ԱՄՆ տիեզերական հրամանատարության շտաբ-բնակարանը կտեղափոխվի Ալաբամա. Թրամփ
ԱՄՆ տիեզերական հրամանատարության շտաբ-բնակարանը Կոլորադոյից կտեղափոխվի Ալաբամա։ Նախագխծի մասին հայտարարել է ԱՄՆ նախագահ Դոնալդ Թրամփը, հաղորդում է Reuters-ը։
«Ես ուրախ եմ հայտարարել, որ ԱՄՆ տիեզերական հրամանատարության շտաբ-բնակարանը կտեղափոխվի Ալաբամա նահանգի Հանթսվիլ անունով մի գեղեցիկ վայր, և այս պահից սկսած այն հավերժ «Հրթռիային քաղաք» կկոչվի,- ասել է Թրամփը։
Թրամփը հայտարարել է նաև, որ Հանթսվիլը, որտեղ կտեղակայվի ԱՄՆ տիեզերական հրամանատարության նոր շտաբ-բնակարանը, «հիմնական դեր» կխաղա «Ոսկե գմբեթ» հակահրթիռային պաշտպանության համակարգի ստեղծման գործում։
«Ինչպես գիտեք, դա մեծ իրադարձություն է լինելու։ Բոլորը ցանկանում են դրա մի մասը կազմել։ Մենք ունենալու ենք ոսկե գմբեթ, ինչպիսին ոչ ոք երբեք չի տեսել։ Լավագույններից լավագույնը։ Եվ, ի դեպ, Կանադան է զանգահարել։ Նրանք ցանկանում են դրա մի մասը կազմել, և դա հիանալի է լինելու»,- նշել է Թրամփը։
«Ոսկե գմբեթը» 175 միլիարդ դոլարի արժողությամբ հակահրթիռային պաշտպանության համակարգ է, որը Թրամփը հայտարարել է այս տարվա սկզբին և որի նպատակն է օգտագործել հարյուրավոր արբանյակներից բաղկացած ցանց՝ հրթիռները խոցելու համար, երբ դրանք արձակվեն այնպիսի երկրներից, ինչպիսին են Չինաստանը, Իրանը, Հյուսիսային Կորեան կամ Ռուսաստանը։
