Ազգային Ժողովում այս պահին քննարկվում է Արմավիրի մարզի գյուղերում կարկտահարությունից տուժած բնակիչների վնասի փոխհատուցման մասին հարցը, որին ներկա են ԱԺ նախագահ Հովիկ Աբրահամյանը, ՀՀ գյուղատնտեսության նախարար Սերգո Կարապետյանը:
Այսօր հանրապետության դպրոցներում նշվում է «Վերջին զանգը»: Վաղ առավոտից ոստիկանության համապատասխան ստորաբաժանումները ողջ ծավալով իրականացնում են հասարակական կարգի ապահովմանն ուղղված իրենց գործառույթները` տոնական հանդիսությունների վայրերում մասնակիցների անվտանգությունն ու պատշաճ կարգուկանոնը ապահովելու համար:
Առողջապահության նախարար Դերենիկ Դումանյանի հրամանով մայիսի 1-ից ծննդօգնության հավաստագրերը տեղայնացվել են: Դա նշանակում է, որ յուրաքանչյուր կին անվճար կարող է ծննդաբերել միայն այնտեղ, որտեղ ինքը բնակվում է: Այլ վայրում ծննդաբերելու դեպքում՝ նա պետք է 107.000 դրամ վճարի:
Արմավիրցիները այսօր հերթական բողոքի ցույցն են կազմակերպել, սակայն Արմավիրի մարզպետ Աշոտ Ղահրամանյանին հաջողվել է համոզել գյուղացիներին, որ այսօր տոն է՝ Վերջին զանգ և չի կարելի արմավիրցի շրջանավարտների «քթից բերել ու տոները հարամել»:
Այսօր, ժամը 13:00-ի դրությամբ, առանց համապատասխան փաստաթղթերի տրանսպորտային միջոց վարելու համար Երևանում ճանապարհային ոստիկանության հատուկ պահպանվող տարածք է տեղափոխվել 9 ավտոմեքենա, իսկ մարզերում` 16 ավտոմեքենա:
«Այդ հայտարարությունից Ես տեսա կառավարության անդամներին՝ Հրայր Թովմասյանին, Դավիթ Սարգսյանին, Արմեն Աշոտյանին հետո ԱԺ դալանում, ու ասացի՝ փաստորեն որոշել եք այլևս մենակ դալան չմտնել հա՞, հիմա երեքով եք մտնում»
Կոտայքի քննչական բաժնի, Կոտայքի քննչական բաժանմունքի աշխատակիցները, իրացնելով օպերատիվ տվյալները, ոստիկանության Կոտայքի բաժին են բերման ենթարկել Երևանի քաղաքի բնակիչներ, 18-ամյա Արմեն Վարդանյանին, 21-ամյա Սարգիս Գրիգորյանին, 23-ամյա Նարեկ Դավթյանին և 18-ամյա Ալբերտ Սարգսյանին:
Մայիսի 23-ին, ժամը 18.00-ին տեղեկատվություն է ստացվել, որ Շիրակի մարզի Գյումրի քաղաքի գերեզմանատանը կարիճը խայթել է Պռոշյան փողոցի թիվ 14 տան բնակիչ` 1962թ. ծնված Վաչագան Խաչատրյանին, ով տեղափոխվել է Գյումրի քաղաքի ԲԿ և ստանալով համապատասխան բուժօգնություն` դուրս է գրվել:
ՀՀ ԱԻՆ սեյսմիկ պաշտպանության ծառայությունը տեղեկացնում է, որ տեղական ժամանակով ժամը 09.44-ին Ռուսաստանի Դաշնության տարածքում` Օխոտսկի ծովում՝ Պետրոպալովսկ քաղաքից 408 կմ դեպի հարավ – արևմուտք, տեղի է ունեցել 8.2 մագնիտուդով երկրաշարժ, որի ուժգնությունը մոտակա բնակավայրերում կազմել է 5 բալ, հիպոկենտրոնը գտնվում է 600 կմ խորության վրա:
Ժամը 03:30-ի սահմաններում, Reno Megan մակնիշի 33 ՍR 530 համարանիշի վարորդը, Իսակովի պողոտայում՝ SPS բենզալցակայանի դիմաց դուրս է եկել ճանապարհի երթևեկելի գոտուց և բախվել է ծառին:
Մայիսի 23-ին, դժբախտ պատահար է տեղի ունեցել Երևանում: Ժամը 21:40-ի սահմաններում տարբեր աստիճանի մարմնական վնասվածքներով «Սուրբ Գրիգոր Լուսավորիչ» բժշկական կենտրոն են տեղափոխվել երկու տղամարդ:
Երկու օր առաջ միջադեպ է գրանցվել Օհանավանի եկեղեցու՝ Հովհանավանքի բակում: «Շողակաթ» հեռուստաընկերության նկարահանող խումբը ցանկացել է նկարահանել եկեղեցին և հարակից տարածքը, սակայն Օհանավանի բնակիչներից մեկը՝ տիկին Սուսաննան, ով աշխատում է հուշարձանների պահպանման կոմիտեում, իր տղաների և ամուսնու հետ փորձել է խոչընդոտել նկարահանող խմբի աշխատանքը:
Ոստիկանության Ավանի բաժանմունքի աշխատակիցները Ոստիկանության Երևան քաղաքի վարչության Քրեական հետախուզության բաժնի աշխատակիցների հետ, օպերատիվ տվյալներն իրացնելով, Ավանի ոստիկանություն են բերման ենթարկել Աճառյան փողոցի բնակիչներ 18-ամյա Արթուր Նաղդալյանին՝ մականունը՝ Տուլո և դարձյալ 18-ամյա Երջանիկ Մանուկյանին՝ մականունը՝ Չխկո:
Վաղը «Վերջին զանգն» է:
ՀՀ կառավարությունը այսօր հաստատել է ՀՀ պաշտպանության նախարարության, ՀՀ ազգային անվտանգության ծառայության կրտսեր, միջին, ավագ և ՀՀ ԿԱ ոստիկանության միջին, ավագ, գլխավոր սպայական անձնակազմի կենցաղային տեխնիկայի ձեռքբերմանն աջակցելու նպատակով ՀՀ առևտրային բանկերի կողմից սպառողական վարկերի տրամադրման հատուկ վարկային ծրագիրը։ Ծրագրի նպատակն է աջակցել սպայական անձնակազմի համար ֆինանսական հասանելիության բարձրացմանը և կենցաղային պայմանների բարելավմանը` հաշվի առնելով […]
Ինչպես երեկ տեղեկացրել էինք, ՀՀ Կառավարությունն այսօր քննության առավ «Որսորդմիությանը» զենք արտադրելու իրավունք տալու որոշումը, որը ներկայացնում էր ոստիկանապետ Վլադիմիր Գասպարյանը։
Հովհաննես Սիմոնյանի կինը` Ռոզա Սիմոնյանն էլ ասել է, թե երբ ողոքի ակցիայի օրը գյուղացիներով փակել էին Երևան-Արմավիր ճանապարհը ինչ-որ մարդիկ ամուսնուն տարել են. «Վախցրել են, որ քաղաքական հայտարարություններ չանի, ինքը բան չի պատմում, բայց գյուղացիք ինձ ասել են: Գյուղապետ Արթուրը` մեր ծոցի բալենա, գնացել բերելա Հովիկին»:
Ժամը 16:30-ի սահմաններում «Կապանի բժշկական կենտրոն» ՓԲԸ-ից Ոստիկանության Կապանի բաժին հայտնել են, որ մարմնի տարբեր մասերի սալջարդ ախտորոշմամբ իրենց մոտ են տեղափոխվել Սյունիքի մարզի Գեղի գյուղի երկու բնակիչ:
Երևանի Թբիլիսյան խճուղի N3 հասցեի ուսումնաարտադրական մասնաշենքը հիմնանորոգումից հետո կհանձնվի մանկատների մանկատների շրջանավարտներին և սոցիալապես անապահով այլ անձանց
Մայիսի 22-ին, ժամը 14.30-ին, ոստիկանության Երևան քաղաքի վարչության Կ. Դեմիրճյանի անվան մետրոպոլիտենի պահպանության բաժնի հերթապահ մաս զանգահարած քաղաքացին հայտնել է, որ ինքը զինամթերք ունի և թողնում է «Սասունցի Դավիթ» կայարանից Սևանի փողոց տանող գետնանցման վերջում տեղադրված աղբարկղում:
Արարատի և Վայոց Ձորի մարզի ընդհանուր իրավասության դատարանում վարույթ է ընդունվել գողության փորձի մի գործ, համաձայն որի` 19-ամյա Էդգար Թարվերդյանը և 33-ամյա Արթուր Վարդանյանը երկաթգծի Արտաշատ կայարանից փորձել են գողանալ պղնձյա հաղորդալարեր:
Երեք մանկահասակ երեխաներին միայնակ մեծացնող այս կնոջ անձնական կյանքում ամեն ինչ շրջադարձային փոխվել է, երբ ամուսինն իմացել է, որ սպասում են երրորդ երեխային: Կարինեն պատմում է, որ ամուսինն իմանալով, որ, ամենայն հավանականությամբ, ծնվելու է երրորդ աղջիկը՝ առաջարկել է հղիության արհեստական ընդհատում անել:
Էն Վլադիմիր Գասպարյանը գալիս է, թե նախորդ հանցագործությունները պիտի բացեմ, բա բաց, ինչո՞ւ չես բացում, ո՞ւմ ես սպասում, դատախազությունն էլ քնած է
Amazon ընկերության նոր գլխամասային գրասենյակի նախագիծը մեծ երևակայության արդյունք է, որտեղ ցանկացած մարդ կցանկանա աշխատել:
Այրվել է գյուղի Վ.Սարգսյան փողոցի թիվ 13 տան տանիքի դուռը (2,5×4 քմ):
Մայիսի 23-ին, ժամը 17.44-ին ահազանգ է ստացվել, որ Երևանի Մաշտոցի պողոտայի և Թումանյան փողոցի խաչմերուկում տեղի է ունեցել ՃՏՊ. անհրաժեշտ է փրկարարների օգնությունը:
Ինչպես արդեն տեղեկացրել ենք, այս պահին ԱԺ դիմաց՝ Բաղրամյան պողոտայում, «Եկեք կանխենք գազի թանկացումը» քաղաքացիական նախաձեռնության անդամները բողոքի ակցիա են անցկացնում՝ պահանջելով ԱԺ-ում փակ ընթացակարգով գազի սակագնի թանկացման մասին քննարկմանն ապահովել նաև հասարակական սեկտորի մասնակցությունը:
Նրանք պահանջում են հասարակությանն այդքան հուզող գազի գնի բարձրացման հարցի քննարկմանը ապահովել նաև հասարակական սեկտորի մասնակցությունը, և որ այդքան կարևոր և հասարակությանն այդքան հուզող հարցը չի կարող և չպետք է քննարկվի փակ դռների հետևում:
2013թ. մայիսի 22-ին որոշ լրատվամիջոցներ տեղեկություններ էին տարածել, թե մայիսի 15-ին Նոյեմբերյանի զորամասերից մեկում սպանված Լյուքս Ստեփանյանի հարազատների նկատմամբ 2013թ. մայիսի 18-ին Երևան-Սևան մայրուղում զինվորականների կողմից գործադրվել են բռնություններ:
ԱԺ ՀԱԿ խմբակցության պատգամավոր Նիկոլ Փաշինյանը քիչ առաջ ԱԺ-ում ՀՀ Կենտրոնական բանկի նախագահ Արթուր Ջավադյանին, ով ներկայացնում էր Կենտրոնական բանկի դրամավարկային քաղաքականության ծրագիրը, մի քանի հարց ուղղեց:
