Փետրվար 21, 2017

Չնայած իսլամական երկրների միջև տարբերություններին, պաղեստինյան խնդիրը կարող է և պետք է դառնա միասնության առանցք բոլոր իսլամական երկիրների համար, հայտարարել է Իրանի հոգևոր առաջնորդ այաթոլլա Ալի Խամենեին։

Սաուդյան Արաբիան պատրաստ է աջակցել ԱՄՆ-ին ԴԱԻՇ-ի դեմ պայքարում Սիրիայում՝ այնտեղ ուղարկելով հատուկ նշանակության ջոկատներ։ Այս մասին հայտարարել է երկրի արտգործնախարար Ադել ալ-Ջուբեյրը գերմանական Süddeutsche Zeitung պարբերականին տված հարցազրույցում։

«Համամիտ չեմ նրա հետ, որ մենք մեր սկզբունքներից հեռացել ենք: Այն անձինք, ովքեր հիմնադրել են «Ժառանգություն» կուսակցությունը՝ Րաֆֆի Հովհաննիսյանի գլխավորությամբ, մնում են մեր շարքերում: Մենք միայն բարին կարող ենք մաղթել Զարուհի Փոստանջյանին, եթե նա դա է նպատակահարմար գտել, որևէ քննադատելու, մեկնաբանելու բան չեմ գտնում: Քաղաքական կյանքը փոփոխական է, կյանք է, հնարավոր է՝ մեր ճանապարհներն էլի խաչաձևվեն, քանի որ մենք ապրում ենք մի երկրում, որտեղ կան քաղբանտարկյալներ, ու քաղաքական պայքարը բերում է նրան, որ նույնիսկ անհավանական միավորումներ են հնարավոր դառնում»,- նշեց Ա. Մարտիրոսյանը:

Այսօր ադրբեջանական մի շարք լրատվամիջոցների տարածած տեղեկատվությունն առ այն, թե իբր երեկ գիշեր ղարաբաղյան ուժերը կրակահերթեր են արձակել Ակնայի շրջանի Այաղ Քերվենդ գյուղի հովիվների ուղղությամբ, հերթական ապատեղեկատվություն է:

Փետրվարի 22-ին, 24-26-ը սպասվում է առանց տեղումների եղանակ, 23-ի գիշերը շրջանների մեծ մասում սպասվում է թույլ ձյուն:

Ֆրանսիայի «Ազգային ճակատ» կուսակցության առաջնորդ Մարին լե Պենի եւ Լիբանանի գերագույն մուֆթիի հանդիպումը չեղյալ է հայտարարվել այն բանից հետո, երբ լե Պենը հրաժարվել է հանդիպմանը ներկայանալ գլխաշորով:

«ԵԱՀԿ/ԺՀՄԻԳ-ի փորձագետների խումբն Ազգային ժողովի առաջիկա ընտրություններում դիտորդական առաքելություն իրականացնելու հրավեր ստացել է ՀՀ արտաքին գործերի նախարարությունից»,- այսօրվա ասուլիսում ասաց ԵԱՀԿ/ԺՀՄԻԳ-ի դիտորդական առաքելության ղեկավար Յան Պետերսոնը: «Մենք այստեղ աշխատելու հրավեր ստացել ենք Հայաստանի արտաքին գործերի նախարարությունից, որը գործել է երկրի կառավարության անունից»,- նշեց Յ. Պետերսոնը:

ՌԴ պաշտպանության նախարար Սերգեյ Շոյգուն մեկնաբանել է իր բրիտանացի գործընկերոջ՝ Մայքլ Ֆելլոնի հայտարարությունն այն մասին, որ Արևմուտքը չի ցանկանում, որ «արջն իր թաթերը մտցնի Լիբիա»։

ՀՀ ոչ պետական բարձրագույն ուսումնական հաստատությունների նախորդ տարիների շրջանավարտների (ներառյալ 2015/2016 ուստարվա) պետական նմուշի դիպլոմ ստանալու համար ամփոփիչ ատեստավորման (բակալավրի կրթական աստիճանի համար) քննություններին մասնակցելու նպատակով 2017թ. մարտի 10-ից մինչև ապրիլի 15-ը ՀՀ կրթության և գիտության նախարարությունում կազմակերպվում է դիմորդների փաստաթղթերի ընդունելություն:

2017թ. հունվարի 10-ից փետրվարի 10-ը 7 հազար ընտրող փոխել է հաշվառման վայրը։ Այս մասին քիչ առաջ ֆեյսբուքի ուղիղ եթերում հայտարարեց ԱԺ պատգամավոր, «Ելք» դաշինքի անդամ Նիկոլ Փաշինյանը։ Նա ասել է, որ համապատասխան հարցում էր ուղարկել ՀՀ ոստիկանություն:

Եվրոպայի Հայ դատի հանձնախմբի դիտորդական առաքելությունը Արցախում անցկացված հանրաքվեն գնահատում է օրինակելի և միջազգային չափանիշներին համապատասխանող: Ստեփանակերտում հրավիրված ասուլիսում Եվրոպայի Հայ դատի դիտորդական հանձնախմբի ղեկավար Գասպար Կարապետյանը նշեց, որ հանրաքվեն անցկացվել է պրոֆեսիոնալ և թափանցիկ:

Խաղաղության հիմնախնդիրների ուսումնասիրության ստոկհոլմյան միջազգային ինստիտուտի (SIPRI) հրապարակված զեկույցում նշվում է, որ 2012-2016թթ. Բելառուսը զբաղեցրել է սպառազինությունների հիմնական տեսակներ արտահանող խոշորագույն երկրների թոփ-25-յակի 18-րդ հորիզոնականը։

Մոտ 7 հազար բրիտանացի բողոքի ակցիա է անցկացրել երկրի խորհրդարանի շենքի առաջ փետրվարի 20-ի երեկոյան՝ ընդդեմ բանաձևի մերժման, որը առաջարկում է արգելք սահմանել Մեծ Բրիտանիա ԱՄՆ նախագահ Դոնալդ Թրամփի այցի դեմ։ Այս մասին հայտնում է Reuters-ը։

ՀՀ առողջապահության նախարարությունը շուկայում կեղծ դեղեր է հայտնաբերել: Երեւանի, Արմավիրի, Կոտայքի եւ Շիրակի մարզերի դեղատներում հայտնաբերվել են կեղծ լինելու առումով կասկած հարուցող եւ չդրոշմապիտակավորված Պրեստանս 5մգ/10մգ եւ Ցեֆտրիաքսոն-Աստերիա 1գր դեղերը: Պրեստան սը ճնշումը կարգավորող, իսկ Ցեֆտրիաքսոն-Աստերիան հակաբիոտիկ է:

Արցախի հանրաքվեին միջազգային բազմաթիվ դիտորդների առկայությունը վկայում է, որ Ադրբեջանի սև ցուցակները ոչ մի ազդեցություն չեն կարող ունենալ: Այսօր Ստեփանակերտում լրագրողների հետ հանդիպմանն ասաց ԱԺ նախագահի տեղակալ Էդուարդ Շարմազանովը։

Կանադան ուժեղացնում է հսկողությունը ԱՄՆ-ի հետ սահմանին իր Քվեբեկ նահանգում սահմանը պոտենցյալ փախստականների կողմից անօրինական կերպով հատելու հաճախացող դեպքերի հետևանքով։ Այս մասին հայտնել է կանադական խոշորագույն Toronto Star թերթը։

«Թե՛ Արցախի քաղաքական գործիչները, թե՛ ղեկավարությունը, թե՛ հասարակությունը շատ լավ հասկանում են պատերազմի վտանգը, ավելին, դրան պատրաստվում են և համապատասխանաբար՝ քաղաքական կառուցվածքներ ձգտում ձևավորել»։

Թուրքիայի դատական համակարգում կարգավորող մարմինը աշխատանքից հեռացրել է ևս 227 դատավորի և դատախազի, որոնք կասկածվում են իսլամիստ թուրք քարոզիչ Ֆեթուլլահ Գյուլենի հետ կապեր ունենալու մեջ, հայտնում է Anadolu գործակալությունը։

«Ինձ համար ՀՀ-ում տեղի ունեցած սահմանադրական բարեփոխումն ավելի անհանգստացնող էր, քան այն, ինչ տեղի ունեցավ Արցախում, որովհետև Արցախում կան ուրիշ մեխանիզմներ, որոնք թույլ կտան վտանգի դեպքում համախմբվել»,- այսօր կազմակերպված «Սահմանադրական հանրաքվե Արցախում. գնահատականներ և դիտարկումներ» թեմայով քննարկման ընթացքում նման կարծիք հայտնեց քաղաքագետ Միքայել Զոլյանը:

ԼՂՀ հանրաքվեի կենտրոնական հանձնաժողովի նախագահ Սրբուհի Արզումանյանն ամփոփել է հանրաքվեի նախնական արդյունքները:

Ինքնահռչակ Դոնեցկի և Լուգանսկի հանրապետությունների փաստաթղթերով Բելառուս մուտք գործելն անհնար է, հայտնել է Բելառուսի պետական սահմանային կոմիտեի պաշտոնական ներկայացուցիչ Անտոն Բիչկովսկին, հայտնում է ԲԵԼՏԱ գործակալությունը։

Փետրվարի 21-ին, ժամը 11:13-ին տեղեկություն է ստացվել, որ Տավուշի մարզի Իջևան քաղաքի Արցախյան փողոցի թիվ 27 հասցեում հրդեհ է բռնկվել:

ՌԴ նախագահ Վլադիմիր Պուտինը ՄԱԿ-ում ՌԴ մշտական ներկայացուցիչ Վիտալի Չուրկինին անվանել է «ամենաականավոր դիվանագետներից մեկը»։

Ադրբեջանի նոր Սահմանադրության համաձայն՝ առաջին փոխնախագահը ստանձնում է պետության ղեկավարի պարտականությունները, եթե վերջինս դրանք ի վիճակի չէ կատարել։

Ռուսական «Ռոսնեֆտ» պետական ընկերությունը և Իրաքյան Քրդստանի կառավարությունը Լոնդոնում IP Week համաժողովի շրջանակներում ստորագրել են համագործակցության վերաբերյալ համաձայնագիր ածխաջրածինների հետախուզության, արդյունահանման, ենթակառուցվածքների, լոգիստիկայի ու թրեյդինգի ոլորտում։

5 երիտասարդ է կալանավորվել Լոնդոնում ահաբեկչության նախապատրաստման կասկածանքով, հայտարարել է քաղաքի ոստիկանությունը։ Փետրվարի 21-ի վաղ առավոտյան խուզարկություններ են անցկացվել Լոնդոնի չորս հասցեներում։

Մոսկվայում ձերբակալվել է Հայաստանի 40-ամյա մի բնակիչ, որը կասկածվում է Վլադիմիրի մարզային կենտրոնի տարածքում կեղծ դրամների իրացման մեջ, հայտնել է ՌԴ ՆԳՆ Վլադիմիր քաղաքի վարչության մամուլի ծառայությունը։

Թուրքիայի արտաքին գործերի նախարարությունը կոչ է արել Իրանին վերանայել տարածաշրջանային քաղաքականությունը: Այս մասին տեղեկացնում է թուրքական Diken լրատվամիջոցը:

Հարցին՝ ի՞նչ կասկածելի ակտիվության մասին է խոսքը, նա պատասխանեց. «Կան համայնքներ, որտեղ 97-98 % մասնակցության չափ է գրանցվել, որը, համեմատած 2015 թվականի վերջին խորհրդարանական ընտրությունների հետ, շատ ակտիվ էր, իսկ մենք գիտենք, որ խորհրդարանական ընտրությունները սովորաբար ավելի ակտիվ են լինում: Եվ հանրաքվեի ժամանակ նման ակտիվությունը որոշ շրջաններում կասկածների տեղիք է տալիս»:

Փետրվարի 21-ին, ժամը 10:32-ին ահազանգ է ստացվել, որ Երևան քաղաքի Նուբարաշենի 12-րդ փողոցի տներից մեկին հարակից շինության ծածկը փլուզվել է. անհրաժեշտ է փրկարարների օգնությունը: