Բելառուսը հրաժարվել է ճանաչել Լուգանսկի և Դոնեցկի ինքնահռչակ հանրապետությունների անձնագրերը
Ինքնահռչակ Դոնեցկի և Լուգանսկի հանրապետությունների փաստաթղթերով Բելառուս մուտք գործելն անհնար է, հայտնել է Բելառուսի պետական սահմանային կոմիտեի պաշտոնական ներկայացուցիչ Անտոն Բիչկովսկին, հայտնում է ԲԵԼՏԱ գործակալությունը։
«Մենք հետևում ենք գործող օրենսդրությանը։ Պետական սահմանը հատող անձանց մոտ դրա իրավունքը տվող փաստաթղթերի բացակայության դեպքում մենք նրանց մուտքը թույլատրել չենք կարող»,- ասել է նա։
Բիչկովսկին հայտնել է, որ օտարերկրացիների կողմից հանրապետությունում գտնվելու կանոների խախտման դեպքում նրանց սպասվում է տուգանք կամ արտաքսում երկրից։
Փետրվարի 18-ին ՌԴ նախագահ Վլադիմիր Պուտինը հրամանագիր էր ստորագրել Լուգանսկի ինքնահռչակ հանրապետության փաստաթղթերը ճանաչելու մասին։
Դոնբասի բնակիչները այսուհետ կարող են ՌԴ մեկնել առանց վիզաներ ձևակերպելու։
