Տուժողներ Արթուր և Հայկ Հակոբյաններին տեղափոխել են հիվանդանոց
Ինչպես արդեն տեղեկացրել էինք, Վարդան Պետրոսյանի գործով դատական նիստը ընդմիջվել էր, քանի որ վատացել էր վթարի արդյունքում մահացած Էդգար Հակոբյանի մոր՝ Աննա Կարապետյանի առողջական վիճակը: Նրա համար դատարան շտապօգնություն էր հրավիրվել:
Քիչ առաջ հայտնի դարձավ, որ դատարան ժամանած շտապօգնություն ավտոմեքենայով տուժողներ Արթուր և Հայկ Հակոբյաններին տեղափոխել են հիվանդանոց:
Դատախազն առաջարկեց սկսել դատական նիստը, քանի որ տուժողների ներկայացուցիչները դատարանում են: Տուժողների ներկայացուցիչ Ռուբեն Բալոյանը խնդրեց նիստը չհետաձգել: Վարդան Պետրոսյանի պաշտպան Նիկոլայ Բաղդասարյանը հարցի քննությունը թողեց դատարանի հայեցողությանը: Դատավոր Վաղինակ Մկրտչյանը որոշեց գործի քննությունը շարունակել նրանց բացակայությամբ:
