ՀՔԱՎ գրասենյակ. Միհրան Մելքոնյան անունով երիտասարդը ինքնակոչ է
Հելսինկյան Քաղաքացիական Ասամբլեայի Վանաձորի գրասենյակը տեղեկություններ է ստացել Սպիտակ և Վանաձոր քաղաքի բնակիչներից, որ Միհրան Մելքոնյան անունով երիտասարդը հանդես է գալիս որպես կազմակերպության ներկայացուցիչ տարբեր պետական և տեղական ինքնակառավարման մարմիններում և ֆիզիկական անձանց շրջանում: ՀՔԱ Վանաձորի գրասենյակը մշտապես խրախուսում է մարդու իրավունքների խախտումների վերաբերյալ փաստերի բացահայտման, տարածման և ահազանգման գործում ՀՀ քաղաքացիների ակտիվությունը և նախաձեռնողականությունը:
Տվյալ դեպքում նշված անուն ազգանունով երիտասարդը ոչ միայն հանդես չի գալիս մարդու իրավունքների խախտումների բացահայտմամբ, այլև օգտագործում է կազմակերպության անունը, փաստորեն զբաղվելով ինքնիրավչությամբ իր գործողություններով ստվերում է կազմակերպության իրավապաշտպան գործունեությունը:
Հայտնում ենք, որ ՀՔԱ Վանաձորի գրասենյակը նման անուն ազգանունով կամավոր կամ կազմակերպության գործունեության մեջ այլ տարբերակով ընդգրկված անհատ չունի և չի լիազորել իր անունից հանդես գալու իրավասությամբ:
Հելսինկյան Քաղաքացիական Ասամբլեայի Վանաձորի գրասենյակ
