Լիազոր մարմին կճանաչվի ՀՀ էկոնոմիկայի նախարարությունը
Մաքսային միության տարածքում գործում են արդյունաբերական սուբսիդիաների տրամադրման միասնական կանոններ: Մաքսային միությանը և Միասնական տնտեսական տարածքին Հայաստանի միացման ճանապարհային քարտեզի X-րդ գլխի «Արդյունաբերական ոլորտ» բաժնի միջոցառումների իրականացման արդյունքում` նշված ոլորտում ՀՀ-ի Եվրասիական տնտեսական հանձնաժողովի հետ համագործակցությունը կանոնակարգելու, այդ թվում նաև «Արդյունաբերական սուբսիդիաների տրամադրման միասնական կանոնների մասին» համաձայնագրով նախատեսված պահանջների կատարումն ապահովելու նպատակով,
Եվրասիական տնտեսական հանձնաժողովի հետ համագործակցություն իրականացնող պետական կառավարման լիազոր մարմին կճանաչվի ՀՀ էկոնոմիկայի նախարարությունը: Այս որոշումը նախատեսվում է ընդունել ՀՀ կառավարության վաղվա՝ մայիսի 8-ի նիստում:
Ըստ այդմ՝ նախատեսվում է զարգացնել ՄՄ անդամ երկրների արդյունաբերական ինտեգրացիան:
