Մաքսային միությունում գներն արագ են աճում
Մաքսային միության անդամ երկրներից ամենաբարձր գնաճն անցած տարի արձանագրվել է Ռուսաստանում և Բելառուսում՝ 6.5-ական տոկոս: Ղազախստանում
Գնաճը եղել է 4.8%: ՀՀ Ազգային վիճակագրական ծառայության հրապարակած տվյալների համաձայն՝ Հայաստանում գրանցվել էր 5.6% գնաճ:
Եվրամիության երկրներում 2013թ-ին գնաճը միջինում կազմել է 1.0%: Ամենաբարձր գնաճը ԵՄ-ում գրանցվել է Ավստրիայում, Մեծ Բրիտանիայում և Էստոնիայում՝ 2-ական տոկոս: Եվ եթե այս տարվա առաջին ամիսներին ետխորհրդային երկրներում սպառողական գները շարունակել են բարձրանալ, ապա ԵՄ երկրներում գնանկում է գրանցվել:
