Հասարակություն

Ախթալայի Շահումյան 6 հասցեի բնակիչները դժգոհում են «Արտաշատ» ջրշին ընկերությունից։ Բանն այն է, որ շենքում նոր ջրագիծ է անցկացվել, բայց ջրամատակարարման որակը բարելավելու փոխարեն ավելի է վատացել։

Հունիսի 20-ին առավելապես հյուսիսային շրջաններում, 22-24-ին շրջանների զգալի մասում, գիշերվա առաջին կեսին և երեկոյան ժամերին սպասվում է կարճատև անձրև և ամպրոպ, առանձին վայրերում հնարավոր է կարկուտ, 21-ին սպասվում է առավելապես առանց տեղումների եղանակ:

Ոստիկանության Աշոցքի բաժնի ծառայողների ձեռնարկած օպերատիվ-հետախուզական միջոցառումների շնորհիվ` հունիսի 18-ին, ժամը 08.05-ին, Բավրայի սահմանային անցակետից բերման է ենթարկվել Վրաստանի քաղաքացի, 1991 թ. ծնված Գասպար Ք.-ն:

Արդեն քանի օր է՝ գործում է Լենինգրադյան-Իսակով նոր մայրուղին: Տրանսպորտային երթևեկության հոսքերը բեռնաթափելու նպատակով, Երևան քաղաքի 2005-2020 թթ. գլխավոր հատակագծի համաձայն նախատեսված, կենտրոնը շրջանցող՝ Լենինգրադյան փողոց-Ծովակալ Իսակովի պողոտա-Արշակունյաց պողոտա անընդհատ երթևեկության քաղաքային օղակաձև ավտոմայրուղի կառուցելու ծրագրով, իրականացվել է անընդհատ երթևեկությամբ քաղաքային ավտոմայրուղու կառուցումը:

Էկոլուր-ի փոխանցմամբ՝ անձրեւներից Կապան քաղաքի Դավիթ Բեկ թաղամասում գտնվող ստորգետնյա լքված հանքի դեղին ջրերը լցվում են փողոց: Մուտքի մետաղական դարպասը չկա, երեխաները խաղում են մուտքի դիմաց՝ երբեմն անցնելով բաց մուտքից ներս: Այս ահազանգը հունիսի 13-ին Կապանի քաղաքապետարանում տեղի ունեցած «Կապան քաղաքի շրջակա միջավայրի և բնակչության առողջության պահպանման 2015թ. ծրագրի» հանրային լսման ժամանակ հնչեցրել է Կապանի Օրհուս կենտրոնի համակարգող Աշոտ Ավագյանը:

ՀՀ կառավարությունը հավանություն է տվել «Ֆինանսական համահարթեցման մասին» օրենքում փոփոխություն և լրացում կատարելու օրենքի նախագծին, որի ընդունումը թելադրված է պետբյուջեից համայնքների բյուջեներին տրամադրվող ֆինանսական համահարթեցման դոտացիաների հաշվարկներում կիրառվող ելակետային տվյալները կանոնակարգող օրենսդրական դաշտում կատարված փոփոխությամբ:

2013 թ. մարտին Գեղամ Հ.-ի նկատմամբ Ինտերպոլի ուղիներով հայտարարվեց միջազգային հետախուզում: Նշված ժամանակահատվածից ի վեր` ՀՀ-ում Ինտերպոլի ԱԿԲ-ի կողմից ձեռնարկվեցին բոլոր անհրաժեշտ միջոցառումները հետախուզվողին հայտնաբերելու նպատակով:

Ոստիկանության Լոռու մարզային վարչության և Բազումի բաժնի ծառայողները հուլիսի 17-ին, ժամը 17.00-ին, Վանաձորի Երևանյան խճուղու թիվ 17 շենքի մոտից, թմրանյութ պահելու կասկածանքով, բերման են ենթարկել 1980 թ. ծնված Կոլյա Ա.-ին:

«Մետրոպոլիտենի զարգացումը մշտապես դիտարկվել է Երևանի ընդհանուր զարգացման համատեքստում և ներառված է մայրաքաղաքի 2005-2020 թվականների գլխավոր հատակագծում՝ որպես կենսական նշանակության գործընթաց:Մետրոյի ուղեգծի ընդլայնումը կարևորվում է մի շարք հանգամանքներով, մասնավորապես դրա արդյունքում կբեռնաթափվի վարչական շրջանի երթևեկը, տվյալ հատվածներում վերգետնյա հասարակական տրանսպորտի թվի նվազման հաշվին կավելանա ճանապարհների թողունակությունը։ Խնդիրն արդիական է նաև բնապահպանական տեսանկյունից»:

«Անկուշտ հարուստը աղքատներից ամենաաղքատն է», «Ե՞րբ եք կշտանալու» պաստառներով զինված ցուցարարները պահանջում էին պատգամավորներից չքվեարկել «Կուտակային կենսաթոշակների մասին» օրենքում Կառավարության կողմից առաջարկվող փոփոխությունների նախագծի օգտին:

Ինչպես հայտնի է՝ Ռուսաստանի «Справедливая Россия» կուսակցության պատգամավոր Օլեգ Միխեևը հանդես է եկել առաջարկությամբ, ըստ որի՝ Մաքսային միությունում պետք է արգելվի կրել կեդեր, բարձրակրունկ կոշիկներ ու բալետկաներ, քանի որ դրանք վտանգ են ներկայացնում մարդու առողջության համար:

«Բա շենքն էսօր էլ վթարային կդառնա, էգուց էլ, էդքան անձրեւաջրերը մտնում են պատերի արանքները: Դեպք ա եղել, ես տանը նստած, ջրի օր էլ չի եղել, կողքի հարեւանն եկել է վրես կռիվ, թե ինձ ջրըմ ես: Հետո հասկացել ենք, որ անձրեւաջրերն են շախտով իջել»:

ՀՀ կենտրոնական բանկը հարկ է համարում նշել, որ վերջինս «խնջույք» կամ «ԿԲ կորպորատիվ միջոցառում» չի եղել, այլ Հարավարևելյան Եվրոպայի Եվրոպական Հիմնադրամի տարեկան ժողովի առիթով կենտրոնական բանկի և Հիմնադրամի կողմից համատեղ կազմակերպված պաշտոնական ընդունելություն՝ հագեցած մշակութային ծրագրով՝ հնարավորություն ընձեռելով միջոցառման շրջանակում Հայաստան ժամանած բազմաթիվ օտարերկրացիներին հաղորդակից լինել նաև մեր պատմամշակութային ժառանգության գոհարներից մեկին ու վայելել բարձրարժեք երաժշտական երեկո:

Հունիսի 18-ին Վարչական դատարանում (Գյումրի), նշանակված ՀՀ ոստիկանությունն ընդդեմ Լեւոն Բարսեղյանի` վարչական պատասխանատվության ենթարկելու պահանջի մասին № ՎԴ/0026/05/14 վարչական գործով դատաքննության երրորդ նախնական նիստը, տեւելով յոթ րոպե, նորից ընդմիջվեց ոստիկանության կենտրոնական բաժնի ավագ իրավախորհրդատու, փոխգնդապետ Սոնա Մելիքյանի բացակայության պատճառով:

Այսօր՝ հունիսի 19-ին, ՀՀ ոստիկանության պետ, գեներալ-լեյտենանտ Վլադիմիր Գասպարյանը հրամաններ է ստորագրել:

Արդեն երրորդ օրն է՝ Ալավերդու Ջրավազան թաղամասի առանձնատներ տանող ճանապարհահատվածում սկսվել է նոր ջրագծի կառուցումը: Աշխատանքներն իրականացնում է «Շինաշխարհ» կազմակերպությունը՝ Ասիական զարգացման բանկի ֆինանսավորմամբ:

Գավառի մանկատան փոխտնօրեն Համլետ Բեսալյանը մեզ հետ զրույցում ասաց, որ այս ծրագրով սաներին տրված աջակցությունը երեխաների՝ ինքնուրույն կյանք սկսելու համար խիստ կարևոր է: Նա նաև նշեց, որ իրենք, ճիշտ է, երեխաներին երբեմն ուղղորդում են, թե ինչպես ծախսեն գումարները, սակայն նրանք ինքնուրույն են որոշում՝ ինչպես գործածել:

«Կառավարությունը ԱԺ է ներկայացրել «Կուտակային կենսաթոշակների մասին» նոր փոփոխված օրենքը, որտեղ հետաքրքիր և ուշագրավ կարելի է համարել պարտադիրից ազատվողների համար սահմանված տարեթիվը, որին մինչ այժմ ոչ ոք չի անդրադարձել։ Այնտեղ նշվում է, որ սոցիալական այդ վճարից, որը պետք է կուտակային լինի, քաղաքացին կարող է ազատվել, եթե դիմում է գրում գործատուին, այդ դեպքում իր աշխատավարձից գումարներ չեն պահվի մինչև 2017թ.-ի հուլիսի 1-ը։ Մինչդեռ մենք բոլորս գիտենք, որ 2017 թ. մայիսին մեզ մոտ խորհրդարանական ընտրություններ են կայանալու և, ըստ էության, պետք է փոխվի նաև Կառավարությունը»։

Տեսնես կլինի՞ մի օր, որ մեր պաշտոնյաներն ու նրանց լուսաբանող ԶԼՄ-ները հիշեն, թե երեկ կամ մոտ անցյալում իրենք ինչ են ասել կամ արել, հիշեն իրենց իսկ կառավարության կողմից ընդունված որոշումների ու հայտարարությունների մասին:

Փողոցի տեսախցիկն արձանագրել է կնոջը կողոպտելու պահը:

ՀՀ արդարադատության նախարարության «Նուբարաշեն» քրեակատարողական հիմնարկի կալանավոր Ժորա Ո.-ի հաղորդման հիման վրա ՀՀ հատուկ քննչական ծառայությունում նախապատրաստված նյութերով` ՀՀ քրեական օրենսգրքի 269-րդ հոդվածի 3-րդ մասի 2-րդ կետով և 308-րդ հոդվածի 2-րդ մասի հատկանիշներով հարուցվել է քրեական գործ:

YouTube սոցիալական ցանցում հայտնվել է տեսանյութ, որտեղ երևում է, թե ոստիկանները ինչպես են բռնությամբ բերման ենթարկում Աֆրիկյանների տան պահպանման համար պայքարող ակտիվիստ Աստղիկ Աղեկյանին։

Էջմիածնում երեկ՝ հունիսի 18-ի երեկոյան վիճաբանություն է տեղի ունեցել, հնչել են կրակոցներ, որից վիավորվել է ԱԺ ՀՀԿ խմբակցության պատգամավոր, գեներալ Սեյրան Սարոյանի եղբորորդին:

Հունիսի 19-ի դրությամբ Հայաստանից Ռուսաստանի Դաշնություն և Շվեցարիա է արտահանվել 49.0 տոննա ծիրան:

Արագաչափերի, կարմիր գծերի եւ տեսախցիկների դեմ պայքարող «Դուրս մեր գրպանից» քաղաքացիական նախաձեռնության անդամներից երկուսին այսօր՝ հունիսի 19-ին, տեղի ունեցած ավտոերթի ժամանակ Արշակունյաց պողոտայից բերման ենթարկեցին։

Դորտմունդի «Բորուսիայի» եւ Հայաստանի հավաքականի կիսապաշտպան Հենրիխ Մխիթարյանը հունիսի 19-ին այցելել է Գյումրիի Ֆրիտյոֆ Նանսենի անվան մանկատուն։

Հունիսի 19-ին, ժամը 12.37-ին ահազանգ է ստացվել, որ Գեղարքունիքի մարզի Լիճք գյուղում գտնվող Ագրիճա գետ քաղաքացի է ընկել. անհրաժեշտ է փրկարարների օգնությունը:

Երևանի Յուրի Բախշյանի անվան մանկական այգու վերանորոգման ծրագրային աշխատանքներին զուգահեռ, ականավոր քաղաքական գործիչ Յուրի Բախշյանի այրու՝ Անահիտ Բախշյանի նախաձեռնությամբ այգու միջավայրի գեղարվեստական ձևավորումը՝ այգու տարածքում պատերի նկարազարդումը, երեխաներն են կատարում։
«Տասնամյա այս այգու հիմնանորոգումը կատարվում է Մալաթիա-Սեբաստիա վարչական շրջանի 2014 թվականի ծրագրերով, ներառված է քաղաքապետարանի բյուջեում։

ՀՀ կառավարությունն իր այսօրվա նիստում ընդունել է Շիրակի մարզի Ալվարի գյուղական համայնքի ղեկավարի լիազորությունը վաղաժամկետ դադարեցնելու, համայնքի ղեկավարի արտահերթ ընտրություն նշանակելու, անցկացնելու և ընտրության նախապատրաստման ու անցկացման ծախսը ֆինանսավորելու որոշում:

Կարապետյանների ընտանիքի անունից շրջանավարտներին շնորհավորելով ավագ դպրոցն ավարտելու կապակցությամբ՝ «Տաշիր» բարեգործական հիմնադրամի ներկայացուցիչները մաղթեցին, որ նրանք կարողանան իրենց ուրույն տեղը գտնել այս կյանքում, և որ իրենց իսկ անցած տարիները դաս լինեն հետագա ողջ կյանքի համար:
Այնուհետև շրջանավարտների ու նրանց ուղեկցողների համար «Սինեմա Սթար» կինոթատրոնում կազմակերպվեց կինոդիտում, ապա և հյուրասիրություն:
«Տաշիր» բարեգործական հիմնադրամի մամուլի ծառայություն