Լոնդոնում ահաբեկչության մեջ կասկածվող դեռահասներ են ձերբակալվել
5 երիտասարդ է կալանավորվել Լոնդոնում ահաբեկչության նախապատրաստման կասկածանքով, հայտարարել է քաղաքի ոստիկանությունը։ Փետրվարի 21-ի վաղ առավոտյան խուզարկություններ են անցկացվել Լոնդոնի չորս հասցեներում։
Խուզարկությունների հետևանքով կալանավորվել է 5 դեռահաս։ Նրանցից ամենափոքրը 15 տարեկան է, ավագը՝ 19։ Ձերբակալվածների թվում կա երկու 17-ամյա և մեկ 16-ամյա մի պատանի։
Ոստիկանության կարծիքով՝ նրանք ցանկացել են լքել երկիրը՝ միանալու արգելված կազմակերպության։
Ներկայումս ոստիկանությունը հարցաքննում է կասկածյալներին։
Ըստ բրիտանական ԶԼՄ-ների՝ երիտասարդները մտադրվել էին միանալ ԴԱԻՇ-ի գրոհայիններին։
