Հանդիպման սկզբում ԵՊՀ համալսարանի ռեկտոր Արամ Սիմոնյանն Ամենայն Հայոց Կաթողիկոսին ներկայացրեց պատվիրակության անդամներին, ապա անդրադարձավ Քուվեյթի համալսարանի ձեռքբերումներին, ինչպես նաև այցի ընթացքում Հայաստանի տարբեր կրթական հաստատությունների հետ ձեռք բերված պայմանավորվածություններին:
ՀՀ տրանսպորտի և կապի նախարարությունը տեղեկացնում է, որ մարտի 28-ին` ժամը 17:30–ի դրությամբ, հանրապետության ողջ տարածքում առանց տեղումների եղանակ է:
Քիչ առաջ Վարդան Պետրոսյանի գործով դատավոր Վաղինակ Մկրտչյանը մերժեց պաշտպան Նիկոլայ Բաղդասարյանի միջնորդությունը: Դատավորի որոշմամբ՝ Վ. Պետրոսյանը կմնա կալանավորված: Նշենք, որ Նիկոլայ Բաղդասարյանը դատարանին միջնորդել էր Վարդան Պետրոսյանին անհապաղ ազատ արձակել:
Ռազմավարության և օպերատիվ արվեստի բնագավառներում օպերատիվ շտաբների սպաների գիտելիքների և ունակությունների բարձրացմանն ու կատարելագործմանը միտված հավաքին ներգրավված էին ՀՀ ՊՆ, ԶՈւ և ԶՈւ ԳՇ ղեկավար կազմը, բանակային զորամիավորումների և զորամասերի հրամանատարներ, ինչպես նաև ՀՀ ԱԱԾ սահմանապահ և ՀՀ ոստիկանության ներքին զորքերի հրամանատարական կազմը:
«Սահմանադրությունն արգելում է բոյկոտ անել: Դուք դեբատների տեղ ունեիք, ինչո՞ւ մերժեցիք արտահերթ նիստը: Գուցե այդ դեպքում սրա կարիքը չլիներ»,- այսօր Սահմանադրական դատարանում կուտակայինի հարցի քննության ժամանակ հայտարարեց ՍԴ անդամ Ֆելիքս Թոխյանը՝ դիմելով պատասխանող կողմի ներկայացուցիչ, ԱԺ պատգամավոր Հակոբ Հակոբյանին:
Անվտանգության ապահովման պատրվակի տակ ռուսական նորկայսերապաշտական շահերի կամակատարի նվաստացուցիչ դեր ստանձնած հայաստանյան վարչախումբը չունի հայկական շահերի պաշտպանության խնդիր և որդեգրել է Հայաստանի Հանրապետության և Արցախի անվերապահ զոհաբերումը ռուսական գաղութատիրական նկրտումներին՝ ի շահ սեփական կլանային իշխանության պահպանման:
«Ինչո՞վ է վատ բաշխողական համակարգը. եթե 3 աշխատող կա և 1 կենսաթոշակառու, այլմոլորակայինների օգնությամբ էլ ծնունդները շատանան, լավ է: Բայց սոցիալական սկզբունքներից ելնելով անարդարություն կա՝ եթե քաղաքացին աշխատել է, քիչ է վճարել, իսկ մյուսը շատ է վճարել, թոշակի անցնելուց ստանում են նույնչափ թոշակ»,- ասաց Հ.Հակոբյանը՝ նշելով, որ դրա համար նպատակահարմար է ուղիղ կապ ստեղծել աշխատավարձի և թոշակի միջև:
Լաթաքիայի հայկական եկեղեցուց սիրիական պետական հեռուստատեսությանը մեր պատվիրակության տված հարցազրույցը ոչ հավասարակշռված դիտարկումներ էր պարունակում: Այնպիսի տպավորություն էր, որ մեր պատվիրակությունն այնտեղ էր գնացել՝ խոսելու միայն Հայոց ցեղասպանության, Թուրքիայի ու հայ համայնքի մասին:
Ես ուրախ եմ, որ այս հարցով նաև Ազգային ժողովի հանձնաժողով է ստեղծվել: Սա շատ լավ, լուրջ առիթ է, որպեսզի մեկ անգամ ևս այս հարցերն ուսումնասիրվեն: Մենք թաքցնելու ոչ մի բան չունենք: Թող գնան ուսումնասիրեն, ներկայացնեն հանրությանը:
Իրավապաշտպանը նշել է նաև, որ չնայած վերջին համաներմանը, որով ազատ արձակվեցին հայտնի գործարարներ Խոդորկովսկին, Լեբեդևը, ինչպես նաև Pussy Riot փանք խմբի ակտիվիստները և այլոք, այդուհանդերձ, այժմ էլ Ռուսաստանում առկա են քաղաքական բանտարկյալներ:
Այսօր Ազգային ժողովում կայացած ճեպազրույցների ժամանակ, խոսելով Հայաստանի «խեղճ» վիճակից, երբ այնքան ենք թուլացել, որ չենք կարող մեր դիրքորոշումը հանգիստ ներկայացնել՝ որ կողմն ուժեղ է ճնշում, նրա կողմն ենք բռնում, ՀԱԿ խմբակցության քարտուղար Արամ Մանուկյանն ասաց, որ կա այս վիճակից դուրս գալու «հիմնարար լուծում». «Պետք է ունենաս երկիրդ ներկայացնող բանակցող, որն ուժեղ է, որը կարող է ձեռքը սեղանին խփել»:
«Երեկ մեր մասնագետների կողմից տարածված հրատապ հաղորդագրությամբ գյուղացիներին առաջարկվող պայքարի միջոցները ավանդական են : Իսկ գյուղացիները մեզանից ավելի լավ գիտեն, թե ինչը ինչպես պետք է անել: Մենք միայն պետք է ժամանակին հիշեցնենք այդ մասին, համակարգենք այդ աշխատանքները և հարկ եղած դեպքում ձեռք մեկնենք գյուղացուն»:
Վարդան Պետրոսյանն ասաց, որ տուժողները կարող են ասել իրեն ինչ ցանկանան՝ լավ կլիներ, որ ինքը ծնված չլիներ. «Միգուցե լավ կլիներ: Լավ կլիներ՝ ես մեռած լինեի, ես այդ մասին ինքս եմ ասել, լավ կլիներ՝ ես մեռած լինեի և երկու տղաները ողջ լինեին»:
Հայաստանի հանրապետական կուսակցության հիմնադիր Աշոտ Նավասարդյանն այսօր կդառնար 64 տարեկան:
Այն քաղաքացիները, որ ծնվել են մինչև 1974թ., վճարում են եկամտային հարկ, վաղը պետք է ստանան կենսաթոշակ, ո՞վ է երաշխավորում դա: Նման հարց այսօր ՍԴ-ում «Կուտակային կենսաթոշակների մասին» ՀՀ օրենքի սահմանադրականության վերաբերյալ» գործի քննության ժամանակ հնչեցրեց պատասխանող կողմի ներկայացուցիչ, ԱԺ պատգամավոր Հակոբ Հակոբյանը:
ԱԺ ՀԱԿ խմբակցույան քարտուղար Արամ Մանուկյանի համար տարօրինակ էր, որ ՄԱԿ-ում Ուկրաինայի տարածքային ամբողջականության վերաբերյալ բանաձևի քվեարկության ժամանակ Հայաստանի դիրքորոշումը տարբերվեց ՀՀ ԱԳՆ-ի կողմից նախապես արված հայտարարությունից: Այս
Ուկրաինայի ներկայացրած և արդեն ձայների մեծամասնությամբ ընդունված բանաձևը ոչ օրինական է համարում Ղրիմի հանրաքվեն և Ռուսաստանի կողմից դրա բռնակցումը:
Ամերիկահայ համայնքի և կրոնական կազմակերպությունների ներկայացուցիչները հանդիպում են ունեցել ԱՄՆ-ի արտգործնախարարությունում, որի ընթացքում հորդորել են Միացյալ Նահանգների կառավարությանն անհապաղ գործողությունների դիմել՝ դադարեցնելու համար Սիրիայի հայաբնակ պատմական Քեսաբ բնակավայրի ուղղությամբ «ալ-Քաիդա»-ի հետ կապեր ունեցող ահաբեկիչների շարունակվող գրոհը, որը մեկնարկել էր Թուրքիայի տարածքից մարտի 21-ին:
«Այսօր մենք ունենք ռուսալեզու վեցյակ. ռուսական կողմնորոշում ունեցող ընդդիմություն, որը մի օլիգարխի ընդդիմություն է, և ունենք իշխանություն` կազմված երկու քաղաքական ուժերից, որը նույնպես հիմնական հարցերում համաձայն է ընդդիմության հետ,- նշեց Ենոքյանը: -Հայաստանում ցանկացած իշխանափոխության դեպքում Կրեմլը հաղթած է, իշխանության կգա Գագիկ Ծառուկյանը, թե կմնան ներկա իշխանությունները, ամեն դեպքում Կրեմլը հաղթում է»:
Ուկրաինական հասարակության եւ լրատվամիջոցների արձագանքը Հայաստանի նկատմամբ ՄԱԿ-ի Գլխավոր ասամբլեայում երեկվա քվեարկությունից հետո բավականին կոշտ է:
Արցախի Հանրապետության Նախագահ Բակո Սահակյանը մարտի 28-ին մասնակցել է Ստեփանակերտի Վարդան Մամիկոնյան 7 հասցեում գտնվող նորակառույց բազմաբնակարան շենքի բնակարանամուտի հանդիսավոր արարողությանը:
Հելսինկյան Քաղաքացիական Ասամբլեայի Վանաձորի գրասենյակը տեղեկություններ է ստացել Սպիտակ և Վանաձոր քաղաքի բնակիչներից, որ Միհրան Մելքոնյան անունով երիտասարդը հանդես է գալիս որպես կազմակերպության ներկայացուցիչ տարբեր պետական և տեղական ինքնակառավարման մարմիններում և ֆիզիկական անձանց շրջանում: ՀՔԱ Վանաձորի գրասենյակը մշտապես խրախուսում է մարդու իրավունքների խախտումների վերաբերյալ փաստերի բացահայտման, տարածման և ահազանգման գործում ՀՀ քաղաքացիների ակտիվությունը և նախաձեռնողականությունը:
«Գիտեմ, որ կարող եք զարմանալ: Կարող էր նաև ձեռնպահ քվեարկել, բայց այդքան էլ էական տարբերություն չկա «դեմ»-ի ու «ձեռնպահ»-ի միջև: Ես չեմ կարծում, որ Հայաստանի քվեարկությունը ճնշման ներքո է եղել: Ես հավատաքննիչ չեմ, բայց անհասկանալի կլիներ, եթե կողմ քվեարկեր»,- ասել է Ռուբեն Հակոբյանը:
Մարտի 23-ին ոստիկանության Շենգավիթի բաժնում հաղորդում էր ստացվել, որ 1991 թ. ծնված Անդրանիկ Կ.-ից գողացել են բաճկոնն ու բջջային հեռախոսը:
ՄԱԿ-ում Ղրիմի հանրաքվեի անօրինական լինելու հարցին «դեմ» քվեարկելը Հայաստանի շահերից է բխում: Այս մասին ԱԺ այսօրվա ճեպազրույցում հայտարարել է իշխող Հայաստանի Հանրապետական կուսակցության խորհրդարանական խմբակցության ղեկավար Գալուստ Սահակյանը՝ պարզաբանելով, որ Հայաստանը պաշտպանել է ազգերի ինքնորոշման իրավունքը, որը 20 տարի ի վեր, նաև Խորհրդային Միության գոյության տարիներին, Հայաստանի համար արժեհամակարգի հարց է եղել, և Հայաստանը պայքարել է դրա համար:
Գերմանիայի միջազգային համագործակցության ընկերության (GIZ) աջակցությամբ իրականացվող «Համայնքների զարգացում Հարավային Կովկասում» ծրագրի շրջանակում մեկնարկում է «Համայնքային կառավարման տեղեկատվական համակարգի (ՀԿՏՀ) տարածումը 70 համայնքում» նախաձեռնության նոր փուլը, որով հանրապետության եւս 70 համայնք կմիանա Համայնքային կառավարման տեղեկատվական համակարգին:
Երեկ՝ մարտի 27-ին մեզ տեղեկացրին, որ վարչապետ Տիգրան Սարգսյանը այսօր՝ մարտի 28-ին, բնապահպաններին հրավիրում է քննարկել բնապահպանական հիմնախնդիրներ, ինչպես այդ մասին տեղեկացրել էր պատասխանատու հանքարդյունաբերության մասին վերջերս կազմակերպված միջազգային կոնֆերանսի ընթացքում:
Հանցավորության դեմ պայքարի գործում Հայաստանի Հանրապետության ոստիկանության հետ սերտորեն համագործակցելու և համատեղ օպերատիվ-հետախուզական միջոցառումներ իրականացնելու արդյունքում մի շարք ծանր և առանձնապես ծանր հանցագործությունների դեպքեր բացահայտելու համար պարգևատրվել են ՊԵԿ աշխատակիցները:
Սահմանադրական դատարանի մոտ մեկնարկած «Դեմ եմ» քաղաքացիական հասարակության լուռ ակցիան ավարտվեց։
Ինչպես արդեն տեղեկացրել էինք, Վարդան Պետրոսյանի գործով դատական նիստը ընդմիջվել էր, քանի որ վատացել էր վթարի արդյունքում մահացած Էդգար Հակոբյանի մոր՝ Աննա Կարապետյանի առողջական վիճակը: Նրա համար դատարան շտապօգնություն էր հրավիրվել:
