24 միլիոն դրամ՝ ինքնաթիռի տոմսերի համար

Այս տարվա առաջին եռամսյակի ընթացքում ՀՀ արտաքին գործերի նախարարությունը մեկ անձից կատարվող գնումների մեխանիզմով ծախսել է 23 միլիոն 984 հազար դրամ՝ ավիատոմսերի ձեռքբերման նպատակով։ Այս տվյալները ներկայացված են էլեկտրոնային կառավարման e-gov.am կայքում։

Ընդ որում, այդ գումարից 7 միլիոնը ծախսվել է ԱԳ նախարարի և նրա տիկնոջ համար այս տարվա հունվարին Երևան-Փարիզ-Լիմա-Պանամա-Հավանա-Փարիզ-Երևան չվերթի ավիատոմսեր ձեռք բերելու վրա։ Ամուսինները, բնականաբար, մեկնել են բիզնես կարգով։