ Փաշինյանին այդքան էլ հեշտ օրեր չեն սպասվում՝ հատկապես, որ մենք տեսնում ենք սորոսականների ճնշումը նրա վրա»,- ասաց Քոչարյանը՝ շեշտելով, որ այժմ գործ ունենք եռացող կաթսայի հետ, որտեղ եռում է՝ ինչպես Ամուլսարի, այնպես էլ՝ Ստաբուլյան և Լանզարոտեի կոնվենցիաների խնդիրը, ինչպես նաև սոցիալ-տնտեսական օր օրի խորացող ճգնաժամը, իսկ դա բերելու է այս իշխանության համար լուրջ խնդիրների։
«Այս խնդիրը ծագել է ստեղծված իրավիճակից ու նկատելի է անզեն աչքով, որ ազգային արժեքները, մասնավորապես՝ ընտանիք, եկեղեցի, հերոսներ, հայոց լեզու և հայ գրականություն, գտնվում են թիրախային հարձակման տակ և գտնվում են այդ հարձակման տակ ոչ թե մեկ օր, մեկ ամիս, այլ տևական ժամանակ, ավելին՝ այդ հարձակումների ինտենսիվությունն աճում է, ինչը խոսում է դրանց մշակված և ծրագրային լինելու մասին։ Եթե լինեին մեկ-երկու առանձին դրվագներ, ապա դա կարող էինք ընդունել՝ որպես նորմալ երևույթ, սակայն արդեն գործ ունենք սիստեմատիկ մի երևույթի հետ, որը տեղավորվում է արդեն պետական քաղաքականության մեջ, մասնավորապես՝ կրթական չափորոշիչների, նախարարների և այլ պետական գործիչների հայտարարությունների տեսքով»,- ասաց Ռուբեն Մելքոնյանը։
«Այս պահին ունենք 260 հազար դոլար, որը կուտակվել է հաշվեհամարին։ Այժմ տարբեր խողովակներով դրամահավաքները շարունակվում են, շատ շուտով՝ հաջորդ շաբաթ, Հանրային հեռուստաընկերությամբ էլ կկազմակերպենք համերգ-դրամահավաք։ Այստեղ նշեմ, որ հիմնադրամն անցած տարի շուրջ 255 հազար դոլար տրամադրեց Բեյրութի կրթական հաստատություններին, քանի որ այնտեղ սոցիալ-տնտեսական վիճակը շատ վատ է արդեն տևական ժամանակ, մարդիկ իրենց գումարը չեն կարողանում բանկերից հանել, դպրոցների վիճակը շատ վատ է, դրա համար մենք որոշեցինք այդ 255 հազար դոլարն ուղղել հենց կրթական հաստատություններին։ Կարծում եմ, որ այս անգամ ևս օգնություն կհատկացնենք կրթական հաստատություններին»,- ասաց Հայկակ Արշամյանը։
«Ի պատասխան այդ դժգոհությունների՝ մենք, սակայն, տեսնում ենք կառավարության զրոյական արձագանքը։ Որքան էլ ուզում են ասեն, թե այս կամ այն անձը, Քոչարյանի կամ մյուսի աջակիցն է կանգնած այս կամ այն ակցիայի հետևում, ու դրա համար չեն արձագանքում, միևնույն է, դրանց խնդիրները չեն լուծվում, իշխանությունների այդ պատճառաբանությունները չեն ծածկում խնդիրները, որոնք կան, օրինակ, կրթության, Ամուլսարի հարցի և այլ ոլորտներում, իսկ կառավարությունն այդ բոլոր դժգոհությունների վերաբերյալ կցուցաբերի զրոյական արձագանք և լկտի անտարբերություն, քանի դեռ Երևանի կենտրոնում չեն հավաքվել մարդիկ ու պահանջել, որ սթափվեն։
«Հայրենիք» կուսակցությունն Արցախում հանդիումներ է ունեցել Արցախի խորհրդարանի քաղաքական ուժերի ներկայացուցիչների, հոգևոր դասի և «Ազատամարտիկների միության» անդամների հետ, այսինքն՝ նախատեսված բոլոր հանդիպումներն էլ տեղի են ունեցել, իսկ Արցախի նախագահ Արայիկ Հարությունյանի հետ հանդիպում ի սկզբանե նախատեսված չի էլ եղել։ 168 TV-ի «Ռեվյու» հաղորդաշարի եթերում ասաց «Հայրենիք» կուսակցության քաղխորհրդի անդամ Արսեն Բաբայանը։
Բնական է, որ Հայաստանի Հանրապետության երրորդ նախագահ Սերժ Սարգսյանի՝ վաղը կայանալիք մամուլի ասուլիսը որոշ քաղաքական շրջանակների մոտ պետք է առաջացներ սուր զգացողություններ, որովհետև 2016 թվականի ապրիլյան պատերազմից հետո չենք ունեցել մանիպուլյացիաների և պրովոկացիաների պակաս, բայց եղել են մի շարք հարցեր, որոնց պատասխաններն այդպես էլ չեն տրվել։ Այսօր 168 TV-ի «Ռեվյու» հաղորդաշարի եթերում ասաց Հանրապետական կուսակցության անդամ, նախկին պատգամավոր Հովհաննես Սահակյանը՝ շեշտելով, որ ժամանակն է, որ առանց շահարկումների տրվեն անպատասխան մնացած հարցերի պատասխաններն ու գնահատականները, որպեսզի տեղի ունեցածի ամբողջական պատկերը ներկայացվի։
Ազգային ժողովի փոխնախագահ, «Բարգավաճ Հայաստան» խմբակցության պատգամավոր Վահե Էնֆիաջյանը, որը, ի թիվս «Բարգավաճ Հայաստան» խմբակցության այլ պատգամավորների, դեռևս 2018 թվականին անձնական երաշխավորություն է ներկայացրել «Սասնա ծռեր» զինված խմբավորման անդամների համար, անհեթեթություն է համարում մամուլում շրջանառվող լուրերը, թե այդ քայլին գնացել են, որովհետև առջևում 2018 թվականի արտահերթ ընտրություններն էին, և կարիք կար աջակիցների համախմբելու։
Փոխվարչապետ Տիգրան Ավինյանը Կոռուպցիայի կանխարգելման հանձնաժողով է ներկայացրել իր և կնոջ հայտարարագրերը. նշենք, որ, ինչպես Ավինյանը, այնպես էլ բազմաթիվ այլ բարձրաստիճան պաշտոնյաներ իրենց հայտարարագրերը ներկայացրել են հայտարարագիր ներկայացնելու համար սահմանված վերջին օրը՝ մայիսի 31-ին։
Կառավարությունն օգոստոսի 13-ին հաստատեց կորոնավիրուսի տնտեսական հետևանքների չեզոքացման քսաներեքերորդ միջոցառումը, որը վերաբերում է զբոսաշրջության ոլորտում գործունեություն ծավալող տնտեսվարողներին։
«Հայաստանի վերափոխման ռազմավարություն 2050»-ի տեսլականը հանրությանը ներկայացնելու համար ծավալվող գովազդային արշավը կիրականացնի «Անտարես» հրատարակչությունը։
«Ամենայն պատասխանատվությամբ հայտարարում եմ՝ ինձ վրա որևէ մեկը չի կրակել։ Ես շատ լավ հարաբերությունների մեջ եմ Վահե Էնֆիաջյանի հետ, նա պարկեշտ մարդ է, և բոլորը գիտեն, որ նրա շնորհիվ կանխվել է հանցագործություն. դա կփաստեն տեսախցիկները և հարևանները»,- իր ֆեյսբուքյան ուղիղ եթերի ժամանակ ասել է Սարգսյանը։
«Այնպիսի տպավորություն է, որ հավաքների անցկացման սահմանափակումները հանելուց նախևառաջ օգտվելու է իշխանությունը, որովհետև շշուկներ կան, որ իշխանությունն ուզում է որոշակի հանրահավաքային պրոցեսներ սկսել, որ ապացուցի, թե ինքը դեռևս հանրապետությունում ունի որոշակի լեգիտիմության բազա»,- 168 TV-ի «Ռեվյու» հաղորդաշարի եթերում ասաց Վլադիմիր Մարտիրոսյանը՝ շեշտելով, որ, քանի որ իշխանությունն իր որոշումների մեջ ստատիկ չէ, ուստի շատ կարևոր է սպասել այն վերջնական հաստատված փաստաթղթին, որը կվերաբերի վերացված սահմանափակումներին։
Հայաստանում արտակարգ դրությունը երկարաձգվեց ևս մեկ ամսով ու թեև որոշակի սահմանափակումներ այս անգամ հանվել են, միևնույն է, ՀՀԿ երիտասարդական կազմակերպության ղեկավար Հայկ Մամիջանյանի համոզմամբ՝ 5-րդ անգամ արտակարգ դրության 5-րդ երկարաձգումը կրում է խիստ ձևական բնույթ և ցանկացած պահի, քաղաքական իրավիճակով պայմանավորված, կարող է օգտագործվել իշխանության քաղաքական ընդդիմախոսների նկատմամբ։
Օգոստոս ամսին ամբողջ աշխարհում քաղաքական կյանքը պասիվանում է, դա ունի իր և՛ ավանդական, և՛ ոչ ավանդական պատճառները. մեր երկրում այդ պասիվության ոչ ավանդական պատճառներից մեկն Ամուլսարն է, մյուսը, որը նաև գլխավորն է, այն է, որ փոխվեց ներհայկական քաղաքական խաղատախտակը, դրա պատճառը հուլիսյան դեպքերն էին հայ-ադրբեջանական սահմանին, որտեղ ի հայտ եկավ մի շատ կարևոր փաստ՝ և ադրբեջանցիների, և եվրաատլանտյան դաշինքի ձեռքից վերցվեց այն խաղաքարտը, թե, եթե հայերը չուզենան հող հանձնել, Ադրբեջանը դա կանի ռազմական ճանապարհով։
«Հայաստանն ու Արցախը ոչ հոգեբանորեն, ոչ ֆինանսապես պատրաստ չեն հայրենադարձության կազմակերպման համար ֆինանսական լուրջ ներդրումների, իսկ որպեսզի նման ֆինանսական ներդրում աներ սփյուռքը, այդ հարցը պետք է դառնար օրակարգային հարց, որը չի դարձել այս տարիների ընթացքում, հետևաբար՝ հիմա պահն է, որ կազմակերպվի լուրջ քննարկում և կոնսենսուս ձևավորվի ՀՀ կառավարության և սփյուռքյան կառույցների միջև»,- ասաց նա։
Այսօր Կառավարության շենքի դիմաց էին հավաքվել մի խումբ լիբանանահայեր, «Հայկ» ազգայնական շարժման մասնակիցներ և Կառավարությունից պահանջում էին ապահովել Լիբանանում դժվարին իրավիճակում հայտնված մեր հայրենակիցների վերադարձը Հայաստան։
Օգոստոսի 6-ի նիստում կառավարությունն օրակարգում ընդգրկված չզեկուցվող հարցերից մեկում որոշում է կայացրել, և պետական բոլոր գերատեսչություններին՝ նախարարություններին, նախարարությունների և կառավարության ենթակա մարմիններին, մարզպետարաններին և վարչապետին ենթակա մարմիններին հանձնարարվել է 2020 թվականի պետական բյուջով առաջին կիսամյակի համար հատկացված, բայց դեռ չծախսած ֆինանսկան միջոցներն ուղղել Կառավարության պահուստային ֆոնդ։
Կառավարությունը հերթական փոփոխությունն է կատարել 2020 թվականի պետական բյուջեում` այս անգամ Կառավարության պահուստային ֆոնդից Ազգային անվտանգության ծառայությանը հատկացնելով 347,038.9 հազ. դրամ։
Պաշտպանության նախարարությունը մայիսի 28-ին նվիրված միջոցառումները, հրավառությունը կազմակերպելու նպատակով 8 միլիոն 800 հազար դրամի գնում է կատարել մեկ անձից, ինչը փաստաթղթավորվել է օգոստոսի 6-ին կնքված պայմանագրով։
